【國際新食力】Starbucks都有酒飲？台灣唯一門市搶先全球出「咖啡啤酒」

「蘋果加玟瑰」已經夠出位，嚟到2017仲有「啤酒加咖啡」呢樣好似九五搭八嘅組合，仲出現喺Starbucks！其實喺美國同日本好多年前已經有「酒+咖啡」飲品，只係今次連大型連鎖品牌都有得飲，台灣Starbucks領先全球，推出自家咖啡豆精釀嘅咖啡啤酒、美國都未有！

乞次首度喺指定商圈採用分時段經營，位於台北東區嘅龍門新概念店會推出「Starbucks Evenings」，於下午16:00後，除全時段供應嘅咖啡飲品外，更加入酒類選擇，包含使用星巴克咖啡豆精釀嘅獨家咖啡啤酒、紅/白酒以及氣泡酒等，並搭配多種食物，等你多個地方Happy Hour。

咖啡啤酒系列，每週日至四16:00-22:30供應，每週五至六16:00-23:30供應。全球獨家嘅「咖啡啤酒」 Columbia Vanilla Cream ALE 4.5%(台幣$200)、 Guatemala Holiday Coffee STOUT (台幣$280，季節品)，特選哥倫比亞、危地馬拉兩大咖啡豆，以精釀方式萃取出咖啡烘焙風味，仲有熱帶果香酒花艾爾Tropical IPA 6%(台幣$200)，目前不設外賣。

▲Columbia Vanilla Cream ALE 4.5%、 Guatemala Holiday Coffee STOUT

紅酒系列則有美國Cabernet Sauvignon(台幣$250)、阿根廷紅葡萄酒Malbec 2012(台幣$250)；白酒則有意大利白葡萄酒 Pinot Grigio(台幣$250)，以及意大利氣泡酒Prosecco Extradry(台幣$380)，

除咗酒款，今次亦推出兩款新品咖啡，典藏氮氣冷萃咖啡Nitro Starbucks Reserve®Cold Brew，將氮氣注入低溫慢速萃取嘅冷萃咖啡中，有如滿滿綿密泡沫，泡沫慢慢沉澱的過程中，會出現出美妙嘅漸層。

▲典藏氮氣冷萃咖啡/典藏冰搖濃粹咖啡

典藏冰搖濃粹咖啡Starbucks Reserve® Iced Shakerato Bianco，使用星巴克典藏咖啡Ristretto Espresso，製作經典嘅冰搖咖啡，急速冷卻嘅濃縮咖啡香氣保留在咖啡當中，並加入用咗雲尼拿調味嘅糖漿製成嘅忌廉，帶出咖啡的焦糖香甜感。

為搭配咖啡啤酒等飲品，食物方面亦有新品，如泰式風味豬肉帕里尼，以手工虎皮麵包夾入以辛香料同肉碎，體現出泰式典型風味，鹹香微辣；菠菜蘑菇鹹派以菠菜及蘑菇搭配煙肉；洋蔥牛肉薄餅於彈性薄皮麵包鋪上意式香料風味牛肉球同菇等，融入3種芝士。配酒小食則有原味堅果、西班牙臘腸風味薯片可配。