7837 0
去過日本嘅你一定聽過PABLO呢個大名。PABLO可以話係日本國寶級嘅芝士蛋糕,每個遊客去到日本都會去PABLO專門店朝聖一下,因為呢到時不時都會推出各款期間限定口味嘅芝士蛋糕,滿足晒鍾意新鮮感嘅你,有時多款到唔記得,一齊睇返佢出過咩口味先!

限定朱古力芝士撻



PABLO喺2015年至2016年期間曾經推出呢款朱古力芝士撻,入面有一粒粒嘅朱古力,的確令人有一種不顧一切都要食嘅衝動。


一月限定 草莓大福芝士撻



今年1月限定發售嘅草莓大福芝士撻用當造日本士多啤梨製成,表面舖滿香甜士多啤梨同藍莓,賣相超吸睛。


826限定 超級水果寶石撻




喺2016年8月26日推出嘅特別版超級水果寶石撻,上面有齊士多啤梨、藍莓、白桃等各種水果,見到色彩繽紛嘅水果相當吸引,當時仲要以超抵價826円發售。唔知今年嘅826又會推出啲咩款式嘅期間限定呢?


岡山限定 麝香綠葡萄「晴王」芝士撻




「晴王」係岡山縣特產綠葡萄專有嘅名,果實特別大粒,甜度極高而且無核,可以連皮食都唔會覺得苦澀。PABLO用上「晴王」綠葡萄舖滿喺芝士撻上面,感覺超豪華,難怪當時推出嘅時候風頭一時無兩。

全部過晒時食唔到?以下落嚟就會一次過介紹而家或即將喺唔同分店推出嘅期間限定口味,大家記住Bookmark定,下次去日本試返夠本喇。

靜岡限定 黑蜜白玉焙茶味




呢款黑蜜白玉焙茶味只限靜岡店發售,用上靜岡特產烘焙茶葉配上煙韌白玉同香甜黑蜜製成芝士撻,充滿微微回甘嘅茶葉味,無咗一般芝士撻嘅甜膩感,適合唔鍾意食太甜嘅朋友。


沖繩限定 紫薯芝士撻




用上日本沖繩特產之一嘅紫薯製成芝士撻,表面吱滿厚層嘅紫薯鮮奶油,實在令一眾紫薯控好難忍到口。


京都限定 板栗蕨餅抹茶芝士撻




喺得京都分店限定發售,當然要用當地最出名嘅宇治抹茶嚟整芝士撻啦。略帶苦澀嘅抹茶芝士撻內更含有蕨餅同栗子,令口感更豐富,大家下次去京都睇紅葉嘅時候記得試埋呢款口味喇。

情人節限定 烤棉花糖朱古力芝士撻



全日本喺今年2月1日至2月14日將會推出依款情人節限定芝士撻,芝士撻上面有一粒粒烤棉花糖而且吱滿朱古力醬,只係睇外表吸引。但原來芝士撻內裡仲有一粒粒真朱古力,同愛人一齊share真係好時sweet! 

 
文:Dap

圖片來源:PABLO 

追加:

哈根大師限定口味回顧(一)
哈根大師限定口味回顧(二)

隨時接收最新資訊
讚好OpenRice專頁!
相片
之前同大家回顧咗Häagen-Dazs多款期間限定口味。話咁快說嚟到第三集,今次開飯仔會再介紹更多曾經大受歡迎...
相片
位於氹仔舊城區官也街(即手信街)巴士站行前少少的One More Café,中文名溫摩咖啡。小編第一次看到他們...
unknown
文章搜尋
更多
年份
推介文章
春天真是最適合野餐的季節啊~可以出門透透氣、曬曬太陽,也有輕輕的風吹著,一點也不怕熱。小編都已經和朋友們安排好週末去公園野餐了,你呢?去野餐除了該準備好野餐墊,最重要的當然是小食啦~今天小編邀請你一起動手做做好吃又健康的春天士多啤梨小食。只需十分鐘就可以完成簡單又美味的點心,一定會讓你的朋友對你刮目相看! 更多
過去熱門文章
是咁的,嚟緊4月16號就係布甸狗嘅20歲生日,所以三至四月喺日本有布甸狗展覽加限定甜品、Sanrio Puroland特別主題小食,連去便利店都有布甸狗布甸杯賣!各位布甸狗Fans準備好同佢一齊慶祝生日未? 更多
Top