通常開飯仔介紹嘅卡通主題餐廳，都會有唔同吸睛造型美食，至少都會加牌仔裝飾再夾返個主題裝修。但澳洲墨爾本呢間餐廳就一反常態，黑白簡約裝修，無論係壽司定燒肉都無乜特別裝飾，但其實係一部瘋魔唔少大細路嘅卡通主題餐廳嚟？
墨爾本呢間Tetsujin主要分Sushi Train即係迴轉壽司，同日式燒肉兩個部分，就咁睇一兩張環境相，絕對諗唔到係咩主題。
但睇多少少細節位同牆身裝飾，再加埋個餐廳名......其實呢間係日本卡通鐵人28嘅主題餐廳！
唔知係咪為咗照顧細細個睇鐵人28嘅而家已經變成大人，呢間鐵人28主題餐廳走型格低調風，驟眼睇仲以為係咩新派日本菜餐廳。
餐廳除咗壽司同燒肉，仲會不定期推出新菜式，例如冬天最啱嘅鍋物，同近年外國都大熱嘅Super Food抹茶甜品，又的確幾跟得上潮流嘅。
各位鐵人28嘅Fans，會唔會考慮嚟低調地打個卡？
圖：Tetsujin
開飯編輯推介：
3. 10月份好評餐廳十強
熱門文章推介：
1. 5間新晉龍蝦包餐廳大比拼
3. 油麻地特色美食地圖
隨時接收最新資訊
讚好OpenRice專頁！