【只想專注做好牛腩】金融經紀轉行灣仔開濃湯牛腩麵店 招牌牛骨濃湯崩沙腩河
2021-04-01

飲食業出名辛苦,係咩驅使你毅然放棄高薪厚職走去開餐廳?只係因為有一顆跳出Comfort Zone嘅心。「我本身份工人工高福利好又夠輕鬆,但我覺得如果而家我唔做,再老啲就無咁嘅魄力。」灣仔呢間濃湯牛腩麵店,老闆Tommy本身從事外匯金融經紀工作,因為希望退休前畀自己一個挑戰,所以就襯疫情期間租金下降,開設呢間主打濃湯牛腩嘅小店,用最好嘅食材,一心專注做好牛腩。

餐牌選擇貴精不貴多,老闆只想專心一致做好牛腩。


Tommy零飲食業經驗,但自己本身就好鍾意食牛腩,喺屋企成日都整,唔少朋友食過都話好,大讚比坊間知名牛腩店更好食,所以佢對自己出品都好有信心。


招牌陳大哥崩沙腩河($98)


店內所有牛腩都向牛腩名店牛皇莫拎貨,皆因Tommy食過咁多牛腩,都係覺得佢哋嘅牛腩最出色,「佢哋嘅牛腩味道好獨特,帶有一種甘香。」牛腩用牛骨湯炆煮,一定要注意火喉,唔可以炆得太腍或太韌。講到識食當然要食崩沙腩,呢個部位肥少少,牛脂味香濃,分得再仔細啲,Tommy推薦大家食爽腩位置,「呢個位置只有只有一層膜,特別有咬口,而且最稀有,有時見到啲客人唔識以為係肥膏就唔食會好心痛。」如果唔想食脂肪多嘅部位,可以改食牛坑腩($78),牛味會重啲。


湯底方面,同坊間一般見到嘅清湯腩好唔同。老闆自家研發咗牛骨濃湯,用大量牛骨及雞殼等食材熬製而成,牛味突出。


更多【新店直擊】:
1. 自家原創焦糖酥皮曲奇Pookie、流心抹茶口味 香港人氣曲奇網店實體店登陸大坑
2. 必試招牌台式蔥油雞+香濃奶油蝦煲 太子人氣台灣菜小店荔枝角重開
3. 超過1200萬打造!佐敦全新50年代舊香港風主題火鍋店 超靚花花主題牛肉拼盤+牛乳玫瑰鍋


特色牛腩濃湯拉麵($60)

呢個牛腩濃湯拉麵老闆係從日本濃湯拉麵取得靈感,平時都係聽豬骨濃湯拉麵多,牛骨濃湯坊間真係較少見,湯底充滿膠質,配上牛腩、牛筋、木耳絲、溏心蛋等食材,味道頗有驚喜。


咖喱牛腩($68)、咖喱三寶($45)

咖喱係餐廳另一招牌,一開始做嘅時候味道偏向港式,Tommy有一位大廚朋友就覺得未夠驚喜,所以私下傳授咗呢款帶有東南亞風味嘅咖喱畀佢,咖喱微辣重椰香,亦有陣陣香料味。


牛市

地址: 灣仔軒尼詩道288號英皇集團中心地下G13號舖





文: Yanica

相: Tom Li


關鍵字
灣仔
牛腩
牛骨濃湯
小店
新店直擊
走在最前線,為大家搜羅及報道有關新開餐廳的資訊。
餐廳資料
本月熱門
【隨時更新】零食速報 每周新款零食、酒品點評
2021-04-12
【2021生日優惠】超爽著數!免費任飲任食日式燒肉/火鍋(持續更新)
2021-04-12
悠長假期 復活節下午茶推介
2021-03-26
【最平$298最貴$938】佐敦新開日式和牛燒肉放題 獨家引入鹿兒島小田和牛
2021-04-09
【只想專注做好牛腩】金融經紀轉行灣仔開濃湯牛腩麵店 招牌牛骨濃湯崩沙腩河
2021-04-01