【又到聖誕】聖誕大餐Last Call！精選人均$500以下晚餐

忙到而家先醒起下星期就係聖誕佳節？無問題！開飯仔幫大家揀嚟唔同國家菜式同唔同特色嘅聖誕套餐，而且人均消費$500以下，同另一半食完再同朋友屋企人食都唔會肉赤，好似係。

女朋友或者男朋友係呢英國品牌嘅Fans嘅話咁就啱哂啦，銅鑼灣旗艦店今年係首次推出聖誕除夕套餐，前菜有沙沙醬煙三文魚鮮蝦禮盒，主菜就栗香火雞卷配蘋果香酒汁同威靈頓牛柳二揀一，最後食埋英式聖誕布甸伴雪糕配暖心吉士醬，夠哂窩心。不過只限網上訂座呀留意返。

英倫聖誕除夕套餐
供應日期：2018年12月21日至25日、31日
價錢：$888/兩位
訂座：https://online.modamiahk.com/tc/x-mas/

聖誕主題店嘆韓烤　炑八韓烤

呢間連鎖韓式烤肉店今年搵嚟韓國人氣畫家Drawing Mary合作，將太子店搖身一變成Drawing Mary 主題店，掛滿Mary為餐廳繪畫嘅作品同聖誕插畫，特別得嚟又有聖誕氣息！

全線分店亦供應兩款聖誕套餐，佳節當前當然介紹比較豐富嘅MerryMary 韓國聖誕大餐，當中主打嘅係特級牛肋骨同招牌韓牛西冷，前者配自家製醬汁夠惹味，後者牛香濃郁帶脂香。套餐仲包埋仁川珍寶大蝦、芝士生蠔、厚切牛舌等，再加埋暖心人蔘雞湯，好Warm呀。

MerryMary 韓國聖誕大餐
供應日期：即日起至2018年12月31日
價錢：$780/3-4人用

名廚意式聖誕大餐　Jamie's Italian

由名廚Jamie Oliver開設嘅呢間意大利餐廳嚟到聖誕無Mark up得太高，係想平平地食個西餐嘅好選擇。Set Dinner包哂前菜、主菜同甜品，四款主菜當中有齊應節嘅烤火雞、炭燒西冷、燉海鮮，同香烤椰菜花配意式青醬沙律，無論係食肉獸定想食健康啲都有選擇。

Festive Set Dinner
供應日期：即日起至2018年12月30日
價錢：$298/位

浪漫環境加分西餐　Love Cafe

油麻地呢間西餐廳之前重新裝修，簡約風格加上紫色同白色主調都幾浪漫。而聖誕四道菜聖誕晚餐亦非常豐富，包括頭盤、湯、主菜同甜品。特別推介4揀1主菜當中嘅扒安格斯肉眼配百里香燒汁，同甜品嘅香濃朱古力火鍋配新鮮水果及棉花糖，既滿足男士嘅「肉」望又可以滿足女士嘅甜品胃吖嘛。

Feast Your Way 聖誕晚餐
供應日期：2018年12月24至26日、31日、2019年1月1日
價錢：$428/位

美式扒房悠閒晚餐　The Chop House

尖沙咀呢間美式扒房平時比較啱一大班人一齊開心Share，今年平安夜同聖誕節佢地就特別推出聖誕套餐，情侶檔去試就唔洗諗太多啦。套餐包括前菜、湯、主菜同甜品。主菜方面餐廳推介係烤釀法國火雞同意大利牛仔肉，而兩款甜品聖誕布丁同伯爵茶朱古力慕斯都好吸引！

Christmas Set Dinner
供應日期：2018年12月24日至25日
價錢：$398/位

歐陸風格四道菜晚餐　Angel & Devil

觀塘呢間餐廳今年以歐洲食材為主題，四道菜晚餐包括香煎法國鵝肝、半燒鮮吞拿魚柳及焗烤田螺，黑松露牛肝菌忌廉湯同甜品自家製聖誕木頭蛋糕。主菜就係三揀一，食肉獸可以揀燒西班牙伊比利豬肩肉配波士頓龍蝦，想Light啲就有燒西班牙伊比利豬肩肉配波士頓龍蝦。

冬日節慶晚餐
供應日期：2018年12月23至26日、31日、2019年1月1日
價錢：$388/位起

一大班人想一齊開個熱鬧Party？呢間德國餐廳就啱哂啦！呢個派對狂熱巨型拼盤唔單止多款小食、沙律同主菜，好似香脆魷魚圈、德式麵包圈配風乾火腿、原隻燒春雞、番茄黑松露醬大蝦意粉等，分量十足。仲包埋2小時生啤同汽水任飲，一定盡興。

派對狂熱巨型拼盤（沙田分店暫不供應）
供應日期：即日起至另行通知為止（請於一日前預訂及最少8人份量）
價錢：$350/位

文：Cathy