【兔年禮盒】2023新春送禮精選 抹茶+焙茶蛋卷/炮竹迎春舞獅禮盒
2023-01-16

好快又到周圍拜年嘅日子喇,每年新年最頭痛都莫過於揀賀禮。送賀禮除咗得體,更可以令家人同朋友感受到你嘅心意,又點可以馬虎了事呢~開飯仔今年繼續為大家搜羅多款賀年禮盒,選擇超多而且適合唔同對象,一定解決到你嘅煩惱!


目錄

  ►Valerie Pastry:抹茶+焙茶蛋卷 + 酥yummy雜錦禮盒
  ►Godiva:2023新年限量巧克力系列
  ►Lady M:My Melody新春糖果禮盒
  ►Paul Lafayet:2023玉兔迎春禮盒及瓷碟組合
  ►當文歷餅店:炮竹迎春舞獅禮盒
  ►『百子』燒菓子 & 洋菓子 專売店:兔年賀年燒菓子禮盒
  ►COOKIEBOY:手工曲奇
  ►City’super:雜錦烤蝦煎餅+Yataro雪解年輪蛋糕
  ►微熱山丘:新年旺來平安禮盒
  ►香港維港凱悅尚萃酒店 x 望月:「兔年有餘」蝴蝶酥賀年禮盒
  ►共廚家作:香港製造賀年禮盒
  ►奇華 x 角落小夥伴:角落小夥伴賀年鳳梨酥曲奇禮盒
  ►望月:經典蝴蝶酥禮盒/芝士椒麻曲奇 & 玄米茶曲奇


Valerie Pastry 抹茶+焙茶蛋卷 + 酥yummy雜錦禮盒

早幾年推出過嘅宇治抹茶同焙茶蛋卷,蛋卷鬆脆有蛋香,兩款嘅茶味都好香濃,今個新年終於再次食到啦!酥Yummy雜錦禮盒就集合晒店舖嘅招牌產品,包括皇牌蝴蝶酥,五款曲奇同甜而不膩嘅菠蘿金酥~


Godiva 2023新年限量巧克力系列

今年呢間朱古力專門店推出2023 新年限量巧克力系列,有草莓夾心白巧克力、杏仁夾心黑巧克力同開心果夾心牛奶巧克力,聽到都覺得好吸引。


Lady M My Melody新春糖果禮盒

呢間蛋糕店同Sanrio攜手合作推出My Melody新春糖果禮盒,禮盒以Melody為主題,加上喜慶紅色櫥櫃造型,可愛度十足。抽屜內藏6款新年特別款Lady M Bon Bon糖果同朱古力,一定要送畀鍾意Melody嘅朋友。


Paul Lafayet 2023玉兔迎春禮盒及瓷碟組合

主打法式甜品嘅餅店,佢哋嘅玉兔迎春禮盒及瓷碟組合好適合送禮,包括蝴蝶酥、花生脆糖、南瓜籽脆糖、黑糖杏仁脆糖、意大利朱古力、茉莉花茶、日本焙茶及牛油蛋卷,仲有利是封同迎春瓷碟添。



當文歷餅店 炮竹迎春舞獅禮盒

禮盒以華麗嘅紅色登場,上層嘅兔子圖案表演緊傳統嘅舞龍舞獅,好可愛!盒內包括6粒手工製作嘅軟心朱古力,花朵形狀嘅紅棗牛油蛋糕同重點產品紫米紅米合桃糖年糕,淡淡嘅紫米香加上軟糯口感,好有特色。


『百子』燒菓子 & 洋菓子 專売店 兔年賀年燒菓子禮盒

憑網格拿破崙最近成功由網店轉為實體店嘅餅房,推出金色包裝嘅兔年賀年燒菓子禮盒,裡面花生醬拿破崙酥、焦糖蝴蝶酥、雙重朱古力蝴蝶曲奇,同朱古力焦糖榛子。兩款酥餅一如既往咁出色,估唔到另外兩款朱古力相關嘅都做得唔錯,香口得嚟唔過甜。



COOKIEBOY 手工曲奇

本地著名嘅手工曲奇,由前五星級酒店糕點師研發。最近更換上全新啞金色包裝,用嚟送禮高貴又好味,價錢都幾貼地~佢哋嘅曲奇外皮鬆脆,內餡略帶煙靭,口感多層次,最受歡迎嘅係經典朱古力塊、花生醬、紅絲絨等口味。 



City’super 雜錦烤蝦煎餅+Yataro雪解年輪蛋糕

無人可以抵擋到日本零食嘅魅力!呢間日本超市有供應多款適合新春送禮嘅零食畀大家,推介桂新堂雜錦烤蝦煎餅,香脆又鮮味十足。新產品Yataro雪解年輪蛋糕選用100%朝霧生牛奶,味道濃郁,口感濕潤鬆軟。


微熱山丘 新年旺來平安禮盒

以新年旺來餅及平安餅作配搭,寓意歲歲平順及年年興旺。前者以綿密嘅餅皮包裹滑順細膩嘅奶黃及經典酸甜鳳梨醬;後者以飽滿嘅桃山皮(豆沙)餅皮包裏來自日本青森糖漬紅玉蘋果果肉,酸甜清脆。


香港維港凱悅尚萃酒店 x 望月

「兔年有餘」蝴蝶酥賀年禮盒包裝設計由香港藝術家Leon Lollipop操刀,以其「馬賽克系列」為藍本,喺傳統國畫畫布上使用牡丹丶蝴蝶和錦鯉等充滿活力嘅圖案。蝴蝶酥採用紐西蘭牛油,口感鬆脆有層次,帶有焦糖馥郁香氣,卻又甜而不膩。


共廚家作 香港製造賀年禮盒

梗係要支持下本地製造嘅禮盒喇~特別集結基層婦女及香港微品牌製嘅賀年禮盒,包括果茶、咖啡掛耳包、堅果零食、脆餅及鳥結糖等等,全部心機手作限量製造,送禮自用皆宜。



奇華 x 角落小夥伴 角落小夥伴賀年鳳梨酥曲奇禮盒

又係角落小夥伴!呢個禮盒盛載住「炸豬扒」造型、「蜥蜴」造型鳳梨酥各一件,以及「企鵝」造型朱古力曲奇及「白熊」造型牛油曲奇各四件,並附送一套兩款的角落小夥伴利是封,送畀有小朋友嘅家庭最啱。



望月 經典蝴蝶酥禮盒/芝士椒麻曲奇 & 玄米茶曲奇

除咗經典蝴蝶酥禮盒,呢間本地知名月餅品牌今年亦有一口曲奇、朱古力脆脆等產品。芝士椒麻曲奇混合四種芝士及四種辣椒製成,濃郁芝士味中滲出輕微麻辣,愈食愈上癮。玄米茶曲奇選用日本滋賀縣丸安茶業玄米茶粉,比一般茶味曲奇更具獨特香氣及口感。 



文: Yanica






關鍵字
兔年
新年
賀年禮盒
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【2023生日優惠】持續更新!2月壽星嘆免費薄餅/自助餐
1天前
【專訪】均香日賣300磅角仔 兩代老闆上陣 陪深水埗街坊走過40年
2023-01-11
【隨時更新】零食速報 每周新款零食、酒品點評
5天前
【兔年開飯】新春自助餐指南 早鳥優惠低至75折
2023-01-09
4大創意煲仔飯!日式鰻魚煲仔飯、火焰玫瑰肥牛煲仔飯
2023-01-05