「糭」啱你心意 端午節全新口味+特色糭推介
2024-05-23

仲有唔夠一個月就係端午節,未買糭過節嘅話,今年開飯仔搜羅咗一系列新口味及特色糭畀大家,無論送畀人定自己食都好合適呀。


紫薯紫米 帝苑酒店

今年推出多款端午節龍舟粽,兩款新口味包括金腿蛋黃鹹肉糭同紫薯紫米糭。前者以原片金華火腿加上等五花腩製成,入口肥而不膩,加上優質鹹蛋黃更顯層次;後者選用香甜軟糯嘅紫米加入紫薯,香甜味美又具嚼勁。


海膽花膠糉 翠園

鍾意海鮮嘅朋友留意~海膽花膠糉嚴選優質海膽,加配口感軟滑嘅厚肉大花膠,矜貴得嚟鮮味滿滿。另外仲有帶子雙鮮糉,加入厚肉飽滿嘅原粒帶子以及鮮味土魷,鮮中帶甜。甜糉則推介蛋椰咖吔鹼水糉,特選東南亞特色咖吔醬製成蛋椰咖吔餡,椰香濃郁。


至尊栗子東坡肉糉 富豪酒店

今年新推出兩款上海糉,獨特之處在於以濃而不鹹嘅上海醬油醃製糯米,烹調後嘅糯米呈焦糖色,餡料亦相對簡約,主要食糉葉清香同清雅米香。至尊栗子東坡肉糉就用傳統上海名菜東坡肉入饌,口感軟綿嘅糯米包住入口即融嘅五花腩肉,加埋清甜嘅栗子更豐富。


紫米奶黃流沙糭 九龍香格里拉/香港嘉里酒店

台北遠東香格里拉紫米奶黃流沙糭傳承咗台北遠東香格里拉嘅秘方,紫米同糯米比例適中,內餡為濃郁幼滑嘅奶黃餡,香甜可口。香宮台灣冰晶甜糭禮盒共有三種口味,包括花生、豆沙同香橙熱情果,香橙熱情果果香十足,好清新~


韓式人蔘雞糭 奇華餅家

想應節之餘又可以補身,呢款韓式人蔘雞糭就啱晒!以原條韓國人蔘配上嫩滑雞肉、清甜嘅紅棗同栗子,甘甜嘅人蔘精華完全滲入糭內。為咗令口感更輕盈清爽,特別選用含豐富膳食纖維嘅小米代替部分糯米。


咖啡溏心蓮蓉鹼水糉 細味公平

使用公平貿易食材,消費同時令小農受惠~首創嘅咖啡溏心蓮蓉鹼水糉,材料選用低糖蓮蓉、公平貿易有機咖啡同糯米,帶淡淡咖啡香,幾有特色。


全新養生素糭 采悅軒

雲集多種營養豆類,包括綠豆、紅腰豆、鷹嘴豆等,係素食人士嘅健康之選。配搭埋竹笙、冬菇、紅棗、栗子等食材增加口感,輕盈又美味,送畀長輩就最啱!


文:Yanica



關鍵字
端午節
應節食品
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
持續更新! 2024生日優惠 食盡歐亞各式料理
2024-07-02
【2024新店精選】7月更新! 嘆印度土邦宮廷菜、典雅江南菜
2天前
【隨時更新】零食速報 每周新款零食、酒品點評
2024-07-09
前五星級酒店烘焙主廚尖沙咀開店 推千層酸種蛋撻、牛角包
2024-06-26
香港5大花甲粉推介 街市入新鮮貨、自家炒醬
2024-06-21