好耐冇食西餐，行完荃灣西嘅商場之後就嚟到呢一間比較有特色裝修嘅西餐廳食晚飯，我哋叫咗個二人Pizza set 墨西哥雞肉芝士餡餅 呢個值得推介，佢唔似Pizza一塊塊有個餅底上邊有啲Topping咁沉悶，佢係一個脆脆嘅餅底，裏面包住滿滿嘅餡料，入口啖啖肉，而且Pizza皮唔會好似平時嘅Pizza咁厚，自己幾鍾意食呢個，覺得幾有驚喜 蕃茄濃湯同龍蝦濃湯都各有特色，蕃茄濃湯嘅蕃茄味好香，龍蝦濃湯亦都好鮮龍蝦味，而且裏面仲有幾隻小龍蝦，兩款餐廳味道都唔差 泰式柚子墨魚仔沙律 呢個沙律略嫌失色，但係唔知係咪本身對佢嘅期望係似泰國嘅柚子沙律咁嘅味道而去判斷，呢個嘅味道冇咁出，比較普通 BBQ醬滋味豬肋骨配薯條 豬肋骨都幾大嚿，而且醬汁好惹味，不過略嫌骨多過肉，薯條脆卜卜好有口感 蒜香辣椒炒大蜆 呢個都比較出色，蜆肉好入味，而且唔會太辣

燒肉其實都唔係要去日本，佢間油質素嘅居酒屋都一樣食到靚牛肉 凍蕃茄 呢個前菜之前喺日本食過真係好好食，然後喺香港去親居酒屋都一定會叫黎食，再加上食燒肉食得多會比較膩，就一定要配呢一個前菜嚟清一清口腔嘅膩感 甲羅燒 呢度可以嗌甲羅燒自己燒，不過就略嫌麵包有啲硬，但係蟹膏味道都唔錯，好有鮮味 我哋叫咗好多款唔同嘅牛肉，入口都唔錯，呢個嘅價錢食呢個嘅質素係合邏輯，份量亦都唔少，除咗肉類之外，仲有雞皮，呢樣真係有驚喜，因為佢係成塊雞皮俾你自己慢慢燒 除咗以上都仲有海鮮，蔬菜類俾你選擇，食物款式都多，強烈推介大家過嚟試一試

超級鍾意食泰國嘢，聽聞呢間泰國餐廳啲泰菜都幾出色，仲要店舖裝修得非常之靚，用嚟打卡一流。 生蝦 呢度啲生蝦都幾新鮮，入口蝦肉好彈牙，再配埋辣椒同蒜頭再加埋佢哋嘅酸辣汁一齊放入口超級開胃🤤 咖喱軟殼蟹 軟殼蟹有一隻，滿滿嘅咖喱味，因為軟殼蟹浸在咖喱之中，所以有啲部位就唔會再係脆口，入口啖啖肉，咖喱唔會太辣，亦都非常惹味，再配埋薄餅食超級好食 甘蔗蝦 甘蔗蝦真係大大嚿，而且外脆內軟，又彈牙，滿滿嘅蝦肉感覺，值得再encore 冬陰功湯 冬陰功湯材料超級足夠，而且味道都好好，不過略嫌有少少酸得滯，如果鍾意酸啲嘅朋友就會覺得好好飲，味道媲美正宗冬陰功湯，如果二人嘅話每人都可以飲到兩碗半，份量都足夠 泰式奶茶 食泰國菜點可以唔飲泰式奶茶㗎，呢度嘅泰式奶茶係用自家製嘅玻璃樽裝好，再俾你倒出嚟飲用，奶茶好綿滑，而且好濃郁茶味，飲落口唔會太甜，值得推介

有一段時間聽到放題都覺得怕怕，因為食物質素唔太好，感覺比較求其，但係朋友介紹呢間食物質素唔差，亦都對得住個價錢，款式種類亦都好多，所以就嚟試吓🥰 入到嚟環境都唔會太差，而且生蠔亦都可以任食，非常新鮮🤩最特別嘅就係連甲羅燒都有，真係比較高質嘅放題👍🏻👍🏻 唔單只係炸物，刺身，鍋物，連啤酒都係任飲，亦都好推介大家試下，因為應該係用啤酒機斟出嚟，因為啲泡非常綿滑，連我呢個唔係鍾意經常飲啤酒都覺得超級正

非常鍾意食串燒嘅我，嚟咗呢度試吓呢間嘅串燒，入到去氣氛環境都唔錯，唔會太過多人 呢度嘅串燒都燒得幾好味，唔會太辣，易入口，最驚喜嘅就係燒蠔，一啲都唔腥，而且啖啖肉，亦都唔算細隻👍🏻👍🏻 辣椒蒜蓉花甲 呢碟花甲真係估唔到，蜆肉大大嚿，唔會細細粒冇肉食咁樣，而且在沾滿辣椒蒜蓉，特別香口 千味餃子 餃子係佢哋自家製，而且非常多味道選擇，而且價錢相當便宜，皮薄餡靚🤤 燒新鮮菠蘿 呢個燒完上枱，聞到勁香，已經即刻忍唔住想食一舊，菠蘿非常之鮮甜，唔會太酸，非常可口

收工黎左呢度食晚餐，見到新開🤩食物種類又多選擇，唔只係茶餐廳既野，超讚👍🏻 黑椒雞扒炒意粉 食得出炒得好夠火喉，雞扒好入味又嫩滑，意粉夠爽口彈牙，雞扒份量都多，大大嚿啖啖肉，而且再配埋黑椒，微辣，更香口惹味 招牌酸菜魚 呢個真係估佢唔到，一間茶餐廳黎講聽係做得幾出色，味道唔差幾好味，湯底濃郁，魚肉夠滑，而且份量唔少，我哋叫既係小size，但都好夠2人食，仲要有超級多酸菜同寛粉添，呢個值得推介 川辣辣子雞丁 呢個雞丁既雞肉係比較大粒，一直出面食既都較細粒，易入口唔會好辣，再加埋腰果一齊炒，好香好惹味

睇中咗佢哋用蘭王蛋🤩🤩所以點都要入去試一次。 蝦頭油肉餅飯 非常香蝦油味，而且飯上面亦都鋪滿蝦乾仔，然後最出色嘅就係肉餅，非常濃郁味道，食過之後你會發現係喺出邊食唔到嘅味道亦都係喺出邊茶餐廳食唔到嘅肉餅，再加埋蘭王雞蛋，建議食法就係整穿蛋黃，等蛋黃留落白飯嗰度一齊入口更加正👍🏻👍🏻 蜜桃鮮茄焗豬扒飯 超級大份量嘅一個焗豬扒飯，而且除咗蕃茄同豬扒之外，仲會多咗蜜桃，令到成個飯味道層次咁提升咗好多，同一般嘅茶餐廳焗豬扒飯真係好唔同，每一啖都好Juicy。

非常鍾意食藥膳雞湯嘅我就嚟到呢一間唔止淨係食藥膳雞湯米線嘅餐廳，佢係做淮山麵，亦都有泡飯，餃子之類可以食。 藥膳花膠雞淮山麵 藥膳雞湯非常濃郁，而且花膠都好入味，最值得推介嘅就係面底係用咗淮山麵去代替米線，唔會咁悶剩係得米線食，而且淮山麵入口彈牙，非常特別，仲會有油炸鬼做伴菜，強烈推介大家食完麵之後飲埋個湯，因為真係超級正。 魚湯手工韭菜餃 魚湯好香，直程係可以飲晒落肚嘅老火湯咁，韭菜餃皮薄餡靚，份量有八粒，其實都足夠飽👍🏻👍🏻 炸墨魚卷 呢個係非常推介嘅小食，炸到脆卜卜卜，而且墨魚肉都係好彈牙，係真有粒粒墨魚肉的

每次嚟到紅磡呢度經過呢間台灣食店都覺得裝修好靚好特別，每次都係好多人喺出邊排隊，今次見人唔會太多，就嚟咗試吓呢間台灣菜🙂 紅燒牛筋腩油麵 呢個湯底簡直正到爆，非常濃郁，紅燒牛筋腩好腍，而且朔晒濃郁嘅湯底，入晒味，完全唔需要落任何調味料都已經覺得好好味 懷舊滷肉飯（小） 滷肉飯亦都係非常出色，冇諗過小小的一碗飯，都可以咁用心去做，上邊嘅滷肉鋪滿整碗飯，而且每一粒滷肉都好入味，非常濃郁，而且好香，一啖飯裏面有唔同嘅口感真係超級讚 酥炸花枝丸 呢個酥炸花枝丸真係超級正，用咗香葉去炸，外皮脆脆卜卜，內裏熱辣辣而且好多墨魚肉，值得encore 地瓜拉餅 呢個可以話係當甜品食都得，因為地瓜甜甜地，好似食緊紅豆窩餅咁，味道唔錯 茉香奶茶，冬瓜檸檬蘆薈 兩杯飲品都各有特色，而且唔會太甜 個人覺得呢間台灣菜真係比較出色，唔怪得知人頭湧湧每晚都排滿晒隊，值得推介

有朋友介紹呢間打邊爐超級好食，就嚟咗打邊爐，一上到嚟見到勁宮廷式嘅裝修，超級特別，亦都望到有提供宮廷服裝俾你着用打卡🥰 店內亦都好貼心咁提供咗圍裙，唔會食到成身都係，尤其是麻辣湯底好易沾污糟個衣服 我哋叫咗一個鴛鴦鍋，一邊係麻辣湯底，另一邊係芫荽皮蛋湯底，一嚟到麻辣湯底超級香，但係芫荽皮蛋湯底都一樣咁出色，直程可以當湯一樣飲😲 因為我勁鍾意食菇菌類嘅關係，所以叫咗一set命名為四菌子嘅食物，因為四款都係菇菌類👍🏻👍🏻而呢個菜式亦都係店長推薦的，當中有繡球菌，竹笙等等 需要推介嘅就係凌王蝦滑，蝦滑超級彈牙，而且滿滿的蝦肉，無論係麻辣湯底定係芫荽皮蛋湯底都一樣好食。 嚟到一定要試嘅就係黃喉，入口爽滑彈牙，另外精品肥牛脂肪同肉比例剛剛好，唔會太肥亦都唔會太瘦👍🏻👍🏻 鴨血非常新鮮，上枱嘅時候顏色係鮮紅色😲