近排Hit croffle 呀！即係牛角包窩夫呀～ 灣仔都有得食🤩 可以趁lunch去飲番杯咖啡chilll chilll😌 我幾鍾意呢個設計～ 空間就唔大～入面坐到兩至三人 之後出面有張長凳同埋小檯仔！ 唔飲咖啡嘅可以試吓抹茶🍵latte （朋友話幾好喎！😜) 食甜品就飲番杯iced Americano中和下～ Tiramisu Croffle必食😍 咖啡味超濃～配埋cream cheese雪糕 又幾夾咁 其實我已經食過兩次！真係唔錯～ Croffle都可以自己揀唔同雪糕配搭～ Flat white如果再幼滑會更好～ 不過一杯 $50，少貴嘅😬 但個feel幾chill

繁忙的lunch時段～ 喺灣仔見到一間好fresh好靚既門面～ 就入咗去試呀！仲要唔使等位！啱啱好～ 係一間菲律賓fusion餐廳～ 我去過菲律賓但係都唔係好記得signature food😂 不過就見到近排好Hit的椰菜花飯～ 我叫左雞扒的椰菜花飯～好中意喔😍 如果想食少啲澱粉～可以選擇食佢哋嘅椰菜花飯。 椰菜花飯咁hit，因為取替左飯，可以攝取少啲澱粉及熱量，但又多咗纖維仲有抗氧化功能，好岩上班族🤪 其實佢個雞扒都好入味～唔知係咩醬，但好惹味，雞肉唔會太鞋。但係最好味嘅就係椰菜花飯，我係第一次食～一食落去就有好香嘅蒜味，原來加咗好多蒜頭入去，我好鍾意食蒜頭🧄🥰所以特別中意 如果唔鍾意食蒜頭嘅人就可能會覺得太多🧄 但係鍾意嘅人就會一啖接着一啖🤪 椰菜花飯望落去真係好似飯咁～不過有咬口～ 其實食完都幾飽下！不過個口就勁大浸蒜頭味🤣 大家要小心😆 另一個都係椰菜花飯不過係牛肉～ 見唔見到入邊好粉嫩嘅顏色😍 好嫩呀！媽媽咪呀🤪 影相打卡一流😘 另外就係肉丸意粉啦～我會建議要食呢個先，因為上面嘅椰菜花飯比較濃味，會蓋過坐呢碟意粉🍝 其實佢幾肉丸係幾好味，不過得兩粒就少咗啲～ 而佢個意粉係食得出用好多新鮮蕃茄整～鮮甜😋 咁岩我又中意d扁平的意粉，加分～ 不過講到尾我都係鍾意椰菜花飯～ 喺灣仔返工嘅你可以去試呀！😚

返新工，第一日收工後嘅晚餐～😚 灣仔竟然都有一間神秘嘅台灣餐廳😆 我平時好少食台灣菜，因為媽媽就係正宗台灣人，所以我覺得好少有人會煮得好食過媽媽😂 木寸豆十：🌲！ 門口嘅裝飾就真係好台灣～尤其信箱📪 食物嘅選擇都唔算多～ 蒼蠅頭其實就係指碎絞肉，仲有d韭菜⋯⋯一粒粒咁，因為個形狀似蒼蠅所以就咁樣叫🤣 我覺得就普通，份量都唔大，而且唔夠熱～ 醉雞～我就覺得酒味唔夠濃郁 因為我自己平時都有整開花雕酒雞捲，仲有花雕流心蛋😚 滷肉飯都真係好普通⋯⋯冇乜comment 仲有嗌到一份滷排骨㗎，冇影到相添～ 滷汁唔夠入味，排骨好柴⋯⋯ 簡單來講，餐廳個裝修就真係好有台灣風味，適合打卡嘅～但如果食物來講真係好一般，完全冇台灣古早味，性價比低。不過勝在冇乜人～ *無偌好(台語: 不太好的意思)，真係好麻麻地嘅餐廳。

元朗新開cafe!🥰 朋友不斷介紹所以去試吓啦！😉 白色的感覺令人好放鬆～ 如果坐左邊👈🏼好似係自己個小世界～ 朋友強烈推介要食慢煮牛肩胛肉三文治配粗薯條，仲有日式海膽意大利麵～🤣 Flat white就正常～我覺得唔夠滑～ 呢個三文治份量好大呀！ 配上我鍾意嘅粗薯條🍟正！ 有冇人覺得粗薯條食落去夠口感🤣 旁邊嘅沙律都好fresh~平時唔鍾意食小蕃茄嘅我都食哂😆 你睇吓你睇吓！ 入面嘅牛肉好多啊😝 仲好厚肉～ 食落去好多汁～除咗厚嘅果塊牛肉比較難咬之外🤭 另一個令我驚艷嘅就係呢個海膽意粉～🥰 因為我個人冇話特別鍾意食海膽～ 但係一上菜就勁香海膽味～ 仲有好鮮甜的三文魚籽😍一咬就爆汁 意粉個硬度啱啱好～個汁有好香海膽味但唔會太漏，比較清爽☺️真係一啖接着一啖😋 我遲吓有一篇都係食海膽意粉，到時大家再留意吓～ 點解講話你想食都食唔到嘅海膽意粉呢～🤣 老闆話而家因為疫情，所以海膽未必可以穩定咁由日本運到香港，個價格仲好飄忽～咁啱前一日就啱啱海膽到咗！ 好lucky呀，我地食到落足重本嘅海膽意粉😍 唔使幾分鐘已經K.O.晒🤣 份量來講都相當足夠，男朋友亦食到飽飽！ 我都極力推薦呢個日式海膽意大利粉🌟 食物質素極高～服務都非常好😍 嘆番杯咖啡☕️嘅時候，記得download Gafe app呀～可以直接喺app度儲咖啡印花，就唔使驚印花卡唔見啦。 可以search下附近有咩咖啡店係join左Gafe 😆

Feed Your Nerves😝餐廳名好有意思😚 我都覺得食物不是只填滿肚子，台語更有句說話叫”呷粗飽”，即係食飽就好啦，冇乜要求。 食飯除了維持基本功能，比能量之外，更加需要照顧自己的心靈。💓 每次唔需要等好耐位就已經覺得好開心～ 係每日嘅小確幸🧡 揀嘢飲先～killing your thirst 😚 Flat white好滑～拉花亦唔錯 不過咖啡味好似有少少燶燶哋～😗 唔飲得咖啡嘅你可以試吓抹茶鮮奶～ 拉花一樣靚～抹茶味濃郁💚 樣樣都睇落好好味咁🤭 明太子蟹肉蕃茄扁意粉🍝正常啦不過不失 反而呢個燒牛肉芝士洋蔥牛角包有驚喜呀！🥰 因為個份量實在太大嚇親我🤣 牛角包好香脆，咬落去口感好正🤪 入面有滿滿的牛肉，唔會太”un”仲有芝士！ 呢個配搭一流😋覺得好滿足～ 我覺得一個人真係會飽到上心口🤣尤其飲埋flatwhite😆 Matcha Latte vs Flat White 尤其工作後，更加需要一杯咖啡和一份美食去治愈心靈，令自己休息一下，停一停再出發。🥳 記住一個星期要搵一日feed your nerves!😚

灣仔都開咗ethos，表示興奮☺️ 之前去過西環嘅ethos～鍾意食Affogato❣️ 突然間覺得係灣仔返工好幸福😚 可以同朋友嘆返過jeng lunch😆 唔好意思淨係影咗drink menu🤪 事關太肚餓啦⋯⋯🤣 Affogato 有三款～我就食classic😜 係有兩球雲呢拿雪糕呀😍 主食未到～就食住甜品先😍 咁熱嘅天氣～食返雪糕好正～🌞 雲呢拿雪糕香濃，配上espresso，正正子😍 冰火二重奏😆 我會留返少少espresso，直接飲～ 咁就又食到Affogato又飲到咖啡☺️ 之前都寫過review啦～咁就唔再講咁多啦 想食下意粉，有花花～好靚呀😍 勁適合打卡🤪 鍾意大啡菇，好juicy😋 仲有我鍾意嘅白菇😍好多菇 Pasta就唔算好creamy～black truffle味就正正常常～意粉硬度唔會過林，都okay~ 但係食完之後都幾口渴～要飲返多啲水或者black coffee😬 我比較鍾意冬陰功意粉🍝 朋友仔就叫咗wasabi egg Benny ($138) 另外加咗牛油果 🥑（$25） 份量都幾多😮都有花花🤩 望到靚嘅食物心情都開心🥳 沙律幾fresh～至於蛋就唔算好流心～中規中矩啦 食完都無敵飽！配返杯americano先得～😙 🖤🖤🖤🖤🖤🖤🖤🖤🖤🖤🖤🖤🖤🖤🖤🖤 幾鍾意Cafe嘅環境～係型格黑色設計🖤 不過地點都真係幾隱蔽下～可以係secret cafe~ 仲要行好長嘅樓梯～不過係值得㗎！仲可以book位添😚 去到一幻拉麵之後繼續向前行，會見到chicken peas，旁邊有條巷仔，然後就會見到好長嘅樓梯！冇睇錯就係要行上去😂 然後見到右手邊適安街 然後穿過呢條巷仔～轉右就到啦！ 行完咁多路！都消耗咗呢餐啦🤣 快啲去book位啦！😚

紅磡黃埔，有一間隱蔽的日式餐廳😙 係我朋友多次推介下，果然食咗一次就想再回頭～ 剛好是家人朋友認識之下，話呢度嘅日本料理好正宗！ 入到店舖充滿日本風～ 仲有日本師傅坐鎮～真係好似去咗日本～ 我鍾意佢哋嘅手寫餐牌～d字在太靚😍 已經好加分！ 由於太多頁我冇影晒全部食譜😜 梗係要叫杯啤酒🍻飲下～ 第一次去嘅時候係食迷你鰻魚飯～ 本身諗住應該食唔飽，但其實都夠飽！ 鰻魚好香～肉唔會太薄～個汁撈飯最正！ 第二次就梗係要試吓佢哋出名嘅稻庭烏冬～ 食冷烏冬～☺️ 佢哋嘅烏冬係屬於偏幼身～據說喺日本唔同地區嘅烏冬都唔一樣。 烏冬好彈牙，我鍾意個口感，但個人喜愛粗啲嘅烏冬～ 我好鍾意加蔥同wasabi落烏冬😎 天婦羅🍤都真係好好味😋 炸皮唔厚，唔會過油，好脆，有日本嘅感覺😜 另一個係鰻魚燴飯～鰻魚就唔使講啦，有水準！ 我個人其實唔鍾意食燴飯，湯飯呢一類型 ⋯⋯但係冇諗到都幾好食，好鮮甜呀～ 鰻魚的近鏡～ 除咗煮食之外當然唔少得小食啦！ 日式炸雞～我幾鍾意佢哋嘅炸物 炸得好酥脆，唔會太油，要保持肉質鮮嫩多汁！ 雞軟骨我個人覺得鹹咗啲⋯⋯鍾意天婦羅同炸雞多啲😚 如果想試吓正宗嘅日本料理，就要去呢度啊，因為好多日本人都嚟食㗎！🤪

平時假日，大家都懶洋洋咁，想留係屋企～ 不如就去一間懶洋洋嘅Cafe～做返一個lazy creatures🤣 襯返個店名 是日menu 呢個個泰式意粉有驚喜呀～ 好香咖喱味，有少少辣，個汁好惹味～ 意粉硬度啱啱好，撈埋啲咖喱汁好正！ 海蝦彈牙爽口，成個意粉份量都足夠～ 因為個咖喱汁都好creamy，所以食完好飽～ 咖啡都飲唔落🤣 大家可以睇吓唔同咖啡嘅分別～ 樹懶好得意呀😝 flat white好滑～不過個咖啡味不是我杯茶😗 配上餅餅，滿足😋 好耐冇食過呢塊餅～配咖啡一流 Cappuncio好大杯😜 意粉同咖啡上菜速度都好快～ 環境都好舒服～ 下次去九龍城唔係淨係食泰國菜啊！仲有Cafe☺️

屬於土瓜灣的星球Cafe😚 內裏裝修走復古風，打卡一流～ Drink menu好可愛，用星球命名😍 Little Planet 係Piccolo💫 個名好可愛🌞 鍾意美少女戰士嘅我，一定要飲番杯小星球😜 好似飲Cocktail，cheers! Piccolo 好香濃，非常醒神☺️ 如果接受唔到較濃咖啡味，就試吓呢杯latte～易入口架 不得不讚，佢哋嘅拉花真係好靚⋯⋯ 因為我哋應該至少過左廿分鐘，仲keep得好好 完全冇起泡😆犀利呀！ 叫左個慢煮左八小時的牛～肉質真係好嫩，蘿蔔非常入味😋配上五穀米，成個定食好健康～又飽肚 要食埋甜品先滿足，迷你scone～ 我覺得配cream就無敵😚 係時候，尋找屬於自己的小星球💫

長沙灣其實都有唔少咖啡店，不過有好食bagel就⋯⋯未見過，亦都未聽過～唯獨，Lungo! 自從係西營盤Hashtag Coffee食咗Bagel之後，發現原來自己都鍾意食😚所以就約好友一齊嚟食🤪 Bagel的價錢都唔算貴，比起其他Cafe算係平～ 我見到⋯⋯Magic!!! 同Hashtag coffee一樣，有Ristretto FlatWhite😍一定要試吓！ Flat White，望落就知道好滑～😚 呢杯係我嘅Magic😍，比正常版Flat White細杯少少。因為係Ristretto，所以咖啡非常濃郁！ 我鍾意呀😍，飲落口真係好順滑～ 放埋一齊就睇得出，Magic個杯係濃好多～ 因為我先飲咗Magic，所以就覺得正常flatwhite冇乜味🤣 重頭戲！就係貝果🥯！Bagel😚 我揀咗雞肉配wasabi😚食落冇乜負擔感～ 醬汁好開胃😙 重點係bagel真係好好味😋外脆內軟～ 健康之選😚如果想再健康啲就要走醬 另一個係Parma ham配cream cheese，我覺得只要係bagel配cream cheese就無敵！！！😍 不過我鍾意雞肉多啲，如果可以配cream cheese就好啦🤪 整體來講咖啡環境好舒服～播住Taylor Swift的歌好開心🤩咖啡好飲，bagel又好食，CP值高呀！Magic太正🥰，要再po，鍾意飲濃少少嘅FlatWhite就記住試下Magic😜