之前食過lunch覺得都幾貴，但星期日同阿媽行過見倒新Menu，小食平左好多！又突然好想食啲酸野，就比多次機會佢。 其實冇咩點諗直接就揀咗個二人餐，因為都有我想食佢個雞，同米紙卷。 同埋嗌咗本身門口見倒想食嘅柚子大蝦沙律，同泰式鳳爪😍，小食30幾蚊真係算抵，仲要一上菜見倒好大碟，沙律有好多隻蝦，鳳爪都好多隻！ 值得一讚個蘿蔔！好入味lum，佢個湯應該係平時湯河嘅牛骨湯，好甜。食完唔記得影因為本身以為都冇乜特別，但真係個亮點🤩 另外我不嬲好鍾意食雞，上次lunch食例牌唔夠喉。 小食拼盤都好鍾意，個雞翼套好食叫多咗碟。 附上餐牌：

第3次黎Mango Tree，係最好食嘅一次，相隔第1次黎有2年了，發現多左好多惹味菜式！今次令我番轉頭嘅主角就係烤魚！因為同行朋友唔食得辣，叫唔倒最想食嗰個青胡椒酸菜魚，但叫左個香茅椰青雞烤爐魚，驚喜嘅係望住個侍應成隻椰青倒落去，嗰陣椰香味衝埋黎勁香！今次揀左鱸魚，但下次想試下鯰魚，侍應話滑啲但鱸魚魚味重啲，煎香左再烤，配埋啤酒一流！最後一定要飲埋啖湯，因為成隻椰青倒落去真係好甜好好味！ 最左食烤魚，仲嗌左串燒，嗌左燒白鱔、燒雞翼，雞翼最抵食！ 冬蔭公係我泰菜一定叫的，呢度有成4隻大蝦喺入面！勁多草菇好足料！ 飛天通菜都走唔甩，但就真係份量少左啲。 最後一定要講嘅係甜品！淨係睇賣相都夠吸引！個椰子雪糕口感好特別！亦好香！雪糕下面仲有啖啖椰子肉，佢為椰子控真係好想食多個！ 今次最想講嘅係同第一次黎（2年前同朋友慶生），少左啲fushion菜但係多左好多惹味菜式！我個人反而鍾意食番呢啲重口味傳統泰菜多啲！比起第一二次黎食覺得性價比更高。

其實開左十幾年，聽聞晚餐唔錯環境唔錯，想試下。 lunch多人，嗰度多位就入左，個expectation都高，但個落差好大。 啲 lunch set 唔特別但偏貴，最平都要$63。雞胸雞扒都唔嫩，炸雞胸個粉太多，味道整體係正常。 龍俐柳係中上，忌廉湯上品，唔止係南瓜湯，仲有黑松露。 但係要讚嘅係飲品，呢個位真係性價比好高，由18$-28$ 都係唔洗加錢，首推凍朱古力，唔會太甜同好滑，我係飲mocha，都好好飲。 環境一定係ok，但可能同價都有更好的選擇。

勸大家唔好唔好千祈唔好去食！ 一心諗住睇presslogic介紹，會同豚王嘅翠王有得揮⋯⋯ 內文講到湯底幾甜，麵底幾彈牙blahblahblah 講到cp值幾高⋯⋯ 但係只係一碗 ⋯⋯西洋菜湯底+鹼水味嘅麵⋯⋯個湯完全冇淆過豬骨。佢係有得揀直麵或者曲麵，仲有得揀濃湯程度，我已經係揀左最濃，但係完全唔濃。 仲要70幾蚊，係冇野飲，啲waiter好慢。 簡直侮辱左拉麵😞🤢🤢我第一次食唔晒⋯⋯ #以身試伏 #上網嘅嘢都係唔好信咁多