最近好多朋友去左日本玩，日日都po佢地係日本嘅美食，搞到我好想食日本野🥹今次朋友就帶左我去呢間位於荔枝角嘅居酒屋，話水準都唔錯，可以滿足都我想食日本野嘅願望❤️ 餐廳生意非常好，平日嘅晚上都坐滿晒人。我地被安排坐係吧枱，雖然冇咁舒服但可以近距離望住師傅整野食🤣 ✨金酒杯（$168） 金酒杯賣相好吸引，入面有海膽、三文魚子同拖蘿蓉，全部都係高級嘅魚生，食材新鮮好味。 ✨金龍卷（$158） 作為餐廳嘅signature當然係一定要試喇🤣師傅仲好識做咁係我地面前卷，滿足我地打卡嘅願望。材料同頭先嘅金酒杯大致相同，但就多左咸蛋黃，成個combination都幾特別。 ✨自家製雞皮蝦/厚燒牛舌芯/西班牙豬肋條（$116/$58/$58） 除左魚生外我都叫左幾款串燒試下，當中最特別嘅係雞皮蝦，係第二啲地方都好少試到！ ✨和牛三文魚子甜蝦蓉銀丼($238) 和牛又係另一款食極都唔厭嘅食材❤️入口即溶，非常好食！ ✨壽喜燒和牛鍋（$480） 最後呢個壽喜燒價錢唔平，但用嘅都係靚牛肉，一望啲油花就知道🤤食落口感入口即溶，值得推薦！

已經有一段時間冇食過韓國嘢，特別掛住醬油蟹同燒肉，今次朋友就揀咗呢間餐廳，一次可以滿足晒我兩個願望。 我同朋友揀咗個二人燒肉套餐，牛肉比較貴，所以我哋就揀咗豬肉（$399），有兩款唔同味道嘅五花腩同埋豬頸肉，再加埋必備嘅泡菜，非常豐富。 我自己就比較鍾意辣味嘅烤五花腩，食落唔會太辣，腌料非常入味。 之後就到我最期待嘅醬油蟹，食一如以往嘅鮮甜，撈飯食，簡直係一流。 最後我哋仲叫多咗個人蔘雞湯暖吓胃，呢度嘅人蔘雞湯人蔘味道又唔算好濃，但勝在新鮮滾熱辣。

這次和朋友到尖沙咀吃廚師發辦的日式料，每位$1188的價錢可以吃到天婦羅和壽喜燒，一次滿足兩個願望。 前菜三品分別是茶煮梅貝、喺高豆腐和陳皮凍蕃茄，賣相精緻又好吃。蒸蛋上加上了螢光魷魚，口感嫩滑。第一道為海老天婦羅，外層的麵衣細薄而香脆，海蝦的鮮甜固然不在話下，口感出奇地彈牙爽口。接著是北海道產粟米芯，味道爽甜。 第二道海鮮是北海道帆立貝，師傅故意將其炸至半生，外脆同時留有刺身般的細滑口感。接著便是我最喜歡的生蠔天婦羅，餐廳採用了兵庫縣生蠔，作天婦羅的生蠔不能選太大，會更容易控制口感。 最後一道天婦羅為餐廳自家制的蕃薯糕，微甜的口感很適合作為甜點。 吃完天婦羅後便是壽喜燒的主場了，餐廳分別選用了美國的西冷肉、日本A4級和牛肉眼和黑毛豬梅頭肉，看著師傅熟練地烹調牛肉也是一種享受。 師傅會按客人的喜好控制熟度，5成熟的西冷牛肉牛味較濃，並不會被壽喜燒的甜味蓋過。和牛肉眼的油花看起來已經非常吸引， 吃起來口感如想像般嫩滑，口腔內佈滿了壽喜燒的咸甜味和和牛的油香，讓人回味無窮。 餐廳早鳥晚鳥有七折優惠，而其他時段及全日酒水八折優惠，性價比不錯！

最近久違地興朋友去左觀塘嘅工廈食晚餐，揀左呢間叫做Relish嘅餐廳。以工廈餐聽黎講，佢地嘅價位都算偏貴，每份晚餐大概$300-$400左右，但勝在夠豐富，包左前菜、餐湯、主菜同甜品。 ✨Welcome Drink 用餐前先黎一杯welcome drink,紫色嘅紫蘇梳打賣相非常吸引，入口亦非常清新。 ✨Appetizer(火箭菜沙律 & 煙燻鵪鶉髀） 前菜我同朋友就揀咗火箭菜沙律同煙燻鵪鶉髀share，我自己特別鍾意個沙律，入面加左番石榴同菲達芝士，味道開胃。 ✨Soup (乾邑龍蝦湯） ✨Main (香煎法式鵝肝大啡菇意大利飯） 餐廳嘅每道菜式賣相都好吸引，呢道risotto 呈亮麗嘅鮮黃色，上面嘅鵝肝煎至外焦內軟，油香十足。 ✨Main (鹿兒島A4和牛西冷） 餐廳選用左A4級嘅鹿兒島和牛，食落肉質嫩滑，牛味唔算好濃郁。呢道菜嘅side dish亦非常吸引，我就特別鍾意個松露薯餅，口感creamy而且帶濃郁嘅松露香。 ✨Dessert

今次同朋友約左係呢間叫Mano嘅餐廳食飯，本來都係諗住搵個地方聚一聚，對食物唔抱有太大期望，但味道卻出乎意料地好味，算係幾有驚喜。 ✨Mano Meatballs ($138) 前菜之一嘅意式肉丸，上面加滿左芝士，食落口感柔軟，配合特調嘅茄汁，味道非常開胃！ ✨Beef Carpaccio ($168) 另一道前菜我地揀左生牛肉薄切，口感幼嫩，上面嘅醬汁同火都菜令味道更為清新。 ✨Traditional Porchetta ($238) 主菜嘅意大利烤豬非常出色，不愧為餐廳嘅招牌菜😋外層嘅豬皮烤至酥脆，帶有蜜糖的甜味。肉質肥瘦肥瘦均勻，口感嫩滑，值得一試。

在香港想吃到好吃的中東菜，選Bedu不會讓你失望。這家餐廳我已經吃過幾次，每次都會有驚喜❤️ 餐廳在上環的歌賦街尾，這條街上有好幾家我很喜歡的餐廳，有機會的話可以一一介紹。 每次來都必點的就是他們家的smoke hummus, 非常creamy而且帶有煙燻香，讓人會吃上癮的味道。 這次還點了松露鴨肉燴飯，松露味非常誘人，也是非常推薦！ 烤羊架也是他們家的招菜之一，這次的羊架烤得有點太熟，但吃起上來味道還是很不錯，上面的開心果牛油絕對是點晴之筆！

平時食西餐食到厭厭地，今次就同朋友搵咗間巴西同日本fusion菜試吓。餐廳位於上環嘅SOHO區，裝修得非常之有特色，有着拉丁美洲獨特嘅熱帶風情。 平日嘅七點前都係happy hour ，酒品每杯只需$50左右，非常抵飲！我同朋友就點咗杯Cocktail of the day，望落有少少似Mojito，味道非常清新。 手握壽司精選分別係吞拿魚山椒、帶子海膽泡沫同煙燻鴨胸，食材新鮮，而且調味獨特。特別鍾意呢件帶子海膽泡沫壽司，食起上嚟鮮味十足。 木薯芝士粒非常有咬口，中間有少少芝士嘅鹹香。甜辣醬有少少似麥當勞嗰種，呢度菜我就覺得冇乜特別。 炭燒肉眼扒都幾值得推薦，牛扒外層淋上咗青醬，食落帶有微微的焦香。口感唔算話好腍，但勝在牛味香濃。 甜品黑朱古力球好似一粒大型金莎咁，賣相非常之吸引。外面嘅脆皮係黑朱古力，中間嘅朱古力mousee亦唔會好甜，味道都唔錯。

平時成日係銅鑼灣搵食，最近就同朋友去左呢間西班牙餐廳食飯。餐廳門面嘅藍白色裝修非常有歐陸風情，半圓嘅大玻璃窗有自然光透入，環境舒適。 我地唔知食咩好，見✨tasting menu($388)價錢唔算好貴，就揀左黎試下。 ✨西班牙小辣椒 Tasting set包幾款經典嘅西班牙小食，呢款炸青椒其實並唔辣，食落帶少許甘苦味，我個人幾鍾意。 ✨蕃茄多士 上面加左一片酸酸嘅辣肉腸，味道不俗。 ✨西班牙炸丸子 新鮮炸起嘅小丸子食落外層香脆酥軟，內裡creamy。 ✨西班牙海鮮焗飯 經典嘅西班牙菜式，火喉抵制得唔錯，飯粒食落幾乾身，中間食到西班牙煙肉同埋各種各樣嘅海鮮，非常豐富。 ✨慢煮牛臉頰配南瓜蓉 經過慢煮烹調嘅牛臉頰口感非常軟，酥味較重。 ✨香煎鱸魚配蘆筍 鱸魚外皮煎至香脆，魚肉嫩滑。

最近同朋友去左尖沙咀食omakase,揀左呢間位於天文台道嘅秋田刺身日本料理。我地當日食嘅set每位$1380，包左20樣唔同嘅野食，超級豐富。 ✨先付三品 前菜三品分別係螢光魷魚、海帶同海螺，三款味道都唔錯，清新開胃。 ✨沙律 ✨燒扇貝 呢道本來係茶碗蒸，但因為我唔鍾意食蛋，師傅非常貼心咁改左做一道燒扇貝，值得加分。 ✨刺身五品 個set包左五款唔同嘅刺身，當中有生蠔、赤貝、油甘魚海膽卷等，每樣我都好鍾意。 ✨壽司六貫 壽司六貫都係我平時鍾意嘅款式，當中有唔少都係油分十足嘅貴價魚，我自己覺得個右口魚邊同最後嘅海膽最好味。 ✨湯品 奶白色嘅魚湯，魚味非常濃郁鮮甜。 ✨甜品&生果 最尾有日本蜜瓜同抹茶奶凍作結。

平時最鍾意就係識新野，最近就約埋朋友一齊食左一間新開嘅fushion菜fine dining. 餐廳可能因為岩岩開冇耐嘅緣故，晚市人流唔多，但menu設計得非常有誠意，絕對值得試下。 成個tasting menu每位$1188，total有6個course, 店員會細心為我地介紹每一道菜，等我地除左食之餘都更了解菜單背後嘅心思。 ✨Amuse Bouche 餐廳嘅Amuse Bouche無一個小拼盤，上面有三款精緻嘅小點心。我最鍾意嘅係一個千層酥，雖然細細舊但非常有層次，上面加左絲狀嘅羊奶芝士，味道幾有驚喜。 ✨Starter Starter係一款意式奶凍，上面加左少少魚子醬同雞油佢點綴，口感細滑。 ✨Bread ✨2nd Starter 第二款starter係意大利雲吞，外面淋上解菌湯，味道清新。 ✨3rd Course 第三道菜係燒三黃雞腿，餐廳用左一個非常得意嘅presentation——雞腿連爪一齊上，中間綁住左麻繩方便客人用手食，相當過癮。 ✨4th Course 第四道菜係一道蒸馬友魚，上面鋪滿左北海道海膽，兩樣都係我喜歡嘅食材！成個combination 我地當然食得非常滋味。 ✨Main 食左咁多道course黎到main course, 我就揀左個鴿子，因為平時比較少見，結果真係幾比到驚喜我！同平時食開嘅鴿子肉唔同，佢地烹調嘅鴿肉呈鮮紅色，食落嘅滑嫩度比和牛有過之而無不及，非常推薦！ ✨Dessert 最後嘅甜品就咁睇落係一碗白色嘅泡泡，但食落層次感非常豐富，中間係茶味雪糕，味到甘中帶甜，食到我讚不絕口。