上網見啲食家話呢間蝦拉麵好掂，今日去開尖沙咀，就記得要黎試下。去到舖頭對面街，見到落左閘，好失望，行過去閘前睇下張告示講咩，原來搬左對面街，即係正正我地頭先企果個位置。好彩行過去望一望，唔係就走寶了！ 舖頭唔大，咁岩都仲有張人枱，所以可以即刻入座。店員細心話今日淨係蝦拉麵，其他款式都冇晒。冇所謂，我地原先都諗住係食蝦拉麵，另外仲加左個醬油青口小食。 先講拉麵，店員放低拉麵後，會喺你面前落蝦油，落完之後已經聞到好香蝦味。食麵前先飲啖湯，好濃郁，同埋個湯好杰身，仲有啲蝦米粒。拉麵本身唔會煮到好淋，夠爽口。最欣賞係麵入面兩隻蝦，蝦身已經脫晒殼，肉質鮮嫩，彈牙。 醬油青口反而冇咩驚喜，醬油有少少辣辣地，都好食既。我地冇額外叫飲品，食完麵過左兩個鐘，都唔口渴，証明冇落味精，非常欣賞。 去開尖沙咀既朋友，不妨一試。

今日同友人食午餐，叫左一個二人餐，包括有三文魚刺身，吉列大蝦兩隻，吉列帶子兩隻，吉列豬柳同吉列豬扒，甜品有芝麻雪糕。飲品仲可以揀酒類飲品，多款日本牌子啤酒俾你揀！
三文魚刺身厚切，好新鮮
主角出場，見到呢個吉列拼盤，真係不自覺地嘩左一聲。由於本人非常鍾意食炸物，所以呢個吉列真係無敵。每件食物都炸得非常好，入口不油膩，加上非常脆口。好怕食吉列食到一口都係油。
吉列豬柳，好多肉汁，唔會因為炸完而變得乾身，加上好軟滑，非常好食！
吉列豬扒同帶子，如果豬扒同豬柳相比，我會比較鍾意食豬柳，可能豬扒比較薄身，豬柳肉汁較為鮮甜。吉列帶子好大粒，並唔係因為粉漿厚而大粒，帶子本身都係好鮮甜，加上脆口表面，非食不可！
吉列大蝦，蝦肉爽口彈牙，口感十足，不但冇“梅”既感覺，仲好鮮甜，好新鮮。
從而可見，粉漿一啲都唔厚，輕輕一層就包住蝦肉，一啲膩既感覺都冇。
記得第一次食呢間吉列專門店，已經係4-5年前既事，事隔多年再食，估唔到都係咁好食。加上服務員非常細心，見到我地啲椰菜絲就快食完，就主動幫我地添加。 不得不提，椰菜絲係任添既，加上柚子醋同紫菜汁，唔鍾意食椰菜絲既我，都食左好多。配合吉列食物一齊食，成個感覺好舒服，唔會覺得滯。

朋友聚會建議食串燒，揀左呢間位於歌賦街“炭家”串燒店。由地鐵站行上黎，都唔太遠，不過如果天氣熱就有啲辛苦。 店舖近街頭位置，離遠已經見到招牌燈牌，好搶眼。不論店內或店外，格局都好有日本風格。雖然店舖唔大，但坐得舒服，一啲都唔迫，好岩三五知己飲下酒，傾下計。 叫得做“炭家”，當然用以炭燒聞名，所以我地都叫左幾款串燒同鰻魚試下。咁岩我地坐既位置，隔離就有塊玻璃，望到師傅喺入面不停用扇撥，作為顧客，就最鍾意望住師傅整野食，特別有風味。 食物質素當然唔需要懷疑，每款串燒既有炭香味，又唔會過火。特別係雞肉同豬肉串，外皮香脆，肉質嫩滑，又有肉汁。當然唔少得鰻魚，我地試左兩款，一款係白燒，一款係蒲燒。白燒係冇加任何醬汁，純用炭燒，能夠以呢個方法煮，鰻魚一定要夠新鮮，所以一啲腥味都冇，仲好清甜。蒲燒就適合濃口味既朋友，炭燒完，再搽一層薄薄既蒲燒汁。唔會太漏，個底又夠脆。如果要食白飯既朋友，可以選擇鰻魚丼飯。 特別一讚，老闆非常細心，連洗手間都有日式風格，擺放左一小盒即棄漱口水，即棄牙刷俾有需要客人使用。

第一次食呢間燒肉店，一入門口已經知道同普通燒肉店好唔同。首先唔會有油煙味，店內裝修日式風格，座位寛躺。可能今日係平日，所以唔多人，職員安排我地坐梳化卡位。 我地叫左一個2-3人set，有4款唔同部位牛，2款豬，2款雞，一塊和牛扒。由於我地好鍾意食牛舌，所以額外再加1份牛舌芯。 Set包左兩客沙律菜同少少Kimchi ，食完岩岩好上主菜，牛肉好新鮮，好鮮紅。最好食一款係“和牛友三角”肉味濃厚，入口即溶，又唔漏。食到中途，order左一個紫菜飯，總係覺得燒牛配飯係最正。之後開始食豬同雞，估唔到都有驚喜。特別係豬，有鮮甜肉味，燒肉店通常主打牛肉，冇諗過豬肉都咁好食。雞腿同雞柳，外皮香脆，肉質嫩滑。接住食終極和牛扒，職員教我地撈蛋漿食，不過我地覺得就咁食已經好好味。脂肪同肉比例非常好，唔會淨係食到油脂。不過可能太薄，我地燒既時間多左少少，但仍然咁好味。最後食埋牛舌芯，真係好好好味呀！牛舌芯係厚切，一啲都唔韌，爽口又有肉汁！溫馨提示鍾意食牛舌既朋友，建議俾多少少錢揀牛舌芯，因為menu有兩款牛舌，一款係普通特上牛舌，另一款係牛舌芯。呢個價錢食到高質燒肉，物有所值。

之前朋友帶我黎食過一次，環境坐得舒服，食物質素又唔差。所以今日老公生日，決定再黎多次。 訂左枱6點，入座時只有一枱客，但慢慢就多幾枱，雖然係平日，但都算多客。 我地兩個人叫左一個沙律，一個小食，兩個主菜，仲有個生日甜品，哈哈....兩個人食左好多野。 柚子蝦沙律-酸甜柚子汁配沙律菜，絕對係用黎醒胃，好鍾意個柚子汁係分開一個兜，唔會加落沙律菜入面。有兩隻蝦，新鮮爽口。 黑松露薯條-一黎到已經聞到陣陣黑松露香味，如果唔鍾意食黑松露既朋友，一定會覺得好臭。 肉眼扒配紅酒汁-牛扒要求要5成熟，都煮得岩岩好，唔會over cook，肉質都算夠香口，牛味略為淡，紅酒汁有啲搶左主角，唔係好食到牛味。 士多啤梨醬豬肋骨-呢個真係不得了，份量頗大，見到真係嚇親。職員好好，見我唔知點切開，就話叫廚房幫我切開一舊舊。甜甜地，不過唔係好食到士多啤梨味，豬肋骨肉質偏鞋，咬得比較辛苦。建議多人share，兩個人都食唔晒。 蘑菇蛋糕-先講造型，可愛蘑菇，配上食用花，同蛋糕碎扮泥，冇得輸。以為咁靚賣相既蛋糕，味道通常都一般，但呢個絕對有驚喜蘑菇頂部中間夾心係紅桑子醬，酸酸地，外層白朱古力脆皮，加埋一齊食好正，唔會好甜。蘑菇根部係純海綿蛋糕，一啲都唔漏。如有朋友生日，可以訂位時預訂埋呢款甜品，店員會寫埋Happy birthday喺碟邊。

平時食開另一間日本過江龍壽司店，今次難得預約到，就梗係要試下啦。預約左18:15，18:00去到，未有卡位，等左5分鐘左右就👍🏻。 舖裝修好日系，簡潔光猛，座位寛躺舒適。 一坐低就可以即刻點食物，出餐速度快，2分鐘內已經出第一碟。最開心係有章魚燒👏🏻，不過味道一般，章魚粒略嫌太細。拉麵反而有驚喜😲，$29一碗，以為只係普通貨色，點知湯底夠味，拉麵又夠爽口，性價比高👍🏻。適逢做緊蟹祭，試晒全部推廣壽司🤪。特大蟹棒真係冇得輸，鮮甜蟹味，有海水味又唔會咸💯。其他蟹肉壽司一樣咁出色，壽司飯又係要讚👍🏻，軟硬度，熱度剛剛好，醋味又唔會好濃。另外仲食左蟹肉茶碗蒸，不過唔太出色，蟹味唔夠突出。大家如果預約到，不妨一試。

平時去屯市，多數係食壽司郎或者拉麵，上星期無意中發現有天丼天婦羅，上次因為落場時間，所以冇緣食。今日終於有機會食喇。 11點半去到，岩岩開門，唔駛等位，即刻可以入座。餐牌大約有8款天丼選擇，另外仲有幾款定食。我地一心想食天丼，所以毫不猶豫揀左巨星天丼。有虎蝦，帆立貝，紫菜，菇，魷魚，蟹柳各一，仲有兩條四季豆。店內已張貼告示，天婦羅即叫即炸，所以需要等15-20分鐘。落左單後計，真係剛剛等左20分鐘就到。賣相豐富，初初以為飯會比較少，但食完都好夠飽。不過汁略為少，枱上有天婦羅汁，可以自己添加。各款炸物都好新鮮，特別係虎蝦，口感爽口彈牙，炸漿岩岩好，唔會好厚，完全食到虎蝦鮮味。魷魚就比較遜色，太淋，冇乜特別。如果想食平價天婦羅丼飯，呢間值得推介，$100唔駛就可以食到天婦羅。

上年聖誕節都有推出芝士火鍋，今年再接再厲，不過轉換了口味 - 開心果芝士火鍋，好特別，所以和朋友一同試試。一份開心果芝士火鍋已經是二人份量，看起來很少，但原來也非常滿足。芝士火鍋的食材有蘑菇，栗子，南瓜，炒薯，火雞肉，腸，麵包條。這個芝士火鍋味道很特別，開心果味不會蓋過芝士味，比例很好，而且很少餐廳會有開心果味的芝士火鍋，值得一試！每款食材沾上濃稠的芝士醬汁，層次豐富，最欣賞是麵包條非常香脆，味道跟開心果味很配襯。另外還點選了白酒青口，青口非常嫩滑，而且一點腥味也沒有。雖然青口不算很大隻，但反而細細的更好味！吃過主菜，當然是甜品出場時間。3款都是聖誕蛋糕款式，單看外表，已經很吸引。聽說3款都是以果仁為主的，以金字塔造型，外面淋上朱古力醬，內裡一層層開心果，味道很突出！另一款以熊仔造型的蛋糕，除了杏仁味，朱古力味也很好，不會太甜。很適合作為飯後甜品，即使吃飽後，再吃這款蛋糕，也不會太膩。

行完一段又一段既樓梯，終於到堅道，見到對面我想去的目的地。。。freshness coffee。
店內只有兩枱客，我和友人找個二人靠牆座位坐下來。店員禮貌地遞上menu，然後解釋因為今早三文魚太受歡迎，未能趕得上解凍，所以我們只好選擇light breakfast 和smoked turkey bagel 。light breakfast 的份量很適合女仕們，特別一讚是炒蛋，蛋炒得很香、很滑，在蛋上面灑上黑椒碎和香草，增添一份味道。bagel 配以煙薰火雞和蜜糖芥末醬，生菜和蕃茄。煙薰火雞略嫌太薄，可能這個關係，令我吃不出煙薰火雞的味道，加上蜜糖芥末醬本身的味道偏重，故完全佔據了整個bagel的味道。幸好bagel 包的煙韌度不錯，加上黑芝麻鋪滿包的表面，額外多一份脆香。友人揀選了cappuccino，我呷了一口，味道甘苦，咖啡豆的甘香在after taste的時候，從我的舌頭走出來。我自己揀選了mocha，一杯好味的mocha，要做到咖啡和朱古力的比例平衡，不會失重於任何一邊。這裡的mocha，第一口嘗到的味道是朱古力，咖啡味從後出來，層次豐富。
這裡除了食物和咖啡的味道很好，店員也十分細心，當我們食完所有食物，看見店員正在忙碌中，我們都不便打擾，但店員竟然留意到我們，禮貌地問我們想喝那款咖啡，這些服務相信只有這種小品咖啡店才可做到。

很辛苦才找到這間cafe，果然沒有令我們失望。外表一間平凡的cafe，一點也不起眼，但偏偏門口卻有一條長龍。 大約等了20分鐘，終於有位了。看見一張很特別的menu，沒有圖片，只有簡單文字和價錢，雖然一點都不吸引，但卻令我對他們的食物充滿期待！ 我們點算了一個BLT和bagel，BLT份量十足，太陽蛋配上香脆煙肉，非常香口。最意想不到的是竟然有乳酪伴碟，味道恰好。

bagel包內塗上意大利油醋汁，味道很清新，非常醒胃。內裡還有煙三文魚，但略嫌帶有少許腥味。

生活就是這樣簡單，一份滿足的食物，經以令我有無盡的喜悅！這就是quality of life！