下午茶時段到來叫了炸菜雞翼公仔麵、公仔麵煮得唔淋唔硬幾好、而雞翼大細適中咬落口感有熱度又不會乾身，煮法及整法比起好多茶記及價錢中高檔嘅食店煮得更好，但有時就會無了熱度就像放埋一邊好耐雞翼咬落只有外面有溫暖度而內面就無，有時雞蛋都係一樣太陽蛋煎得唔夠太陽，蛋面上面仲有許多新鮮打破嘅蛋白係到仲有點凍，而有次雞翼煮法唔同咗睇落縮咗水連雞翼賣相都唔同咗，到第二日背脊勁痛，餐飲凍檸茶味道幾好但有時會茶味重過頭有苦澀味，而店員忙於工作都一樣樂於為顧客帶來視聽服務，而呢到嘅食客和店員好有默契，直頭就係我到過嘅食店當中最多嘅一間！

今次再叫黯然銷魂飯，飯唔硬唔軟幾好，义燒太乾身也燒得不夠燶沒有了碎口感义燒切得太厚好難咬，奶茶放得耐有點老'味道苦澀，店內環境比起附近茶記夠潔淨坐得舒服係最好嘅一間，而店員服務態度一直都幾好，幾個月前對答仲非常之流暢，當時經常都會來呢到午膳簡唔中成個背脊及膽囊位置都會好痛，就多口問了一句今日有否加'鹽'？就即刻回答到話無啦，簡直就係經驗豐富呀！

以前在銅鑼灣開工及每次出到來到銅鑼灣經常及差不多每次都會來光顧呢間上海香港麵家食店的粢飯、蔥油餅及豆漿，數數手指原來已經光顧了這間食店差不多已經有22年了，呢間食店的粢飯比其他食店好味及彈口而豆漿夠味道不會太過淡，不過蔥油餅有時就會比較乾身，而粗炒及牛肉湯麵都唔差，22年後的這天這店的裝修及擺設都係無變過，雖然店員一早已經不認得但每次到來見到啲裝修及擺設都會有懷念過去的感覺，可能近期的情況這次到來小咗好多客人覺得有點怪怪地，因為以前到來每次感覺都係好多人又好逼！

好耐無來意粉屋吃午餐，今日來到灣仔都唔知吃什麼好剛剛行過見到有意粉屋就決定入去光顧，上到去餐廳服務員招呼入坐後可能已經2:10pm客人不多可以坐到窗口位，看看餐牌後發現嘩！原來要成90幾元一個午餐覺得好貴想起個銀包都幾肉尺下，心想橫點入到來服務又幾好環境坐得又幾舒服就點了個煙三文魚板板薄餅及意式海鮮意粉，首先來Mushroom忌廉湯而湯的味道配合埋香草麵包都幾好不過如果湯再熱返些會更好，主菜薄餅先來原來係脆薄餅一開四但睇落分量都幾小適合女仕多些，但食落又幾好食脆卜卜而伴菜三文魚都幾新鮮，而海鮮意粉汁醬整得幾好食用完都不會覺得太油及太溜幾好食，跟餐再配兩杯飲品，整體這裡的服務還境衛生氣氛及食品嘅味道都幾好不過價錢就略貴！

聖誕假期去了屯門市廣場選舉了第一次光顧的Outback steakhouse，店員帶著我們入座梳化位安坐後覺這裡環境氣氛及感覺仍是幾浪漫及熱鬧，看過menu後就點了NY12oz西冷牛扒前菜有餐湯或沙律選舉了沙律而配菜就選擇了薯條及炒飯再點了個蝦闊條麵，這晚來光顧的客人都幾多但點了菜後不需等太耐剛剛好就可以上菜了，首先來的係黑糖麵包味道鬆軟可口，沙律就ceasar salad而菜夠新鮮爽口，蝦闊條麵咪道適中麵不會太淋或太硬，而NY 12oz西冷牛扒五成熟不會太un而我這個牛魔王就覺得好好味牛扒的配菜係粗身薯條熱辣辣卜卜脆而炒飯味道就一般，整體這裡食品味道環境氣氛及清潔都好好，雖然餐廳的客人坐滿場但服務員也有夠人手服務而服務員隨時都會係左近有需要時都會立即為你服務不會要等得太耐而服務也好有禮貌，就令我想起以前在這裡返過兩日parttime記得那時有專人教導menu上的食品係用什麼食材來配搭覺得佢地好專業因為每種食品用什麼材料及汁醬配搭佢地都像廚師咁一樣了解清楚由那時開始才知道食了好多年的ceasar salad 係用羅馬生菜來做！

來過這裡幾次這次用膳第一次為這裡寫下食評記得上次連任兩天都來這裡可能熱氣來完之後搞到個鼻好唔舒服，午膳時間來到等了一會兒服務員就安排入坐，坐下幾舒服而店需細裝修設計環境也算不錯而清潔也保持得幾好，今次點了個午餐築地橫町牛丼餐飲3.6牛乳凍奶茶等了約10分鐘到服務員就送上餐來而築地橫町牛丼飯賣相ok味道也不錯不過汁太過多吃落有點像汁撈飯差了點，而餐飲3.6牛乳凍奶茶味道非常好不會太甜也不會太苦或無了茶味簡直一流，整體來說這服務員有效率有禮貌服務幾好也會懂主動加茶，不過出品就應該留意一下用料份量太過多就算本身這出品好味都會影響到整體的味道，而價錢同這裡附近餐廳差不多而這裡是值得推介來！

下午茶時段光顧茶木不像晚餐時段要等位就可以入座,  看了餐牌後但點了豬軟骨湯麵,，食物端上枱已很香, 豬軟骨也幾大舊很淋幾入味而湯底濃郁, 再點了杯凍香芦奶茶水準也比街外的好， 這間茶木環境潔淨而工作員工也有幾多後生仔女或成熟員工而佢地都好有禮貌及專注客人需要也會主動來加水，食物出品及服務整體都幾滿意。

上星期聽到個小朋友話去上海婆婆佢媽媽就話上海婆婆已經無咗啦，其實在1月時已經想去光顧，今日Lunch times行去睇下店鋪仍在就入了去好光顧，屯門這間就第一次品嘗，入到去見到店舖既裝修都幾整潔，睇完menu之後有好多選擇黑醋排骨，桂花蜜汁金沙骨，擔擔麵，而我點了午餐銀牙膳糊配白飯及餐湯，價錢都唔算平，等了一會兒服務員送上餐後食品賣相幾好，膳糊味道適中配銀牙咬落爽口而醬汁醒胃，總括這裡出品都算幾好，服務員既服務有禮貌也懂不段加茶／水，下次會再去第二間品嚐。 

雖然係外賣壽司價格又便宜唔能夠奢望佢會太好，不過未免過份了些，八爪魚味道太酸仲有沙搞到立即無胃口，螺肉味道太鹹不覺有辣味以為自己食緊爆谷，雖然平係王道，但係平得嚟這樣味道就....

今次再來試過芝士焗海鮮飯，味道同上次一樣都好好味而今次食料蝦比上次多而芝士也焗得有點趣好有胃口，再叫了個炸曼頭而曼頭炸得外趣內軟再加上練奶簡直一流，而服務也保持得好有禮貌！