【Nara Thai Cuisine | 泰國嘢？沙田都有！】 最近天氣時冷時熱，食吓泰國嘢好似開胃啲，今晚嚟到沙田Nara Thai Cuisine! 食咗咩？ 🇹🇭炸蝦片 每枱都有嘅前菜小食，卜卜脆非常之香口。 . . 🇹🇭雜菜椰子湯 用明火㷫住嘅銅小鍋裝好，鍋細細，兩個人食份量好好，雜菜種類都幾多，夠爽甜，而湯底椰子味唔係幾濃，但口感幾滑，我幾鍾意呢味菜。 . . 🇹🇭燒豬頸肉配青木瓜沙律 激讚！比想像中大份1倍，一心諗住係沙律前菜陣容，點知係大堆頭級，豬頸肉兩個人食多咗啲啲，會食唔落其他主菜（我今日就係咁了），我諗4人都夠食。 青木瓜絲沙律都幾清新，仲有少量菜伴碟，可以自己DIY變成生菜包食。 . . 🇹🇭芒果軟殼蟹米紙卷 軟殼蟹炸得好惹味，芒果酸酸甜甜幾開胃，用紅蘿蔔絲生菜等包住，健康嘅感覺。 . . 🇹🇭熱班蘭龍眼蜜 天氣凍唔想飲冰冰，可以飲呢杯熱嘅班蘭龍眼蜜滋潤吓。龍眼蜜味好香，仲有少少班蘭味，其實幾特別。 . 今次兩個人戰鬥力薄弱，下次約大班人嚟食，可以食多啲不同嘅款式呢。 💚特設素食餐單，啱晒素食朋友🥬

【🥗沙律大碗到嚇親｜博多屋台🍣】 係上水放工，一個人想食壽司又想食沙律又想食啲熱湯魚蛋類……，好彩搵到「博多屋台」，食物款式比較多，啱晒我呢啲選擇困難症嘅人啦！ · · ·胡麻豆腐沙律 本身諗住喺飯碗size ,點知嚟到打咗個突，係湯碗Size! 幾個人食都仲得，我一個人就慢慢食囉，有我鍾意嘅胡麻醬，豆腐同菜其實好夾，慢慢食其實都挑戰成功的。 · · ·軟殼蟹三文魚卷 簡單卷物，軟殼蟹做餡，外層包上三文魚刺身，味道唔錯。 · · ·關東煮🍢 又係比想像中大碗，鏗魚湯底好甜，幾款唔同嘅魚串，仲有個錦囊，裡面係年糕，煙煙韌韌。我最鍾意係佢嘅明太子魚片，好好食。 臨走俾錢時仲見到啲靚糖果，可以供客人享用！

【馬鞍山Busan釜山炸雞批薩🍗｜給自己一個韓式派對🎉】 曾經被譽為美食沙漠嘅山區，已經今時唔同往日喇！今晚同屋企人安坐家中就歎到韓國釜山嘅美食啦！外賣自取帶回家，開個小式韓式派對先！ 食咗咩？ 🇰🇷五味炸雞 故名思義，有五款不同口味嘅味道，包括：雙重芝士、經典原味、蜜糖芥末、特色甜辣和洋蔥蛋黃。 雞炸得金黃，全部無骨，大細差不多，排好隊係個盒內，打開盒好似打開寶盒咁興奮！我自己最鍾意係特色甜辣，酸酸甜甜咁，好開胃！ . . 🇰🇷焗芝士粟米 錫紙兜焗，芝士味濃之餘仲有甜甜蜜蜜嘅蜜糖。 . . 🇰🇷無骨豬腳 同係韓國食開嘅一樣，仲配埋生蒜、韓國辣椒醬和生菜，可以包住食，韓國風返晒嚟。 . . 🇰🇷水冷麵 其他食物要趁熱食，傳統嘅水冷麵會有冷塊係麵中保持冰凍感覺，要趁凍食呢！屋企和餐廳比較近，所以拎到上樓都依然冰凍。水冷麵用上幼身嘅蕎麥麵，煙煙韌韌好有嚼勁！湯底帶果酸，相信有檸檬汁等味道，附有一小瓶醋食嘅時候加上去。麵頂有烚蛋、醋蘿蔔同青瓜，爽爽口感食入口有冰涼感覺！ . . 🇰🇷炸醬麵 睇韓劇見好多食炸醬麵嘅情節，炸醬麵好受韓國人歡迎，可說是「國民料理」呢！韓式炸醬麵最重要就是深黑色嘅醬「春醬」，一種用豆製成嘅醬，再混入薯仔粒、肉粒、等製成。可以一讚係，炸醬淋係麵上面都無因為咁而影響到麵質，打開蓋後直接用筷子打圈咁將炸醬麵撈撈撈！過程都幾治癒㗎！邊撈邊聞到炸醬麵香味，打開晒個好奇心同興趣呢！ . . 餐廳有堂食，目測都有十幾個位左右，位置係大馬路正正馬鞍山警署斜對面。 🏠釜山炸雞批薩 Busan Chicken Pizza 📍馬鞍山鞍祿街18號MOSTown Street 新港城中心大街(2期)地下23-26號舖

【Jmoon | 🌕相約到月球】 唔少朋友見到主題襯我嘅餐廳都會約我一齊去，今次嚟到旺角嘅J moon, 一進場見抬頭望見好多星球燈，好好氣氛呀！每枱又會有月球燈，睇真啲，連Cocktail 都有12星座系列，真係幾開心🥳 食咗啲咩？ 🌕🍸J.moon 餐應招牌特色cocktail, 店員會係酒上噴出波波，賣相特別，氣氛亦會特別開心，品道帶果酸，清新醒胃，玩味之餘極易入口。 . . 🌕🍸Aries白羊座 12星座中我係雙魚座，今次試試白羊座呢杯雞尾酒🍹，火紅色裝置，味道直接了當，又帶少少花椒味，的確與春末初夏的白羊性格幾相似😂貼切有趣驚喜不斷！ . . 🌕🍴Truffle Bikini 脆烤多士內有黑松露同巴拿馬火腿，非常吸引嘅Finger Food,當然都可以溫文爾雅地用刀叉食啦！4個朋友一人一件，幾好嘅前菜。 . . 🌕🍴⭐️Nyonya Curry Baked Beef Tongue 娘惹咖哩一開始我想像中係帶點馬想西亞新加坡風味，但原來算係比較西式嘅焗牛舌，仲有啲薯仔粒燉焗而成，牛舌焗得口感好腍，好滿足😌。 . . 🌕🍴Avocado & Smoke Salmon Sourdough 牛油果煙三文魚酸種多士，三樣野都係我鍾意嘅，配埋一齊仲有少少沙律菜，出奇地大份😁。 . . 🌕🍴J.moon Pizza 🍕 Pizza賣相好靚，面頭有隻半熟蛋，食嘅時候用刀切開，督穿嘅時刻好興奮，點啲蛋汁食，唔錯呀！

【🍣🍤大本瀛日式放題｜放題回憶剎🌀】 相信大家都會有屬於自己的放題回憶，以前讀書年代好流行與一大班朋友過時過節一齊食放題，三文魚刺身可以剔到30片，好熱鬧好開心，就好似開Party咁！ 人大了，朋友各有各忙，食物要求又開始刁鑽，有部分轉食素，有部分晚上要輕食，約放題就越嚟越少。 今次我就與朋友重溫放題嘅經典，嚟到旺角嘅放題集中地兆萬中心，仲仍然用緊剔剔紙，鍾意食咩自己剔，刺身船一出就興奮，泰式熟食，日韓雪條，另一個吸引係炸榴槤波波，過足口癮，另外驚喜係飲品種類有唔少紙包飲品，朋友飲咗四包朱奶😂，我都飲到兩罐清涼爽🤪。

【鳳雛🐓🐓｜唔熱氣嘅韓國嘢！😆】 我好鍾意食韓國嘢，但係香港諗起韓國菜都係韓烤、炸雞、鍋物…今次就諗到食燉雞Jjimdak찜닭。 燉雞Jjimdak係甜醬油加入薯仔紅蘿蔔等燉成，要有韓國粉絲先至似樣！ 餐廳由韓國人主理，簡單英文溝通無難度，自助式斟水。 燉雞一大碟上，我點咗少辣，本身有一人份量嘅冬粉，又有啲青瓜、紅蘿蔔、炆得好入味嘅薯仔，我就另外再加咗韓國魚糕。燉雞個汁甜甜的，講真有少少似細個時媽咪最鍾意整嘅薯仔炆雞翼，個汁真係可以撈一碗飯，今次我都唔執輸，點一碗白飯撈吓汁先！

【中環味美日式料理🍣】 OOMAKI位於萬年大廈，扶手電梯上再行前幾步。係士丹利街投注站對面都有一個行樓梯級入嘅出入口，完全是中環上班族嘅熱門午飯位置，今晚同朋友嚟輕鬆下😎。 【🍱頂級A5和牛套餐】 ▫️是日野菜沙律 ▫️刺身拼盤(牡丹蝦、赤身、帆立貝) ▫️壽司拼盤(大拖羅、深海池魚、三文魚及鯖魚) ▫️招牌自創手卷 手卷勁好味，海膽+拖羅蓉+三文魚籽+北海道壽司米。趁紫菜脆脆要快食呀！超好味！ ▫️串燒拼盤(花腩肉、雞腎、雞軟骨) ▫️天婦羅拼盤(蝦、秋葵、南瓜） ▫️沖繩豚肉餃子 ▫️鍋物 A5和牛黑豚肉配湯底壽喜燒 ▫️野菜盛盒 ▫️甜品(蕨餅)

【🥢巧得鍋｜好得嘅午餐二人雞煲🐔】 今日同朋友下午去咗觀塘巧得鍋食雞煲，無錯，Lunch就是食雞煲！ 🥢雞煲 半隻雞，bb辣，裡面有紫洋蔥、紅椒黃椒、芫茜。 雞幾入味，仲幾滑，個醬調得好好味，惹味之餘唔係好鹹。 . . 🥢蒜茸娃娃菜 娃娃菜少少上湯，菜好清甜，食雞煲有啲菜食吓感覺好好。 . . 🥢白飯兩碗 晚上食雞煲會再加其他配料或加湯轉埋做火鍋，但下午Lunch都真係無咁多時間，套餐包咗白飯又試吓配白飯嘅感覺，又唔錯，唔特別喜歡食白飯嘅我都爬到大半碗！ #巧得鍋 #觀塘美食 #雞煲 #觀塘 #火鍋 #香港 #好食

【Pentola KT｜手工意粉🍝sweet dream新感受】

朋友喜歡吃手工意粉，係觀塘裕民坊YM²新屋苑那邊搵到Pentola，佢哋嘅以手工意粉見稱，由意大利麵粉和本地薑九龍麵粉廠嘅麵粉混合製成，甚具特色。

食咗咩？
首先係二人餐

🍝意大利什菜湯
味濃少少鹹，配上兩片脆多士和意大利醋，趁熱飲都幾開胃。

.
.
🍝白緹魚茄子蓉多士
我喜歡緹魚嘅鹹香，配上味道較淡的茄子，放在脆卜卜嘅酸種多士上，加入埋橄欖油，唔錯嘅頭盤呢。
.
.
🍝意大利風乾火腿拼青提
將火腿捲住粒青提食，都係一個樂趣。
.
.
🍝炭燒安格斯封門牛柳配燒汁薯條
廚師已將封門柳切好，牛柳表層燒得乾身香口，肉質比想像中嫩滑，燒味味道調味得唔錯，點薯條食都好夾。
.
.
🍝波士頓龍蝦意粉
萬眾期待嘅手工意粉出場啦！意粉麵質帶煙韌，較爽身，撈埋龍蝦汁燴成，仍然保持意粉嘅性格，而龍蝦味濃，新鮮易起肉又多膏，朋友滿意之餘仲想添食。
.
.
🍝意式肉丸扁意粉（追加部分）
二人餐完畢之後，意猶未盡，再點一份意粉encore！
肉丸好食，而且比預期中大粒，扁意粉麵質更具口感，手工感覺特出，可以話更見真章。
.
.
🍝cocktail “sweet dream”（追加部分）
被個名吸引咗，見到真身更令人興奮😆
紫藍色的小玻璃杯，用小木盤上，感覺優雅。旁邊放著一小瓶檸檬汁，將檸檬汁倒進酒中，慢慢變成粉紅色！好味又好玩。

【🌊西環Chill and Grill｜✨海邊的西班牙風味】

嚟開西環工作，就搵間似樣嘅西餐與朋友見面，今次我揀Chill and Grill, 原來大家都唔係第一次食，對佢哋嘅印象都好好，食物質素高，service好好。

一坐低，Staff好窩心咁主動問我們要否暖水，貼心👍🏻

食咗咩？
🇪🇸水牛雞翼
我係水牛雞翼嘅粉絲，各處嘅做法都有少少唔同，今次廚師將西芹切片灑上雞翼上面，又幾清新！
水牛雞翼出名要酸酸辣辣，廚師調味得好好，炸得脆口之餘又唔會被醬汁浸淋脆皮，而好彩朋友都係「重口味」之人，我哋食得好滋味！
.
.
🇪🇸Riso Pasta Paella 🥘
睇個名覺得好得意，究竟係意大利飯Risotto?定係意粉Pasta?定係西班牙嘅鐵鑊海鮮飯？
👉🏻開估，原來係以呢3款經典食物及烹調方式而設計，米狀嘅意粉，再以意大利燴飯嘅口感，放上迷你西班牙鐵鑊中。
米型意粉幾乾身，粒粒都撈到醬汁，口感爽口。
大蝦、青口都好新鮮，青口肉質好幼嫩，食得出新鮮感受。
.
.
🇪🇸芒果拿破崙
本身我對拿破崙無太鍾情嘅感覺，今次呢個拿破崙的確有啲改觀，因為真係幾好食！首先佢嘅酥皮軟硬適中，用餐刀能輕易切開，吉之唔太甜，味道仲做得出色！
下次生日都可以嚟訂一個生日蛋糕size。
.
.
🇪🇸Usagi粉紅小兔子
菠蘿+紅蘿蔔+蘋果+椰子水混合製作而成，甜甜蜜蜜少少酸，感覺青新

🇪🇸Minosa
夠酸，醒神開胃，顏色又夠靚！
.
.
餐廳仲種咗好多新鮮水耕菜，沙律菜信心保證，香港食嘢最佳係安全，食得安心又放心！

🩷Chill and Grill
📍西環加多近街57號地舖

#西環美食 #堅尼地城美食 #西環 #堅尼地城 #香港 #西班牙