放工想食海鮮但又唔想出去同人迫，最好就係買返屋企慢慢食，但想食新鮮生蠔又唔想自己開？ 有日Lunch發現公司附近有間Oyster Cove，主打食法國生蠔同海鮮，自家直接從法國蠔場直接入口生蠔，品質及穩定性更高。有得dine-in之餘仲有得order & Delivery，翹埋雙手就可以食到新鮮生蠔，why not？ 叫咗6款唔同嘅法國生蠔🦪店員好細心地將生蠔由淡至濃排好，有埋冰底同托盤，仲有保溫袋，務求令你返到屋企都可以食到非常新鮮嘅生蠔。👍🏻 其實佢嘅冰底仲有一盞燈，打卡一流，但可惜我太過急不及待要食生蠔冇影到相🥲 🦪Tia Maraa Pearl $36@ 愛爾蘭東南部的生蠔，帶榛子果仁的口感，味道相對清新。 🦪No.1 Spéciales Lambert $52@ 曾榮獲法國農業博覽會2015年金獎，豐富礦物味，肉質肥厚，海水味，蠔味細膩有層次 🦪Krystale $42@ 來自法國Normandy Gouville-sur-Mer海域，法國Médaille d'Or Paris 2015金獎得主。 濃郁的海水鮮香，與蠔肉的爽甜互相配合，結實的質感混合了果仁的香氣！ 🦪No.1 Pinky Tarbouriech Oyster $52@ 法國玫瑰生蠔Tarbouriech是法國南部靠近蒙彼利埃一個很小的生蠔養殖廠出產的一種Special Oyster，產量非常少，就連法國當地也很難找到。由於陽光充足，每天都會定時把生蠔從海裡拿出來陽光照射， 所以殼呈玫瑰紅色。肉質比Gillardeau還要肥美爽甜，帶子位厚大爽脆，帶輕微金屬味。 🦪No.1 Gillardeau $52@ 最為港人熟悉，肉質較厚實，蠔肉厚兼富海水味，咸甜度十分適中平衡，口感爽脆味道持久，餘韻悠長有果香。 🦪No.000 Belon $68@ 法國Belon Oyster是三大名蠔之一，更被譽為蠔中之王。
Belon的蠔味非常濃厚，加上金屬味很重，甚至略為刺激，並非人人都能接受。
值得留意的是，數字0，是代表他的年紀；當0越多，代表培育的時間就越長，肉質會更為結實，味道更濃更突出。 🇫🇷🦀French Brown Crab 法國膏蟹 $398 呢個我真係要比100分，店員超級細心地將蟹蓋嘅膏一滴不漏咁整晒出嚟，d蟹膏澎湃到滿瀉😍 返到屋企唔使自己慢慢挖，真係非常適合懶人！膏蟹好大隻好新鮮，啖啖肉，唔會太重海水味，肉質新鮮唔會霉，蟹膏小小咸鮮，好正，大大羹咁放入口，おいしいね😋 好耐未試過可以安坐家中慢慢品嚐咁新鮮嘅生蠔，見到佢哋嘅龍蝦都好正，等我下次試吓先！總括而言，嚟緊聖誕節開party有多一個好選擇喇👏🏻

灣仔皇后大道東最近開咗好多食店，經過 <珍一> 係一間川式料理外賣店，選擇有成幾十款，每款價錢都唔貴，可以一次過試好多款！ 🐷東坡肉 $60 東坡肉炆得好淋好入味，中間嘅肥膏接近融化，肉質好嫩，醬汁都唔會過咸過甜，送飯一流😋 🐽奇味豬手 $60 估唔到例牌都有咁多件豬手，竟然可以炆到外脆內嫩，入味到一個點👍🏻 🐮五香牛肉 $48 有得揀五香或者川味，牛肉好爽彈，五香味唔會過重 🥢四喜烤麩 $28 呢個價錢，呢個份量真係好抵食，又係入味之鬼☺️ 🐔五香雞腎 $35 有得揀五香或者川味，雞腎好爽，可以做佐酒小食或者宵夜 🐷爽脆豬耳絲 $35 雖然係川味，有小小辣，小小麻，我呢d食辣廢J都食到，豬耳好爽，辣辣地好爽皮😎 🥗涼拌自選三拼 $40 揀咗芹菜豆干，高麗菜同萵筍絲，份量都好多，雖然係凍食，但唔會整到好乾，仲係好juicy得嚟又爽😊 🍚白飯 $10 呢度嘅款式真係好多款，價錢唔高又抵食，熱食仲係即刻煮同翻熱，下次試埋佢個魚香肉絲先！🙊

最近見到有一間叫Zan Chee嘅新派韓式外賣店終於嚟到灣仔開店，見到menu有超級多選擇，包括小食，燉湯，炸物，gimbap，韓式拌飯，raw meat，甚至乎醬油蟹都有，仲有便當，咁多選擇真係唔知食邊樣好？ 🦀蟹肉蟹子煎蛋捲 $48 蛋捲入面包住好多蟹肉蟹子，蛋捲雖然好厚，但一d都唔會過實，仲好嫩滑，每啖都食到好豐富嘅材料，超足料嘅蛋捲，好好味！ 🐮烤牛肉飯捲 $55 冇諗過有成10件咁多，烤牛肉好juicy，飯捲入面嘅材料好新鮮足料，食幾件已經有小小飽但又唔會好滯。 🍱L6 便當 $75 便當有6款選擇，我揀嘅L6有齊飯捲，炸紫菜，粉絲卷同炸雞，第一次食炸紫菜，原來口感幾特別幾脆口，炸雞係甜辣口味，唔會好辣，連我呢d食辣廢J都食到，仲要有成5,6件。好滿足😋

平日返工晏晝想飲茶來來去去都嗰幾間，有d悶，最近The One附近開咗間中菜館，中午時間仲有得飲茶，裝修都幾光猛，坐位都幾闊落，點心選擇唔算好多，但都係貴精不貴多，價錢都好合理。 叫咗5款點心1個蒸飯，點心係即叫即蒸，上到枱真係熱辣辣，size都係正常，唔會偏細，蒸點味道都唔錯，最好食係紅米金沙蝦腸，入面嘅炸蝦腸超級脆，雖然有腸粉包住，但都唔會焗淋，值得一讚，份量大大件，真係好好食。 呢度飲茶唔洗茶芥錢，只係有加一，食咗6樣嘢，埋單200都唔洗，抵飲！

喺銅鑼灣食飯，來來去去都係嗰幾味🤔，今晚想食d特式少少嘅嘢，見到寫住大澳，心諗我呢世人好似未去過大澳🥲，就入去試吓咩係大澳小菜先！ 🥢椒鹽焗鮑魚 (4隻) $148 首先見到圖片好吸引 上碟之後賣相都非常之靚 鮑魚好淋 用椒鹽包住嚟焗好惹味 慢慢食放得耐，凍咗食都非常正 🥘惹味卜卜蜆煲 $168 份量一啲都唔少 煮一陣之後加上湯再煮一陣 卜卜蜆新鮮爽口無沙 加咗好多蒜蓉 吸收晒上湯同蒜蓉嘅味道 好鮮甜 🍓士多啤梨骨 $108 初初都會擔心用士多啤梨汁會好酸 食第一啖嘅時候不禁驚嘆一句 肉質好好好好好嫩滑好淋 士多啤梨汁一啲都唔酸 用嚟送飯一流 雖然叫做士多啤梨骨但係一啲骨都冇 食得好方便😋 🥦濃湯野菌泡時蔬 $88 西蘭花爽口新鮮 上湯濃郁而唔會過咸 野菌無草青味 食咗咁多肉係時候要食下蔬菜 🦀鹽焗奄仔蟹 (滿$400送) 奄仔蟹係嚟到先至用gas爐去焗 差不多每台都食緊 估唔到隻奄仔蟹都有唔少膏 蟹肉都有唔少 好入味 朋友唔食可以俾我自己一個嘆晒一隻 整體嚟講，佢哋嘅小炒都幾出色，份量大之餘價錢亦都唔貴，加$20有湯同白飯，加$8 仲可以要杯凍檸茶。今餐嘅份量，4個女仔嚟都夠食。原來大澳風味又幾正喎😋

日日都成三十幾度，行到汗流浹背，真係要飲番杯冰凍嘅手搖飲品。見到沐淳有好多唔同款嘅特色手搖飲品，要嗱嗱臨即刻買返杯解解渴先🤤 ❄️芝雪大甲芋頭鮮奶 $38 佢哋嘅大甲芋頭同小芋圓都係由台灣直送 店員向我哋介紹芋頭類嘅飲品係佢哋長期熱賣 雖然我唔識乜嘢叫做大甲芋頭 淨係知道同普通芋頭嘅味道好大分別 唔會有一陣泥味 好香好粉又唔會過甜 加埋芝士喺面，又可以中和返甜味 所以唔需要叫少甜都得 🍵🥤紅豆抹茶鮮奶 $33 店員話俾我哋聽飲之前要搖勻佢先飲 好香嘅抹茶 一啲都唔苦 仲要勁多紅豆 加埋鮮奶一樣唔會好甜 就算叫咗少冰味道都好好 超好飲 所有飲品都係即叫即沖，店員都非常快手，等咗一兩分鐘已經有得飲，唔使喺炎熱嘅夏天等咁耐。仲有佢哋有好多唔同飲品嘅款式，都唔會咁容易喺出面搵到。

日式燒肉放題越開越多，最近有一間新派日式燒肉品牌進駐佐敦，餐廳引入全港獨家供應嘅小田A4和牛，仲係來自鹿兒島，有晒證書添㗎，真係威威豬！而且餐廳亦都採用智能化送餐模式，用全港首創嘅燒肉新幹線將燒肉送到客人面前。 放題價錢分成六個等級，A-F，價錢由$348-$1098，可以食足120分鐘。最貴嘅F仲可以有105款選擇，包括鹿兒島小田A4和牛特選盛合7 種類、小田和牛稀有部位及極上牛舌等。今次我哋就揀咗C，平日價錢$448，有76款食物選擇，呢個等級都可以試到小田和牛部份部位，除咗牛肉，仲有雞肉、豚肉、海鮮、野菜、肉類刺身、牛舌及九州料理等，選擇都幾多元化。 想每款都試少少，可以叫個舟・盛合，包括美國及澳洲和牛、豚肉、雞肉、海鮮及野菜。 小田牛里脊肉同牛肋肉比較有口感，牛舌好薄，店員教我哋包住d葱同蒜茸一齊燒，果然係好香同有少少入口即溶嘅感覺。其實最估唔到係竟然會有拌生牛肉食，好有牛味！而且大判壽喜燒牛里脊肉，薄薄一大塊真係接近入口即溶。 自助區真係igable，靚到可以打卡，整齊清晰。飲品有成十幾款果汁同汽水選擇。沙律都有2,3款。甜品有2款，焦糖燉蛋最好食。最誇張係雪條種類，有成十幾款，真係飽住咁走！ 最值得一讚嘅係，佢哋嘅地方好大，座位全部都係卡位，超級寬躺，d嘢食放晒成張枱都仲有好多位！抽風亦都做得非常之好，食完之後個身都完全冇油煙味！上菜又快，完全無漏單嘅情況出現，職員服務亦都非常之好，會好細一留意你嘅需要！唔洗你問佢已經自動波！抵讚！ 嚟緊佢哋仲會喺銅鑼灣同埋將軍澳開分店添！

今日又嚟到十和田食lunch，佢哋有十幾款午餐選擇，每一款都咁吸引，真係嚟多幾次都未試晒。 🍜鰻魚飯 (配麵豉湯，茶碗蒸) $98 好大塊嘅鰻魚佔據成個飯面 鰻魚好肥美 亦都燒到啱啱好，唔會好乾 配搭嘅鰻魚汁亦都好好味 真正可以做到一啖飯一啖鰻魚，正😋 🐮壽司拼叉燒湯烏冬 (配麵豉湯，茶碗蒸) $98 壽司有6款唔同款式 有三文魚，吞拿魚，帶子，蝦，墨魚，同一款魚 壽司飯已經加入醬油，好方便 刺身新鮮無雪味 叉燒湯烏冬大大碗 又燒夠大塊，唔會鞋口 烏冬夠煙韌，湯底亦夠清甜 套餐包埋麵豉湯同茶碗蒸，蛋好滑，又多材料，成個套餐$100都唔使，包晒咁多野，真係飽飽。

好耐無嚟元朗喇，聽人講屯門嘅木玥巷好好食，最近佢哋喺元朗開咗第二間分店，一早嚟到元朗試吓先，佢哋好近朗屏站，只係距離1至2分鐘路程。早起的鳥兒有蟲吃，唔洗等位。星期六都有午市套餐選擇，有成10款，價錢大概$62-92，加$6有餐飲。






🐮黯然銷魂安格斯滷肉飯 $84
一上枱見到食物真身已經好吸引
雖然太陽蛋賣相唔想太靚
但都係半生熟好食嘅
安格斯牛肉好嫩滑
滷肉汁鹹甜適中
好好送飯
用嘅係台灣米，粒粒分明
伴碗有泡菜，爽脆少辣，又係非常之好送飯




🦀蟹肉金絲炒新竹米粉 $92
除咗我哋之外，見到好多客人都有叫呢一款
好多蟹肉好鮮甜
新竹米粉炒得好好，唔會太乾亦唔會過濕
亦無炒到一餅餅，條條分明
雖然除咗蟹肉之外，唔會有好多其他配料
但都炒得非常好味
大份得嚟，亦想再encore




🍤炸花枝丸 $32
仲以為係普通炸花枝丸
但係，竟然！係有蝦喺入面㗎
熱辣辣，超好超好食
好彈牙，未食過咁特別咁好食嘅花枝丸
得4件真係唔夠




🌹玫瑰蜜桃果茶 $28
好香玫瑰蜜桃味
好甜好好飲又大杯

🍎雪菊蘋果茶 $28
唔算有菊花味
但係有好香蘋果味
一d都唔算
亦都係好甜好好飲




除咗主食之外，仲有茄子做伴碟，甜甜地好好食。順帶一提，木玥巷仲係黃店嚟，如果想嚟食Lunch，12點半前嚟就唔洗等位，之後就要等等喇，因為坐位唔算太多。

無得去旅行，想食台灣牛肉麵，泰國船麵，新加坡喇沙，港式沙嗲牛肉麵，樣樣都想食，點算好啊？但係… 竟然！俾我喺K11 Musea嘅YumMee一次過滿足晒我咁多個願望！餐廳採用自助式，自己搵位，每張枱都有QR code自行落單俾錢，自取。Menu嘅主食同小食各有十幾款，真係樣樣都想食，今次等我試住少少先。 🍜新加坡海鮮喇沙 $108 要搵一間好食嘅喇沙真係唔容易 海鮮喇沙係新加坡做法 椰香比較重，好香，微辣 跟足傳統用油麵同米粉 海鮮有蝦，魷魚，魚片，青口，魚蛋，超豐富 第一次食喇沙竟然係用溏心蛋，連埋湯底超正 一定要將最索汁嘅豆卜放到最後先食 好食嘅喇沙我一定會飲埋佢嘅湯底 呢一間我飲到一滴都冇得剩 除咗海鮮之外仲有海南雞選擇 🐮九龍沙嗲和牛湯麵 $88 好耐無食沙嗲牛麵喇 見到menu仲要係和牛 梗係即刻order啦 好濃嘅沙嗲湯底 配上嫩滑和牛 將呢個經典食品提升 🍯蜜糖蒜蓉炸單骨雞翼 $48 單骨雞翼真係懶人之選 配上蜜糖再架邪惡嘅蒜蓉去炸 真係yummy yummy 🤤 🦑沙嗲玻璃魷魚 $48 爽彈嘅魷魚加上濃濃嘅沙嗲汁 魷魚都唔係需要𡁻好耐嗰種 整體都唔錯 🧋黑糖港式珍珠奶茶麥麥熊 $42 睇Menu見到張相已經即刻話要叫嚟試吓 隻熊仔係奶茶冰 黑糖好甜好正 珍珠煙韌有𡁻口，又唔會過硬 奶茶好幼滑 🍋桂圓蜂蜜檸檸漬 $28 蜂蜜檸檬味好重 反而桂圓就淡咗少少 但都好飲潤喉 整體來講，食物質素唔錯，價錢亦都唔算貴，行開K11 Musea可以嚟呢度試吓！喺MoMA隔離咋！