每次family dinner諗唔到食咩好 就會嚟呢間極尚大喜屋食放題🤓🤓 勝在咩菜式都有齊晒 大家唔使爭 ’‘ 之前去過銅鑼灣分店 刺身選項無長腳蟹 呢度有！！ 好正 除咗最大路的三文魚吞拿魚甜蝦，仲有帶子 赤貝 仿鮑片等等 全部都好新鮮 熟食都好多選擇， 個人最愛西京燒銀鱈魚，黑椒牛柳粒，蟹粥 同埋雞泡魚乾！ 呢啲都唔係度度放題有得食 上菜稍為慢少少 不過最終都會嚟齊 可以接受 ‘ 出面自取區 有螺肉 酸辣鳳爪 大量水果甜品 啤酒清酒 白桃烏龍 等等 仲有最抵食嘅Häagen-Dazs雪糕 食返兩杯都回本😋

Random地想打邊爐～臨時臨急先打去book枱
好彩都book到即晚（星期五）八點
社交平台成日見到呢間 終於去試到！
一入去已經覺得個裝修好靚 好有八九十年代feel
店員好好人👍🏼👍🏼
“
湯底$138 醬料每人$15
唔算平 不過選擇真係好多同埋好足料
特別推薦ヾ(´︶`*)
🍽️手打牛筋丸 $88
🍽️蟹籽墨魚蝦滑 $88
🍽️頂級安格斯牛頸脊 $338
🍲火焰花甲湯底 $138 （呢個超正！
“
女仔食量 最後埋單平均每人$360
其實唔算平 不過質素一定好食過任食邊爐
尤其是佢個花甲湯底 牛肉粒同埋花甲都好香 火焰效果又可以影相 推薦(*´∀｀)
〃
📍地址：樓下火鍋飯店 (銅鑼灣)
銅鑼灣駱克道441號駱克大廈A座地下A號舖及地庫

幾年前食過屯門呢間牛蓋飯印象好好 上星期特意再去食一次 但係睇店面裝修似乎已經轉手 變咗有泰式風味嘅牛蓋飯～ ‘ 午市套餐幾抵食 約$60-80足料牛蓋飯連嘢飲 叫咗杯凍檸茶 但係一飲就發現茶底完全係泰式奶茶嘅茶底 如果想飲港式凍檸茶絕對會失望 始終夾檸檬係有少少奇怪😂😂 不過好彩我本身都喜歡泰茶 所以都可以接受 附送沙律配菜 幾開胃 ‘ 牛蓋飯好足料 有10幾塊牛 牛肉本身唔特別香，但醬料同埋辣粉都好好食 不過整體味道偏鹹 未必會再訪了

朋友都知我每次去大埔 都必定會去榕基 仲會斬料返屋企加餸 由舊舖食到搬咗新鋪 我絕對可以稱自己為大fan屎ヾ(´︶`*) 〃 而我每次幫襯都必定係揀同一個餐 🍽️招牌滷水獅頭鵝 配 鮮鵝油撈麵 配 糖脆花生魚仔 凍檸茶 $73 佢哋嘅招牌獅頭鵝真係超好食ㅠㅠㅠ 同埋絕對冇敷衍你 成碟鋪滿滿的 配佢個醋係好食double up 有時我仲要拎多一碟醋先夠用🤣 鵝油撈麵又係我嘅最愛 不過要食快少少如果唔係好快乾（同埋嗌外賣絕對唔可以配呢個 拎到返屋企真係會乾晒） 食飽通常我會斬料 $138要半庄（上下庄同價） 屋企人都大讚的 - 🍽️糖脆花生魚仔 / 話梅花雕雞軟骨 除了斬料 呢兩個都係我經常會買的推薦小食！ 花生魚仔較為濃味 食唔停口 花雕雞軟骨就超開胃 清爽冇負擔

華聯係隱身喺華富邨入邊多年嘅茶記 以前經常經過呢頭 次次都會食佢嘅豬頸肉河粉 同埋粟米肉粒飯！ 佢哋嘅粟米肉粒飯係用煎過嘅豬扒 醬汁啱啱好唔會太稀 冇誇張 暫時係食過最好食嘅粟米肉粒 久唔久都會想返華富邨再食💓 （可能記憶中嘅情意結都有加分haha） - 凍奶茶茶底唔會苦澀 我習慣飲開走甜，更加飲得出茶底好飲 呢度嘅姨姨伙記 咁多年都冇點變 落單快狠準！ - 一路食一路可以見到有麻雀飛過 應該係呢度嘅獨特景色哈哈 建議避開平日午膳時間 因為附近有三間中學 會好多人

經過油麻地搵lunch 同朋友揀左呢間叫台食館的台式餐廳～ 我叫咗個台灣香腸滷肉飯便當 $58 加$8要咗珍珠奶茶 台灣香腸烤得好香脆 入面都好juicy 份量比得好足 有8-10件 香腸超好味👍🏼 不過滷肉飯真係爭啲 飯煮得太軟身 加埋滷肉醬汁太多水了 滷肉味道不過不失 較為一般 滷肉汁唔夠香 只係勉強可以送飯 呢部份比較失望 反觀珍珠奶茶都OK 珍珠有咬口 叫左走甜 茶底都唔苦 輕鬆飲晒成杯 埋單$66 無加一 其實係幾抵食 經過附近可以考慮

星星係佐敦區韓國料理的小店 平日午餐時間簡直係一位難求！ 嘗試了牛肉紫菜飯卷，同埋石鍋拌飯 牛肉與紫菜飯卷好夾 唔會太油，每一口都是韓式美味的體現。餐盤價錢已包括韓式特色配菜，如芽菜、菠菜、粉絲和腌製泡菜 另外配一碗胡椒湯，有紫菜和肉碎，湯頭濃郁而不膩。總括而言 價錢合理而且份量十足，員工都係外國人，如果心思思想食韓國嘢 呢間真係幾正宗

即使而家香港有咁多間台式餐廳 阿元來了仍然係我嘅第一位～ 因為每次晚市都好難等位，同埋好早last order 所以今日下午茶時段嚟食，不用等位直入。 原來五點前係冇蛋餅 所以我哋叫咗個滷肉飯 凍芋圓 綠茶多多 同埋一份鹽酥雞 滷肉飯一如既往咁香！！ 食哂成碗飯完全冇難度 凍芋圓不會太甜～ 係一個清爽嘅甜品 鹽酥雞都好香 不過今次略嫌炸得有啲乾身 唯一要彈嘅係綠茶多多 唔知點解隻味有啲奇怪 下次可能都係叫返普通珍珠奶茶會穩陣啲 每人食咗唔夠$100 抵食 總結嚟講都係會繼續一直支持

銅鑼灣諗唔到食咩好，見有免費泊車 去時代廣場Pizza Express享受了一個二人晚餐。首先登場的是北京填鴨薄餅，餅底薄而酥脆，覆蓋著香噴噴的填鴨片，不過略為唔夠平均～有一兩塊薄餅幾乎冇鴨肉 但整體好食同埋新奇！ 凱撒沙律的新鮮生菜不錯，麵包不是酥脆的麵包糠，而係撕開一嚿嚿的軟麵包 呢個比較少見 但總括都係好食的 二人餐仲包肉丸，醬汁味道濃厚 加錢追加了無限添飲凍檸茶為晚餐增添了清涼的享受，每次只係飲咗半杯，侍應即時補充 非常殷勤 最後，我們又單點了肉醬千層麵，層層疊疊的麵皮與豐富的肉醬和融化的芝士。其實我們兩個已非常飽，但還是忍不住食晒成個 最後埋單大約$300位有找 值得一戰

人氣爆棚 日日都排長龍的觀塘超出名cafe（不設訂位） 想試超～～耐～～～但晚市失敗過兩次 實在太多人了嗚´д`) 呢次醒啦！平日2點幾黎 唔洗等位 直入！！好幸福呀！！ 〃 🍰原味熔岩梳乎厘班戟 $86 ＋Movenpick 雪糕 $42 今次黎就係為左pancakeヾ(´︶`*)ﾉ 熔岩式嘅流心忌廉真係好啱打卡 班戟睇片都睇得出有Q彈～
原味的忌廉奶蛋香100分！！！必定要回訪！！！ 唔算太甜 2個人share可以輕鬆清碟 （可能可以食多個 〃 🍽️明太子忌廉大蝦燉飯 $148 橙色果碟～雖然其貌不揚 但係好食 不過因為啖啖都好creamy食到最後會有點膩 〃 🍽️松露薯條 $68 松露調味沙律醬 完全係無法抗拒´д`) 好好食 不過就無咩特別 似係平時cafe都食到的預期口味 〃 🧋朱古力忌廉碎冰｜鮮奶綠茶碎冰 $44/杯 因為本人係唔飲咖啡的 所以好感動呢間Cafe有好多好多的非咖啡類選擇🥹🤍 兩杯碎冰都好好飲 唔算太甜 好香朱古力味/綠茶味 配pancake超夾！ 〃 佢哋而家開左姊妹店都係觀塘～ 主打窩夫 不過我就暫時未試過 下次去！ 但暫時呢間本店 個人是決定必須要再來的🤍