第一次食鐵板燒，膽粗粗試下呢間餐廳，不建議walk in，因為坐坐下好多人入座，餐廳九成滿座，所以提早訂定位就安全好多😌 首先上左前菜：煙三文魚沙律🥗 沙律配上黑松露魚子醬、柚子醋、意大利黑醋 再加上龍珠果，酸酸甜甜的味道 之後就係燒海鮮，我哋揀左兩個餐 海鮮有：扇貝、帶子、鮑魚、東升斑 每碟配有蝶豆花泡泡，目的係提升海鮮鮮味和咸道再加上格陵蘭魚子醬+柚子黑醋+帶子翠玉瓜 味道不錯肉類方面，我地揀左雞+豬 配上菠蘿辣菜汁+特濃龍蝦牛油醬汁，如果口味想濃啲就點醬汁最後上左個炒飯，分量吾多，因為之前已經食左好多，最後食少少飯壓下胃 甜品：豆腐雪糕 爆珠紅豆

今次係朋友介紹黎食流水蝦燒烤，果然冇介紹錯，真係又好玩又好食！ 👍 🦐🦐🦐呢間係全港首間無限時流水蝦任食！所以隻隻蝦都勁生猛勁鮮甜！ 而且夾既時候都幾刺激，係一個幾特別既體驗！燒出既蝦，爽口彈牙仲有膏，不停咁食左好多隻！值回票價！ 🐟今次特別有鰻魚提供！必食推介！鰻魚已調味，燒香魚皮就已經好好味！魚肉勁厚，冇骨啖啖肉！ 😋勁多款海鮮任君選擇！包括鮑魚、帶子、生蠔、蜆等等！其中最愛鮑魚，因為燒既時候見到仲郁勁新鮮，燒完超香，有海水味又勁彈牙。而且店員一見到我地夾鮑魚仲會細心過黎幫我地剪殼，超貼心既服務！ 🐂🐖除了海鮮外仲有其他選擇，例如牛肉串、豬肉串，魷魚、芝士丸、大腸等。熟食亦有魚皮、醉蝦、辣酒煮螺。另有雪糕飲品多款選擇。

身為屯門人，經常都會去紅橋附近搵食。今次就黎到呢間精緻既酒吧食西餐！餐廳裝修非常華麗精美，有好靚嘅燈飾又有卡位。好適合重要既慶祝場合或者同情侶一齊晚餐。燈光音樂亦好柔和可以傾吓偈同時享受美食。 法式龍蝦湯（干邑白蘭地）配香脆蟹肉醬雲吞 $55 龍蝦湯味道鮮濃，同干邑白蘭地非常合拍。用餐包點湯食，仲更加滋味。飲完湯仲可以食埋香脆蟹肉醬雲吞，一咬就有好Creamy濃郁嘅蟹肉醬湧出，夠晒特別。 CHARCOAL GRILL 澳洲封門牛柳（250g）$228 炭燒牛柳，外皮焦香脆口，入面鎖住肉汁，肉質鮮嫩多汁牛味濃。配菜有薯蓉、蘆筍同沙律。 蟹肉南瓜及芫荽配麻辣意大利飯 $158 配上真蟹肉，味道夠鮮又濃味，假混合了粒粒嘅南瓜味。雖然係麻辣意大利飯，但辣味唔算太辣，唔會搶咗南瓜同蟹肉嘅鮮鮮甜味。最特別嘅係佢仲裝飾嘅係魚仔脆片非常好味脆口，充滿創意，令人回味無窮。

同元朗既朋友聚首一堂，去飲cocktail傾下偈既好選擇！cocktail 種類又多又好好飲！每次黎都要飲一款新既～多次回頭客！ 🍸PINEAPPLE MOJITO & PEACH MOJITO 朋友都唔係飲開烈酒，所以點左兩杯不同果味既mojito 俾佢地！薄荷清香加上甜甜既果肉，非常容易入口，仲可以自己加蜜糖，女仔飲一定喜歡💕 🍸Blue Hawaiian 清新既藍色配椰子菠蘿既味道，充滿熱帶風情！ 🍸Around the world 有選擇困難症既我就點左一杯around the world， 一次飲哂各種酒，酒精味較濃，但巧妙地配上士多啤梨乾 ，甜甜味感覺令整杯酒非常容易入口。 🍢串燒： 重點推介～香蔥燒蟶子皇、味增甲羅燒、香蒜蔥花廣島蠔 蟶子皇先甜多厚肉，配勁惹味香蔥燒香令人回味無窮。甲羅燒有勁多蟹肉蟹膏配鵪鶉蛋，又滑又香濃，人人都要食一隻。廣島蠔勁大隻，燒香完依然肥厚多汁。 必點推介： 炸拉絲水牛芝士條、一口和牛串、羊肉串、一口番薯仔燒、燒原隻魷魚串 每次都不能錯過的芝士條！份量多，即炸脆口，熱辣辣既芝士咬開拉絲！和牛串及羊肉串 夠哂惹味，香濃醬汁入哂味，充滿燒烤風味！番薯仔香甜可口，一啖一粒！燒魷魚燒得勁香，充滿海鮮味！

屯門的Delifrance, 座位非常舒服，價錢合理！經常同三五知己一齊Hea下傾吓偈！最近新出咗一周年嘅新Menu，就過黎食新嘢啦！ 1st Anniversary celebration menu❤️ A2.帶子黑松露飯 $148 帶子大大粒又煎香，非常鮮甜彈牙。黑松露咪極濃，配米飯一流。 +$28法式洋蔥湯 洋蔥湯夠晒特別，濃厚洋蔥味甜甜地非常開胃。 +$48煙肉芝士焗蠔2件 焗蠔大大件，蠔肉肥多汁，配上脆脆煙肉和大量芝士醬非常惹味。 +$29法式蝴蝶酥配雪糕 兩件法式蝴蝶酥香脆可口，配軟滑雲呢拿雪糕，倍感滿足。 +$18玫瑰白桃味洋甘菊茶 好靚嘅粉紅色花茶，充滿少女心，啱晒打卡。玫瑰花對女孩子也非常有益，甜甜非常好入口。

寒冷天氣警報，最啱去打邊爐暖下身！呢間放題由湯底、配菜、飲品、甜點都有很多選擇，非常飽足滿意👍 湯底：鴛鴦鍋$48（清甜椰子雞鍋+龍蝦頭鍋） 龍蝦頭湯底超推薦！成個龍蝦頭上，鮮蝦味濃食，多次加湯後仍很夠味！ 火鍋必食肥牛也有很多選擇： 美國牛肩胛片、美國安格斯牛板腱、SRF美國極黑和牛片，牛味濃郁，肥瘦適中。 海鮮選擇也不少：鮮蝦、沙白、帶子、墨魚片，其中沙白鮮甜肉肥無沙，被多次回點。 自選櫃也有丸類、蔬菜類自己夾。流心咸蛋丸同企鵝造型墨魚丸夠哂特別！金菇、響鈴、凍豆腐等也非常美味！ 甜品及飲品 雪糕係Häagen-Dazs，仲有我最喜歡我焦糖脆餅味，正👍另外，奶凍和tiramisu 都好好味！飲品櫃好大，朋友都喜歡飲珍珠奶茶，我就喜歡飲熱清酒喇！

天氣突然急降，好想打邊爐！係天水圍就有好選擇，夠哂方便！ 🐂美國牛頸脊餐（平日/成日$248位）100分鐘 湯底選擇非常多，我選的是人氣之選：滋補花膠雞鍋。入面真係有花膠，啖啖骨膠原，可以先飲湯食雞再打邊爐。 餐廳貼心地先上了一份拼盤，讓我們先吃吃不同的肉。我最愛食牛，所以不斷重點了好多份牛肉，而且上菜迅速，回味無窮。 澳洲和牛金錢展肉質較嫩滑，帶些少脂肪，脂肪入口融化，口感更豐富。美國牛頸脊肉味更濃郁，肉汁豐富和入味。鹿兒島和牛丸非常彈牙，一咬爆汁。 除此之外，還有33款配料,20款小食，飲品及甜品任君選擇。配料我最喜歡蜂巢豆腐同響鈴，索哂d湯汁 勁惹味。 蔬菜也有提供羽衣甘藍，新鮮香甜又健康。 甜點我喜歡迷你雪糕、抹茶蕨餅、朱古力布朗尼，細細粒倍滋味。飲品就飲啤酒同清酒。

主要想食片皮鴨，但又唔想上酒樓食，就試吓呢間東北菜館。晚上時間都比較多人，而且位置都比較窄。但出菜好快，唔需要等好耐就食得，服務態度亦好好。 北京填鴨（半隻） 皮脆肉嫩，半隻鴨都好有多件，又多肉唔多肥膏。提供足夠餅皮、黃瓜絲、京蔥絲、甜麵醬，俾我包咗好多件，非常飽肚滿足。 京蔥羊肉水餃 非常有特色，濃濃嘅羊肉味，汁多肉香，非常惹味。秘製牛犇麵 牛犇麵湯底有濃厚肉嘅牛肉香味，。牛腩部份爽口彈牙沒有多餘肥肉。牛筋充滿嚼勁同彈性，入口即溶滿口骨膠原。 高力豆沙 豆沙餡香甜又順滑，外皮爽脆，口感層次豐富。

每年結婚周年紀念日😍，我同老公都會隆重其事揀間靚餐廳慶祝。元朗呢間西餐廳，坐得舒服又有情調，有我鍾意嘅牛柳同埋鵝肝，又可以飲Cocktail。所以老公一早就黎訂咗位！食物非常精緻好味，最後老公原來仲請餐廳幫我哋係甜品寫上anniversary🫶🏻,方便我打卡，超驚喜！係呢間餐廳慶祝紀念日大成功👍🏻 Dinner Set主菜+$78 包頭盤＋ 甜品＋酒精飲品 頭盤 櫻花蝦、虎蝦、金柚泰式田園沙律🥗 泰式沙律有少少酸酸辣辣非常惹味，食完覺得好開胃。虎蝦鮮甜彈牙，沙律菜款式多，豐富口感。 🦞法式干邑龍蝦湯 帶有濃郁嘅海鮮風味，味道鮮甜而不會太咸。配合調味香料味道更加有層次感。 🍰甜品A 藍莓芝士蛋糕 🧁甜品B 朱古力蛋糕 兩款是日蛋糕，餐廳貼心幫我哋切開每人半件，仲唔幫我哋寫上anniversary,方便我哋打卡拍照，貼心服務為今晚晚餐更添浪漫氣氛。 主菜 🍲軟殼蟹、牛油果、煙三文魚野菌意大利飯 $158 軟殼蟹原隻炸香，擺盤漂亮非常可愛！牛油果煙三文魚野菌配上忌廉，味道非常合襯。意大利飯吸收了湯汁，啖啖滋味！ 🐂烤美國安格斯牛柳、香煎法式鵝肝$328 非常出色嘅主菜！牛柳七成熟，煎得剛剛好外面皮脆內裏粉嫩，鎖住肉汁，入口啖啖都係肉香。鵝肝肥美厚切，油脂喺口裏溶化令人滿足。配菜亦充滿心思有薯蓉、香菇、蒜頭、蕃茄。整體配搭非常美味，喺高級嘅享受。 飲品 🥃PLAYING BLUE （RUM, CURACAO YUZU, SODA） 🍸ROMANTIC ROSE （RUM, PEACH, ROSE CRANBERRY） 藍色同紅色既cocktail 啱哂一對情侶 飲。藍色味道清新既柚子味酒精感較濃，合適男仔。紅色上面有玫瑰花瓣，味道香甜就啱哂女仔喇！

見到喜歡既網紅最近推介過呢間烤肉，荃灣又好近就過嚟食下！果然冇介紹錯！物超所值！ 必食！⭐️ 🐂805黒毛和牛盛り （150G）（大判燒！黑毛和牛肩胛肉+黑毛和牛小排）$298 呢個set既黑毛和牛物超所值，一試難忘！霜降和牛油脂分佈極佳，多汁嫩滑，濃郁的牛脂在口融化，帶來高級既享受。另外，呢個set仲會配多一隻溫泉蛋俾你點黎食，口感更加豐富！如果怕太油膩，就可以點佢提供既辣檸檬汁,酸酸辣辣更開胃！午市黎食仲可以免費加送麵豉湯同白飯。烤肉配白飯係最佳組合！超滿足！ 🦐🦐🦐赤海老 $58 除左肉類，亦有海鮮選擇！赤海老大大隻，肉質鮮甜而彈牙，烤完仲有海鮮既烤燒香味，非常值得追加！