今日去咗觀塘探朋友，見到間好有中式味道既建築物。原來係一間茶樓嚟，咁就同朋友去食餐家常便飯😬😬 #河塘畔水芹香 ($88) – 有蓮藕,准山,木耳,西芹快炒既一碟小菜，蓮藕同准山仲保持到個種爽脆，亦都有夠清新👍🏻 #干煸柳菜蝦米粉絲 ($78) – 依個粉絲幾特別，出面好少有咁既配搭。蝦米既味道幾出食得到個種鮮味，而且粉量都幾大碟。🥰 #鮑魚雞煲 – 雞煲上枱個陣仲有鍋氣係中式酒樓既風味，雞煲好香而且啲雞唔會過老鞋哂，仲保持到嫩滑同埋鮑魚都煮到夠冧身😋 成間餐廳都係傳統港式茶樓配上好中式既外貌，行過就好易認到佢。經理同啲職員都好好客，我哋食完野仲請我哋食糖水添，眼見亦都有唔少街坊嚟食母親節飯🥰🥰

今日又同朋友去山林道聚吓舊，行過見到依個做緊優惠就入嚟食。
佢而家做緊1蚊豬仔骨同埋$188 既魚料理omakase (但唔係刺身個種🤣🤣)



#法式龍蝦湯 ($88) – 個湯有大量彈牙嘅龍蝦肉，湯好味龍蝦味好濃郁仲好夠滑添，真正原汁原味龍蝦湯😍



#黑松露牛肝菌卡邦尼意粉 ($138) – 黑松露味好香份量都好多，卡邦尼汁唔會好膩。撈埋黑松露就更加好食😋



Like 社交平台 就可以加$1🤑🤑 叫到既 #焗多汁豬仔骨 – 豬仔骨以燒汁調製口感嫩滑多汁，而且豬仔骨焗得很腍身。唔好睇佢做優惠，都切到有4舊。薯條都外脆內軟帶薯仔香味



點可以唔試埋廚師特製既魚先得 ($188) – 今日係炸魚配上泰式醬汁，魚外面炸到好乾身唔會好油，但入面魚肉仍然保持到滑嫩
泰式醬汁睇落少少似咖哩汁咁但食落似辣辣地既青醬，魚肉點少少個汁會令到個魚更有鮮味

最近我同朋友去咗長沙灣MCL附近既打咭餐廳，餐廳行波希米亞風有好多打咭位可以影相。 #手捲意大利麵配明太子手拆蟹肉 ($218) – 意粉係手製㗎未食之前以為係長通粉咁樣，但原來條條都唔同長短咁捲埋😂😂幾好食個汁係偏海鮮風味。蟹蓋成個都塞滿曬蟹肉同明太子，店員話撈埋落個意粉會更好食。 撈完之後會多咗明太子鮮味同少少既辣膩感。令到個意粉多咗層次仲好味咗，蟹肉既份量亦都係好多 #三重特濃芝士火鍋 ($188) - 濃郁既芝士湯底配上蝦仁、西蘭花、薯仔、牛舌、多士。芝士好香唔會好膩。 #榛子朱古力香蕉麻糬牛角窩夫 ($88) – 最尾梗係要食埋個甜品先得，牛角窩夫好香中間有加到麻糬，令個口感更加煙韌，再配埋好多既榛子朱古力同埋香蕉朱古力，即刻好滿足

今日去咗東涌慶祝朋友新屋入伙，見到六小館做緊666優惠有幾款套餐都有折仲可以用優惠價加多碟餸，咁就同朋友食豪啲。


係openrice揀咗個皇牌二人餐($956) – 有湯有參有花膠咁多款貴價中菜👍🏻👍🏻

成個餐用燉湯同三小菜打開美食之旅。另外，朋友見到原來餐廳有金湯翅，就話要加一個嚟試吓🤪



#瑤柱海螺燉野生竹笙湯 – 燉湯好足料好多材料係入面，飲得出冇味精係原汁原味係港式燉老火湯咁，好夠味好補身。海螺係用咗細細粒個款，咬落唔韌



#極品煲仔金湯燒鮑翅 – 原個燒煲上菜，舊翅好大舊成隻手掌咁大，足夠兩個人去share有多添。湯汁好鮮甜加少少醋更加帶出佢哋本身個湯底既韻味




#巴蜀燒羊鞍架 – 羊架就一人一隻既，佢用咗巴蜀既醃料去調味，有麻麻香香既感覺令到羊羶味一啲都冇，而且羊架肥瘦適中，燒完都唔乾仲有肉汁👍🏻



#蝦籽海參燒珍寶明蝦球煲 – 海參同蝦球都好大隻好大塊，舊舊都有成隻麻雀咁大。海參炆得好夠冧但又保持到個口感，而且蝦球都好爽好鮮味。另外醬汁會濃味少少令到個海參同蝦都夠入味



#蜜糖豆山珍菌炒日本帶子 – 食咗咁多野，終於都嚟到菜類。蜜糖豆冇渣而且仲有啲菇菌係到唔會咁單一。帶子有煮香過而且數量都唔少成十幾粒，廚師煮野都好落足本。帶子唔會過老散哂仲保持到本身既鮮同彈性😋😋



#金華雞汁扣原隻花膠撈粗麵 – 佢款粗麵冇鹼水味煮得幾好，粗幼度應該有諗過，因為每一條每一段麵都好掛汁，個汁好香好夠味就咁雞汁撈麵都夠。本身都食到好飽最尾先上碗麵以為會食唔落，但試完一啖完全唔使再諗因為好食到停唔到手😋😋
再配上原隻花膠，食到啖嗦既骨膠原既味道，個一種黏嘴感食完都仲感受到😝



最尾仲有個甜品係桂花糕，為成餐飯劃上完美既句號
除咗鮑魚之外我哋食均哂參翅肚，同朋友食得好滿足又好滿意而且味道都比一般既樓酒好食同擺得靚。



晚市除咗依啲套餐之外，仲可以用$6.6 加多一碟餸而且款式都好多。另外，午市亦有66折既套餐同加配。又真係幾抵食

今日同靚女一齊去咗間好靚既打卡餐廳，全部牆身都有花花佈置，點樣影都好靚😍😍而且咁啱依個月係銅鑼灣某位大人物生日，間餐廳有做慈善活動。嗌指定餐食就會捐錢俾小朋友。Fans食得開心又打到咭之外，仲可以做善事😝😝 #鮮果田園沙律 ($98) – 沙律係朋友每餐都要有既，擺碟幾靚有心機砌既，芝麻醬亦都落得好足夠 #菠蘿照燒雞黑炭漢堡 ($158) – 黑炭漢堡個麵包唔會硬身，仲食到少少脆得嚟又有麵包既煙韌。菠蘿個甜味帶到雞扒既照燒醬，兩者加埋係一個唔會輸既組合 👍🏻👍🏻 #菠菜芝士忌廉意粉 ($158) – 意粉都幾大碟，食得到個汁好creamy仲有啲芝士片係面，而且有好多菠菜係入面。健康得嚟又食到忌廉意粉既好味😋 除咗嘢食好食之外，店員姐姐仲會幫手影靚相教埋點樣擺會好啲，勁有心機想大家影到相。環境靚之餘餐廳仲有兩隻兔仔好得意🥰🥰

早兩日約左為食仔出去搵食，黎到宋王臺站搵隱世美食，輾轉入左黎呢間中東菜試下 #經典鷹嘴豆醬-識我既朋友都知道我唔太鍾意食麵包，但呢個配彼得包既鷹嘴豆醬有驚喜喎，本身彼得包比較乾，所以非常掛醬，鷹嘴豆醬有加咗橄欖油，食落好creamy好滑，口味就少少甜甜地，係我呢世仔未食過既美味 #香煎西班牙羊肉香腸佐零酒精紅酒汁-羊肉腸無羊既羶味，反而食到羊肉既甜味，腸衣卜卜脆，要黎襯彼得包夾住食幾得意，夾埋d洋蔥配料食就唔會乾 #香煎法國雞肝-雞肝大大塊煎出黎唔會散，同埋無內臟d腥臭味，整道菜可算得係香濃可口，仲有彼得包可以繼續點鷹嘴豆醬食，下次可以試埋雞心🤤🤤 #死海特色素炒飯-睇餐牌介紹，呢個炒飯應該係廚師自創，飯用既係中東既長米，偏硬，廚師加入已經炒至偏軟既腰果，杏仁粒等等材料，仲有粉絲，口感豐富 #Kanafeh-最後叫左個甜品，酥皮包住甜芝士絲，初初以為係椰絲，因為好似，但呢個咬落煙韌d，雖然話係甜品，但其實唔算好甜，幾適合香港人既口味

尋晚同朋友係旺角諗住買背心準備去泰國潑水節著，買野前就梗係要醫肚先啦，呢間係女人街既車仔麵，好似幾抵食咁，就試下啦 我揀左 #正宗重慶酸辣粉 ，餸就有#牛腩、#雞中翼、#貢丸 同 #韮菜，麵底就#公仔麵，先講湯，我叫左BB辣，初初食其實唔覺得辣，反而係酸味麻味比較強，但食到後面就越食越辣，酸酸辣辣咁都幾過癮，同埋酸辣粉湯底會有花生同大量芫茜，岩晒我呢d#芫茜控 牛腩係一口牛size，少肥膏，索晒湯過癮，雞翼煮得岩岩好，唔會爛晒，貢丸就正正常常既磨菇貢丸，加酸辣湯食少正，韮菜份量算多，當蔬菜食 另外朋友叫左#港仔車仔麵，加腩汁清清地既甜味，餸就有#魚肉春卷、#魚皮餃、#蠔油冬菇 同#娃娃菜 魚肉春卷先炸後落湯，外脆內軟，魚皮餃、娃娃菜同蠔油冬落都係正常發揮，要黎送車仔麵好岩味

荃灣米線戰區又多一間新開米線參戰🤣 米線二主打酸辣同新疆孜然味湯底。今次同朋友都叫左小鍋米線拼新疆孜然味湯底。湯底一入口充滿燒烤既孜然味，十分惹味。 雞翼尖腩肉小鍋米線 食米線必定會叫腩肉，呢間啲腩肉係薄切，食落唔會難咬。雞翼尖係香濃既滷水味，唔會有雪味👍🏻 豬軟骨螺旋藻小鍋薯粉 難得唔使加錢就可以轉薯粉🤩🤩薯粉煮得岩岩好，煙煙韌韌。豬軟骨經過長時間烹煮。非常入味連軟骨都好易咬。 第一次食螺旋藻，口感似海帶。啖啖既海藻味配上濃湯岩岩好，唔會太油膩。😋 香脆豬頸肉 豬頸肉炸完後非常香口。係米線鋪少有既小吃👍🏻👍🏻

今日同朋友去咗九龍城撐枱腳，睇社交平台見到幾吸引就去咗。佢主打自家制既湯底打邊爐。


#菜膽鮮魚濃湯 – 佢哋既魚湯係必嗌，姐姐話要訂先有架，係佢哋每日新鮮煲出嚟同埋一日可能都係得幾煲咋。上鍋個時已經望到好吸引，滾返起就被姐姐提我哋可以飲咗湯先。飲落勁鮮甜濃濃既魚味，但一啲魚腥味都冇。而且依個煲仲有小棠菜,魚蛋,豆腐既配料，一啲都冇手軟勁足料。

淨係依個湯連埋啲配料，加多個飯/麵經已超滿足。我哋兩條友成餐飯，飲咗6~7碗😋😋 差啲唔夠湯滾牛肉食😂😂


#水餃皇 – 依個係姐姐推介我哋食，試完真係勁正。每隻都係由師傅每日包既。水餃既size 比出面既大好多成個火鍋勺咁大😱，勁足料食得好滿足😍#豬牛羊拼盤 – 每種肉類都有啲，啱哂想食唔同款既我哋。全部肉質都好靚啲牛食落好重牛味👍🏻👍🏻除咗打邊爐之外，我哋仲叫咗啲前菜食吓。

#三文魚剌身 – 一客有8塊刺身，但每一塊都係厚切差唔多成隻手指咁厚，仲有個種鮮甜味🤤🤤#酥炸蝦餅 – 每一塊蝦餅都好彈牙，食得出全部都係蝦膠嚟，完全冇溝其他野。炸完出嚟又唔算好油今餐我哋食得好滿足，店員姐姐仲話下次嚟可以早啲book 定房。原來佢哋有幾間大大細細既房，啱哂幾個朋友聚吓/一大班人聚都得。而且仲有個小朋友放電區，小朋友食完就可以去玩，大人就安心繼續傾偈食飯。

同埋今次睇中咗個象拔蚌set，諗住下次叫多幾個frd 一齊再食飯😬😬

今日係Isquare睇戲之前揾吓嘢食先，3樓有唔少既餐廳揀，不過想食新加坡野😂😂 #鹹蛋黃醬特大虎蝦 ($240/2pc) – 食得新加坡野除咗喇沙就係大蝦，之前係其他餐廳多數都係黑胡椒蝦多。今次揀咗鹹蛋黃，雖然碟餸得兩隻蝦，但隻蝦既size差唔多有成隻手掌咁長。上碟個陣鹹蛋黃味好香，食落亦都夠濃郁。 隻蝦好彈牙而且唔會鞋，配埋個醬又幾好食😋😋 #新加坡濃湯福建炒麵 ($118) – 第一次見福建炒麵就嗌咗嚟食🤪，似一款海鮮濃湯既燴麵，食落海鮮汁既味好香再加埋豆瓣醬既惹味就更好食。