我叫咗 1+1 single origin 就係想試真啲 佢啲啡 點知 偏酸得嚟 唔係果香嘅酸 失去咗本身嘅香味 以咖啡做主打嘅cafe嚟講 實在有失望 特別欣賞cafe有個 好日本嘅雪糕相展 啲相好可愛 Cafe重特登設計咗款 「不是雪糕」的蛋糕 雖然味道又係好一般 同場加映嘅相展 的確補償咗 味道上嘅不滿足 另一個好得意嘅現象 我其實叫咗杯啡 叫咗蛋糕 都未坐夠時間（其實都唔知係㗎有限時） 但有店員定店長？ 就走嚟同我講 「唔好意思出面有一排緊隊」 我係個有「禮」之人 當下當然「讓座」啦 然後，最近都同朋友講開個相展 佢竟然都有去 而且 都係「被請走」 原來喺依間餐廳 客人「被請走」係慣常做法 又或者咁講 喺你哋眼中 客人 人來人往 多一個唔多 少一個又唔少 我梗係希望你哋生意興隆 但都唔希望再被你哋「請走」啦⋯⋯⋯