雞翼分乾/濕2款，仲有special 😌 乾: Lemon pepper chicken wing ($69) 濕: Honey wasabi chicken wing ($69) 今次乾同濕都各試左一款。乾既比較香口但係honey washi搽面既濕雞翼，甜甜地又幾好味😍 Nashville crunch burger ($78) “Crush time” burger 買一送一(至13號)🤭有辣/不辣2款味道。今次試左辣雞，雖然係炸既，但係內質都好嫩滑juicy。 見到”All you can drink and eat wings buffet”都好吸引🤤有3/10/17款口味既雞翼揀，每款4隻，建議幾個朋友share，可以試多d口味！

5月menu (平日優惠價 $1000 2位) 不同的天婦羅、半田麵，甜品 天婦羅: 海老、鱈魚配海膽、烏賊配梅肉topping、青椒配烏魚子粉、茄子配鰹魚湯、粟米仔、蕃茄、鰻魚壽司卷、蟹肉三文治、甘鯛，雞肉丸。 個人最鐘意海老、粟米仔同鰻魚壽司卷🤤海老同粟米仔鮮甜爽脆。 天婦羅整體薄脆酥香，外脆內嫩，保持到肉汁，最重要無乜油😌食物既配搭亦好豐富，每道菜都有獨特既味道！ 餐廳細細，只可以容納10個人，晚餐分2個時段入座。晚餐只提供一款套餐，所以客人無得揀😅師傅會一次性準備所有客人既食物，同時上菜。

前菜有個沙律、小菜同鱈魚乾。個人好鐘意個鱈魚乾🤤真係好好味！ 9 貫壽司($428) 金目鯛、平政魚、花竹蝦、深海池魚加魚肝醬、帶子、呑拿魚、平政魚魚春、拖羅、海膽，BB銀鱈魚。 頭幾件好香柚子味🥰之後每件壽司味道都各有特色，最重要海膽好鮮甜！ 12貫壽司($538) 比9貫壽司額外多3件壽司：細池魚、紫菜包鯖魚腩，炙燒赤陸魚。 建議如果食得落12件，都可以試埋！最後既赤陸魚超級香😭 2個套餐最後都有甜蛋、手卷、蒸蛋，麵鼓湯😌 常店之一🤫每一次都好滿足😚 雖然滿座，但係師傅會簡單介紹每件壽司。店員服務都好好！

Nonya Laksa Lemak ($98) 餐廳只有3款麵，而我就試左娘惹叻沙麵🥰湯底好濃郁！好香既椰香味🥥配料有蝦、魚餅、雞絲、豆卜、芽菜同半隻蛋。美中不足既係只有一種麵底😩平時食既叻沙麵都係2種麵底，口感會比較豐富。 Kaya Toast ($38) 多士烘得好脆，凍左食都卜卜脆。咖央醬真係好厚😅每咬一啖都會多到漏出黎🤭咖央醬味道係我係香港食過同星加坡最相似🤤都係好幼滑，椰香味偏重😍 Ice milk tea/ Ice Kopi ($30) 飲品相比之下就無咩特別🥲 食物整體都比預期出色😍有機會都會想試下另外2款麵😚 餐廳細細得10幾個位，坐得都幾闊略。本身好怕要排隊，但係星期六5點左右都係等左一陣就有得入去。仲有溫馨提示: CASH ONLY !

韓式烤牛大腸180g ($160) 好 好 味🥺煙韌爽口，點小小鹽好惹味，推介大家一定要點！ 牛舌($148) 薄切牛舌，輕輕燒一陣就已經好香好好味！ 濟洲五花肉200g ($180) 五花腩唔會太膩，原味無調味，食到原汁原味。生菜包五花肉、Kimch同蒜片，再蘸韓式辣醬一齊食🤤 海鮮泡菜餅($90) 外脆內軟，都好足料。 餐廳係用電話QR code落單。最初以為食物份量好少，但係食到一半好似燒極都唔完咁🤭仲有小菜、生菜、蒜片同蛋都係無限refill😍真係唔怕食唔飽！仲有一個貼心既地方係張櫈下面其實係可以放手袋，所以唔怕帶黎既野會有味😌 星期三平日夜晚黎都差不多full house，所以建議大家真係要book位阿！

招牌小籠包($68 6件) 普普通通，唔會特別推介。 京滬酥香烤鴨($228 半例配6款配料) 個人覺得食片皮鴨，餅皮係好重要，今次食既每塊餅皮中間都有張紙隔住，係小小既加分位，令到餅皮唔會痴住。幾片比較肥膩既建議配砂糖食，中間既就用傳統食法食，最後有隻鴨脾配蒜蓉食。肉質都嫩滑，整體正常發揮，亦唔會有太大驚喜。 孜然小羊排($208) 羊排本身無調味，羊味亦唔出，只有孜然既辣味🤥 干煸四季豆($108) 味道👌🏾不過四季豆食落唔夠稔。 整體食物味道普通，都無太大驚喜🤥 位於fashion walk既 food street，傳統中式餐廳顯得特別。不過個人覺得其他餐廳好似更吸引，所以都唔會再訪。

Lunch set ($168) Main + side + drink/ soup 野生紅菇海鮮麵🍜 味道比較清淡，紅菇食落怪怪地😕海鮮份量都多既，不過個人覺得唔夠鮮甜，整體普普通通。 鹹香酥炸黃花魚 有少失望，酥炸到有d乾，變左黃花魚乾😢 姬松茸竹蓀排骨湯 湯既味道反而比較好，飲落好香松茸味，亦好足料。 食物擺盤精緻，整體味道比較一般... 餐廳裝修似cafe多於中菜餐廳，位於ifc入面都算幾特別，不過其實都有coffee咖🤣lunch time要等大概15-20分鐘先有位，記住預留時間😉

雞沾麵🍜($148)+糖心蛋($15) 沾麵汁比雞湯底更濃郁，但唔膩🤤可惜上菜時，湯唔算太熱，而拉麵太凍，所以食左一陣就已經凍晒😢雞肉同埋豚肉到只係普通。不過拉麵口感好煙韌，仲有小菜炸牛蒡食落都幾香口既！ 之前食過一次雞白湯拉麵，覺得味道偏咸既。但係拉麵食落無咁快凍仲有好多炸牛蒡。所以個人會比較推介拉麵既🤫不過整體只有炸牛蒡比較吸引到我，其他都無太大驚喜。 餐廳細細間，有吧枱小同幾張細枱。平日lunch time都需要等一等先有位，不過附近上班族都可以用app拎定飛😙

素肉擔擔麵($108) 配料有素肉、紫蘇同花生醬，花生醬既碎花生令到口感增加。仲有四川胡椒調味，不過個人覺得唔係好夠辣🥺 三葱油天使麵($108) 覺得2碟麵既質感同味道都大同小異🤔唔會特別推介任何一款🥲 植物學家($68) 一樹梨花($68) 兩者相比之下，會推介植物學家🌿味道好養生，有紅棗、龍眼同糖漿。 食物整理味道比較單一，份量亦唔太多。勝在茶同甜品選擇多。 環境地點都好加分，係地鐵站出口對面，可能係寫字樓lobby所以無太多人知？環境亦好適合同客人傾下生意。

K11 Artus Set lunch ($330) Miso soup, Appetiser, main, dessert and drink Appetiser: Vietnamese vegetarian spring roll Main: Pan seared grouper Dessert: Roasted mango with coconut lime sorbet Set lunch食物整體無太大驚喜，春卷比較多油，魚亦都唔夠滑🥺相比之下甜品比較出色既，芒果sponge cake配coconut sorbet都幾夾。 Wagyu煲仔飯($398) 用西班牙圓米飯加臘腸，配M4和牛西冷。個組口幾特別，味道同臘味飯有幾分相似，幾香口，不過廚師控制火候唔係幾好，令到d飯有d硬同太’lon’🥲 餐廳服務、環境同view係perfect😌望住維港，真係好靚🥰不過食物方面，真係有待改善😣