屯門近期都開咗好高質嘅餐廳😙今晚食呢間就係住附近嘅朋友大力推介😆估唔到區內都有間咁有氣氛嘅餐廳😍室外位置走田園風🍀而室內又幾有情調幾chill🥰🥰 🥩烤美國牛柳伴香煎鵝肝 ($368） 香煎鵝肝帶微微焦香，入口即溶，好邪惡🤤牛柳有兩大件，都幾厚身🤭煎得半生熟啱啱好，軟熟冇筋👍🏻👍🏻 餐廳平日嘅晚餐set已經包湯、頭盤同飲品，仲可以加錢叫甜品🍮 🥖黑糖麵包 餐包都好高質，好香濃黑糖味😋熱辣辣又外脆內軟既黑糖包沾上cream cheese，簡正係絶配👍🏻 🫕椰菜花湯 今晚嘅餐湯係椰菜花湯，椰菜花打成蓉，入口香甜，味道濃郁🥰 🥗八爪魚沙律 頭盤係八爪魚沙律，相對少見八爪魚魚配沙律🐙都幾特別😆八爪魚都幾多，醬汁酸酸甜甜好開胃😚 🧀黑松露忌廉野菌意大利飯 ($138） 除咗叫晚餐，我哋另外叫多個意大利飯🍚意大利飯上面灑上大量芝士，混合黑松露同野菌，又香又惹味😋 🍫Tiramisu (+$30) 甜品幾有驚喜，cream cheese 夠滑，質地軟熟得來又唔會太濕😙咖啡味同酒香都好夠😌

每次去親尖沙咀食飯都覺得人頭湧湧，好難搵位😅今次食咗間唔錯嘅木系cafe，食物質素唔錯之餘地方都幾大，重點係無限時，幾啱成班friend吹水gathering👭🏻👭🏻👭🏻 👫🏻 𝒮𝑒𝓉 𝒟𝒾𝓃𝓃𝑒𝓇 𝒻𝑜𝓇 𝓉𝓌𝑜($688) 🫕紅菜頭忌廉湯 欣賞個湯唔會blend得太碎🥰入面仲有好多粒粒紅菜頭，幾好咬口😆味道甜甜地，連本身唔鍾意紅菜頭嘅我都覺得幾好飲😂 🧈香草蒜蓉包 蒜蓉包大大塊，香濃蒜蓉同牛油味，烘得香脆又唔會太硬🥰 🍟黑松露芝士薯條 新鮮炸起嘅薯條又香又脆，份量都幾多，配上芝黑松露醬簡直係絕配😋 🍖炭燒法式豬鞍架伴紅桑子汁 法式豬鞍帶炭香，肉質軟腍帶少少脂肪邊🤤🤤紅桑子汁好出色，酸酸甜甜好清新開胃🍒用嚟沾晒成個豬鞍，再配埋啲薯仔，成功清碟😚 🦪牛油香煎帶子鮮蠔汁意大利飯 一上枱就聞到好香濃嘅海鮮味，原來係個鮮蠔汁🤤意大利飯充滿鮮蠔肉同蠔汁，好足料😋大大粒帶子肉質軟嫩，滿滿嘅牛油焦香☺️ 𝒟𝑒𝓈𝓈𝑒𝓇𝓉 𝑜𝒻 𝓉𝒽𝑒 𝒹𝒶𝓎 🍰藍莓芝士蛋糕 芝士味濃，口感細滑，美中不足係太少唔夠喉🤣🤣 🧊海鹽雪糕 藍色嘅海鹽雪糕，香濃嘅牛奶中加入海鹽，甜中帶咸味，幾特別👍🏻 𝒟𝓇𝒾𝓃𝓀𝓈 🫖洋甘菊茶 🍹凍檸檬茶

今次跟開心果關注組搵食😙之前bookmark咗呢間開心果醬西多士好耐，終於有機會試吓😛星期六中午去到好彩唔算好多人排隊，等咗15分鐘就有得食☺️ 小店主打天然無添加堅果醬🥜有花生、杏仁、核桃、腰果、榛子、開心果嘅配搭😇小食可以配多士、西多士同埋素窩夫🧇仲有甜品、飲品同埋可以買走堅果醬😋 🥪開心果醬西多士($58) 西多士係蛋奶素，用咗法式西多士嘅做法🤓兩片麥包中間夾住開心果醬，吸滿蛋漿先再用牛油煎香🧈再切成小塊，表面淋上焦糖煉奶，同灑上開心果碎🤩口感比較港式西多士重蛋香同濕潤🤤食落口感會比較淋身，如果追求脆口啲嘅可以揀多士😉

講起沙嗲王，唔知大家會唔會好似我咁😏第一時間諗到嘅並唔係沙嗲😌😌而係白咖喱😆正因為佢白咖喱咁出色，最近仲成為沙嗲王嘅副線餐廳嘅主打👏🏼 🐷白咖喱香茅豬扒飯 ($65) 宜家嘅白咖喱飯可以配嘅餸多咗好多選擇😍除咗以往成日食嘅豬扒，仲有煎雞扒、吉列豬扒同魚柳🤩不過揀來揀去都係想重拾以往嘅味道😌揀返香茅豬扒😋值得一提嘅係仲可以加$13將白飯轉做椰菜花粒粒飯，減低罪惡感😈 🥩自家製漢堡扒滑蛋蓋飯 ($78) 原本係設定係法式牛扒汁🥩但一場嚟到當然要轉白咖喱汁🍛自家製漢堡好厚，勁多肉汁🤤漢堡調味唔會太咸，配搭白咖喱食啱啱好☺️☺️ 🐙和風紫菜墨魚餅 (+$24) 🥕飲品+ 溫野菜 (+$18) 🧄飲品+ 蒜蓉牛油雞翼 (+$22) 🍋凍青檸柑梅蜜 (+$8) 🧊番石榴梳打 (+$8)

之前返工有用app叫過外賣都覺得唔錯😋我估外賣好食，堂食一定更加正😆同埋重點係堂食真係平好多🤩 🐣脆脆雞堡 ($65) 堂食終於可以試吓佢新出嘅炸雞堡😝炸雞又大又厚身，炸得脆卜卜😋最鐘意佢用芥末蛋黃醬，香香辣辣，平衡返炸雞嘅油膩感👍🏻 🥩德州之堡 ($70) 另外試一個想試好耐嘅德州之堡😍堂食價錢真係抵食好多😆好豐富🤩有安格斯漢堡，炸洋蔥圈，煙肉同半溶芝士🧀牛漢堡雖然唔算好厚好有肉汁，但勝在肉味勁濃😆就算配搭濃味嘅煙肉🥓牛肉味都好突出😙 🥗正雞沙律 ($52) 沙律都好大份，有得揀柚子醋，千島醬同凱撒沙律醬🥗鐘意食醬嘅我就覺得再多啲醬就仲正😛雞扒就好大塊，juicy又惹味👍🏻 🍏青蘋果特飲 ($28) 特飲就係果汁梳打🍏雖然望落顏色有啲嚇人😆😆但味道唔算太甜，漢堡配有汽飲品就係爽😎汽水以外多一個選擇😙

放假又可以開拓返我嘅食cafe癮😇嚟到週末繼續喺bucket list搜尋👀今次就揀咗呢間想試佢窩夫好耐嘅cafe🧇 🧇Banana & Nutella Croffle ($108) 為咗佢窩夫嚟，但原來係croffle😛一路等一路聞到好香🤤好期待😍結果真係好靚好豐富🤩 Croffle勁香脆，醬汁按自己喜好淋落去，醬汁比平時嘅稀，但反而朱古力榛子味更出，而且仲冇咁甜咁膩😋 🧀Basque Cheesecake ($68) 因為我哋嚟之前已經食咗晏🤭所以再揀多個cake🍰 仲加個雪糕 (+$12)😆😆😆巴斯克蛋糕切件都幾大份，中間夠流心，表面又食得出微焦香，高質😙 🖤Black sesame latte ($48) 芝麻latte好特別😍個拉花好有心機好靚🥰 都幾好有得揀oat milk/ almond milk🥛飲落好香濃芝麻味😆好似飲緊芝麻糊，果然值得推介👍🏻 🍍lol Jasmine Green tea ($53) 最初以為係普通茉莉綠茶😛點知有好多生果🍊仲有淡淡果香🍍幾清新，配甜品啱哂🥰

之前喺中環想食啲唔太貴，但又想坐得舒服時候就會諗到佢😆今次做完野經過先發現原來喺灣仔都有分店😍呢個價錢可以喺港島區食得飽飽又高質都算抵食😆 🐮紅燒牛肉麵 ($92) 牛肉有4大塊，煮得軟熟入味😋麵係烏龍麵，有口感又掛湯😁湯底香濃得來甜甜哋，帶少少辣幾惹味😋 🐣鹽酥雞 ($48) 台灣嘢必叫嘅鹽酥雞😝大大碟好澎湃，雞粒炸得夠乾身又香又酥脆，食到停唔到口😂 🍖烤台灣腸 ($32) 台灣腸同平時食嘅有啲唔同，唔係原條烤，係切開一片片，相對比較乾身同埋脆口🔥 🍠黃金芋泥球 ($42) 身為芋泥控嘅我一見到已經心心眼😍果然冇令我失望一咬開外皮好鬆化，入面包住香甜嘅芋泥，然後中間嘅黃金醬立即爆曬出嚟🤤🤤 🍡芋圓仙草 ($42) 冇諗過會咁大碗😲根本係2人份😆仙草加咗花奶更加滑，芋圓又夠煙靭👍🏻成碗凍冰冰，最啱夏天消暑🧊 ❄️冷泡白桃烏龍茶 ($24) ☕️熱四季春茶 ($20)

每次講到食太二酸菜魚，朋友一定話北上最抵食😆不過總係夾唔到時間一齊去食🥲同埋有咩好得過當放工個人已經攰到唔願行嘅時候，屋企附近就有得食😋 餐廳坐得都幾闊落幾舒服🥰有自助水bar可以沖花茶🫖味道正正常常，都可以玩吓😂 🐟老檀子酸菜魚 (1-2人份) ($258) 每次放底魚嗰陣都要叫口號都幾搞笑😆不過都真係幾大碗魚，見隔離四人份仲大仲誇張😲話就話1-2人份，但魚肉都幾多大大盆，話係三四人份我都信😂本來仲以為會食唔哂，但可能太惹味😝最後竟然食得哂😋 酸菜魚賣相勁靚，湯底呈金黃色，魚塊大大件有光澤🤩酸菜恰度剛剛好，唔會太酸😁香香辣辣嘅湯底撈飯($12)最啱😋唯一缺點係冇得揀辣度🥵對於唔太食得辣嘅我哋🫣食落就有啲吃力🥲要即刻叫杯凍飲先得😂 脆豆腐 (+$20) 薯粉 (+$20) 幹葱菌菇灼菜心 ($38) 奶凍綿綿紅豆沙 ($28)

啱啱嗰星期長老生日🎂諗住帶佢食餐好😆搵搵吓發現 @grandhyatthongkong 有個flash sale😍自助餐低至買一送一🤩可惜當刻已經太遲😂買一送一已經賣哂，只係得返8折優惠😆 (星期五至日 原價$1909/2位—> $1562.4/2位) 其實咖啡廳同茶園都有自助餐優惠😛最後揀咗茶園，因為之前試過幾次下午茶都覺得唔錯😋再加上茶園正舉辦「蠔門蟹宴」主題自助晚餐🦪 當晚嘅生蠔有自法國西岸知名養殖家族 David Herve嘅Fine De Claire同La Boudeuse🦪全部都係新鮮即開，大家排隊密密拎，廚師就密密開😂清咗一輪好快就refill返，所以唔怕食唔到😙生蠔都幾飽滿，食落鮮甜👍🏻除了即開生蠔外更有幾款不同口味的焗蠔，愛食蠔嘅啱哂😆😆 熟食方面，茶園行西式路線，只提供歐陸美食，所以平時常見嘅中菜呢度就唔會見到☺️ 試咗佢哋主打威靈頓牛柳，味道中規中矩，未到好驚艷😆反而旁邊嘅羊架更吸引，肉質嫩滑，羊騷味濃🤤 每位都會有一隻即煮波士頓龍蝦🦞煮法有3種：凍食、芝士同牛油🧈如果胃口許可😆我一定最推介芝士🧀真係好香🤤另外要讚佢嘅細心🥰原隻龍蝦鉗已經拆好放埋一齊焗，輕鬆簡單又乾淨就可以食晒成隻龍蝦😋😋👍🏻 甜品絕對係茶園一大賣點😍精緻嘅蛋糕櫃同自家製雪糕真係叫人花多眼亂🤩蛋糕一件件放喺玻璃櫃入面，就好似cafe咁🥰試咗幾款都好高質😋最正就係法式千層酥，皮酥脆cream又滑🤤 另外仲有即製嘅橙酒crepe🍊就算嗰肚就快撐爆都想試吓😝好濃酒香🥂皮好夠煙靭，值得一試😉

Lunch hour時喺北角諗住搵食😛沿途見到一眾打工仔們都拎住一式一樣嘅外賣返office😂行左一輪終於比我搵到個源頭🥹🥹 🍳黯然銷魂飯 ($63) 食叉燒梗係要揀半肥瘦🤤除此之外，落單嘅時候仲有得揀叉燒要肥啲瘦啲，我就揀咗淋啲同燶邊，勁貼心☺️蛋又可以揀煎蛋、反蛋、太陽蛋，粉就可以轉米粉瀨粉🥰叉燒好高質，燒到立立令，入口軟腍連帶邊邊有層細細的肥膏🤤加埋我最愛嘅燶邊，又香又惹味😍😍太陽蛋估唔到有兩大隻咁足料，煎到燶邊最啱我撈飯😋😋