餐廳環境真係好適合打卡，之前已經試過一大班朋友過嚟，飲下酒叫咗啲小食就冇試過正餐，佢啲小食真喺幾唔錯，今次同閨密嚟慶祝生日。 佢哋啲signature Cocktail/mocktail 其實真係好有特色，今次叫咗啲QQ類型，Flamingo $68 超可愛嘅紅鶴杯，喱杯喺無酒精的，另外嘅after Nightfall就比較重少少酒味，但係佢嘅漸變色好靚好夢幻，其實佢仲有一啲閃閃發光嘅Cocktail，不過今日做唔到，唯有下次再嚟啦。 前菜叫咗個生牛肉他他伴黑松露配10年陳醋$188，陳醋配搭酸味味，好適合作為開胃菜，配上多士簡直一流，但係少啲少啲咁樣食嚟送下酒都唔錯。 主菜叫咗澳洲MB2嫩牛柳$398 五成熟真係剛剛好，份量就細咗啲，不過兩個女仔食就啱啱好，其實最重要都係方便打卡靚啫。 蘇格蘭蟶子胖虎蝦玫瑰醬意大利飯$298 好大隻蝦同聖子，我發現佢仲有魷魚普通鮮蝦魚柳等等其他海鮮喺入面架。 如果真係要嚟慶祝嘅話，記住預早book枱，同Staff講返聲係慶祝，等佢俾啲靚啲嘅位。 同埋呢呢度其實有室外可以望到海景，但係因為今日天氣比較差落大雨，室外場地就冇開放啦。不過唔緊要，下次總會有時間再嚟。

今日咁岩返嚟poly，發現喱到都同學生時期唔同哂，多咗幾幢新樓，新樓商場都開咗好多唔同餐廳。搵間坐得舒服啲又唔會俾人趕走嘅Cafe，因為要慢慢聚吓傾吓偈，其實一開始見到佢全日happy hour生啤吸引到上嚟。不過都係食個正餐埋嘢飲好似抵啲。 今日想食羊，所以叫咗個澳洲草飼羊扒，額外可以加$20轉特飲，揀咗杯好靚嘅宇宙落神。羊扒叫咗五成熟，味道都好唔錯👍同埋佢額外配埋沙律同餐湯其實都真係幾唔錯。 另外叫咗個健康牛油果餐，牛油果巴馬火腿薄餅🍕同埋加$24有杯牛油果沙冰，如果鍾意牛油果嘅你一定會好鍾意呢度，因為呢度真係有成個Menu都係牛油果主題。Pizza嘅牛油果醬都幾多，所以口味都好豐富，再加埋杯牛油果沙冰其實都真係幾飽，飽飽肚真係證明好足料。 其實環境真係好舒服，都坐得好舒適，有時候想同朋友慢慢坐下傾吓偈都好推薦呢一個餐廳。

將軍澳嘅海景fusion茶樓，好難得見到點心嘅地方會有酒吧區，一入到去見到隔籬枱飲緊紅酒，但係食緊點心，跟住望住個夜景海景都幾chill 佢有幾個特色菜都好值得推介，叫做韭菜金錢蟹盒（$55），其他地方真係食唔到，係一個超脆嘅炸雲吞入面有包住韭菜蟹肉，外皮真係超級脆。 另外仲有個芝士蒜蓉蝦春卷（$48），腸粉包住春卷再加埋係大大隻蝦又係入面，仲有少少芝士蒜蓉嘅味道，同以前食開嘅鮮蝦炸春卷好唔同。 跟住仲有個鵪鶉蛋松露燒賣（$55），同舊式嘅鵪鶉蛋燒賣好唔同平時啲鵪鶉蛋燒賣鵪鶉蛋會喺上面，但係佢呢一個鵪鶉蛋會喺中間，上面係用松露點綴。最重要嘅係鵪鶉蛋係流心㗎。 仲有啲特別嘢就好似，蒜蓉粉絲蒸鮮魷（$48），呢個都幾有特色。額外都仲叫咗山竹牛肉、蝦餃、叉燒包。total叫咗7個點心，大約人均消費$200一位，但係就可以望住無敵海景，吹住風，鍾意嘅話仲可以叫杯酒飲。

大埔嘅高質放題，一入門口就見到朱古力噴泉同糖果區，仲有沙律吧雪糕櫃。呢度簡簡單單都每樣幾款。飲品都超多款，啤酒都任飲，仲有燒酒😛酸梅湯。 叫咗個最普通嘅A餐，開餐之前通常會叫個熱辣辣嘅鍋物打下底先，叫咗個肥牛粉絲鍋食完即刻暖胃開始作戰。另外都有啲鍋物,有卜卜蜆、蟹粥。 魚生都成十幾款,三文魚同油甘魚都喺厚切肥美的,仲有阿根廷赤蝦,超大隻好好食,啖啖肉，仲有杯杯吞拿魚蓉。另外特色嘅泰之味冷鮑魚都好推薦。 燒物都好充足,有燒菠蘿、牛舌、羊鞍、薄牛肉、生 蠔、等等....... 今次佢嘅燒菠蘿真係好正，唔知係咪因為啲菠蘿夠甜，前前後後真係叫咗成打，另外佢啲燒物真係比較出色，天婦羅都好正，總之就雞軟骨都叫咗12串，然後就係瘋狂叫天婦羅🤣

不得了，第一樣嘢係講咗個鵝肝多士先。呢樣真係不得了，一定要推介俾大家必點菜式。一上菜嘅時候已經feel到佢熱辣辣，見到鵝肝就已經好Juicy，一啖咬落去，外脆內流心feel，真係入口即溶好正。 其次，都叫咗好多唔同類型嘅串燒，店長特別推介自家製免治雞肉棒+溫泉蛋，呢一種食法都係第一次試，個雞肉棒都好足料，免治形式上口感軟化好多，再加埋個溫泉蛋醬汁，真係一種食法，推介俾大家。 另外呢都叫咗荔枝豬肉卷，其實又咸又冇諗過會咁夾，加上燒熱咗嘅荔枝，多咗好多水份令到喺外皮燒嘅豬肉冇咁乾身。 牛舌就更加唔使講，基本上都係必點，口感十足勁厚身。 鹽燒雞翼，基本都係必叫啦，開咗骨，食落方便好多，都好有水準外皮好脆口內裡肉質鮮嫩。 另外仲有雞皮同埋豬大腸，雞皮真係超級鬆脆，但係亦都保留住雞皮嗰種煙靭嘅口感，豬大腸就簡直係新一種食法，腌料醃得好好。 額外叫咗個雜錦天婦羅，有齊南瓜、大蝦、秋葵、番薯、冬菇、茄子，每一樣都好好食，特別要讚嘅係茄子係切到唔斷嘅一絲絲，呢個做法真係好用心。 仲有我最喜歡嘅燒飯團🍙，最喜歡食飯焦，飯焦嘅焦香又朔咗少少三文魚嘅香味，加埋醬油已經燒咗落飯香入面，雖然好飽，但係真係好味道。

今日落大雨，行完donki喺附近搵間餐廳🍴坐下休息下，樓下見到喱間環境唔錯，同埋有齊咁多國嘅東南亞菜，入嚟試一試。 泰式牛肉沙律（少少辣）$138 講真，一開始比呢個前菜嚇親，冇諗過個牛肉係咁好食，佢應該喺慢煮嗰種方式，keep住五成熟，肉質勁嫩滑，口感勁軟身。再配上佢嘅特製醬汁，真係無懈可擊，同埋份量超大份差唔多成塊扒喺度，絕對絕對推介。 串燒沙嗲（六串）$128 呢個份量真係好大份，完全低估咗佢，佢每一串串燒，每嚿肉都好大嚿。齊晒雞牛豬，下次如果一班friend嚟嘅話呢，一定要再叫。 牛油雞咖喱（唔辣）$138 個咖喱一上嚟就已經超級香，同埋真係熱辣辣，咖喱果然係要配雞係最好食，當然當然一定要再配上呢一個薄餅，今次叫咗酥油薄餅（$38），其實即係手抓餅，口感層次會比烤餅豐富。 越式炸香蕉（$78） 呢個係用咗好多果仁包裹住條香蕉之後再炸，再配上蜂蜜，第一次食，感覺覺得幾神奇，開頭以為係連蕉皮炸，其實佢係應該用粉漿包住條香蕉。其實係澱粉質作為甜品嚟講真係太飽了。 飲品： Fruit Float $68(mango,pineapple,orange juice) 冇錯，就係酸酸甜甜嘅感，比較大杯，可以慢慢飲，不過比較甜。 Rise & Shine $58 (cucumber,cranberry,lime) 呢杯就比較清新，唔會太甜。

今日喺觀塘收工，屋企冇飯食都係食埋嘢先返去，其實觀塘真係冇乜選擇，唯有真係搵吓工廠大廈有啲乜嘢食，突然想食台灣嘢見到呢間嘢都好多人推薦。 好耐冇食過台灣嘢啦，叫啲小食試吓先。 首先點咗個酥炸魷魚（$48）同宜蘭花枝丸（$38）果然就係台灣小食嘅味道，花枝丸真材實料，每一啖咬落去都好彈呀。真係又魷魚鬚反而爭少少味道，可能以前喺台灣食嗰啲實在太重口味😂 另外叫咗個滷肉蔥油拌麵（$54），好大份呀，好彩係兩個人share食，一大碗嘅滷肉，撈落個麵度，根本就係肉多過麵。 另外口痕，叫多咗個芝士肉鬆蛋餅，其實真係好耐冇食過啦，芝士同肉鬆係最好嘅配搭，搞到好想去台灣。 今日有啲涼涼哋，叫咗兩杯熱嘢飲，叫咗個百香果紅茶（$26）同埋桂圓薑母茶（$20） 百香果紅茶酸酸美味，勁開胃，個friend有啲唔舒服，飲完薑母茶之後，好暖胃。其實我覺得佢啲飲品好高質，同出面啲茶飲店有得揮，絕對可以當係茶飲咁樣拎走外賣。

其實喺觀塘工廈真係好多嘢，呢間古今二喺其他地方食開，今次帶朋友上嚟試吓呢一度啲特色壽司卷。 因為其實都飽飽地，決定嗌細份，一開始嚟叫咗個細份嘅龍捲風沙律（$48） 酸酸甜甜，有少少薯片薄脆片，配搭青瓜，蟹柳、蟹籽、沙律菜，喺食壽司前開下胃口唔錯。純粹因為真係有啲夜，想叫啲嘢嚟頂住肚先就最啱。 金龍卷（4件）$55 三文魚、炸蝦🍤及芝士，推獎無理由唔試試，食落口感好豐富，外層嘅三文魚入口溶化，配上內層嘅炸蝦芝士又係另一番口感。 青龍卷（8件）$98 超正嘅牛油果同鰻魚，仲加上蟹柳，牛油果真係好正，牛油果絕對要叫呢一個青龍卷。 鹿兒島豚肉蘆筍$45 蘆筍超好食，佢啲BB蘆筍唔會好老超嫩，豚肉都係燃燒為主，配搭上好夾 秘製蒜香牛油燒帆立貝$38 嘩，呢個真係好好味，好鍾意食帆立貝，牛油超級香。 其實份量上好啱女仔食，如果有男仔就叫大份啲，女仔食少少就好足夠啱啱好。

真喺大癲，估唔到比我發現到咁正嘅 Bar & Restaurant,cocktail 勁有特色同埋仲有做到六月嘅$99豬手優惠 超級打卡able 泰式醬 脆皮德國鹹豬手 $99 鹹豬手烤到香， 一上嚟分量好大，外脆內嫩，再配埋秘製泰式酸辣醬，食慾大增，啱曬呢種悶熱的天氣。 拿坡里肉腸 $106 是一個調製好以番茄作底味的肉腸醬，再配埋烤香的簿餅，肉腸醬好香，簿餅好脆。食落好夾 芥未牛肉沙律 $88 牛肉是慢煮的，食到原汁原味的牛肉味，再配埋沙律，健康得嚟又好食。 燒多春魚4條 $44 叫嚟送酒，好野味，吹下水，飲下食下，開心的晚上。 YaKuli strawberry $68 隻杯超靚！睇得出店主的心絲！是士多啤梨沙冰+益力多+少量酒，成個組合好正，酸酸甜甜，有少少酒味，微微醉。 Hua Diao $60 隻杯超靚！睇得出店主的心絲！是沙冰+果汁+花雕酒+淡淡的玉桂香味+薄荷味，比例啱啱好，邊飲邊食，同frd吹水最好開心。

喱間新開嘅茶飲店，真喺突然之間發現，見到依家做緊限定蜜桃烏龍，橫掂要睇戲買來試試。 叫咗三分甜，果然喺香港人口味，一開始好驚三分甜都會好甜，放心喱間嘅比例溝得好好，絕對唔會太甜，同埋果肉都好足料，飲完都飽咗一半。 另外都試咗杯芋圓鮮奶奶茶，口感都好豐富，超級多芋圓超正，奶茶驚唔甜唔好飲，所以叫咗個5分糖，諗住攞嚟比較吓3分同5分嘅分別，果然奶茶都係甜少少好飲啲，5分糖覺得剛剛好，但係冰方面就冇乜特別要少冰，正常冰嘅情況之下，我覺得係剛好的。