💋 招財比比 6吋 ($388) 前一段時間生日，朋友知小編鐘意d造型特別既蛋糕，所以就買左呢款Twinkle Baker Decor既吸睛貓貓蛋糕😍 佢其實入面係好立克慕絲、海綿蛋糕加焦糖脆珠，攞到上手都比想像中大件 😬🤧🤧 不過好可惜，佢既味道同外表係唔成正比既，好立克慕絲勁甜，焦糖脆珠一d都唔脆，而海綿蛋糕就太硬又冇咩牛油香 🥴🥴 （📈推薦程度：3/10） 結論：純打卡用，抵唔抵見仁見智，但係小編就不了🤧

💋 特級白湯 大 ($118) 呢間日本過江龍都開咗好耐，由開業到宜家小編至少食咗20次 🤣 每次都係叫呢個特級白湯，一上枱個碗就非同尋常，大個塊面，好打卡able 😝😝 個雞白湯同其他拉麵既湯好唔同，冇味精既味道，鮮甜又唔油膩，將上面d白蔥絲同豆苗浸埋落個湯一齊食，真係好正 🤤 糖心蛋同筍冇咩特別，叉燒就略嫌薄咗d 🥣 另外仲試咗個雞軟骨餃子冇影到，脆卜卜，口感幾特別，都值得一試 🥰 （📈推薦程度：8/10） 結論：個湯成碗飲晒都得💕

💋長州大魚蛋 ($10) 黎到長州十個有九個都一定會食大魚蛋 🤤 呢間甘永泰係小編每次必試，鮮味又彈牙，唔洗豉油都好夠味，仲好好彩啱啱出爐熱辣辣 😍🥰 不過服務方面都係出晒名既差，事頭婆粗聲粗氣，去之前記得做定心理準備 😅 （📈推薦程度：7/10） 💋魚肉釀豆卜 ($20) 呢個係小編見前面排隊好多人都有叫，所以就跟風要咗一串 🤣 不過因為唔係啱啱炸起，事頭婆亦都唔會幫你翻炸，一食落去就成口油，仲要係凍冰冰既油 🥶🥶 入面d魚肉都有鮮味既，如果熱既應該都幾好食🤧 （📈推薦程度：4/10） 結論：見到邊隻新鮮出爐就買嗰款啦，因為真係好大分別🥴

💋 真 · 叉燒拉麵 ($108) 作為食肉獸，小編好多時食拉麵都會覺得叉燒太少，但係又唔捨得俾幾十蚊額外加多份叉燒 🤣🤣 今次搵到呢間拉麵舖，大大塊既慢煮叉燒舖滿晒成個碗，好滿足 😍 真·叉燒因為係慢煮既，所以顏色偏粉紅，食落口好嫰滑，邊邊有少少炙燒味，不過肉味就唔係好濃，而且偏薄，唔適合d鐘意有口感既叉燒既人 🍖🍖 湯底有清湯、濃湯或者地獄湯，小編今次就試咗濃湯，唔算太特別，係平時食開嗰d醬油豬骨湯味 ☺ （📈推薦程度：7/10） 💋 餃子 ($30) 餃子一份有5粒，同平時其他拉麵舖會食到既日式煎餃子差唔多，個底煎得都夠燶，而且熱辣辣上，點埋餃子醋食都幾好味 🤤🤤 不過食完個碟都有唔少油，整體偏油膩一d 🥺 （📈推薦程度：6.5/10） 結論：食肉獸必黎！🥩

💋 月見豬腩肉丼 ($82) + 套餐組合 ($15) 成日經過一田都見到呢間餐廳有人排隊，今次特登早d黎，平日6點去到唔洗排隊就有得食 😝 呢款豬腩肉丼飯應該算係佢地既招牌，大大塊燒得好靚既豬腩肉，撈埋中間既生蛋黃同青蔥粒一齊食，真係邪惡到不得了 😈😈 整體肉既份量都夠多，可以撈晒成碗飯，醬汁好味價錢實惠，加錢跟餐既沙律同味噌湯就普普通通 😗 （📈推薦程度：7.5/10） 💋 火炙三文魚親子丼 ($108) 呢個唔記得咗影，不過因為伏咗所以都想寫埋話俾大家知 🤣 首先佢刺身分量少，三文魚有細骨 🤢 而且最重要係佢d飯係熱辣辣既，同豬腩肉丼既飯底一樣，唔係我地expect既壽司醋飯 😭😭 伏到朋友一半都食唔落 🙃 （📈推薦程度：2/10） 結論：刺身丼用熱既飯真係死罪☠☠

💋 The Backyard Breakfast 全日早餐 ($138) BEANS最出名既應該都係佢既全日早餐 😆 今次小編第一次食，果然冇失望 🥰🥰 最出色都係個冬甩型既窩夫，一入口就有蜜糖味，香甜軟熟，加埋whipped cream超好味 💕 其他配料就正常發揮，egg benedict流心，哈密瓜都夠甜 🍈 （📈推薦程度：8/10） 💋 黃金蟹肉意大利粉 ($102) 相比之下呢個意粉就普普通通，入口蟹肉同鹹蛋黃味都有，不過食到一半就有d膩 😅 蟹蓋就純打卡用，入面咩都冇既，同埋配咗兩條肉桂麵包條，唔係太夾 🥴🥴 （📈推薦程度：5/10） 💋 黑松露薯條 (跟餐 +$25) 呢個見好多人推薦，而且叫咗主菜+$25就有，好抵咁 😗 不過現實中d薯條唔夠熱，而且好油 🤕🤕 雖然個黑松露醬幾好味，但係小編都係覺得冇下次 😅 （📈推薦程度：3/10） 💋 是日甜品 - 焦糖燉蛋配馬德蓮蛋糕 (跟餐 +$25) 黎到BEANS點可以唔叫甜品 😝 呢款甜品擺得幾精緻，個焦糖燉蛋好味，用匙羹敲碎上面脆卜卜既焦糖好有滿足感 🥰🥰 不過水果較酸，個黑色既馬德蓮蛋糕又硬又凍 🤢 （📈推薦程度：5.5/10） 💋是日甜品 - YUZU 柚子蛋糕 (跟餐 +$25) 呢個芝士造型既蛋糕小編想試好耐啦，真係好得意 🤭🤭 佢其實係個柚子味慕絲蛋糕，甜甜酸酸好好味，不過比較細舊，兩三啖就K.O.晒成舊😭 （📈推薦程度：7/10） 💋黑糖薑母茶 (跟餐): 正常水準，暖胃 💋蜂蜜檸檬 (跟餐): 唔好學小編叫少甜，變咗冇味檸水🤣 結論：如果可以叫10舊蜜糖窩夫就好啦💓

💋 招牌辣子雞 大 ($428) 黎到呢間時代開咗冇幾耐既川川，梗係首先試下佢既招牌 🤤 一上枱已經聞到好香濃既麻辣味，而且視覺上都幾震撼，勁多辣椒 🌶🌶 入面d雞粒炸到好香脆，調味得好好，簡直食唔停口 🥰 不過越食越辣，成條脷麻晒，最尾小編都忍唔住叫翻罐可樂黎解辣 🥵 而且入面d雞粒唔少都有骨，食個陣要小心d 😜 （📈推薦程度：8/10） 💋 蒜泥白肉 ($138) 由於一齊既朋友有唔食得辣既，所以之後叫既都係唔辣既菜式 😥 呢個蒜泥白肉好濃郁，中間d蒜泥打到一pat醬咁，完全冇蒜粒 🧄 小編自己就比較鐘意好似潭仔嗰種有d蒜粒既，不過同行朋友反而對呢款讚不絕口 🤤🤤 整體配埋下面既醬汁一齊食超滿足，不過份量較少 😥 （📈推薦程度：6.5/10） 💋 花雕豬手煲 ($208) 豬手煲煲得好淋好入味，夠晒大舊，一開蓋已經超香花雕味，上面仲撒咗d白芝麻粒，香噴噴 😍😍 反而下面d白蘿蔔麻麻地，仲有d硬硬地唔夠熟既感覺，而且同個花雕醬汁唔算太夾 😥 （📈推薦程度：6/10） 結論：辣嘢出色，其他就比較普通😗

💋 鲷白湯拉麵 ($138) + 櫻木煙燻糖心蛋 ($15) 呢間拉麵店同上次介紹既座銀雞白湯拉麵係同一個集團，而且地點都喺附近😗 魚白湯一樣採用打泡既方式，魚味超濃郁，仲會食到攪碎咗既粒粒魚肉🥰🥰 不過食到最尾幾啖個湯濃到重口味既小編都飲唔落 🤣 而且個人覺得個柚子醬麻麻地，亦都唔鍾意湯入面加咗洋蔥粒 🧅 糖心蛋就同座銀一樣出色，好香煙燻味 🤤 另外要注意鋪頭位置較少，平日中午12:15去到都要等半個鐘先有位😭 （📈推薦程度：7.5/10） 結論：記得早d去排隊啦😜

💋雞白湯沾麵 ($148) + 棵木煙燻糖心蛋 ($15) 呢間拉麵舖開業以黎小編都食過好幾次，今次第一次試佢既沾麵，不過有d失望😞 沾麵個湯碗好似唔係好保溫，加上d麵係凍食，沾唔夠半碗個湯已經凍冰冰🥶🥶 同埋沾麵既炸牛蒡份量比起拉麵少，叉燒都得一片😪 不過雞白湯都係一如既往既好味，沾麵仲要再濃郁d 🤤 糖心蛋雖然比起其他拉麵舖價錢進取d，但係煙燻味好香，都係小編每次必叫 💕 (📈推薦程度：5/10) 💋雞白湯拉麵 ($138) 呢個就極力推介 🥰 打泡既雞白湯好鮮味，加埋脆卜卜帶少少甘苦既炸牛蒡浸住一齊食，真係一絕😆😆 (📈推薦程度：8/10) 結論：下次都係食翻雞白湯拉麵🤣

💋莓苺角酪 ($38)
呢間鋪頭最出名係佢既長州地鐵站打卡位😝 飲品方面都幾清新，唔會太甜，加埋粒粒紫米好有咬口🤤🤤 不過杯上面既士多啤梨兩片都較薄，同埋整體士多啤梨味都唔係太重🍓 莓苺角酪要$38，如果下次再去我可能會叫番平$10既經典角酪😅
(📈推薦程度：6.5/10)

結論：難得去離島都值得黎打下卡，不過如果市區呢個價位就可能未必會再黎😆

🏡長州角酪
地址：長州新興街78號地鋪
人均：~$30 - 40