天氣漸漸清涼, 風意陣陣就特別想去居酒屋感覺既餐廳食野, 奧海城附近經過, 見到一間牌面閃閃, 引人注目的餐廳─ 酒燒弄。二話不說就與友人入去坐低 餐廳以串燒為主打, 食物的選擇很多,不同款式的一人餐, 決定叫A餐($298)再加個熱湯喬麥麵($48)試試，之後再想再試其他, 又多叫了兩串燒物,慢慢傾計品嚐 先到的是A餐的小食, 鱈魚乾。以舊香港的小杯裝上鱈魚乾很特別。魚乾微暖, 入口即溶化口中, 一咬卜卜脆, 真是送酒佳品, 一食就停唔到 之後上台的是一盤串燒, 入面有冬菇、雞翼、茄子、軟骨雞肉棒、翠玉瓜、黑豚蘆筍卷、汁燒豆腐、極品牛舌心, 賣相吸引, 陣陣肉香 先食的是冬菇、茄子和翠玉瓜, 三樣都非常Juicy, 每一口都流汁, 估唔到燒完都可以咁水分充足, 完全唔乾。 之後一試雞翼, 一夾起香味十足, 一咬表面焦香脆, 肉質嫩滑 再試試軟骨雞肉棒, 口感軟軟又有咬口, 非常好食 黑豚蘆筍卷好香甜 汁燒豆腐的皮少脆, 豆腐滑,豆香味濃郁 配上熱湯喬麥麵，啖啖暖胃熱湯，而且麵質彈牙 極品牛舌心是我至愛, 當然放最後慢慢品嚐。 牛舌濃厚的牛味滿滿於口中停留, 每啖都彈牙 以芝士年糕作套餐的甜品，外脆內軟，香濃芝士味，入口即溶化 食完意猶未盡，當然繼續叫, 最後叫了豬頸肉($32) 邊食串燒,再加杯梳打, 很常合我心意，迎接秋去冬來的感覺

好耐冇同Dodo遊車河，有日特登入淺水灣同老公去放Dodo，近排沙灘唔開冇咩人，唔似以往人山人海，不嬲都個果邊有幾間餐廳，唯獨一間傳出陣陣炭燒香味，比香味吸引左入去 打算Meun 發現都好多唔同款式野食，有刺身、壽司、天婦羅同魚生丼飯，真係估唔到。既然咁香炭燒味，當然少不了叫串燒 第一個上菜既係什錦天婦羅($240)。賣相好靚，而且天婦羅蝦有3隻，十分足料！ 食第一啖天婦羅超薄又脆皮，入口即溶 第二道係笑酤卷($188)，有好多天婦羅脆脆係面，入面包住既係天婦羅蝦，口感好有層次感同好特別，外脆內脆，加埋飯超夾 第三道係和牛炒飯($208)，份量好夠，而且飯有焦香，飯配上牛味重既和牛，簡直就係絕配 食完第三道，終於到今晚既重頭戲，串燒終於上啦 串燒大啡菇($48)、雞肉蔥串($48)、串燒牛舌($68)、串燒黑豚腩($42) 大啡菇好juicy, 燒得有碳燒味，仲要唔乾，食落好有水分，好加分 雞肉蔥串，燒到岩岩好，雞超滑，而且蔥香味好濃，好正 串燒牛舌厚薄適中，，有牛味而且燒到岩岩好，一塊一啖，睇得出師傅切功好好串燒黑豚腩，炭燒味一上菜就特別香，豬肉半肥瘦，燒完好焦香，表面脆入面軟，而且啲油花湧出嚟，入口溶化既感覺好正

今日星期四放工，OT完特別攰自己一個食，決定放鬆下唔煮飯經過樓下商場 見到一間新既巴基斯坦食店專賣肉捲、薄餅，款色好多，岩曬我呢啲減緊肥，唔想食咁多電粉質既人 佢係一個類似food court既商場 出面有位可以坐低食 不過我緊係外賣返屋企 have a me time啦 返到屋企打開個袋 個捲超足料而且份量超多，足足有我成隻手臂咁長，仲粗過我隻手腕呀，完全估唔到 見佢料好足, 咬第一啖啲菜超新鮮，好清爽又甜，配上肉食味道好唔錯另外，皮都幾薄，少少煙煙韌韌，食落有豐富口感 一邊食一邊睇戲爽呀

好難得黎食一次buffet, 一早book 好位，樣樣都好好食，而且款式又好多，同大家分享下 我地攞左三輪野食，肉眼扒真係好正，好香牛味，而串燒係即叫即燒，雜錦天婦羅都係，好正呀

今日好開心, 可以同朋友慶祝生日，知佢中意食日本野，一早揀左呢間你旺角相當出名既餐廳。試過WALKIN黎過，可惜冇位，所以今次一定要食到呢間居酒屋


一入去，原來分左兩層，地面係接待加一個小BAR台，好有feel，再上就係二樓，燈光柔和，加上音樂，好適合傾計飲野


餐牌款式選擇好多，有串燒又有有午市商務套餐，會包味噌湯同前菜，生日豪食係指定動作，難得一場黎到，我地當然想食多幾款唔同既招牌菜，我地叫左個滑蛋吉列付骨豚肉扒 ($198) 同胡麻角切魚生 ($168)，拖羅蓉脆米餅 ($88)，手打免治雞肉棒 (一串) ($68)，秋葵 (一串) ($22)，
一口芝士黑豚卷 ($128)

先上台既係拖羅蓉脆米餅，上面有少少蔥絲，賣相好靚，我地都有打到卡，然後先食，估唔到啲蔥好爽，中間一層拖羅好鮮甜，入口有溶既感覺，加上脆米餅的口感，食落有唔同層次感，朋友讚不絕口


手打免治雞肉棒配生蛋，我同朋友都好中意食蛋，所以食之前都將雞肉棒沾上滿滿既蛋汁先食，外表吸引不但止，而且好食既精髓在於雞軟骨，有少少雞軟骨，會令口感更突出，呢到做得好出色

秋葵燒完熱上，有燒香既味道，入口都好爽，而且都份量都多，有3大條

一口芝士黑豚卷係一道好出色既作品，係千層芝士豚肉卷既mini版，見好多人都有叫，如果驚千層芝士豚肉卷太多食唔曬，又想試下，一定要揀呢款試下。果然係必食推薦，吉列皮炸得鬆脆夠乾身，而且中間有層黑豚肉包住，入面係拉絲芝士，一啖一口既感覺大滿足，熱騰騰既拉絲芝士超香，成件三樣野夾埋一齊，實在係完美配搭

滑蛋吉列付骨豚肉扒丼($198)，一上台超大份，啲吉列付骨豚肉扒真係疊到超高，男仔都未必食得曬，更何況我地兩個女仔~不過好食既野唔會怕多，我地慢慢食，吉列付骨豚肉扒外皮乾脆，而且有鹽味，更突顯到吉列付骨豚肉既味道，好正

另一個胡麻角切魚生($168)，用料好鮮，有三文魚籽、吞拿魚、油甘魚、三文魚，仲加左醃製蘿蔔粒，好開胃，愈食愈想食


本身慶祝都想飲下酒，店員好nice推介左兩款水果酒比我地 一杯係桃味一杯係甘吉味，兩杯都各有特色，上台果陣見到冰塊係玫瑰花形狀，好靚，朋友超開心，而且好好飲，我個人中意味道甜甜地既甘吉味，朋友就中意酒味重少少既桃味

朋友好中意飲花茶又中意食甜品，佢叫我推薦下，二話不說我就揀左呢間，地方大又好坐，可以比我地食下野，傾下計



我地差唔多6點到，人唔算太多。我地志在傾計，飲杯花茶同食下野，所以我地點左幾樣女仔都岩食既野，一份挪威煙三文魚牛油果柑橘醬田園野菜沙律($88)，滋味小食拼盤($98)，洛神紅莓莓乾花茶($69)，蜂蜜生薑茶($42)，法式焦糖燉蛋($58)



先上菜既係挪威煙三文魚牛油果柑橘醬田園野菜沙律，啲三文魚好重煙燻味好香，再加上野菜好新解，超爽脆，又好開胃，做頭盤超正

之後上菜既係滋味小食拼盤，入面有紐西蘭魚寶、雞翼、脆薯、爆谷雞塊，就好似一個百寶盒，想食既野全部有齊，朋友大讚滿足

食左三分一，蜂蜜生薑茶同洛神紅莓莓乾花茶就到，花茶有小蠟燭暖住，唔驚會凍，而且好香花味，聞落清香，朋友冇加蜜糖，唔甜，反而洛神同紅莓配合，少少酸，超好飲

蜂蜜生薑茶就甜少少，岩我冇甜不歡既女仔，而且生薑茶好暖身，對於偏寒既我飲就岩曬


甜品叫左後上，差唔多食完就起得，個法式焦糖燉蛋一流，蛋香濃，而且好滑，少少焦糖係上面配搭食，蛋香加焦糖溶係口入面，簡直一百分

今日同母親大人食飯,知道佢中意食辣就黎住帶佢去食一間正宗得黎又多啲選擇既餐廳─ 麻辣娘子


果然，一坐低，母親大人已經好滿意，話想食既菜色呢到都有齊，讚我揀得好



我地兩個人食，叫左一碟涼拌土豆絲($38)，一個脆皮小豆腐($58)，主菜就揀左娘子香辣鍋($38起)，配料自選。最後食左個紅糖茲粑做甜品



先上菜既係涼拌土豆絲，辣度由BB辣到小辣自己揀, 我地就揀左個小辣，一食落口辣度岩岩好，而且仲超開胃

之後上菜既係脆皮小豆腐，一放上台，一陣香香既蒜味傳出，即刻就夾一粒試試。果然，除左淡淡既蒜香，仲要外皮超脆，而入面超滑，兩種唔同既口感夾埋一齊，

食左一陣，主菜娘子香辣鍋終於到，我地揀左5款配料，分別有滑雞片、小雲耳、鮮腐竹、娃娃菜、椰菜花。有菜又有肉，樣樣都正。值得一讚，待應好貼心，幫我地用暖住個鍋，慢慢食都唔驚凍。香辣鍋重點要夠辣夠乾身先好食，而呢兩點，餐廳都做到

食到辣辣地，我地叫左兩杯牛奶飲解一解辣，一杯黑糖珍珠鮮奶($32)，一杯十勝紅豆鮮奶($32)，兩杯都好重奶味


最後，紅糖茲粑做甜品，脆脆的皮，內心軟軟淋淋玥加上紅糖，味道一流

今日係男朋友生日，所以特登帶佢去一間一定surprise到佢嘅餐廳一直都知男朋友係球迷所以一早book咗呢一間餐廳希望同佢好好食飯慶祝 因為當日要同佢屋企人食晚飯所以我哋揀咗lunch時間去食 由於預先book咗所以無需等位一入到去見到球星海報男朋友已經超開心又興奮 見到佢咁滿意呢間餐廳我都好開心 我哋揀咗兩個餐分別係白松露芝士忌廉燴美國雞髀扒（$75）同香燒可持續石板魚柳配法式龍王湯（$85） 先上台係跟餐既蒜香牛油法包，超香蒜味 焗到包邊脆一脆，而且中間鬆軟，都幾有驚喜 之後主菜上台，雞髀扒超大塊仲啖啖肉，真係食落好有滿足感，而且白松露好香，配埋芝士真係好好味 而另外一個，石板魚柳爽滑彈牙配法式龍王湯超埋龍王湯配上白飯，真係愈食愈想添飯 最後有朱古力泡芺， 好creamy 但又唔會好甜，加分 跟餐既熱飲都會有靚靚茶杯

平時都知道呢頭好多野食，不過呢間就真係第一次食啦 之前見到個Menu 既設計，真係好別有一番心思 首先黎既係全麻皆雞係芝麻雞翼。出乎意料之外的芝麻超多，鋪滿成隻雞翼面，同埋炸完超香，脆皮既雞翼 之後就係個炸軟殼蟹，二個人份量岩岩好，軟殼蟹炸得黎非常juice，蟹肉好滑 最後黎滿滿驚喜既焗秘製豬仔骨，個BBQ 醬汁配上大份豬仔骨，好香噴噴仲要配上薯條，值得一試呀 另外叫的玫瑰花茶，好甜，花茶香 而爆谷奶昔，真係有濃厚的爆谷味，甜甜的，加分

Happy Friday 當然要同朋友出去食飯聚一下 知道朋友中意食日本菜，所以訂好枱，同佢食餐好既，呢到環境寬敞舒適，朋友好滿意 今次我地叫左兩個主食，分別係鐵板滑蛋雞定食（$96）轉烏冬（+18），再追加個山葵八爪魚前菜（+15）另外一個係牛肉壽喜燒配飯（$82） 朋友好想叫唔同既小食試試，所以再單點了小食 我地叫左三個小食，芝士餃子雞翼（$25），芝士年糕（$22）同埋土佐豆腐（$38） 先黎既係山葵八爪魚，少少Wasabi再加爽口彈牙八爪魚粒粒 芝士餃子雞翼好熱好脆，而且入面芝士味香，雞肉好juicy 芝士年糕有岩岩炸起既感覺，外皮脆卜卜，而芝士滿滿，對中意食芝士既人黎講好滿足 土佐豆腐就比較特別，外皮脆炸，豆腐滑溜，份量比想像中大量好多 終於主菜都黎左啦牛肉壽喜燒配白飯，侍應放低咗個gas爐，原來可以一邊加熱一邊食牛肉大塊，而且好香牛味，再加上壽喜燒湯底微甜，不過好清，會有總想一直飲既感覺而且野菜份量好多 而鐵板滑蛋雞定食，賣相非常靚，滑蛋有入口即溶既感覺，而且雞扒有炭燒香味，味道一流，再加上有洋蔥煮過既燒汁，配上一啖一啖烏冬，超好食