聽講呢間拉麵係1星米芝蓮，專登去試試，果然冇失望 🥢螃蟹湯拉麵 + 黃金蟹肉餃子 $198 呢個係每日限定款嘅拉麵，雖然唔算大碗，但湯底同特製嘅蟹肉醬好夾，濃濃嘅蟹香味，加上面底軟硬適中，食曬麵後係會忍唔住飲完碗湯 餃子嘅蟹肉味道都超級濃，好鮮甜，一定要試試👍 🥢貝汁醬油拉麵 $128 醬油味好濃郁，好正中，鐘意醬油味嘅唔可以錯過 🥢唐楊博多味鳥 $88 外脆內軟，肉汁完全俾鎖住，超鮮嫩，好出色👍 🥢黑糖薑紅棗牛蒡茶（熱） $35 表面睇係一杯普通茶包熱飲，但d料好豐富，意外地好飲，推薦~👍 ✨總體而言：環境舒服，無論拉麵🍜小食，飲品都有驚喜，米芝蓮實至名歸

行商場經過，見到環境幾優雅座位又多，決定入去試試😋 🥢胡瓜一本漬 $52 新鮮的青瓜搭配醃製過的漬物口感很奇妙，可以一試，如果青瓜醃製過會更好 🥢鮮海膽 $68 & 火焰牛 $48 海膽好鮮甜，牛肉火候啱啱好，可以一試👍👍 🥢汁燒五花豚丼 $95 五花豚肉超出色，大大舊，連燒汁和飯一口食，美味！！好推薦😋😋😋 🥢三盛燒肉丼 $108 有豚肉，雞肉，牛舌，一次過品嘗3款燒肉，燒烤味十足，推薦。👍👍不過小心，辣椒超香也超辣🌶️ 🥢燒牛肉蘆筍 $38 牛肉少少over，蘆筍鮮甜，搭配口味清新 🥢淺蜜白桃烏龍 加椰果 $27 & 鮮草莓覆盤子四季春 加寒天 $37 飲品茶底唔錯，味道正常，好搞笑係太大杯，飲筒唔夠長，飲唔到底嘅料😂 ✨總體而言：環境舒服，食物不錯，不限時，可以約三五知己聚會的好地方🍻

係繁忙嘅旺角，難得見到有間唔洗點排隊又乾淨企理嘅餐廳，未食過都入去試試 孜然粉同辣粉（唔辣）可以按自己口味加，有個小火爐熱住d嘢食，好窩心 烤生蠔 $38 肥美多汁，加上新鲜的蒜蓉，火候剛剛好，超級推薦！ 烤原隻魷魚 $34 超多汁惹味，唔幹身好易入口，有驚喜，非常推薦 麻辣燙 $48 湯底好經典，入面有薯粉，豆卜，娃娃菜，鴨血，鵪鶉蛋，豆芽，薯仔，麥菜等，全部都2件左右，就是大雜燴麻辣燙，值得一試 藤椒魚皮 $38 出奇的好味，少少辣，厚身的魚皮超爽超冰，分量好多，很推薦 錫紙豆腐 $36 以為係煎炸豆腐，點知上黎係百福，但好嫩滑，入味，分量十足 韭菜 $18 好少見到咁長的韭菜，烤得好入味，鐘意食嘅一定要試試 虎皮尖椒 $16 多春魚 $20 牛肉串 $36 略鹹，不過不失 Peach Hoeggarden $22 飲品種類唔算多，呢瓶同燒烤最搭 總括而言：餐廳坐得舒服，員工有禮貌，服務及時，味道很好的燒烤店，非常適合朋友聚會。

天凍凍地就想食熱辣辣嘅嘢，呢間係屋企附近新開嘅烤魚店，每次經過都多人排隊，難得一日早放，直接入去試試。 餐廳內籠好大，位唔少，差不多每台都有叫烤魚，成間店都充滿酸，辣，香的味道，烤魚氣氛十足 藤椒麻辣魚皮 $48 呢個前菜超好味，魚皮非常爽脆，麻辣配藤椒令辣味更簡單，更出，辣得開胃但不會太辣，好值得一試 四川冰粉糖水 $38 好大碗，可以4個人分。每塊冰粉上都搭配不同小食，冰冰涼涼，甜甜得很舒服 絕品烤魚（藤椒青椒拼重慶香辣口味）小辣 $268 1條海鱸魚2種味道，魚身結實肉多，少骨，烤耐啲會更入味。特別鐘意重慶香辣，少少辣同濃郁的湯底十分搭。 烤茄子 $34 第一次食到分量咁足的烤茄子，蒜同辣椒超級多，足以塗滿茄子的表面，剛烤好食好正。推薦！ 烤羊肉串 $32 烤羊肉估唔到咁出色，只係有少少騷味，但比孜然粉同辣粉掩蓋到，羊肉烤的嫩口，如果平時食唔到騷味嘅都可以一試 烤奪命肥腸 $26 肥腸都好推薦，真係好肥美，處理的好乾淨，完全冇異味，入口嫩滑，好想encore！ 草莓番石榴乳酸蘇打 $42 青瓜青檸蘇打 $42 兩杯嘢飲賣相很好，特別鐘意草莓味，冇咁甜，蘇打同辣烤魚絕配，但稍微細杯啲 總體而言，好地道嘅一間烤魚店，魚很肥美，口味剛剛好，燒烤都很出色，值得推薦。

天凍凍地就係想食燒肉，時間有些尷尬，難得搵到間4點仲開門的烤肉店 即刻book位😆 成間店雖然得我地一台，但服務態度好好，叫啲嘢食亦都冇即刻就上，明顯係有花心思擺盤。 第一次用咁細嘅爐，有個大蓋，有點阻視線，但用落非常鐘意，冇油煙，換碟方便，每次烤的份量剛剛好，火力均勻持續，可以唔間斷咁烤，好出色的一個爐😍😍 難得4點仲有午市套餐，我地揀咗2 & 8號。 🥢薄切牛胸花: 好薄，肥瘦均勻，好易熟，味道很不錯，我地有追加 🥢上級澳洲M9和牛腹肉:厚度和大細都剛好一口，非常適合女士食，帶少少油脂，味道剛剛好，追加 🥢牛胸腹肉: 靚牛，就算全熟都好嫩滑，追加 🥢豬五花: 稍微韌身，勝在大塊，味道一般 🥢日本雞腿肉: 比較多油脂，普通 🥢抹茶➕北海道3.6牛乳雪糕: 一般般，抹茶味比較絲滑 ✨總體來說: 坐得舒服，服務很好，細爐燒得更自在，牛高質，朋友聚會聊天好地方👍🏻

夜麻麻收工經TST想簡單食，唔係間間10點都仲開，經過呢間有好多空位但人都多嘅冰室，即刻入黎試試😌 menu好多嘢揀，最後決定食all day breakfast 🥢全日早餐-招牌厚豬扒 豬扒熱辣辣，一定係啱炸上，對得住個厚字，超2cm厚。食落唔幹身，鹹淡相宜，果然係招牌，推薦👍🏻 蒜蓉厚多士: 超級欣賞，濃郁的蒜蓉味➕少許酥脆，一啖咬落非常滿足，值得一試 🥢熱奶茶 經典茶餐廳熱奶茶，茶味 奶味十足，好標準👍🏻 ✨總括而言，環境舒服，服務周到，嘢食味道不錯，難得一見的高品質港式茶餐廳，好推薦👏🏻👏🏻

到觀塘搵朋友食lunch，朋友超級推薦呢間人氣餐廳。因為只可walkin，平時12半就會滿座，好幸運地因今日落雨，人唔太多，順利坐低😄 🥢和風火炙帆立貝意粉 $ 159 賣相唔洗講，一流，上檯就一陣濃郁的火炙芝士味，搭配3粒大帆立貝➕蛋黃醬，最特別是加咗脆紫菜，每一啖都好滿足 🥢鮮奶伯爵茶 (Earl Grey Tea Latte) $ 21 比較濃的鮮奶味，不錯 🥢蒜香蟹肉意粉 $ 160 特別叫咗加辣，真係好辣，蟹肉雖然唔算多，但有蟹味，意粉係偏硬的，整體好特別 🥢綠茶鮮奶碎冰 (Green Tea Latte Slush) $ 24 cream極多，綠茶味濃厚，不錯 🥢佛手柑啫喱伯爵茶忌廉梳乎厘班戟 (2件) 配新鮮橙、西柚 $ 109 等咗4個字，製作需時，但值得等待。伯爵茶味好出但唔苦，梳乎厘好鬆軟，很不錯 ✨總括黎講，雖然環境比較吵，價錢唔便，但食物味道不俗，值得再試

呢間隱藏喺新蒲崗的店，平時好多人排隊。今日經過，竟然喺中午食飯時間都人唔多，一定要入去試試。 🥢八小時慢煮萬字醬油豬軟骨飯 $109 以為慢煮出嚟嘅豬軟骨啲肉會好嫩滑，好有期待，但非常之硬身同榎，唔通我對慢煮有誤解😂。不過啲醬汁溝飯喺好味嘅。 🥢自家製喇沙汁炒扁意粉配虎蝦仁🦐 $129 好有驚喜，賣相一流，蝦仁彈牙，扁意粉同濃郁嘅喇沙醬汁搭配非常出色，推薦 🥢加蒜蓉炒意粉 $45 意粉好硬，蒜蓉味濃，稍微幹身。 🥢加慢煮口水雞扒 $45 雞扒嫩滑，口水味唔濃，少辣，不過不失 ✨總括嚟講，一間好有特色嘅fusion店，雖然服務一般，但推薦。

週末沙田搵食飯好難，間間門口都超多人排隊。朋友先到，搵咗呢間人少少嘅店，之前經過都想試試，一直以為係中式點，坐低先知係台式😂 座位相對擠逼，waiter行黎行去，好驚俾撞到。檯面唔算好乾淨，可能是顏色問題 🥢紅燒半筋半肉粗麵 $78 上餸好快，湯水好清，麵偏硬，啲筋好食，淋滑，但肉就一般，比較榎。味道一般般，沒有好重的台灣特色 🥢滷肉香酥雞扒飯 $62 賣相很不錯，雞扒熱辣辣，嫩滑但炸粉過多。滷肉飯就正常，可以一試 ✨總括而言，冇lunch set，要單點，但味道and服務一般，要加一。

夜晚係火炭搵嘢食唔易😂一直都好想黎試買少見少嘅港式大排檔，今日經過，俾熱情嘅老細拉入泰源😋 🥢椒鹽豆腐 $68 上檯熱辣辣，椒鹽味重，除咗有啲硬身，個芯係幾好食，份量多，推薦 🥢家鄉小炒王 $98 賣相好唔錯，耳邊不斷有猛火翻炒的聲音，好有期待🤩不過鑊氣比較少，不過不失 🥢鹽焗雞(半隻) $108 唔係🐔仔，份量上好有驚喜。肉質唔差，有鹽味，但稍微有啲濕同肥，雞胸就好榎 ✨大排檔都係適合多人聚會，可以試多啲菜式和大聲傾談，食物就食風味多，不可太高要求及期待🍵