話就話想做就去做，洗乜怕姐，但有陣時風險比預期想像中高，
想做果陣又淆底，究竟做定唔做？呢個決定足以影響你一世。 情況就好你係餐廳嗌一道菜，都有50%嗌左唔係招牌菜， 結果你就會比預期失望， 不過經驗值每日會增加， 最緊要唔好後悔冇出發就得！ 📌Signature -  ▪ Honey Mustard Wings - $78 ▫ 第一個必試佢地「蜂蜜芥末雞翅」，雞翼炸得夠脆口， 裡面唔會太乾身，味道鹹甜適中， 一份有6隻，同friend share兩個人岩岩好。 ▪ Beef Satay - $78 ▫ 第二道「牛肉沙爹」一份有6串，牛肉燒到帶微微焦香， 肉質夠腍滑，睇得出師傅手勢唔錯， 點埋沙爹醬，配啤酒一流。

當你放低面子賺錢既時侯，你已經懂事，當你用錢賺返面子既時侯，
你已經成功，當你用面子賺錢既時侯，你已經係個人物，
人物我就無本事做，不如都係講返食物？灣仔呢間新開「彩羽壽司家」，
唔再係甘香油爽，而係垂涎欲滴既滋味體驗！👇🏻
📌廚 師 發 辦 - $480/位
▪️ 前 菜 -
▫️「野菜沙律」包括栗米、沙律菜、車厘茄，所有配菜夠哂新鮮，非常refreshing。

▫️「蒸碗蒸」面頭有隻螢光魷魚，口感煙韌爽彈，
仲有大蜆配搭鮮雜菌，相當鮮甜，蒸蛋亦夠滑溜。

▪️ 刺 身 4 款 -
▫️「真鯛」晶瑩通透，鮮味彈牙，面頭有d梅蓉，入口清新。

▫️「大分縣真蠔」蠔肉鮮甜creamy，加左d黑松露酸汁，味道更加balance。

▫️「煙燻鰆魚」一打開蓋煙燻味好突出，面頭加左D芽蔥同埋薑蔥蒜，肉質鮮美。

▫️「鮟鱇魚肝泡芙」魚肝味道香濃軟滑，外層帶點鬆脆，呢種食法好幾Impressive。

▪️ 壽 司 8 貫 - 
▫️「金線鯛」又名紅衫魚，肉質柔軟香滑。

▫️「深海池魚」魚質鮮甜，質感比池魚更加爽滑。

▫️「富士山三文魚」比市面上食開既三文魚，魚味更加突出，肉質更腍滑。

▫️「魷魚BB」將魷魚切成一粒粒咁，食落爽彈之餘更加有口感。

▫️「貝柱」被紫菜包住，一啖過鮮甜彈牙，好食。

▫️「鯖魚」配上白昆布、麵豉一齊食，份外濃香惹味。

▫️「大拖羅」油香豐腴，入口瞬間化開，超級滿足。

▫️「北海道馬糞海膽」賣相吸睛，份量又夠，連埋紫菜一齊食，入口甘甜無比！

▪️ 手 卷 - 
▫️「彩羽太卷」用上海膽、日本青瓜、蛋黃醬油漬、拖羅，
食到魚生果種鮮味之餘，後勁又多左蛋黃果種鹹香，
最後拖羅既油香比青瓜中和返味蕾，層次相當豐富。

▪️ 配 菜 -
▫️「玉子燒」賣相似足蛋糕咁，食落鹹鮮味豐富。
▫️「麵鼓湯」用上赤味噌，鹹中帶甜，食到D豆腐、夠哂飽肚。

▪️ 甜 品 -
▫️「綠茶紅豆白玉刨冰」師傅用機即時刨製，配上煉奶、綠茶醬、
再滲上紅豆蓉、面頭砌埋粒白玉，相當透心涼，呢個一定要試食！

▫️「雪糕最中餅」最中餅裡面包住海鹽雪糕同埋紅豆蓉，甜而不膩，
旁邊仲有冧酒提子、抹茶蕨餅，唔錯。

📌御 昼 食 -
▪️ 蒲 燒 鰻 魚 丼 - $180
▫️ 佢地lunch set仲有好多選擇，我就揀左個「蒲燒鰻魚丼」，
鰻魚份量好多，燒到外脆內軟，中間夾雜住滑蛋，食落滑不溜口，
仲有d魚乾仔、合桃，口感增添唔少，
套餐仲包一個麵鼓湯同埋沙律，成個set相當抵食。

門口一大個銅鐘，已經好有神聖不可侵犯既感覺，而menu主打曼谷同埋泰國東北部菜。作為酒鬼既我，點少得飲返兩杯呀，佢地有signature cocktails and mocktails眾多選擇，呢d咪係中環要有既vibe囉！👇🏻📌Signature - 
▪️ Chargrilled Chicken Satay - ▫️ 先黎個小食「炭燒雞串沙爹」，表面帶少少焦香，食落炭燒味極重，
肉質唔會燒到好乾，食落都幾嫩滑，點埋個泰式秘製花生醬，份外惹味。▪️ Crabmeat Fried Rice -▫️ 主食方面先試左個「蟹肉炒飯」，調味唔會太鹹太油，
飯底炒得粒粒分明，仲食到一梳梳蟹肉，加埋洋蔥、炸蒜，
淋上少少魚露吊一吊味，整體鑊氣十足。▪️ Pad Thai with Prawns - ▫️ 第二道試左個「虎蝦金邊粉」，夠鑊氣之餘，食落鹹甜比例岩岩好，
加上虎蝦肉質夠新鮮爽彈，連埋芽菜、花生、羅望子醬，味道唔錯。▪️ Stir Fry Thai Watercress -▫️ 食泰國野一定要嗌埋「香辣炒通菜」先公道，
通菜入口相當爽脆，惹味得黎帶點辣勁，過足口癮。▪️ Sago Namkrati -▫️ 甜品試左呢個「泰式西米」，有少少似港版芒西，
不過佢係用泰式椰漿同埋西米，口感豐富，面頭仲有D蜜瓜，相當清甜。

講真，打工仔最緊要係咩呀？正所謂搵食搵食，搵餐晏仔姐， 最緊要快、靚、正，大件夾飽肚，對自己有d要求得黎 又唔會太失禮，尤其是港島咁忙碌既生活所奏， 有呢一粒鐘抖下已經好滿足！👇🏻 📌常 餐 A - ▪️ 冬 蔭 公 肥 牛 湯 米 粉 - $58 ▫️ 試左個人氣常餐A，主菜有呢個「冬蔭公肥牛湯米粉」， 大蝦非常爽彈，配菜有野菌、蔥、香茅、生菜，成個泰式風味出哂黎， 層次豐富，濃香入味；而配上「火腿白松露炒蛋」，炒蛋夠滑溜， 唔會炒到乾爭爭，外左白松露份外惹味；加左1蚊麵包轉多士， 我再額外加9蚊試埋個出爐蛋撻，蛋同酥皮無分離， 做到外鬆內軟，蛋香十足，唔錯。

其實打卡又真係唔係女仕們既專利，但係男人老狗下下
食野之前都要比相機食先，又有d老尷，不過都2024啦，
見到靚野真係忍唔住手，呢間打卡cafe「Wanderlust」
絕對適合滿足一顆少女心既打卡愛好者。👇🏻
📌Dessert -
▪️ Thai Mango · Sticky Rice Pancake - $158
▫️ 呢個甜品「芒果·糯米飯班戟」賣相真係世一，面頭一大舊
棉花糖足以震撼你眼球，絕對係視覺衝擊，拆左彈之後，
下面其實係一個pancake 包住個黑白糯米飯，附上既椰漿
食落煙煙韌韌，好有咬口，加埋泰國芒果相當濃香惹味，必食推介！
📌Signature · Dish - 
▪️ Velvet · Goldmine - $238 
▫️ 跟住就係招牌主食「紫醉·金迷」，其實係底部意大利飯，
飯身用左紅菜頭汁同埋cream sauce，難怪入口滑溜。
面頭有用芝士焗過既大蝦、藍青口，鮮味十足，再加埋d香草、
香蒜、金箔，成個賣相相當精緻，打卡一流。

📌Pasta · Risotto - 
▪️ Padthai Style Gnocchetti Sardi · Bacon - $135
▫️ 意粉方面試左個「Padthai ·煙肉小貝殼粉」，呢個係用貝殼粉
再拎返泰式padthai果個味道，加左大量煙肉，好有泰式風味。

▪️ Hells · Pasta - $130
▫️ 另一道「來自地獄的·意大利粉」用左自家製辣醬，我朋友就話好辣，
我就覺得岩岩好，辣得過癮，意粉亦有咬口，非常爽彈。

📌Appetizer - 
▪️ Burrata Cheese · Salad - $129
▫️ 試埋個前菜「布袋芝士·沙律」，用左蕃茄、Burrata cheese、
西柚sauce組成，食落相當清新開胃，我幾鍾意。

📌Signature · Milk Shake - $79
▪️ Banana Chocolate Date · Night Milkshake - 
▫️ 佢地既奶昔係相當馳名，我就試左杯「香蕉·朱古力奶昔」，有對翼做裝飾，
夠別緻；飲落香蕉味相當突出，朱古力奶係夠香濃滑溜，好飲。

▪️ Lotus Biscoff Caramel Milkshake Lotus - $79
▫️ 而朋友呢杯「焦糖·餅乾奶昔」，面頭一大舊冬甩，
pink pink咁好得意，入口唔會太甜，岩岩好。

成日話食氣氛，究竟氣氛係點食？氣氛明明係一個uncountable nouns，點樣去釐定食到幾多呢？我就發現當我咁理性去分析時侯，姐係代表我食唔到個氣氛了。所以今次無論如何，都要領教一下「Nissa la Bella」咩叫做法式浪漫VIBE！👇🏻📌S I N A T U R E - 
▪️ Pissaladière - ▫️ 一開頭除左有個法包片比你之外，仲有開胃菜「尼斯洋蔥鯷魚橄欖薄餅」，底部一個mini pizza幾脆口，
面頭放左d焦糖化洋蔥、橄欖、鯷魚，整個入味酸酸甜甜，真係幾醒胃。▪️ Green Peas Salad - ▫️ 跟住既「青豆沙律」將車厘茄、紅蔥頭、薄荷、青豆擺埋一齊，
再係面頭放左隻水煮蛋，蛋香十足，而成件事擺埋一齊係無違和感，
味道清新，值得一試。▪️ Ceviche de la peche du jour - ▫️ 日本魚生食得多，法式魚生我都係第一次試，
呢個「是日檸檬醃魚生」魚肉相當爽彈，煙韌得黎又有咬口，
用檸檬輕輕再吊返個魚鮮味，呢道菜配甜白酒就無得輸。▪️ Tartare de Boeuf -▫️ 主食試埋個「法式牛肉他他配薯條」，他他相當濃香，食落口感軟綿，配上即炸薯條，口感特別豐富配上紅酒真係不得之了！▪️ Profiteroles - ▫️ 最後甜品試埋個「法式泡芙」，泡芙被厚厚既鮮忌廉重重包圍住，
而裡面仲食到雲呢拿雪糕，面頭再灑上朱古力醬，整體相當滿足，
但甜而不膩，超好食！

成日話圍爐取暖，係表面野既黎咖姐，真正既都係想搵個藉口， 約埋班朋友見一見。你知啦，出黎社會做野，就唔能夠好似細個， 話見就見，始終每個人都踏入唔同既人生階段，面對緊好多壓力、困難， 朋友既價值變得更加渺小，所以身邊有好好既朋友，真係要珍惜！👇🏻 📌招 牌 推 介 - ▪️ 老 重 慶 奇 味 雞 煲 - $188 ▫️ 先黎個招牌「老重慶奇味雞煲」，我朋友唔係好食得辣， 就就佢嗌左bb辣，兩條麻甩佬嗌個細煲岩岩好，雞肉肉質相當滑溜， 完全唔乾身，而且料頭十足，大量洋蔥，鮮冬菇、豆卜、芫茜、蒜頭、 每一啖都係相當惹味，食完雞煲鍾意既仲可以打埋邊爐，正！ ▪️ 燒 汁 什 菌 牛 頸 脊 - $148 ▫️ 第二道必食「燒汁什菌牛頸脊」，師傅炒得相當夠鑊氣， 一上枱新鮮滾熱辣，而且牛頸脊肉質鬆軟綿滑，帶少少咬口， 配上青紅椒，油香十足，送飯必備！ ▪️ 椒 鹽 九 肚 魚 - $118 ▫️ 食得小菜點可能唔嗌「椒鹽九肚魚」，即叫即炸， 九肚魚份量夠多，炸到金黃香脆，外層相當鬆脆， 食落裡面近乎入口即化，送酒真係一流。 ▪️ 啫 啫 通 菜 煲 - $98 ▫️ 呢個「啫啫通菜煲」用熱煲上枱，保證熱辣辣，通菜夠新鮮翠綠， 加埋蝦乾，果種香味濃郁，夠哂惹味。

近日發現係中環Soho區有1間歐式餐廳，日頭表面上好似打卡cafe咁， 但一入黑，成個氣氛唔同哂，變得好moody。而且餐廳間中 亦會有jazz live表演，呢d場合最岩d情侶Cheek to cheek咬下耳仔， 傾下密計，就係咁浪漫氣氛這樣微妙，羅曼蒂克對分。👇🏻 📌F O O D - ▪️ Wild Mushroom & Ravioli in Tomato Sauce - $148 ▫️ 第一道先黎個「蕃茄醬野菌意大利餃子」，滿滿既蕃茄醬做底， 面頭既ravioli做到薄身，唔會太厚，煙煙韌韌口感岩岩好； mushroom同時吸 收哂個sauce，同埋面頭既芝士，份外濃香惹味。 ▪️ Creamy Linguine Canbonara w/ Smoked Bacon - $168 ▫️ 應該係我中環食過最高質既「培根卡邦尼扁意粉」，面頭灑上芝士粉， 整體香味更豐富，而意粉軟硬度恰到好處，蛋香十足，夠哂creamy； 而火腿同埋煙肉亦係自家調味，絕對係誠意十足，呢個一定要試！ ▪️ Peri-Peri Chicken Lollipop - $158 ▫️ 最後呢道「葡式辛辣醬棒棒雞」相當有驚喜，棒棒雞用上既雞槌size fit到咀形， 啖啖肉過足口癮，而且件數絕對唔姑寒，兩個人開心share都夠哂； 而雞槌用左唔同香料醃過，再煎香再焗到外層焦脆， 但裡面肉質完全唔乾，超級嫩滑，必食之選！ 📌C O C K T A I L -  ▪️ Peter Pan - $128 ▫️ 佢地既Cocktail實在太高質，唔試到夠真係唔夠喉，第一杯「Peter Pan」 用上Gin做底，加上四季桔、檸檬、蛋白、薑啤溝埋，入口酸酸甜甜， 相當清爽，而且賣相吸引，打卡一流。 ▪️ The Landlord - $138 ▫️ 第二杯「The Landlord」用cinnamon infused過whiskey做base， 所以聞落香味突出，再經火槍燒過apple wood，帶出另一種smoky香氣， 配搭甜味苦艾酒、金巴利酒，酒味層次更加豐厚，好好飲。 ▪️ Day and Night - $128 ▫️ 而最後「Day and Night」用青蘋果蓉配搭Prosecco， 入口有少少似果汁汽酒，極易入口，岩哂一眾女仕們。

食野要講mood，我今日個mood話比我知，我想chill得黎又有d氣氛，
有氣氛得黎有杯酒嗒下，係港島返工第一時間，
畫面一轉就係中環soho區，呢間意大利菜「Sole Mio」
絕對係我今晚number one首選！👇🏻
📌DINNER · SET - $258
▪️ Garlic · Bread -
▪️ Bruschetta - 
▫️ 一個Dinner set勁抵食，一個set包左一個前菜、一個主食、一個甜品，
只係200幾蚊，而家係中環係買少見少，先黎個welcome bread「蒜蓉包」、
「意式烤法包」，每樣2件，即時烤製，夠哂脆口，好食。

▪️ Salmone Affumicato E Avocado - 
▪️ Prosciutto e Melone -
▫️ 前菜分別試左「煙三文魚·牛油果沙律」、「巴馬火腿沙律·蜜瓜」，
牛油果相當新鮮，入口香甜軟腍，煙三文魚肥美爽彈；
後者parma ham肉質柔軟，夠哂甘香，包住蜜瓜一齊食
做到味道細緻，口感balance，好食。
▪️ Margherita -
▫️ 主食方面先試左個「瑪格麗塔薄餅」，pizza新鮮滾熱辣，
餅底做到相當脆口，面頭既芝士軟腍同時做到流心狀態，
連埋蕃茄醬份外惹味。

▪️ Linguine AL PESTO Con Gamberi -
▫️ 另一道「大蝦扁意粉·意大利青醬」又係必食，大蝦爽彈，
配上扁意粉口感做到恰到好處，有咬口之餘唔會太腍太硬，
而青醬令成個味道更高層次。

▪️ Tiramisu - 
▪️ Panna · Cotta - 
▫️ 最後甜品「提拉米蘇」、「意大利奶凍」，Tiramisu入口做到
淡淡咖啡酒香，口感細緻，做到滑順而且甜而不膩；
而panna cotta奶凍軟滑，面頭淋上Raspberry sauce，
旁邊仲有士多啤梨，賣相相當吸引。

📌HAPPY HOUR - 
▪️ Conti d'Arco Prosecco Brut - $228/H.H
▫️ 佢地happy hour做緊cocktail、wine、beer、
classic cocktail都係極抵玩$48有1杯，我就嗌左1枝
「Conti d'Arco Prosecco Brut」，呢個價錢絕對係性價比之選！

古時就有戰神，電競界有統神，星爺就有套食神，咁飲食界呢？
鐵板燒就有間「板神鉄板燒日本料理」，今日小弟就盤住學習既心態，
除左一睹板神既風采，為板神吶喊助威之外，當然要試下佢地新推出既
「激安パッケージ」鐵板燒一人前，一次過食勻十一品，
仲可以額外追加Menu，一款海鮮、飲品、甜品，保證飽住走！👇🏻

📌激安パッケージ一人前 - $388(會員價) / $688(非會員價)
▪️ サ ラ ダ - 
▫️「野菜沙律」用左甘荀沙律汁，配上栗米、車厘茄、甜蕃薯，面頭有D春卷皮，口感豐富，相當開胃。

▪️ お造り三種盛り - 
▫️「刺身三點」一次過食勻火炙吞拿魚、鰤魚、帆立貝，三者都相當，鮮甜無比。
▪️ ロブスター - 
▫️「越南青原隻青龍蝦」師傅將龍蝦頭用黎之後用黎熬湯，
而龍蝦再用蝦膏熬煮既秘製蝦汁炒香，食落蝦肉極之爽彈，份外惹味，正！
▪️ 追 加 海 鮮 - 

▫️「車海老」套餐仲可以追加其他包括海鮮，大蝦食落絕對鮮甜彈牙，肉質夠哂juicy。
▫️「北海道刺身級帆立貝」size夠哂大粒，外層燒到微微焦香，
裡面仍然keep到嫩滑Q彈，真係想食多粒！
▪️ 米 国 牛 薄 烧 - 2枚 
▫️ 「美國薄燒安格斯牛柳」師傅將牛柳煎到5成熟，再包住獨子蒜、蔥，
底部用麵包索走多餘油份，一啖過油香係口腔內爆發，肉質嫩滑到不得了。
▪️ 追 加 肉 類 -
▫️「日本A5和牛厚燒」有成50g咁大舊，都係加98蚊，勁抵食，
同樣底部有麵包索住多餘油份，和牛就咁睇油脂分佈平均，油香十足。
▪️ 配 菜 -  
▫️「蛋炒飯」用左大量蔥花、紅蘿蔔絲、煙肉、洋蔥、蛋炒成，
飯身炒到相當乾身，粒粒分明，而且份量好足，夠哂飽肚。
▫️「炒雜菜」用上椰菜、紅蘿蔔絲、芽菜炒成，相當惹味。
▫️「龍蝦味噌湯」用上較早前既龍蝦頭熬煮，果種鮮甜係令你飯身更加舒服。
▪️ 追 加 甜 品 -
▫️「火焰·士多啤梨」分別有最中餅、士多啤梨兩食，凍既裡面包住吉士醬，
而熱上既士多啤梨係經橙酒煮過，夠哂香甜，多士配上焦糖脆脆，我超鍾意。

▪️ 追 加 飲 品 -
▫️「MA MA DE」用麻油infused左既Gin做base，入口輕輕麻油香， 
繼而有種Fruity香味，加上有陣陣蘋果木既smoky韻味，份外清幽。
▫️「JAPANESE BORSCHT」用上 tabasco、紅石榴Syrup、
橙汁、伯爵茶、蛋黃Shake既mocktail，入口甜不而膩，帶少少辛口，好特別。