之前睇相已經想嚟，但係一見到宏利金融中心，作為曾經喺觀塘區生活咗七年嘅我，就知道由地鐵站行過去都要10至15分鐘，但係今次趁有充足時間就同朋友睇戲之前，過嚟試一試。 環境★★★★ 之前曾經講過，有一啲 Cafe相騙情況太嚴重，但係 Master Room 成個環境幾乎同相片一模一樣，以水泥牆工業風作為主打設計，配以木餐桌加落地大玻璃，恍如一個角落中嘅溫室一樣。最引人奪目的就係餐廳中心有一張大木木枱，知道係由本土木材製成；而我哋被安排坐喺窗邊位置，木枱以紅酒箱加上意大利磁磚組合而成，為簡約嘅設計添上一點彩色。 食物★★★★

全日窩夫套餐 ＄118
坦白講All Day Breakfast來來去去都係差唔多，但係加咗兩個大窩夫，如果鍾意食窩夫嘅話一定好鍾意，而黑松露非常香，簡直撲鼻而來。 黑松露大啡菇安格斯牛肉漢堡配薯條 ＄118 大啡菇同安格斯牛肉非常之配合，來身配埋黑松露醬可以叫做一絕，可惜黑松露醬冇All Day Breakfast咁香，味道較淡，而漢堡包皮雖然做到外脆內軟，但係冇香口嘅感覺，冇咩特別，但係整體滿足，而家大件，CP值高。 其實，睇食評最受歡迎嘅應該係西班牙蛋飯，然而我哋冇嗌到，如果有興趣嘅，可以試一試。 位置 ★★★
講真位置真係有啲偏僻，除非我喺宏利嗰度做，如果唔係可能我未必會再嚟，但係知道佢另外有一間姊妹店—One Little Room冇咁遠，已經加入名單之內！

為了與同事說是道非而走到尖沙咀，一出地鐵站，就被落地玻璃內的金色不如帰所吸引。其實，我個人不是一個拉麵迷，後來才知道金色不如帰在日本曾於2019-2020年獲得米芝蓮一星的榮譽! 環境★★★★ 簡約型格路線的設計，配上深木系色調，讓整個格調更加提升。採用了落地玻璃的採光設計，亦備有單人的吧枱及多人卡廂，座位與座位間之距離合宜，空間度充足。 食物★★★★
煙燻黑椒豚骨拉麵 ＄115 只試了湯頭，濃郁的煙燻香氣及豬骨味，已叫我下次一定要試拉麵，尤其拉麵其實才是金色不如帰的王牌。
白松露油厚燒牛舌飯定食 $148
定食包括牛舌飯、牛舌沙律同牛湯，牛舌飯用上大大舊牛舌厚燒，肉質富有口感，更汁多味美，配上加入白松露油及蛋汁的飯，每粒飯都白松露及燒汁的香味，提升了整個牛舌飯的味覺享受；沙律雖以一般牛舌作配料，但配上配合甜酸嘅沙律，是不錯的開胃小食；而牛湯則以豆腐、白蘿蔔加上牛肉而成，但略為清淡，牛味不足。
自家製豚肉煎餃 $68
煎餃皮薄爽脆，豚肉配上菇菌蔬菜，肉質鮮嫩，汁多香口而不油膩。

朋友介紹到樓上鋪食漢堡，立即做出心理準備，質素應該如樓上Cafe的小食一樣，冇乜質素，點知，今次竟然充滿驚喜。環境★★★
到達現場，格局就有如樓上酒吧一樣，由於之前已經做好心理準備，心裏已經知道十之八九唔會好味得去邊，因為樓上酒吧格局，主要為酒水，食物只係其次，不過如果單論環境，還算乾淨企理。

食物★★★★

邪惡芝士黑松露安格斯牛肉漢堡 $88
佢唔會好似麥當勞般不符合商品說明條例，最起碼層次分明，黑松露的氣味已經撲鼻而來，麵包皮烘得鬆脆，安格斯牛肉雖然並非頂級的牛肉質感，但仍然充滿肉味，肉香塞滿整個口腔，我個人不喜歡食蕃茄，走了蕃茄。
生蠔 $198/單打
我唔食生蠔，但非常大隻，起碼心底貨真價實，而朋友都說質量很好。 紐西蘭羊架 $38/件
香氣撲鼻，羶味濃郁但易於入口，嫰滑多汁，又不會過分油膩。 另外還叫了芝士蒜蓉牛油焗金菇及芝士蒜蓉牛油焗娃娃菜，正常質素。 服務★★★★
我個人覺得，無論什麼餐廳也一樣（除茶餐廳及大排擋），味道與服務並重，作為一間樓上鋪，廚師及侍應的禮貌亦非常好，招呼周到，絕對推介！

觀塘區嘅工廈中，滿佈唔少充滿驚喜嘅 Cafe，今次由於同朋友有事再到觀塘，就選擇咗一間標榜價廉的fusion日法菜的 Cafe。
.
環境★★★
選擇呢間 Cafe 之前，我亦會有上 OpenRice 睇過相片，幾有文青 Feel，然而，到達現場，我就只覺得不過係一個平平無奇嘅Cafe，甚至只係茶餐廳稍為高級少少，係有一啲乾花以作裝潢，但係未見用心，就不過將啲乾花放係一邊，好似有啲點綴而已。所以，我係冇拍過Cafe環境 ，不過OpenRice的相片真係只打八折。 食物★★★ 可能，因為對環境嘅失望，只想快叫所以我對食物突然變得好求其，款式唔多，我哋叫咗一個封門柳及虎蝦海膽醬意粉。  . 封門柳 $168  封門柳亦即係牛嘅橫膈膜，顏色赤紅鮮艷，味道濃郁，坦白講係幾好味嘅，可惜到嘅時候，已經偏涼，如果佢熱啲，我覺得會更加好味。 虎蝦海膽醬意粉 $128
我冇試過，但朋友意粉稍為過硬，但賣相漂亮，但非常乎合商品說明條例，同相片一樣。 而飲品，我哋就叫咗青蘋果果茶 $38 同雜莓乳酪沙冰 $58，青蘋果果茶平平無奇，而雜莓乳酪沙冰一係就打碎啲冰，要不就請用粗飲管，朋友用又幼飲管係飲唔到....  CP 值★★  我唔會用高質嚟形容，但水準不至於低，但係以呢個價錢，CP值不高，呢個價錢，裝潢更有心思既，食物更有水準嘅真係大有人在。

觀塘區嘅工廈中，滿佈唔少充滿驚喜嘅 Cafe，今次由於同朋友有事再到觀塘，就選擇咗一間標榜價廉的fusion日法菜的 Cafe。
環境★★★
選擇呢間 Cafe 之前，我亦會有上 OpenRice 睇過相片，幾有文青 Feel，然而，到達現場，我就只覺得不過係一個平平無奇嘅Cafe，甚至只係茶餐廳稍為高級少少，係有一啲乾花以作裝潢，但係未見用心，就不過將啲乾花放係一邊，好似有啲點綴而已。所以，我係冇拍過Cafe環境 ，不過OpenRice的相片真係只打八折。
食物★★★ 可能，因為對環境嘅失望，只想快叫所以我對食物突然變得好求其，款式唔多，我哋叫咗一個封門柳及虎蝦海膽醬意粉。 封門柳 $168 封門柳亦即係牛嘅橫膈膜，顏色赤紅鮮艷，味道濃郁，坦白講係幾好味嘅，可惜到嘅時候，已經偏涼，如果佢熱啲，我覺得會更加好味。

虎蝦海膽醬意粉 $128 我冇試過，但朋友意粉稍為過硬，但賣相漂亮，但非常乎合商品說明條例，同相片一樣。

而飲品，我哋就叫咗青蘋果果茶 $38 同雜莓乳酪沙冰 $58，青蘋果果茶平平無奇，而雜莓乳酪沙冰一係就打碎啲冰，要不就請用粗飲管，朋友用又幼飲管係飲唔到.... CP 值★★ 我唔會用高質嚟形容，但水準不至於低，但係以呢個價錢，CP值不高，呢個價錢，裝潢更有心思既，食物更有水準嘅真係大有人在。