好耐冇食Mos Burger，搜尋下邊度有分店，發現響The Forest開左間Mos Cafe，即刻約朋友仔去試。入到去舖頭面積唔算大，感覺清新乾淨&舒服同埋過左最多人既食飯時間，一入去就有位坐。 "吉列豬排飯配法式燴醬" 比想像中既好味，吉列豬排香脆，仲有沙律菜伴碟，健康又抵食！ "牛油果照燒雞肉飯" 配搭特別，加埋牛油果醬汁，食落唔會覺得油膩，好快就食晒成個飯
飯類加錢就有野飲，而且選擇都多。整體感覺好好，朋友仔都話會再來食，不過如果白飯再熱啲就更好

外國朋友來香港玩，指名要試米芝蓮食店-甘牌燒鵝。11點半開舖前到門口，已大排長龍想去第二間，但係外國朋友堅持想試，唯有邊傾計邊等。等候人數眾多，店員會派飛仔，攞完飛仔靠牆排隊。同時亦有一班人等外賣，店員雖然會響門口大叫號碼，但出出入入既人太多，企遠少少又聽唔到，感覺有啲混亂… 等左個幾鐘頭後，終於可以入到去食野。舖頭入面唔大，坐得比較迫，位唔多，唔怪之要等咁耐。 朋友先叫左一碟燒鵝、乳豬飯。燒鵝賣相唔錯，乳豬飯好少乳豬，外國朋友覺得都好味。自己叫左燒鵝髀飯，賣相一樣唔錯，食落去皮香脆，不過明明係燒鵝髀但冇乜肉，少少失望。唯獨醬汁最好味，用來送白飯多多都得！為左醬汁會再來，為左燒鵝既話要諗諗

台灣過江龍珍珠奶茶&水果茶響香港大受歡迎，其實香港都有本地茶品牌！路經馬頭圍道，醒起同事介紹過呢間好飲，即刻試一試。
"芝士岩鹽奶蓋芋香奶蓋"(熱) 有香濃芋香味，芝士&岩鹽比例又啱啱好，好味店員又好細心，俾錢時主動問需唔需要少甜，感覺到佢地好有heart 在等攞野飲時，見到亦有賣糯米糍、芝士蛋糕，價錢都合理，下次搵埋同事一齊來買先

一行4人來到尖沙咀開會, 見到"宴"有午市定食, 和牛牛扒半價, 即刻上去試一試！
唔洗等就有位, 同店員傾下計, 先知Lunch 響1月2號先開始
店員仲話今個月每一日都有一款定食半價, 而今日係"特上宮崎和牛牛扒定食$218" 半價, 即$109就食到！和牛牛扒有呢個價錢真係好抵食, 不過個汁好似濃左啲, 要夾埋白飯一齊食先得。    宮崎和牛石頭鍋超驚喜！醬汁mix埋熱辣辣既和牛, 大家都食到停唔到口, 完全忘記食壽司。