觀塘一向都有好多隱世小店，包括呢一間。已經食過幾次，絕對會令你回頭再食。今次叫咗招牌菜「去骨豉油雞飯」同埋「瑤柱去骨貴妃雞飯」。每碗飯都有大約六舊雞件，一半係雞髀或雞翼，另一半就係雞胸肉。去晒骨，啖啖肉，肉質好滑，個人就始終都比較鍾意豉油雞多啲👍🏻 每碗飯都有半隻糖心蛋，仲有啲雲耳，少少沙律菜，啲飯仲有啲飯素添，好香口。好足料。豉油雞啲汁浸曬落啲白飯到，令到你唔覺唔覺，就會食晒成碗飯，仲要只係收$65，冇加一 ，真係好抵食👍🏻

第一次去，有種感覺係精美小店，都見到有好多熟客仔，服務員對佢哋嘅服務當然就十分好啦，不過對我哋呢啲生客，都算係咁㗎喇。 叫咗佢哋嘅招牌菜「招牌紅燒乳鴿王」，「杏汁花膠燉白肺湯」一窩，「豉椒炒聖子皇」，「豉油王鵝腸」，「椒鹽白飯魚」。乳鴿真係好好味，皮脆嫩肉夠Juicy。豬肺湯好飲，三個人飲，每人都飲到兩碗。聖子新鮮，肉質鮮甜，配菜亦都好好味，尤其係個青椒。鵝腸夠爽口，又大碟，啲芽菜朔晒啲豉油汁，好好味，但又唔會食完好頸渴。椒鹽白飯魚住得好脆，好香口👍🏻 甜品送咗紅豆沙，中規中矩冇乜特別。

落咗雨幾個星期，難得今日天氣咁好，決定搵一間有view嘅餐廳食餐飯。 今日遲咗嚟，所以燒味都已經賣晒，不過唔緊要，仲有好多選擇。 叫咗「椒鹽金磚豆腐」做前菜，我哋得兩個人，侍應都主動幫我哋調教份量，唔好浪費食物，豆腐真係做到外脆內軟，唔會好厚皮，咬開真係有煙出嚟嘅。 湯係不可缺少，叫咗「花膠燉響螺」，真材實料，仲要係滾熱辣，侍應提醒咗好多次叫我哋小心燙口，慢慢飲。另外亦叫咗「生拆蟹肉粟米羹」，真係好多🦀肉，好足料👍🏻 主菜叫咗「盤肉百花脆蟹拑」，「蟹皇白玉蒸龍蝦球」，「椒鹽田雞腿」，「薑蔥蠔」，樣樣都好好味，個人比較欣賞個蒸龍蝦球同埋薑蔥蠔，龍蝦肉好鮮甜，啲蠔好大隻，好肥美🤤 好欣賞佢哋送嘅甜品，粒粒都好好味，尤其係個合桃酥，唔會好甜，總共有6款，very nice 😋 服務質素真係唔需要多講，每一個侍應都好好，十分好的客戶體驗☺️

又係同同事食生日飯，揀咗呢度，因為佢嘅pancake 疏乎厘🥞好出名。 講咗主食先，叫咗個「慢煮伊比利豬鞍」，幾好味，煮到啱啱好，肉汁夠juicy 👍🏻 另外叫咗個 Cobber 意粉「辣番茄忌廉大蝦意粉」，中規中矩， OK嘅！ 叫咗一個薯條，分量好大，香口野味👍🏻👍🏻 最後叫咗個Earl Grey Tea pancake 疏乎厘🥞 吹蠟燭，pancake真係好鬆軟， Earl Grey Tea 嘅味道好香濃，食完之後真係好滿足🤤 飲品方面試咗個Matcha Tonic，雖然個綠茶味我覺得唔夠濃，但係好好飲！

慶祝同事生日🎂，試新嘢。冇諗過喺觀塘有餐廳可以有咁大空間感，好舒服，唔似一般觀塘餐廳，多數都好逼夾👍🏻 今日試咗三個set lunch，個前菜好豐富，沙律菜好新鮮，個湯都好飲，麵包都熱辣辣，唔錯。 主食叫咗「蜜糖芥末包糠焗比目魚扒配露筍」，呢個我哋最欣賞，比目魚煮得好滑，露筍好新鮮，另外仲有紫薯蓉做配菜，值得推介👍🏻 「芝士焗龍蝦配車厘茄蟹肉濃蝦汁意粉」就中規中矩，個汁都好濃郁。 「香煎加拿大豬鞍配蒜香燒汁及炸薯條」就爭咗少少，個豬鞍比較乾，唔夠juicy ，所以令到個肉比較靭。 甜品我哋揀咗芝士蛋糕，要另加錢，但都大件，同埋好味👍🏻 嘢飲方面，佢居然有茶餐廳嘅奶茶，比起一般西餐嘅奶「水」好飲。

見到社交平台有推介，果然冇介紹錯👍🏻
個炸子雞有一半係雞髀，一半係雞胸肉，好好味，個皮脆卜卜，如果唔要飯，淨係$68 ，真係抵食到不得了！

另外叫咗個炸脆鱔，外面好好味，唔會太鹹，個鱔出奇地唔多骨，啖啖肉，仲大碟到不得了，兩個人，每人差唔多食咗8舊！雖然要$188 ，但係係值得嘅，隔離台見到，都即刻跟住叫😂

加個白飯都係$5 ，另外嗰啲嘢飲都好平，大部份都係$5一支。

不過地方就比較迫夾，坐得唔係好舒服，但絕對可以接受，性價比高。

如果以台式火鍋嚟講，佢唔算多台灣嘅菜式，鴨血都只係屬於普普通通嘅味道。但係佢嘅海鮮又出乎意料之外嘅新鮮同好味，尤其係🦐，好新鮮，鮮甜，有蝦膏，忍唔住添加左兩輪。炸魚皮佢有兩款，好欣賞有「有骨魚皮」，香脆👍🏻，唔係好多地方食到，不過食嗰陣時候真係要小心啲。 值得讚嘅係佢添加嘅湯，係真係湯，唔係水，足料，仲不停為你添加。飲品都有好多選擇，同埋好大杯。 服務都值得一提，服務員個個都態度好好，自動會玩碟，臨走我仲要唔記得食雪糕就埋單，佢仲提返我，叫我入返去坐低食完先慢慢俾錢😂

小店，但係食物水準真係飛一般小店，尤其係個「豬扒酸辣米線」，豬扒一定會另上，大大塊，唔會厚粉，個皮好脆，食落Juicy，真係冇誇大。佢個酸辣湯味係偏酸嘅，好開胃👍🏻 通常我都會加一客鍋貼，鍋貼皮唔會好厚粉，咬落去有好好味嘅肉汁流出來，要小心食，如果唔係都會啲肉汁焫親個咀。 「豆沙鍋餅」真係比拼到大飯店，個皮脆卜卜，個豆沙餡又好味，好香口，好容易就會食晒成份😂 價錢好平民化，服務亦都好好，雖然舖頭細細，但係職員好有禮貌👍🏻

三個人食，叫咗五個餸，包括皮蛋做前菜、酸菜魚、薑蔥蠔、店主推介鹹蛋黃南瓜同埋椒絲腐乳通菜。每一個餸嘅份量都大，絕對夠食，酸菜魚啲魚肉好滑，個湯酸味程度啱啱好，會不停咁飲湯😂。 店主話鹹蛋黃南瓜唔係成日有，結果真係冇令到我哋失望，好快就比俾我哋清晒。薑蔥蠔同埋個椒絲腐乳通菜都好有鑊氣。 食物質素真係值得推介，服務都好好，上網訂枱單寫咗對芫荽敏感，店主真係有記錄，主動問我確認，亦都真係記得每一樣送都走芫荽。 唯獨是同場有一行10幾人的聚會，加上樓底矮，個個高談闊論之下，就真係好嘈😖

叫咗指定套餐，頭盤有選擇困難症，兩樣都想試, WARM GOAT CHEESE & IBERICO HAM 同 蕃茄忌廉湯，waiter 好好，主動幫我哋準備share, 個湯夠熱，啱曬落雨天好想暖下身，另外個goat cheese 都好開胃。 主菜我哋叫咗 UNI TAGLIATELLE 同 AUSTRALIAN JACKS GREEK STRIPLOIN 🥩share食，個牛好出色，相反個TAGLIATELLE就普普通通。 甜品個PISTACHIO LAYER CAKE 好有賣相，襯咗🦋裝飾好靚，至於飲品我哋叫咗凍檸茶同埋latte，凍檸茶Standard但latte就唔好飲。