喺呢度附近基本上茶餐廳得呢個選擇 另一間一係遠少少另一間東方 以早餐面餐黎講 環2嘅面底好過另一間 呢一間用出前一丁 另一間係用福字麵 麵餐必叫之選是沙爹牛肉 睇相都見到香味濃沃嘅湯底 以我叫嘅蛋 亦都弄到剛剛好 蛋黃仲係有少少流心 而黃蛋白有少少焦香 餐飲叫咗奶茶 都係水準之作 幾好飲 可惜衛生情況 普普通通 但係選擇不多嘅情況下唯有幫襯 而且味道真係唔錯 早餐嘅時候唔洗等太耐 午餐嘅話如果唔係叫飯餐而係叫面餐 基本上要等15分鐘at least 沙爹牛肉蛋麵 湯底濃郁

用咗某app九點後嘅優惠 main dish有半價 如果唔係價錢比較高 餐廳環境好特別 本人就真係去過摩洛哥 我真係去過 呢間餐廳都做到少少嗰個感覺 個場有得借board game 亦都有個平台可以食水煙 都幾超㗎 場地非常闊落 但餐桌反而比較細 場地回音比較大 想傾計有少少嘈 嘢食 如果選擇多少少會好啲 但我叫咗嗰幾款都幾好食！！ "歐陸風情三文魚溫泉蛋凱撒沙律" 三文魚頭笠菇好好食 可惜粒溫泉蛋太熟 變咗普通洽蛋 "泰式風情甜辣醬與美式冷艷沙律醬配炸蟹餅" 普普通通 不過不失 “藍巴勒海峽竦茄醬墨魚麵配帶子” 小辣野味 如果帶子熱啲就好 不錯 如果個半啲唔好擺一朵唔食得嘅花會比較好 感覺衛生啲 亦都冇咁娘 必食之選！！！！ "泰系風情黃金軟殼蟹配綠咖哩珍珠米" 作為一個軟殼蟹+ 黃金蝦嘅愛好者 呢個黃金軟殼蟹絕對係完美嘅配搭!!! 青咖哩珍珠飯有少少香葉肉碎 成碟整體嘅感覺好融合！！ “冬日暖笠笠熱朱古力一杯” 普普通通 熱啲會好啲 本身有個白天鵝拉花 不過太遲影 變咗型

味道不錯 價錢算ok 食物不夠熱 好少黎黃大仙呢頭食嘢 一出地鐵站 就見到呢一間同埋翠華 呢間上海嘢望落有特色 而且感覺上應該好過連鎖店翠華 所以就入咗嚟 我叫了午市套餐 葱爆炒羊肉 有湯有飯 而且加了15元有雞絲粉皮 加多5蚊有得送豆漿 但我沒有加 整體來說也很好 環境乾淨 裝修美觀 而呢個格局七十幾蚊一個午市套餐 主菜 飯 湯 和小食 算是合理

之前每次都一定嗌孜然羊肉拌麵， 大半年無去， 餐牌改咗，無左呢個我必點之選，搞到要叫家鄉拌面($50-60 忘了價錢)，同散叫一小碗孜然羊肉($40)，變相加左價。質素算是和之前一樣， 另外叫了手撕雞和手抓肉， 兩樣都係第一次叫，算幾好食。 手撕雞小辣嘢味，手抓肉係羊肉， 羊騷味岩岩好，好食！