今日去食飯 其實真心落大雨先入黎 本身叫左兩個set 頭一個都還好 前菜都ok 第二個叫左蟹肉意粉 真係嬲到震 唔多講去圖 要解釋返 原本個粉冇咁醜 只係黎到同朋友見到o 晒嘴 個粉白色咁濟 得幾舊蟹肉係面 然後就係dry 意粉係底 當我好善良咁覺得 可能啲配菜係晒底 所以就撈一撈 希望好啲 呢張相就係撈完嘅賣相 是實證明一樣配菜都冇 雖則lunch set 寫明 $98 包前菜 野飲 有寫到話份量會比較細 但都唔係expect 同原圖差咁多掛？ 真心離晒大譜 咁都好意思賣$98 真係服左佢 以後唔會再選擇

Beans 真係一間好出色嘅cafe 每次去都大排長龍 但小弟都會照排 因為實在好好味 食物多元化 價錢亦合理 最鍾意佢地嘅黃金蟹肉意粉 一黎賣相已經好吸引了 大大隻蟹殼 簡直係畫龍點睛 而且佢份量都好多 蟹肉亦足晒了 撈完一輪 啖啖意粉都係蟹肉同個汁 好好味 鴨胸包亦好大份 好香口 薯條好出色 不過今次冇額外加薯條 因為個餐已經包左薯條啦 講下環境 個人覺得好舒適 中間會有啲燈光效果 服務員態度都好好 下次有機會要試下其他食物 因為小弟次次黎到都點左蟹肉意粉

Ufufu 係小弟同朋友好鍾意黎嘅地方 基本上 一至兩個月就會黎食一次 講真 雖然價錢有啲貴嘅 但佢地嘅食物一定好大份 大大份 料又足 醬汁又好味 一次過分享晒今日食嘅野食 因為太好味啦 唔等埋一碟碟咁影 首先前菜沙律都好多配料 有雞肉 有蕃茄仔 又有沙律菜 今次專登試下個酥皮湯 酥皮好脆 湯係濃濃嘅忌廉粟米湯 好好味 蛋包飯大大碟 兩個人都食唔晒 而且好豐富嘅醬汁 而且唔會食完口乾 南蠻雞翼唔洗講啦 香口又入味 最出色莫過於炸雞扒 肉質好juicy 炸得又香口 最緊要大大塊 又厚身 係每次都叫嘅食物

上次去完另一間酒樓食晚市之後 早排呀叔由台灣黎港探親 又請佢去食晚餐 今次想試下第二間酒樓晚市質素 決定黎稻香漁港試下 入到黎平日人流唔多 好快入座 睇下餐單 普遍都偏貴小小 而且有啲覺得貴但用料唔上乘 其實好耐之前試過黎 個陣做緊清蒸日本蟹promotion 覺得好出色 不過而家冇左 咁就是但叫啲岩呀叔口味嘅餸菜算啦 平時去第二間食都有芝士龍蝦 但呢次得芝士蝦 但價錢都唔係平 而且個芝士汁顏色 點解覺得怪怪地 炸子雞都唔算脆 同埋得半隻 價錢又貴 份量唔多 燒肉都色水麻麻 同埋本人唔鍾意肥豬肉 到最後 最欣賞係個茄子煲 紅燒得好靚 味道入味 唔會有茄子🍆有太多水份個種口感 岩晒送飯添

每次一家人食飯 第一時間就係諗起佢 因為選擇多 賣相又吸引 而且又近 加上小弟係點心狂熱 成日食都唔厭 黎港味食野嘅人實在太多啦 等位都要一段時間 但因為等得耐 都好多人選擇唔等 所以啲等位飛 都飛得好快 一黎就叫媽媽最鍾意食嘅冷盤 登登登登 就係佢啦 可惜份量較小 得幾隻 因為我都勁鍾意食㗎 口感好爽口 酸酸地好開胃 蝦腸係小弟至愛呀 粉皮煙韌 蝦爽口大大粒 唔似其他好細粒 有時係溶爛嘅蝦 佢每粒都大大粒㗎 照燒茄子都冇得頂 非常香口 黑金色嘅流沙包 賣相已經sure win 蝦餃又係超級靚 不過今次個皮好厚 失左水準

同事要離開我地嘅部門 大家返工都好難約 終於約到大家farewell 佢離開了 雖然共事唔耐 但都要farewell 下 決定去茶木坐下傾下計 好好討論將來嘅路點行 茶木一向好多人等 等左位半個鍾有多 終於等到啦 台灣野食不嬲都好鍾意 茶木一向都好好味 只係價錢偏貴 不過好食最緊要 朋友叫左鹽酥雞麵 睇落好香口 牛肉麵當然係唔少得 可惜掛住食冇影到 一定食叫嘅野食 牛肉湯底好濃郁 又野味 但飲完唔會覺得太多口渴 配上牛肉炆得好淋 牛肉質地唔會難咬 亦入晒湯底嘅汁 味道豐富 好入味 再叫左個甜品 男人都可以有兩個胃㗎 雖然小弟食得唔多 但雪糕配搭麵包磚 係一絕㗎！

其實已經好耐冇再食 但其實係一間抵食足料嘅晚餐 要數係最出色嘅炸子雞 熱辣辣新鮮出爐 外面脆卜卜 裡面肉質好juicy 一家幾口其實都食唔晒 另外亦叫左龍躉雙拼 西蘭花我至愛配龍豪躉一絕 睇下魚皮金黃色嘅賣相 聞落都香噴噴 清蒸龍躉鮮甜又滑 而且冇骨起晒肉身 咬落啖啖肉 岩晒懶人小弟 如果屋企有長者都岩佢地食呀 另外芝士龍蝦伊面都係好足料 龍蝦厚肉 又唔難剝殼 芝士汁又多 麵底唔乾身 其他都不過不失又唔貴 一份包又有好多隻 蔬菜煲都唔重味精 唔會食到口渴

跟同事難得可以相約見面食飯 可以說說笑笑 同呻一呻 當然要搵個地方 好好坐下傾計 同享受 先前已經打聽過好食嘅邊爐 最後選擇去尖咀 醉胡爐 入到去環境好乾淨 整齊又 闊落 卡位以木紋屏風相隔 增加私隱度 而且枱面面積大 足夠放上唔同食物 打邊爐湯底唔少得 呢到湯底選擇多，總共13款選擇 雙併鍋底只係再加$38 就食到 最後我地選擇左養生嘅冬瓜花膠雞翅鍋 養養生 彌補我地工作日常嘅痛苦 花膠湯到啦 奶白色嘅湯底 金黃色嘅魚翅 睇見都流口水 湯底先煲熱 飲落花膠味好重 口有花膠個種黏黏口感 好滋潤 而且花膠份量都好多 我地不停夾都仲有㗎 湯底仲有雞 同 入晒味嘅冬瓜 口感豐富 飲完個人幾Dry 都變滋潤啦 除左湯底 其他食材都好重要 叫左個鱈魚干配蟹膏 蟹膏咸味適中 香口 作為開場白一流 燒肉串亦十分野味 外香口 內軟淋淋 好好食 其他材料都陸續上啦 有小蔬菜盤 同 小弟喜外嘅粟米 粟米粒粒飽滿 蔬菜亦新鮮乾淨 自家制魚皮餃大大粒 新鮮嘅蟶子 蟶子好快熟 肉質亦爽口唔會老 就算浸完花膠湯都有海水清新嘅鮮味 手工雲吞同水餃一樣大大粒 餡料好充料 蝦肉令到雲吞爽口彈彈牙 水餃 菜肉比例都好平均 原隻放入口好鮮味 黎到重頭戲當然係呢碟極上手切牛 牛肉份量多 肉身雪花均勻 脂肪唔多 焯3-4 秒就可以食得 肉質雖然結實 但唔會韌 本地牛 牛味果然又香又濃 真材實料㗎 完全可以再安歌！ 臨尾嘅小小甜品好精緻 加上服務員嘅專業 係一個完美嘅句號

野川拉麵 元朗有兩間 今次黎到鮮鍋道場 同同事放工覓食放題 同同事由公司落車慢慢行 位置係元朗游泳游行入小小 嘅私人住宅商場 入到去空間唔算大 但餐廳都唔吝嗇用左一半位放食材 提供好多食物種類比客人 打邊爐食材種類多 望落亦新鮮 不過既然黎食放題 所以冇選擇到邊爐 拿拿林叫左刺身 甜蝦爽口唔腥 玉子厚實大塊 岩晒小弟蛋物愛好者 三文魚鮮甜 入口滑dudu 厚身但易入口 唔會有筋咬唔到 今次有個大隻同事 壽司叫得特咁多 壽司飯細舊而軟熟 鰻魚入味 煙三文魚香口 炸蝦烤亦出色 小食當然唔小得小弟最愛 雞軟骨串啦 香噴噴 足足食左6-7 條 炸餃子有肉汁 十分唔錯 榴連炸彈 同事話好香好食 不過小弟就唔食榴連了 台灣腸甜甜地亦都唔錯 羊架亦出色 肉質淋身 唔多肥油 唔膩身 食多舊都唔太濟胃 除左呢啲 野飲 即制雪糕 甜品都任食 第二個胃都已經食唔落啦！

呢個咁熱嘅冬天 無阻我再次食烤肉 同同事sleeping day 當然要出黎玩下食下 入到平昌烤肉 就好似去左擊國烤肉店 牆身嘅壁畫 筒型嘅座位 好寫實嘅感覺 入到去拿拿林叫野食 肉食種類好多 而且上得快 又夠新鮮 第一次食到有蛋邊嘅韓燒 蛋香滑 滿足左小弟一大願望 五花腩 同 牛肋條 係最好食 五花腩油脂分布平均 入口唔會肥膩 加上附送嘅生菜 包住食 更減肥膩感 牛肋條牛味十足 醬料都好豐富 令牛肉好好食 最值得回味 當然係原條燒鰻魚 鰻魚醬料入味 而且成條起左骨 唔會吉口 再講 佢肉身亦厚實 咁難得食多幾條都唔怕！ 仲唔回晒本！？ 另外有任拎野飲 特色嘅韓式烤肉食得好開心