睇到openrice咁多個決定一試，果然冇令人失望～ 可能平日夜晚去，而且佢地方夠大，所以唔駛等位，入到去就見到枱枱坐滿哂 一入座就上小食，栗子花生 D花生浸到淋哂，我個人鍾意食脆既，所以覺得呢個麻麻地 李白醉雞 ($78) 酒味好勁，就算雞胸部位都滑，不過每舊都有碎骨，食既時候要小心d 無錫鮮肉鍋貼 ($38/3pcs) 煎得夠脆夠汁，但未至於會爆汁😆 重慶紅油抄手 ($58/6pcs) 皮夠薄，好好味 招牌原味小籠包 ($62/6pcs) 好多汁，皮既厚度剛剛好，唔會太厚但又唔會薄到一夾就穿 木樨肉炒拉麵 ($78) 有雞蛋絲、椰菜、肉絲、木耳，味道唔濃，不過有d油，份量有d少

入座安排已經差到爆，落單時個男侍應不停催，野食都未叫完就已經係咁問野飲，仲要落錯哂單，我地叫5碗麵全部黎錯哂！😡 食物唔好食，珍珠奶茶d珍珠黏埋哂一舊 機場仲有其他選擇，呢間真係試都唔駛試！

之前去皇室堡食晚飯時經過呢間，睇到價錢比起一般日本餐廳算平，諗住之後要試試。今日適逢母親節，又出開銅鑼灣附近，就決定去呢間試下。 價錢的確係抵，味道ok，唔算突出，但又不至於難食，不過對於呢個價錢都唔好抱太大期望 豆腐沙律 - 略嫌唔夠凍，配上木魚碎感覺好特別，我本人好少喺出面食呢種配搭既沙律 吞拿魚腩壽司 - 入口即溶但有筋 峰鰻魚壽司 - 鰻魚好厚身，好味，可以一試 炸蝦壽司 - d飯一咬就散哂 總體黎講都ok~可以接受