點左佢地個R1豚生姜燒飯套餐 一開始諗食烏冬先 點知發現有頭髮係入面 一時心急即刻同侍應講 佢就拎返左碗麵入去 先發現自己大意左 我應該影底相做對比 甚至叫佢做個碗出黎換 以防佢比返同一碗我 無咁做 失策左 之後佢地比個碗我 我發現明明蔥好整齊咁放係中間 點解有d混入左海藻到 我更懷疑佢地係比同一碗我 但冇證冇據咁又無得入佢地數 而且個餐唔平 唔想浪費 諗自己腸胃一向好 應該無事既 咁照食啦 食完就去上堂 結果上上下堂超肚痛 一放break就跑去廁所 落堂即刻返屋企又跑去廁所 我對佢既衛生程度抱左懷疑 我唔知係個別人定點啦 但我真係唔會再去......

Last day請同事食散水餅 再見亦是朋友 而且想多謝佢地一直既照顧 係工作地方附近搵 最後發現依間 一入到店 超靚！ 之後揀蛋糕 件件都好靚 差d想買晒佢 最後我因應同事喜好揀 個個造型都好可愛 而我最鐘意粟米同earl grey 粟米夠特別 味道又唔錯 一d都唔怪 而earl grey茶味真係一絕 有機會要試佢seasonal既作品

朋友知道我係一個偽文青 介紹左佢屋企附近既隱世咖啡店 佢話我一定會愛上 結果專程入去試試 環境的確唔錯 聽聞佢地既自家制麵包都唔錯 但我太晏去已經賣晒 聽朋友講 佢地既杯超靚 拉花都好靚 當我滿心歡喜可以打下卡既瞬間 ...................... 😂😂😂😂😂😂😂😂 我fail左...... 原來佢地既flat white係用極普通白杯一個 可能係因為flat white奶少左 靚杯太大唔岩用同唔夠奶拉花 真係fail得太徹底😂😂😂 不過咖啡係好飲既☕️👍🏻

我以後都唔會再去依間野本來見佢地D Cocktail幾特別 都幾滿意  但第一杯野都未飲完就已經發生唔開心事件

本人好討厭二手煙  諗住室內酒吧一定唔會有人食煙  點知我錯左.... ((Sorry 係我見識少 平時唔蒲開 諗住節日開心同班朋友飲返杯))  飲飲下野 突然隔離枱係到食煙
 問酒吧既人 室內唔係禁煙咩？！ 佢地話佢地比人食煙  咁算啦 問佢地可唔可以轉位 又話唔得 比錢仲要食二手煙？！  後來發現好多枱都有人食煙 唔怪得無得轉位  成個地庫焗住晒d煙氣  唔食煙同唔中意吸二手煙既朋友 唔好去  中意食煙同食二手煙既人 可以去食多d