lunch menu 加$飲要左個chowder soup- okay chicken salad- okay 但多左d醬 mains 要左個炸豬排(?)乾到痴左線 食唔到 加錢叫左個和牛 正常好多 加分位係個落地大破璃 隔離係個樹林 otherwise 我覺得無野值得要我返黎

米芝蓮一星扒房 唔錯 性價比高 appetiser係個salmon唔知咩 好食 人越大就越鍾意食牛味重既牛 無咁中意食入口即溶既和牛 Prime Black Angus Beef USA corn-fed rib-eye cap 200g 好好食 牛味極重 texture 都啱啱好 Korean dried pasture & grass fed striploin ~400g not bad 但無上面個個咁驚豔 主要係冇咁香 同牛味冇咁重 配菜就叫咗creamy spinach同mushrooms 幾中意creamy spinach mushrooms 就少少油 好飽 佢送咗個幾dense既泡芙 custard落得幾重手 跟住自己帶咗支1995既紅酒 好喝 性價比高 服務態度好 可以encore

新新地既日法fine dining 好食喎 叫左個black prawns做appetizer 有啲泰式生蝦feel 好refreshing 跟住叫左個cooked octopus with uni foam 都好好食 有海膽既creaminess 但同時有八爪魚既煙靭感 mains 叫左個duck breast 好好食 燒得好香 炭香味好重 配紅酒一流 最特別係餐廳有串燒可以叫 嗌咗串田雞串燒 燒得幾嫩 最後叫左個apple cinnamon waffle best to wrap up the meal 個雪糕好好食 裝修環境服務一流 我想再嚟試dinner

越南菜 鍾意坐喺佢個Terrace chill chill的 有啲菜式係幾好食 鍾意佢個roasted cauliflower 加埋個肉鬆同埋sauce 好香口 taco都好食 bite size覺得唔夠喉 佢啲炸雞都唔錯 我覺得炸粉份量啱啱好 同炸得夠香口 雞夠juicy 乳豬好食 加埋佢個汁同埋佢嘅檬粉包住塊生菜層次好豐富 yum 比較normal係個beef tartare nothing special 炸軟殼蟹就唔冼試 我覺得好重油饐味 最後佢哋送咗個甜品俾我食 係斑蘭雪糕襯埋個meringue 好食 真係有班蘭味 唯一唔好係疫情期間唔做lunch Menu 所以要叫a la carte 明顯冇lunch Menu咁抵食 同埋個別菜式出菜真係好慢 maybe慢工出細貨 不過都好值得試㗎

前排都去得幾多嘅cafe 嘢食都唔錯 UFO-Avocado, egg yolk, bacon, sourdough, ricotta cheese, sun dried tomatoes, rocket, tomato ($135) 好似not bad 幾多avocado 但可惜有egg yolk 所以我都冇食到幾多 如果唔係佢應該幾夠飽 Croissant French-Croissant with ricotta cheese with house mixed blueberry compote, honey, fig and strawberry ($98) 第一次食覺得無味 但第二三次食覺得幾好味 中意佢個waffle係croissant texture 幾 crispy 特別鍾意佢waffle面頭有層glaze 有少少似crème brûlée 然後我嗰塊caramel 幾delicate 同唔heavy Crispy Gee- fried chicken, sourdough, poached egg, avocado n house-made mayo ($128) 撇開poached egg唔講(bias)佢都算係一個唔錯嘅chicken waffle 雞都算炸得脆又夠大塊 waffle都唔係嗰啲淋waffle 嘢飲方面幾鍾意佢個earl grey latte 幾香 咖啡就一般般冇乜特別 裝修係港女影相style 值得一試

brunch at Le Jardin a while back ago 因為依個地方 我開始中意左irish coffee 佢仲有唔同款既alcoholic coffee 幾好飲 叫左佢個classic corn beef sandwich ok的 雖然無話驚豔 薯條係印象中都not bad 跟住就左個pancake (rum raisin, apple, toffee sauce, whipped cream) um.. 唔係話唔好食 但係唔係我鍾意個type pancake 佢依舊係熱香餅嘅後設版 印象中係有少少乾 同埋食唔到冧酒提子既味 同埋我覺得蘋果可以再淋啲 餐廳都幾好錯 夠chill幾粒鐘 佢係好typical中環食brunch嘅餐廳 唔會話好經驗但係又唔會話伏既 可能會返嚟

食環境既川菜 咁嘢食都唔係話差嘅 唔知有冇人同我一樣 成日想去尖沙咀Ocean Terminal 對出嗰堆餐廳有偏見 嗰啲全部都係貴夾唔飽 得壹個優點就係個境正 嗰日去開尖沙咀 又想食川菜咁就試吓間 對住維港即係真係有幾靚嘅 叫左 蒜泥白肉 干鍋肥腸 麻婆豆腐 蒜泥白肉係整得唔錯 啲肉夠大片 我都係鍾意傳統啲個種 多啲醋多啲蒜 酸啲又開胃啲 其他嗰啲都唔差嘅 都係嗰啲肥肥油油既川菜lol 冇話好出色 印象中唔係好辣 辣得黎無話好有層次感 如果好想對住個維港景色食川菜都可以去下的

歌賦街街裝修得靚靚嘅西班牙菜 歌賦街街裝修得靚靚嘅西班牙菜 野食ok la 唔難食 但都唔係特別好食咁 croquettes ok la- 印象中係可以好食啲 炸粉有少少厚 tuna tartare- up to par but nothing wow 唔記得乜鬼三文治-印象中係OK Chef’s Canelon-有d truffle味既野 仲嗌左啲我唔記得係咩嘅嘢 我淨係記得我好唔鍾意佢個seafood cocktail-太多醬 痴線的 食唔到海鮮嘅鮮味 食緊千島醬嘅feel 甜品Chuecolate-ok la朱古力既味in different textures, soso 印象中間野係主要食裝修(?) 坐喺Terrance嗰度好似幾chill

預早個幾月訂之終於食到佢😭 除左scone之外 佢既afternoon tea set($388/1,$688/2,$988 unlimited)應該係我係香港食過最好味既🤤 有別於三層既英式下午茶 佢地係用個trolly將八個咸點同甜點咁分開推係客人面前俾佢地選擇😀 原本係甜咸各選四樣 但朋友同我都想食多d咸點所以揀左5個咸點3個甜點 咸點seafood rêves 同 terrine forest較為出色 前者有kingcrab,crab jelly, cauliflower 同salmon caviar 層次感好豐富👍🏻 後都係foie gras terrine 唔會過咸 其他都屬中上水平👌🏻 甜點最突出係sesame 黑芝麻味好濃唔會過甜😌😌👏🏻👏🏻 Caramel Apple都唔錯 但chocolate banana 相比之下就好無特別 略嫌佢太多cream 遮住唒香蕉同朱古力既味 scone:要讚既係佢既叫即焗 但可惜佢唔係我中意個種好dense多d牛油既scone 佢質感偏輕 似食蛋糕 rasin scone又只得一粒raisin😅 另外17:30會有個開🍾儀式 包每位一杯champagne 🥂 服務一流 侍應知道我要影相 專登放好d野食俾我影 佢仲幫我地影左無限幅港女姐😂😂 最後 佢地會邀請顧客俾feedback👍🏻 可以進步既係出餐可以快d 但無奈佢係一嫁trolly走天下 難免會慢d 總括黎講佢既下午茶☕️係誠意之作 性價比高 值得一試😀😀