性價比高lunch 已經唔係第一次嚟食十二味，我哋基本上都係叫呢兩款lunch包括係酸菜魚同牛肉麻辣香鍋。 佢午市套餐除咗主菜同白飯之外，仲有一盒檸檬茶同埋前菜。 兩個人百零蚊，性價比都算高。 先講酸菜魚，佢魚片嘅份量都充足，另外仲有啲萵筍同埋菇作為配菜，不過唯一美中不足嘅係平價版係冇寬粉喺入面。 牛肉麻辣香鍋內面有蓮藕，薯仔，芽菜，雲耳等等嘅配菜一齊炒，仲可以揀唔同嘅辣度，惹味得來又唔算太油膩，不過我哋覺得今次食嘅份量係比之前食嘅份量少左，不過都尚可接受。

一家三口去了屯門的Hotel COZi 食了泰 • 逍遙週末全自助午餐。這一次是Charlotte 第一次食自助餐❤️❤️ 除了有一般自助餐有的冷盤海鮮🦐，沙律🥗吧，芝士拼盤🧀，燒牛肉🥩，壽司刺身之後外還有主打的泰國菜，由經典的泰式串燒，菠蘿炒飯，冬陰公炒蜆，泰式炒青口，香辣的咖喱雞，仲有泰國特色甜品。 值得一提的是餐廳有很多不同牌子口味的雪糕，包括有Movenpick 同Häagen-Dazs🍨🍨🍨！簡直係喜出望外😍😍 雖然侍應人數不多，但他們的態度非常親切。都盡可能滿足客戶的需求。 餐廳的環境以火車為主題。裝潢簡潔而優雅，營造出一種輕鬆愉快的氛圍。另外，餐廳亦都是非常著重親子家庭，有專門的嬰兒護理室，直接係餐廳一個角落位置，還有戶外場地供大朋友打卡，小朋友放電，十分貼心。

特色蟹膏湯檬 呢間餐廳喺荃灣區內都算係老字號，好多人都推介話幾正宗陳，今日lunch time過嚟試吓 一個人冇嗌好多嘢，淨係叫咗個蟹膏湯檬。 碗粉一嚟到都幾令人喜出望外有好多唔同嘅餸，有兩塊越南扎肉，豆卜，半個蕃茄，一啲嘅九層塔同生菜，仲有豬紅，當然唔少得嘅就係蟹膏蟹肉啦。 蟹膏蟹肉，我覺得不過不失，其他配菜都係正常發揮。反而當中最出色嘅我覺得係越南扎肉，佢唔似得坊間其他餐廳咁，粉漿比例比較重。 佢啲扎肉係彈牙結實，亦都有啲啫喱狀嘅汁，我識到我都想encore。我諗下次我會叫淨扎肉。 佢個湯頭唔算好重味精食完唔會太口渴，我都飲咗幾大碗。

旅客打卡必到景點 Cafe 100 by The Ritz-Carlton 第一次去Sky 100參觀，估唔到原來都好多遊客會上去Sky 100，比想像中多人。 而Cafe 100都見唔少人book 左佢個tea set，仲可以reserve 埋窗邊位。 🥢原味窩夫 窩夫味道一般，但香味較為遜色。不過擺盤一流，啱晒打卡之用。 🥢Cafe 100 特飲-雲頂之巔 反而呢杯特飲非常驚喜，首先一上枱係有兩杯有藍色糖漿和冰嘅杯，上面還有一塊棉花糖，好似Sky100俾人嘅感覺一樣，在喺雲霧之中一般。另加一支青檸汁，我們享受用青檸汁把棉花糖一點一點地融化嘅樂趣，整個設計都十分有趣。 而特飲味道不錯，棉花糖和糖漿嘅甜味中和了青檸汁的酸味，味道岩岩好。 不過在服務方面比想像中遜色，如果侍應在食物上枱時，能簡單介紹食物的名稱，會更加符合by The Ritz-Carlton的質素。

大窩口悅來酒店抵食下午茶 饗樂町 饗樂町下午茶時段有好多不同日式料理選擇，由魚生飯到天婦羅都有得食，仲有唔少小食可以選擇，一次過滿足哂食日本菜的願望。 🥢豪華迷你天婦羅定食 下午茶定食套餐除了主食外，仲包左熱飲，性價比極高。天婦羅數量超多，包括有兩隻炸蝦、兩條炸魷魚鬚、炸蟹柳、炸茄子、炸南瓜，全部天婦羅都炸得十分香脆，上枱時還是熱辣辣，滿足滿足😌。跟餐還有一碗白飯，就算男生都一定會食到飽。 🥢散壽司拼盤 下午茶餐還可以加配散壽司拼盤，分別有三文魚、吞拿魚和小元貝，魚生新鮮，抵食🍣 饗樂町的下午茶相當高質，適合想平平地食日本菜的朋友仔，cp價極高。

荃灣廣場性價比高燒肉午餐 和牛一燒肉 之前係荃灣廣場行過就已經留意到呢間燒肉，一路都心思思想試，終於有機會可以試下午餐。 🥢壺漬牛外橫膈膜&2色蔥花牛舌（鹽味）100g 牛外橫膈膜牛味濃郁，牛舌切工一流，切得好薄身，值得一試。套餐包括有前菜、飯，套餐分量十足，過足燒肉的癮。 🥢特選燒肉拼盤（特選牛里脊、豚肋肉、雞腿肉 各100g) 燒肉拼盤性價比極高，完全滿足哂想燒肉既心，燒肉分量十足，一個套餐可以食哂牛豬雞，下次可以再食。 🥢餐廳只要like ig/ fb，就會每人送一份小食，今次是送每人兩隻天婦羅蝦，天婦羅蝦外皮香脆，蝦味十足，質素極高。 總括來說，午餐十分抵食，餐牌除了燒肉外，都仲有好多不同的套餐，部分價錢低至$38，下次可以再食。

正宗日本人主理灣仔拉麵店
黑龍

難得一日出開灣仔，心思思想搵間拉麵舖試吓，一位住港島嘅朋友仔就同我哋介紹呢間由日本人主理嘅人氣拉麵店-黑龍。

我哋星期六下午一點左右嚟到，入面都已經坐滿人，都要等咗成15分鐘至半個鐘先入到去。原本打算一個試沾麵，另一個試拉麵，誰知道沾麵就已經賣晒，只能叫兩個拉麵🥲

🥢黑龍豚骨拉麵
我地叫咗兩個黑龍豚骨拉麵，不過就一個辣一個唔辣試吓有咩分別，豚骨湯底味道濃厚，拉麵口感爽口，並且好掛湯。而辣嘅豚骨湯底就出乎意料嘅辣，跟原味湯底截然不同，如果鍾意食辣嘅，不妨可以加辣。
而叉燒則不過不失，味道唔算突出，紫菜就意想不到地令成整個拉麵口感提升，加分加分。

🥢泡菜餃子
最近只要follow 黑龍的社交平台，就會每人送兩隻泡菜餃子。煎得外皮香脆，泡菜味突出，亦都係比想像中辣。

總括來說，黑龍拉麵整體高質，下次都仲想試埋佢地既沾麵。

靚靚打卡湖畔餐廳 金鷺湖 Le Vow 在農曆新年期間，難得連續放幾日假，一於book間有得食又有花花睇既打卡餐廳，同囡囡賞下花，影下相。 今次岩岩好新年加埋情人節就係鬱金香🌷花海，仲有櫻花樹同燈籠裝飾，節日氣氛十足。只要喺小白鷺餐廳食飯，憑收據就可以免費入場，若果沒有在餐廳食飯，就每位收$30入場費，所以一餐飯嘅價錢仲包埋睇靚靚鬱金香🌷真係超值。 🥢脆脆鮮蝦紅米腸 紅米腸皮薄煙靭，薄薄地包裹着脆皮和彈牙蝦肉，入口層次豐富。 🥢玫瑰金蝦餃 蝦餃面有靚靚嘅玫瑰金色，貴氣十足。而餡料有滿滿嘅蝦肉，咬落淡淡鮮蝦味。 🥢古法胡椒餅 胡椒餅黑椒味濃，食落香口之餘仲有少少辣，不過個人口味就覺得偏辣咗少少。 🥢酸菜鱈魚春卷 酸菜同鱈魚味道非常夾，識落有少少似酸菜魚嘅味道，只係不是以湯的形式，而係以脆脆的春卷皮包裹住，十分驚喜。 總括而言，金鷺湖餐廳十分抵食，點心質素高，仲有唔少打卡位，如果預先book位仲有預先安排靚靚湖邊座位，我啱晒鍾意打卡，又食鍾意食中菜既我。

之前喺社交平台睇到呢間炸雞店有好多好評，見到OpenRice有套餐就去試吓 佢嘅炸物係可以配搭十數款唔同嘅調味粉，總有一款啱你口味 我叫咗個炸雞塊同炸茄子Combo 個炸雞係即叫即炸，所以都等咗10到15分鐘，但係係驚喜嘅佢個炸雞香脆得來仲好Juice，唔會乾晒，加上我嗌嘅係辣粉，所以非常惹味，非常推介大家去試 反而茄子🍆就可能因為本身嘅質感問題食落去感覺上有少少油唔算太過推介 我嗰日去到除咗我之外，都有幾個人排隊，而所有嘢都係即叫即炸，所以如果大家要去嘅話可能都要預留少少時間

性價比之王 宜家家居餐廳 一家大細唔知去邊度食飯好，好多時都會諗起宜家家居餐廳，性價比高，大人小朋友都啱食。食完飯仲可以行IKEA，俾小朋友放下電，簡直一流。 今次我哋四個大人一個BB，總共叫咗七個餸，個個都食到好飽超滿足😋 🥢番薯條 番薯條一般，口感偏淋，如果炸係得香脆一些，應該會好食啲。 🥢佛跳牆 成餐飯最驚喜嘅，居然係佛跳牆，材料有花膠、鮑魚、鴨掌、冬菇、栗子、瑤柱，味道濃郁，所有材料都好入味，而醬汁亦係白飯殺手，超好餸飯🍚 🥢肉丸配薯蓉 肉丸就不過不失，但每次嚟到都一定係必叫菜式之一。 🥢豬手配薯仔 另一個性價比之王-豬手，IKEA豬手一向都超高質，外皮香脆，肉汁豐富，仲要啖啖肉，食極都未食完，超抵食。 🥢雞柳意粉 外表平平，意想不到地意粉口感彈牙，醬汁和意粉的比例啱啱好。 🥢兒童餐 超抵食兒童餐，有兩塊雞柳、粟米、薯蓉，仲有一杯飲品，都只係$19，簡直係小朋友至愛。 🥢焦糖燉蛋批 較為失望的甜品，味道死甜，缺乏蛋香。