趁住有買一送一，就去試下個crab roll

個包兩面都有烘過，再塞滿蟹肉，食起上黎外面熱熱地脆脆地，有少少牛油香

而蟹肉餡就凍凍地，成個包食落去外熱內冷，幾得意。蟹肉幾有鮮味，而且份量好足夠，每一口都啖啖肉完全唔會覺得麵包會太多或者冇肉食

另外仲嗌左sweet potato fries，唔似平時d薯條咁好重口味，可以食到蕃薯既天然甜味，每條外面脆得黎入面有d煙韌，好正，鐘意食蕃薯既人應該會好鐘意。不過個人認為同附送既有少少蒜味既沙律醬唔係咁夾，可能用甜味既醬會好D

鋪位雖然有d細但係佈置得好靚，要早d去先唔洗等位+同人逼

整體黎講$118買一送一好抵食仲好高汁，食完仲有d意猶未盡既感覺，不過原價就貴左少少，下次有機會試埋個龍蝦包

咁既價錢有咁既質素真係不敢恭維，本身諗住情人節食下貴d既放題， 去之前都睇到openrice其他人comment好似幾高質，點知黎到完全中伏！

第一， 漏單情況好嚴重， 我同男朋友第一次落單之後等左30分鐘以上都只係黎左一樣， 全程好似淨食刺身咁，冇食過其他野， 本身落單紙既選擇已經唔算多， 但係真正傳菜到台上數量更少！！！不過後尾果幾輪嗌既野食都有黎，只係等得太耐已經冇哂mood食= =

第二， 服務員態度有好大改善空間，整體黎講服務態度算係平平，唯獨有一個女侍應塊面好黑，每次行過黎傳菜/收碟果陣好似前世已經得罪佢咁，睇到都覺得心情唔好

第三，食物質素唔值呢個價， $308+1 呢個價仲貴過御前大江戶，但係呢間野拍馬都比唔上佢，除左刺身比較厚之外其他食物真係冇咩特別， 男朋友都話同兆萬放題差唔多質素，可能食兆萬會仲多選擇仲開心。甜品方面亦都冇咩選擇， 得幾樣咁。

另外環境都真係幾逼下，我地個位坐得唔好，係最入面，waiter成日都睇唔到，出入都好唔方便每次都要叫隔離借借，有得唔出去就話ok姐，但係甜品同飲品都要自己出去拎，焗住要唔方便

收得呢個價其實真係要比番相應既質素同服務，呢間野真係唔洗expect太多，去番大喜屋同御前大江戶食好過