好耐冇食過韓國嘢，今次試咗朋友介紹嘅韓宮，位於紅磡民兆街食街附近，呢一餐好有驚喜。食物質素一流好好味之餘，亦感受到韓國老闆娘嘅熱誠，咁多年黎樣樣都親力親為。



首先點咗烤牛肉拼盤，有牛五花，牛小排，同埋牛肋骨，全部都係靚牛肉，份量仲要好足，基本上每一台必點嘅。



我見有啲三四個人食一份，而我哋就兩個人食一份，我哋燒嘢食嘅技巧唔係咁好，但係呢啲牛肉質素靚，點燒都好食，又新鮮又多汁。



老闆娘對飲食嘅配搭好有天份，佢擺咗份雪耳喺個烤盤度，燒完出嚟非常之爽口同埋香脆，我第一次食烤雪耳先知原來係咁好味，以後食燒烤都要試下



另外仲有一件厚芝士，燒完出嚟可以拉絲好好味呀。


🩵 我地經社交平台訂坐可以用優惠價$68 食到醬油蟹🦀一份，係每日老闆娘親手揀隻隻爆膏嘅鮮蟹醃製，仲有份紫菜飯畀你點蟹膏食，完全係神還原咗韓國醬油蟹！唔使搭飛機去韓國都可以食到最地道嘅味道，蟹膏落咗隻生雞蛋攞嚟撈飯真係正到暈。





其實兩個人食呢食完嗰份牛肉已經都好飽, 但係呢真係好好味,我見到個餐牌好吸引,就點多咗份牛展水冷麵，老闆娘好細心咁攞埋一支wasabi同埋白醋畀我調味，酸酸地好開胃,唔覺意又食曬成兜喇。冷面入面嘅配菜有青瓜,蘿蔔,同埋一啲新鮮嘅雪梨切咗入去,甜甜地酸酸地,味道非常清新。



個滿足感令到我呢未離開餐廳已經不停影相send畀朋友約定下次再嚟食過，真係非常之推介。

記錄一下，今次去左間好好食嘅火鍋店，位於石門地鐵站隔離商場，一出地鐵行2分鐘就到，位置超方便。
一睇餐牌已經好興奮，好多新奇吸引嘅好野食 點左個可以飲得嘅湯底，花膠雞，一於補一補，估唔到我地飲到落煲底 碟碟精緻，估唔到炸魚皮可以咁大片咁直咁靚咁好食，咁大個女第一次試，仲好食過薯片，令我對食的要求提升了，凈係呢個炸魚皮已經值得黎喇。 滅開放落湯浸一浸，外軟內脆又得，就咁食超香口又得！
至於另一樣打邊爐必點嘅炸響鈴，作為響鈴控，呢度簡直係天堂，新鮮現炸不特止，仲要有幾種口味，包括原味、紫菜同埋芝士，兩個人食3條都夠，因為真係好大件，手掌咁大。
我覺得豐鍋真係做得非常用心，食物質素好高，店主好用心經營，每個細節都花足心思，連叫杯水都有鮮檸檬清香。
牛頸脊片片靚肉，無敵 佢地好多配料都係自家製，包括餃、丸、炸物，甚具特式。今次叫左個可以飲嘅湯底，所以冇叫到佢地的自家製飲品，個湯打完邊爐都仲好好飲好清甜，真係連個湯底都清埋。

重口味的川菜食到悶悶地，突然好懷念潮州打冷，OPENRICE研究左陣，搵到陳儀興尚潮樓呢間割凈、企理、現代化嘅潮州菜。呢度可以話將潮州菜去蕪存菁，不用怕坐得唔舒服，不怕烏煙瘴氣，更見一份高雅情操和清靜。我地人少少，點左3餸1湯和1粥1飯。方魚炒芥蘭，炸過的大地魚乾，魚香四溢，只放少量去炒菜，已有畫龍點睛之效，令爽嫩的芥蘭苗帶一點蘇香。食菜都食到停唔到口。打冷必點，潮州凍大眼雞，處理得超乾淨，骨比教粗，唔怕哽骨，魚肉都好鮮好濃味，現上豆醬的咸香，簡直就是一道開胃菜，再呷一口功夫茶，齒頰留香。仲有點少得滷水拼盤，很好的現搭，有爽口的生腸，彈牙的肥腸，入味的滷水豆腐，同埋薰蹄，仲有鮮美的墨魚片，真係樣樣都好吸引，份量亦都好足，兩個人都唔係咁食得哂。 個湯聽個名就知巴閉，20年菜圃豬肚湯，用料非常稀有，老菜圃的味道層次豐富，香氣和咸香極致，完美蓋過豬肚不好的味道，喝下去就像用了很多材料的老火湯咁濃郁。

今次DINNER揀左位於太古城地下嘅一間以熊仔做主題嘅新CAFÉ，見佢文青風格嘅裝修同埋賣相好得嘅甜品。我地主食叫左茄汁虎蝦扁意粉同埋鰻魚飯定食，份量都幾足夠，同埋PRESENTATION好精美‧ 意粉每一束都用心擺放，組成圖案，配以鮮花點綴，色香味層次昇華，味道酸酸甜甜好開胃。 鰻魚飯亦烤到好香口，配上濃厚甜美鰻魚汁和陣牙嘅日本珍珠米，好好送飯，仲有湯同前菜送。 飲品我地揀左，黑熊特飲同埋洋甘菊花茶，個花茶都好大壺下 甜品就揀左特濃朱古力蛋糕同埋黑熊芭菲， 個芭菲絕對係咖啡控嘅恩物，咖啡軟雪糕加上咖啡凍，中層鋪左層海綿蛋糕，底層就係穀物脆脆，個雪糕好香滑濃厚，都好飽肚下。
特濃朱古力蛋糕面層是純朱古力，又係質地比教厚實同飽肚的，差D食唔哂~

冇睇錯，位置仲要係旺區北角嘅餐廳，＄１３８蚊就可以任食雞煲或烤魚個半鐘，仲有超多自取配料任飲任食。老闆真係誠心誠意益街坊，分分鐘平過上深圳食！味道交足功課，我地加20蚊點左烤盧魚，惹味香口，湯底咸度適中，盧魚肉質鮮嫩多汁，一啲都唔腥，啖啖肉又有魚味，真心唔錯，食完加湯打邊爐個湯底都幾可口。配料一啲都唔野少，想豐富啲大魚大肉狂食牛同丸類又得，想清清地食多啲菜又得，最欣賞係唔洗花腦筋去諗點啲咩野食，自己鍾意食咩就拎咩。我就最鍾意食牛柏葉，放個東莞米粉落去索哂個惹味湯底超好食，麵又爽口。飲品都幾多選擇，有最大路最穩陣嘅可口可樂，涼茶，果汁等等。貼心地有解茶至於環境呢，呢個價錢，又估佢唔到咁乾淨企理，梳化位都好舒適。返左成日工，總會想食返餐好，坐得舒服啲，呢度咁抵食又好味，相信好快我又會再幫襯了！#成都小巷米線 (北角)
#北角 #北角美食
#BLOG #blogger #HKBLOG #hkblogger #HKFOOD #HKFOODBLOG

#hkfoodblogger #HKIG #HKIGFOOD #HKIGFOODBLOG #hkigblogger
#foodie #foodiehk #hkfoodie #香港美食 #香港自由行 #香港旅行 #香港探店#香港美食探店
#香港打卡 #香港生活 #香港旅遊 #烤魚 #雞煲

疫情下，好耐冇去日本食拉麵，估唔到尖沙咀呢間拉麵來咁正，令我唔洗下下去日本先食到咁好味嘅拉麵。 今次同朋友點了極上海老和牛舌牛尾湯拉麵，湯底濃厚，牛舌軟淋香嫩，入口即化，滿口濃濃牛肉味，超級滿足和幸福。湯都飲到一滴都冇得剩，唔怪得餐牌有得加湯。 好食到決定下次要帶哂成家黎再食，食得好滋味，仲好食過日本食嘅拉麵。成個濃底都飲哂！配埋個日本溏心蛋真係yyds! 牛舌值得加錢叫多兩塊，因為起碼要食夠4塊先夠！ 兩個湯底好味程度，100分俾100 麵建議揀硬身，慢慢食都唔會淋。 明太子雞翼都幾香口，拉麵加個小食就very good

乾淨， 整齊， 有裝修，有技巧菜威靈慣牛柳嘅性價比之選，WM Cafe & Bar位於馬鞍山雅濤居，在美食沙漠算是一間非常唔錯嘅餐廳! 今日就畀佢的一陣香氣和小清新裝潢吸引住! 就係果陣煎牛扒嘅香味， 真係令人哋流曬口水。想讚下，入到去覺得幾企理同衛生。食牛扒當然要七成熟! 剛剛好見到牛肉的血紅蛋白的粉紅色咁就啱曬啦。 鮮嫩嘅牛扒， 入口鬆軟， 聞起香噴噴， 真係冇得頂。再來一個帶子蟹肉卡邦尼飯， 香滑好味，配以碎洋蔥的香甜咬口，錦上添花。 平時食西餐的必點小食就是雞翼，都炸得好香脆, 幾入味仲有炸生蠔食，外脆內軟又多汁，好味! 埋單竟然300蚊都唔洗!!抵!! 仲包埋濃香龍蝦湯同水果茶，兩者都甚有水準。

疫情人都懶左，少左出街食，心血來潮想食龍蝦同片皮鴨，近近地走左石門的譽宴星海薈食，真係好滿足，一定要寫低佢。 頭盤即上花膠雪梨燉湯，足料炮製，絕對真材實料。 豐富材料必定加三個鐘頭以上嘅大廚心血。料仲多過湯，超級甜美滋補又好飲。 再嚟半肥瘦叉燒，熱辣辣香噴噴，鬆軟香口輕咬一口，油脂即溶於口。 梗係好難第二度食到咁有標準嘅叉燒。 再嚟細心無比香脆嘅片皮鴨， 片皮鴨煮法傳統事實上真係好難再有突破，咁你喺伴菜上面就可以睇到廚師細心嘅地方，刀功了得，唔會只係得d 皮，有少少鴨肉伴下好味d, 代表左廚師同埋餐廳嘅細心。 三鮮海皇雜菜煲亦清清地帶海鮮的甜美配到絕，食完d濃味野食返個菜清下味蕾非常不錯！ 最後就係龍蝦伊麵！ 出面食好多都比細隻的boston 龍蝦，但鮮味和厚肉比不上呢度的澳洲龍蝦，呢個餸菜真係冇得頂喺任何時候任何場合，佢都係百搭+萬能而且個個都爭住食， 絕對係晚餐 必食之一。 臨走見到都好多特價野食，咁靚環境咁高質，抵食呀！

新奇又有趣! 黃大仙任飲任食， 齋菜buffet. 天氣悶熱，落雨濕濕， 個人冇乜精神咁。 最啱就係食下齋菜靜靜地抖一抖。 就喺黃大仙北館2樓嘅這一間日常齋菜 絕對實而不華，主打日常飲食的齋菜。 生活就係咁簡單， 唔需要大魚大肉， 唔需要花姿招展亦唔需要花費昂貴， 只需要日常平靜嘅心 去享受生活。 新奇嘅菜式有仿魚生刺身，勁開胃驅寒嘅素薑醋，各式炸得香脆嘅炸物。 各種豐富齋菜， 種類眾多。 每樣食少少， 就已經要花費很多時間， 尤其係 脆卜卜嘅炸品系列， 尤其吸引。 眼前齋菜有二三十款式，真係興奮。 除咗豐富齋菜， 仲有各種糖水，老火湯，甜品， 雪糕無限量供應!飲品亦有冷熱多種，自家制烏梅汁清香怡人，羅漢果茶清熱解毒。 最後仲有豐富嘅水果， 咁經這樣豐富的齋菜buffet. 超值。 而且食素對身體無負擔，成日黎食都可以！

打邊爐最緊要除咗喺個爐之外，最重要就係湯底啦。 湯底靚， 食乜嘢都雙倍加分! 今日同朋友一齊去食 極品靚鍋，用啲咁正嘅魚湯嚟做火鍋真係人生一大享受。店長話呢個梳邏魚湯底係佢每朝去街市新鮮買好多斤魚返黎煲，用左不少心機，特別鮮甜同有家的味道，令你飲完又想再飲! 我叫左雙拼湯底，試埋個杏汁豬肺湯，真係出乎意料地好飲，忍唔住飲左半煲！好飲過自已煲！ 唔單止個湯靚，用料亦都係極品， 例如振興各類丸， 各式各樣嘅新鮮蔬菜菇類，仲有唔同味道嘅雪糕， 同各式嘅花茶， 真係見到都已經流曬口水，值回票價。 尤其鍾意食佢的牛柏葉， 爽脆雪白新鮮而且最重要嘅係任食。 我忍唔住個人就已經食咗三碟啦! 另外我好欣賞佢哋有提供 各式各樣的 花茶， 這是其他火鍋店甚少有見到。 這可算是一大驚喜呢! 火鍋店中間提供大量嘅熟食菜式， 我哋可以順手就可以享受人間美食。 特別要介紹 這裏的豬腳薑 ,亦非常吸引。酸酸甜甜真係好開胃呀!