上戶酒場 今日同老友去九龍城相聚，搵到間隱世居酒屋🏮 位置方便，近宋皇臺地鐵站🚉。 而居酒屋入面亦都坐得舒適😊 餐牌有食物圖，方便我地睇圖點菜👌🏻 我地總共叫左六款食物😝 1️⃣刺身盛合五款：刺身相當肥美仲要厚切，味道都新鮮，唔啜蝦頭啲膏嘅話，可以選擇拎去炸或者煲湯，我哋就選擇左煲湯 2️⃣池魚刺身：成條切出嚟嘅池魚刺身相當多份量，佢仲會拎埋個魚頭嚟煲湯，加埋刺身嘅蝦頭，果碗海鮮湯非常濃 3️⃣鐵板貴妃蚌：味道都算鮮甜，加埋牛油汁味道更加提升 4️⃣鐵板豆腐：份量都幾多，炸過嘅豆腐，加埋甜甜嘅日式醬，啱哂豆腐愛好者 5️⃣煙燻香魚煙燻煩帆立貝：煙燻味相當勁！帆立貝都算大粒，香魚味道唔錯 6️⃣和牛粒炒飯：材料好充足，啖啖都有和牛 最後，真心推介鍾意❤️享受日本高質食物和搵好地方聊天吹水嘅人試一試👍🏻

星期日來到新蒲崗以為無啖好食，竟然搵到一間唔起眼但叫人驚喜嘅文青風食店。 穿過藍色店舖外牆，換來一片揉合白色和原木色的文青氣息。店員細心介紹食品特色，服務態度抵讚。 先來的蕃茄濃湯材料豐富，以鮮打蕃茄蓉煮出綿滑質感，絕對優於一般茶餐廳貨色。 「慢煮西冷扒」，肉質鬆軟份量十足；另一道「法式燉煮羊膝」軟腍惹味，配飯一流。 飲品和甜品可謂今餐重點：「有氣檸檬咖啡」以特濃咖啡配上鮮檸梳打，啡味突出又清爽。「咖啡果皮茶」是茶不是啡，以清幽花香伴以香甜蜂蜜，確是消暑恩物。 兩款甜品壓軸登場，「焦糖香蕉窩夫」香蕉片與焦糖配合得宜，甜而不膩，窩夫鬆脆有蛋香。「Tiramisu窩夫」將經典意式甜品化成窩夫醬料，變出大於1+1的滿足。

第二次光顧 食物質素唔錯 本身打算列做長期飯店 但經過今次唔會再幫襯 今次一個人去食午餐 呀姐服務態度極差 12:35入到鋪頭 唔夠1點比人趕走 叫左碗大排麵 但未食完就收就隻碟（仲有兩塊肉未食） 都算啦 以為佢唔夠碟用 但轉個頭 佢見我停低手禁電話 就話: 有人等緊呀 食完好走啦 唔好係度打機 食左15分鐘 停低手覆msg都唔得？ 仲屈人打機 就算真係打機都唔關佢事啦 👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻 返左半日工想lunch hour抖陣都唔得 真心無下次

呢幾星期番工真係chur到爆，累到死死下，一定要食好西慰勞下自己，唔好同我講出街食飯好貴，咁辛苦賺錢返黎梗係要洗架啦！見耐冇打邊爐，又經銅鑼灣就去返「火鍋隨意門」

介紹番，呢間火鍋店主打土耳其風格，係店入面會見到大大小小土耳其既傢俬、圖案或者係食具。可能有人會問：「土耳其同打邊爐有乜關係？」我都諗唔到個中既關係，只係覺得有個舒舒服服既環境就已經差得遠！ 消暑冬瓜瑤柱濃湯鍋
之前食得太多濃味野，食到個人好濟，所以就諗住叫個清清地既湯底，等大家唔使咁heavy，一上煲既時候好有驚喜，擺設好靚！！中間擺左d蝦, 雞肉, 粉絲, 旁邊有冬瓜盅圍住, 仲擺左乾冰落去，所以成個煲都好多煙飄出黎。侍應會幫手用刀仔切開冬瓜，睇得出餐廳對湯底擺設既追求非常用心！而湯底味道就好似平時家常煲既冬瓜湯，再配雞肉, 蝦等等既鮮味, 我地都飲左好幾碗既湯底先至落其他食物，食落非常正！ 特盛海鮮拼盤
呢個海鮮拼盤近期做優惠，比之前平左$100，入面有海蝦、鯇魚片、廣島蠔、帶子、蟶子、少量蜆同埋鮑魚。數量唔算多但勝在多款式，兩個人食既份量夠哂數！我唔會啲海鮮有幾新鮮，有幾鮮甜之餘此煩。只要個種海鮮都煮岩時間就已經好好食了 蔬菜拼盤
呢到既蔬菜拼盤主要係二人份量, 而擺盤都係一流，有栗米, 大白菜, 生菜, 蕃茄等等, 印象最深刻係栗米, 食落好清甜, 唔會似坊間果d假既栗米甜味咁, 甜度自然, 而生菜都好翠綠新鮮, 食落好爽脆, 食多d菜可以拎到個binno無咁濟 清酒-獺祭45分
清酒其實冇咩要介紹，因為各人有各人喜好，但值得一提係佢地侍應既服務質素好好，好既地方在於佢地可以keep到初初開張個時咁，服務態度唔會有太大既落差。 呢個有得叫唔同既酒類飲品。雖然都係大路既款式啦，不過佢Asahi 有得「買三送一」既優惠，加上呢到唔係放題任食，冇左時間限制，幾適合幾位朋友一齊黎食下野傾下計咁！ 結尾
埋單真係唔平，但如我一開始講，咁辛苦賺番黎既錢就梗係要洗，所以我都冇太大懸念啦，比成千蚊，由6:00坐到收舖，我覺得好唔錯啦！

好耐無見班朋友，平時大家都中意玩boardgame食好野，咁當然要一齊聚下舊食下飯玩下game, 但屋企又唔太方便, 所以我地一行四人就揾左間Cafe, 過下boardgame手癮不特只, 仲可以食好野添 環境位置都闊落同坐得舒服，張枱都夠大擺得落野食同埋boardgame, 不過黎到當然要睇下有咩食先！ 1.芝士薯條 薯條炸得外脆內軟，硬度咬落去唔會太硬，唔會好似戒親口腔咁，而芝士味十分香濃，醬汁唔會太結同太稀，薯條熱度都好夠，新鮮炸起，大家都好快清薯條 2.瑞士雞翼 雞翼無雪味, 而且瑞士汁既味道都好濃郁，醃得好入味 ，而且雞翼都好冧滑，想再encore多d! 3. 咖哩安格斯牛柳粒螺絲粉 咖哩唔算太辣，呢種辣辣得過癮惹味，而螺絲粉口感亦都好厚實，食落去都充滿口腹感，牛柳粒食落去不過不失，但係整體配合起來都算不錯 4.拿破崙肉醬煙鴨胸意粉 食落去肉醬汁都真材實料，咬落去真係有粒粒肉碎，配上蕃茄汁，食落去都幾香濃，而煙鴨胸食落去唔會太肥膩，肉質都係冧冧地，容易咬開，意粉軟硬度都適中，整體不俗

作為半工讀既我，呢個sem要讀三科真係好辛苦！捱過左咁艱苦既四月，岩岩又到出糧既日子，應該對自己好啲！之後帶我寶寶去西環呢間居酒屋chill下啦 三得利生啤🍻(黑) 相信大家都知係邊隻啤啦，我都唔過多介紹啦！我咁岩趕得切係Happy hour完之前到入座，所以享有buy 1 get 1 free既優惠，岩岩好！食串燒又點可以冇酒送架？！ Purple rain 因為我寶寶而家唔飲得酒, 唯有叫杯mocktail黎過下口癮先, 叫左杯藍莓特飲酸酸地等自己開下個胃先, 杯飲品既decoration好靚, 用左3粒藍莓同埋葉做裝飾, 而飲品當中有少少藍莓既果肉, 個base溝左d檸檬水, 好清新好開胃 燒廣島蠔 呢個廣島蠔十分出色！外面既燒蠔通常都會燒過隴而搞到隻蠔縮水變硬，再嚴重啲會燒到入過熟，讓入面質感變粉！而呢間既燒蠔就完全冇呢個問題！燒過既廣島蠔，外邊變得有咬口，但入面仍然係非常嫩滑！ 肉眼牛排 牛排雖然薄薄地, 但都算大件, 牛排揀左5成熟, 外面表皮燒得岩岩好, 入面亦燒得好粉嫩, 食落都好軟棉棉, 再配埋燒汁加少少芝麻, 食落咸咸地好岩送酒 明太子飯團 呢個非常值得推介, 無諗過飯團可以有咁既口感, 飯團外面表層既感覺係似焦燒過, 咬落去非常硬身脆口, 而入面既飯又唔會太軟同冧身, 散發出淡淡既明太子味, 少少咸香咁, 好惹味, 我地都因為咁所以encore多一份！ 整體黎講呢間餐廳cp值都不錯, 雖然唔算係特別平, 但係呢到既食物質素都物有所值, 行高檔少少既日式居酒路線, 坐得幾舒服, 聽住音樂chill chill地過weekend, 呢間餐廳都係一個唔錯既選擇

今日終於都約到一個十年都出唔到一次既朋友食飯，咁當然食好啲啦！天氣又咁凍，我地就去打邊爐啦。今次我地盲中中去左呢間「火鍋隨意門」，大有驚喜。 呢間餐廳以「宮廷式」既裝飾黎包裝，一入到餐廳已經感覺大有氣派！當然有咁既裝潢，你荷包都會有一定既傷害既，呢到就要留意一下。不過一份錢一份貨，久久食一次都值既！ 秘製沙嗲湯鍋 呢間餐廳既沙嗲湯底既味道非常濃郁，完全有茶餐廳沙嗲牛肉麵既沙茶醬味道，再加埋好豐富既花生粒係個湯底到，烚菜同埋烚牛柏葉等等吸味既野食，完全展現到沙嗲湯底既精神，中意重口味既朋友必試！ 四國風情牛肉拼盤 我地叫左呢拼盤係因為貪佢有齊其他種類既牛可以試，入面包括有日本A4和牛＋澳洲和牛＋手切牛頸脊＋土耳其香草牛肉。 邊一隻比較好食就因人而異，我覺得日本A4和牛好食，因為入口即溶；而遠方朋友則喜歡澳洲和牛，因為肉味較重而且有咬口！總之呢個拼盤每隻肉都有其獨特既味道！ 牛柏葉 食落口好新鮮，好爽口呀，好吸沙嗲底湯底既味，不過建議唔好烚太耐，如果唔係就會好老同埋有dun 黃金響鈴 呢間餐廳既響鈴係我食過最好食既響鈴，係新鮮炸起要伴以咸蛋黃粒上碟，食落去完全無油益味，皮薄鬆脆，非常香口。建議大家一舊係就咁食，一舊係烚少少湯底，食落係兩個風味黎，響鈴吸到沙嗲汁湯底，非常濃郁好食，呢道菜真係必點 水魷 水魷睇落好新鮮，粉少嫩嫩咁，即切即食，即使烚得耐都唔會un，好有咬口，中意食水魷既可以試下 整體黎講，呢間餐廳服務唔錯，而且食物質素都幾高，貴價火鍋黎講性價比都算唔錯，每人埋單都係300幾蚊，可以再翻兜食多次

話說寶寶提議今晚食牛扒，咁岩又行完先達，我話不如就試下呢間新開既石板燒啦，好似幾過癮咁。佢叫 豐石板專門店。 呢間野比我感覺幾舒服同係自己照都幾好玩同幾抵食。而入面既裝潢又真係冇令你失望，「麻雀雖小，五臟俱全」呢間餐廳其實唔大，但外面提供既自助吧，要有既佢都有。 服務員個態度又係好好：會介紹你邊一隻肉最底食食，又會問你鍾意食咩肉、舊石夠唔夠熱等等。唯一個唔好係張枱既空間真係唔夠大。 野食方面，我同寶寶一人叫左兩個唔同價錢既肉，咁先可以比較一下邊隻肉既性價比最高啦。一個係美國prime肩胛肉眼；另一個係美國安格斯牛小排。價值爭一半，牛味同油份分佈都會有分別既。 我叫個份「美國prime肩胛肉眼」雖然冇咁淋，但勝在幾大塊，有肉味，燒完點汁再撈飯係幾好。 我寶寶個份就係「美國安格斯牛小排」就好淋同好重味，加埋牛油一齊燒就會好香口，但因為呢舊牛小排好多油份，所以食少少就會開始滯肚，細威既朋友，建議大家呢舊唔好撈飯食，因為真係好滯肚架。 最後埋單都係$246，係呢到要平食有平食，要食好有食好西，風儉由人。

銅鑼灣希雲街開滿精緻小店，其中呢間西餐廳裝修簡簡單單，從店內裝飾可見老闆力撐香港人🇭🇰，難怪吸引咁多後生仔女幫襯。 今次同Honey簡簡單單叫咗兩道主菜：海膽黑松露忌廉汁扁意粉、蟹肉鹹蛋黃意粉。 🍄黑松露忌廉汁味道香濃，四片海膽夠新鮮、夠足料，交足功課！ 🦀鹹蛋黃入饡其實頗考功夫，原來蛋黃鹹香與蟹肉鮮味可以出奇地配合，豐富蛋黃油香更令味道層次大大提升。 最後叫埋兩杯特飲：蝶豆花百香果梳打及蝶豆花白桃梳打，口味清爽又唔太甜，實行食Light啲一樣可以食好啲👅。

呢間小店係槍街附近(確實地點為煙廠街)，事源我應承左陪寶寶去食心太軟，但佢對甜品好有要求(又想食甜品，又唔要太甜，女人真係矛盾)。 經朋友介紹得知 Ocio 呢間西餐廳唔錯，話可以一試。如是者我就黎呢到啦！ 焗芝士千層闊麵 呢個千層麵每日限出十二個，今次好好運叫到，雖然味道唔算特別出眾，但性價比高，份量夠，岩哂我呢啲岩岩收工，又攰又餓既大胃王。入面落左好多芝士，好漏，建議幾個朋友一齊share，否則浪費食物就唔好了 玫瑰花茶 花茶用普通既花茶茶包浸泡，玫瑰味都清香，當食膩左既時候，花茶有助解膩，訓得唔好似玫瑰花茶都有助入眠，岩哂近排訓得唔好既寶寶 75% 心太軟 心太軟焗得剛好，一切開既時候裡面朱古力流心慢慢流出來黎，而朱古力苦味剛好，唔會太苦，剛好中和到雲呢拿雪糕既甜味，再加埋白色既cream，食落口感層次豐富，剛好不錯。