由於尋味指數勁高，已經唔係第一次嚟食，鍾意呢度裝修別緻，坐得舒適，而且食品、飲品種類之多，嘩，一次真係食唔哂，因為太多嘢食完又想食🤣🤣 必點系列： 枱面上樣樣都好食，尤其呢度有呢隻牌子嘅啤酒飲，性價比提高，係咁e飲兩三罐都走唔甩。 刺身必食！呢度多人食，食物去得快，件件都新鮮大size，唔使諗，成版刺身tick哂上枱先🤣🤣 芝麻雞翼，唔會明白雞翼都咁好食，炸得嚟唔多油，又香口，仲入哂味，用嚟配啤酒，唔覺唔覺又一件。 生牛肉河，充滿越式風味，主角生牛肉當然好味，連配角蒜片都好惹味。 炸芝士球，流心芝士，一邊食一邊流哂出嚟，證明夠熱又新鮮👍🏻 炸物之中，天婦羅蝦同蟹柳真係my favour，薄薄的一層粉漿，食完唔油膩，而且大大件，真好味。 除左炸蟹柳，蟹柳壽司都係我至愛～～呢度嘅壽司好好食，個粒飯唔大，但餡夠大，益食客啦☺️ 為均衡營養，炒雜菜係必食，呢度又整得好食，唔多油，甜甜地👍🏻 mini葡撻，細細件一口一件，係街已經買少見少嘅甜點，又係必食之選。

話說去開上水探朋友，朋友介紹話有間放題又有日本野食又有火鍋放題，心思思想去試下，就決定約埋朋友一齊去食啦，去到已經好多人等位，仲要平日都咁多人，咁唯有等啦，等左一陣就有位啦我同朋友食9:00後時段，所以有2人同行一人半價優惠，真係抵食丫 排哂隊啦當晚9:00 最抵就係哩個時段黎食 價錢都合理 正丫😍😍有哩個雪糕食 火鍋配料都好多選擇，有我最愛既韓國麵食 火鍋拼盆有哩堆海鮮好新鮮每樣都又鮮甜 我最愛既芝士蟹柳壽司真係好好味丫 我朋友最愛，醬汁好夠味，又大隻 仲有中西式既湯選擇 哩個拼盆真係無得輸三文魚好鮮甜丫，其他刺身都好新鮮 仲有自助咖啡機我都整左杯咖啡黎飲，好香濃丫 一口牛肉好正丫。仲食左兩碟先夠皮丫 下次一定要同媽媽一齊黎食多次。

話咁快就2018年啦，約好左朋友2018要黎個飯局，約左係大圍，但又想搵間坐得舒服環境又好既西餐廳坐底食下野吹下水，之後經同事推薦之下去左一間好高質素的西餐廳，果然無介紹錯丫，食物質素又好環境又好我同朋友都食得好開心。 就係去左哩間啦。門口都好靚丫 仲有一堆廚師推介既餐單可參考 哩個薄pizza我最愛，我最鍾意食薄批，材料有芝士有雜菌再加辣肉腸真係令到成個pizza 都好惹味丫整個配搭都好match...超正 點左個長腳蟹配辣肉腸意大利粉，好多料丫長腳蟹好新鮮，夠哂鮮味，個意粉有少少辣，食完仲更加開胃丫 最鍾意食脆卜卜既野，黑松露芝士薯條，仲要係波浪型薯條，黑松露味好香濃，再加埋芝士簡直係絕配既組合。我一個人都食左好多條 點少得叫甜品，哩個心太軟口味好特別，係綠茶朱古力味既心太軟，果然有驚喜，真係好好味，又有濃郁既綠茶味又有朱古力味，咁好味既甜品我一定要再去食多次

放假緊係要輕鬆一下啦，想搵間又有野食又有酒飲既餐廳同朋友食餐飯，朋友住大埔所以就入左大埔搵佢食飯，佢建議去間酒吧既餐廳食飯，佢話又有野食又有酒飲，正正合哂我心意，仲要咁有情調，昏暗的環境同播放音樂，簡直可以令成個人好relax丫。 環境比我一種好舒適又放鬆的感覺 叫左個黑松露雜菌天使麵，有我最愛嘅黑松露醬真係好惹味丫，又唔會太過鹹味道好適中，而且天使面的柔軟度剛剛好。 美國安格斯肉眼扒好友份量丫又厚又大塊，而且牛的肉質亦很嫩口好正丫。用黎送酒真係一流丫。 緊係要點番個小食，哩個叫摩天輪拼盤，分別有炸魚手指，炸墨魚圈，薯角，炸芝士條，沙律菜。上枱嗰時仲熱辣辣架啱啱炸起，炸野真係我最愛，又香口又美味，食物材料都好新鮮，又無雪藏味叫左杯大杯裝1664啤啤佢，簡直係大快人心啊丫 仲有好多食物同小食選擇下次叫齊班朋友再黎啤啤佢先

約左老公星期六中午去APM行下,順便又要去觀塘工業區買野,之前同事介紹過亞太中心有間食放題唔錯,而老公又話想食日本料理,所以決定食哩間位於觀塘觀塘道414號1亞太中心10樓,店鋪好大間,又好多位,光線仲好充足,最緊要坐得舒服先至會食得開心,我地食中午時段,時間由12:00-15:00,中午食足3小時,勁丫!
最緊要真係上食物上得好快,落完order好快就有得食,好高效率丫真係! 好多種類選擇丫,太肚餓,所以乜都點下黎食! 緊係要先點個刺身拼盤黎食下先啦，老公最愛，所有食材都好新鮮，三文魚真係好肥美又厚切，食到我同老公好滿足好開心丫，哩個真係必點！ 點左個迷你版海膽手卷，海膽好鮮甜丫，仲要份量剛剛好！ 中華沙律，青瓜絲好爽脆，醬汁份量剛剛好！ 分別點左忌廉芝士鰻魚卷／明太子香芒軟殼蟹卷／和風牛肉卷，３件我都好喜歡好有特色丫，味道又很惹味！ 炸物點左天婦羅蝦，係我最愛，真係即炸即上，蝦好爽口，炸得好香脆，我一個人食左６條，因為太正啦真係！ 芝麻雞翼真係好惹味，醃製得好入味，炸得好香脆，哩個真係一定要點黎食，好出色既芝麻雞翼！ 牛油粟米我最愛，好爽甜！老公最鍾意食羊架，佢表示好入味，煎得好好味！ 都抵食架！ 飲品都好多選擇

今日約左好姊妹去旺角SHOPPING,順便直落食埋晚餐先走,姊妹鍾意食韓國野,所以就上Openrice睇下附近有咩好野食啦,搵到間係旺角白布街20號地下,餐廳個名好過引,叫辛安東元祖奶奶雞,姊妹話想食哩間就決定去食哩間啦,好彩我地6:30pm左右到,唔洗等位就直接入得,因為到7:00pm已經坐滿人啦! 點左個豚王石燒飯,即係豬肉石鍋飯,佢個飯係先炒左底再放入石鍋架,更加惹味更加有鑊氣丫,而塊豚肉都好爽口,好正丫,必點食物,我地兩個最愛哩個飯! 而我就最鍾意係食餃子,見到佢有個板煎粉絲餃子緊係要點黎食下啦,韓國餃子好食之處係入邊包左粉絲,好特別既配搭,又夠大件,好好味丫真係! 再黎多個濃湯拉麵，個湯底真係好濃郁好夠味丫，再配埋個炸雞雞肉,雞肉好嫩滑，整體都好好味! 雞又係雞丫…..哈哈哈,點左個叫芥蜜炸雞，有少少SPICY，個醬汁同個雞真係絕配，而炸雞好惹味，好香口，送啤酒一流！哩個一定要點黎食啦

當日太大人等位，去到門口等左一陣，但都好似要等好耐時間，所以決定都係外賣番屋企食算啦，野食又真係幾抵食ＷＯＲ，又大份，因為平時同朋友出去食既上海菜又少又食得唔夠飽咁，但哩間位於大埔大埔墟大明里10號地舖的正宗上海生煎皇就真係樣樣野食都抵食又夠大份啦，真的是不錯的選擇！ 叫左一份上海生煎包$30元四個，真係做到皮薄多肉，一咬落去仲有好多湯汁係個包入邊，真係好好味，肉質好正,必點丫! 食上海野點都要點番個蒜泥白肉,重點真係個醬汁,哩間個蒜泥白肉下面仲墊左青瓜,又大碟,青瓜好爽口,白肉又夠正。價錢$34 再叫左個雞絲粉皮，加埋麻醬真係一流，雞絲好新鮮，粉皮又夠多，一份二人份量真係好夠，天氣熱熱地食涼拌最正。 土匪雞翼菜飯，又有菜又有肉真係好，土匪雞翼真係醃製得好好味，好入味，菜飯都有好多菜丫，都幾抵食$38

收工約左媽媽去尖沙咀行街，行到差不多晚飯時間，就去厚福街睇下有咩食啦，收到宣傳單張，間餐廳叫深夜食堂位於尖沙咀厚福街12號藍馬商業大廈5樓，原來匕打食串燒，媽媽又有興趣，就決定食哩間啦，店鋪原來有埋outdoor架，但個日落雨，所以就選擇坐入面，環境都好舒服！ 好舒服嘅環境啊！ 有廚師推介的食物，所以我都點左個蒲燒鰻魚飯 份量好大，鰻魚好新鮮，醬汁都好好味 哩個肥牛金菇卷係媽媽既至愛，而且媽媽自己都會成日整，肥牛不會太肥，肥瘦適中，而且仲包得好實，好惹味丫，個醬汁又唔會太過甜，堅正！ 因為我同媽媽都係好鍾意食牛，點左個蒜片牛柳粒，仲要係用鐵板上架，上菜時仲有炸炸聲，真係即叫即整，牛柳粒好有和牛的口感，肉質夠嫩易咬口，而蒜片好香脆，好惹味的一道小菜。 炒雜菜，好大碟丫，好新鮮的菜，炒得好有鑊氣丫。 芝麻雞翼醃製得好入味，又好香脆炸得，媽媽表示好正，真係食５隻都唔夠丫，太好味！ 炸雞軟骨一定要點既小食，因為送酒一流，炸得真係好鬆脆，唔似出面有ｄ炸到淋哂又冇咬口，哩間炸雞軟骨真係冇得輸，我同媽媽清哂成碟！ 而當日亦有小食推介，哩個係紫芋金栗餅，即係入邊係紫薯，而外面係炸，個紫薯真係好好味，極推介丫!

星期五收工後緊係要報答下自己一星期的辛勞啦，所以就同姊妹一齊相約去APM睇戲再食飯直落啦緊係，訂左票睇夜晚既場，所以就唸住都係係番觀塘食飯，姊妹就話好想食放題，佢同事就介紹左一間係亞太中心叫極尚大瀛喜食日本放題，果然冇介紹錯，真係好好味，坐得又舒適！
店鋪真係好大丫店鋪真係好大丫，環境都好舒服，最緊要食野食得舒服！先夾左個甜品黎食，好似糯米慈咁，好煙韌,又唔會太甜哩個肥牛鍋個湯底好甜丫，肥牛又唔會太肥，份量大約2-3人食就剛剛好!哩個芝士焗扇貝，個芝士味好正，好濃郁，扇貝亦好爽好鮮甜，一定要點黎食蟹柳棒我至愛，再加埋D芝士係面,真係好完美既配搭炸蝦天婦蘿食放題必點之一，蝦好爽甜丫，我一次食左３隻一口牛既牛肉肉質好嫩，好好味，醃製得好入味咖哩蟹好多蟹糕丫我同姊妹瘋狂食仲有好多野食可以係出面夾架個湯好味，唔係味精湯多選擇雪糕雪條沙律都好新鮮丫d菜

同好姊妹行完太子聯合之後就緊係要醫醫個肚先啦,我同姊妹都鍾意食牛,就問下有冇人介紹,好快有朋友係whatsapp group發言介紹左位於太子西洋菜北街159A地下，近港鐵太子站 A 出口,有間食吉列牛好味,又可以自己燒黎食既食店,所以就步行過去食飯啦,好彩個時仲早,6點冇咩人,所以唔洗等位!佢有３款不同種類的牛可選擇，分別有極上黑毛和牛，霜降日本A5各牛及我選擇的美國安格斯牛肉我同姊妹都一樣點左個美國安格斯牛肉套餐，整個套餐有飯，有八小件牛，有湯，有溫泉蛋，有配菜，整個套餐擺設得好靚,見到都唔捨得食丫!店員亦會好細心講解一下套餐上的食物/配料是什麼，亦會提及每件牛大約要燒幾耐時間最理想，我個人就鍾意食比較熟，所以都每邊大約燒一分鐘多少少，剛剛熟，牛的味道真係好正，好嫩的肉，高質素的牛果然係，好味！店內的環境好舒適，好合適傾下計同慢慢燒，好舒服的享受，而且店員亦好細心，好有笑容！兩個人共食$414