最近發現屋企附近有間cafe，位於轉角位，比起荃灣其他地方人流不算多，可以安靜慢慢咁食一餐飯。 店舖裝修簡潔，小量座位可清楚看到廚房。 慢煮雞胸配雜莓全日早餐 呢個雞胸真係要讚一讚，淡淡香草味又唔會蓋過雞肉味 而且雞胸肉非常嫩滑，搞到我都想學下點煮 另外雞蛋沙律配微熱嘅麵包可減低麵包嘅乾 淋上黑醋的沙律菜同雜莓都好夾 就咁睇好似好細份咁，但係食落都好飽肚 黑松露白醬蟹肉手工千層麵 熱辣辣的千層麵上充滿芝士 而且放面的蟹肉同黑松露絕不孤寒 切開每一層都充滿蟹肉，配上白汁絕對唔會乾 咬落每啖都有蟹肉同松露味 值得一試 見到隔離枱食呢個pancake都忍唔住嗌返份 荷蘭寶貝pancake配手工糖煮雜莓 以熱辣辣的pan上碟非常吸引 Pancake邊脆口，蛋味香濃，配糖煮雜莓食落酸酸甜甜，非常開胃 如果有個雪糕應該仲正 飲品方面叫左一杯dirty同凍朱古力 朱古力味洞得來唔會太苦 面層厚奶令到朱古力飲落更加香滑 好好飲 Dirty都唔差 見到呢間Cafe都有手沖咖啡供應 食物選擇雖然小但係感覺到店主非常有誠意 每一道食物都落足料 絕對要多多支持的小店

住荃灣好難唔識嘅Ann Mama! 每次Walk in都full，訂位又難訂。 之前試過平日午餐去過，非常好食，奈何下午真係食唔到太多野。 終於肥仔叻返次訂到位啦！ 放咗工即刻飛番荃灣食呢餐☺️ 杯墊上面嘅畫成日都會轉，今次六月份就有端午做主題，好有心思。 食泰菜當然要叫串燒啦。 即叫即燒，小小燶邊咬落脆口，但肉質又保持Juicy。醃製過嘅肉有少少甜，非常惹味！ 配上秘製嘅沙嗲醬，無得輸！ 見之前食過海南雞，今次就叫隻燒雞食下啦。 燒雞上灑了大量炸蒜，而燒雞皮邊有點脆，咬落去炸蒜同皮合為一體👍🏼 至於雞肉，旁邊會有少少脆口，但略微過熟，有點乾。 炒大蝦金邊粉 大蝦彈牙爽口，而且起碼有6-8粒大蝦，分量十足！ 飲品方便揀咗青檸梳打同埋百香果芒果沙冰 青檸梳打甜度適中 沙冰似乎係必點！ 賣相非常吸引，又係落足料，飲落好似仲食緊芒果咁。配上百香果味道非常清新。 誠意推薦👍🏼👍🏼 由於份量都幾多，本來想食芒果糯米飯都食唔落了。 之前下午來食過，最鍾意佢哋嘅糯米飯有時係唔同顏色，綠色斑蘭味就最合我心水，建議大家一定要留肚食呢個！ 服務方面都好好，店員會留意細節幫你加水換碟。

早排係網上睇到burger joy開左間副線係荃灣，作為荃灣友當然要去試下啦。 結果次次都排大隊，肥仔又唔肯等。 上星期OT完，行過終於冇咗人龍啦，咁梗係要試吓啦。 佢個裝修好香港，顏色配搭成個利是封咁，希望食完會行運一條龍🤣🤣 肥仔最近要戒牛，佢同我講要食3個熱狗😅 Fine, 反正買個餐加$10可以多一個熱狗，就豪比佢！ 落完單就見到店員開始整，無論係包，肉定係薯條都係即叫即整，即刻加分👍🏼👍🏼 睇住佢夾個包，無論牛油同醬汁都非常足料，又加分 熱辣辣薯條，薯條個味道好懷舊，有啲似細個食嘅快餐店 熱狗用廚師腸，不過呢個價錢用廚師腸都正常吧！ 漢堡包好軟身，輕煎至脆邊，係我鍾意嗰種😋 有蕃茄洋蔥生菜等等配料，牛肉都係煎到脆邊，入面juicy，再配上大量醬汁，正。 總括價錢幾抵，而且即叫即整，包保熱辣辣。 味到懷舊，又夠飽，值得一試！

早排係網上睇到burger joy開左間副線係荃灣，作為荃灣友當然要去試下啦。 結果次次都排大隊，肥仔又唔肯等。 上星期OT完，行過終於冇咗人龍啦，咁梗係要試吓啦。 佢個裝修好香港，顏色配搭成個利是封咁，希望食完會行運一條龍🤣🤣 肥仔最近要戒牛，佢同我講要食3個熱狗😅 Fine, 反正買個餐加$10可以多一個熱狗，就豪比佢！ 落完單就見到店員開始整，無論係包，肉定係薯條都係即叫即整，即刻加分👍🏼👍🏼 睇住佢夾個包，無論牛油同醬汁都非常足料，又加分 熱辣辣薯條，薯條個味道好懷舊，有啲似細個食嘅快餐店 熱狗用廚師腸，不過呢個價錢用廚師腸都正常吧！ 漢堡包好軟身，輕煎至脆邊，係我鍾意嗰種😋 有蕃茄洋蔥生菜等等配料，牛肉都係煎到脆邊，入面juicy，再配上大量醬汁，正。 總括價錢幾抵，而且即叫即整，包保熱辣辣。 味到懷舊，又夠飽，值得一試！

之前同朋友黎過打邊爐， 覺得相當唔錯， 尤其係上次個花膠鯊魚骨膠原鍋，😍 所以今次就試下傳統野—胡椒濃湯豬骨煲（$168）， 雖然豬骨煲感覺好傳統好平凡， 不過好多時店家只專注於特色湯底，而忽略最基本的， 不過呢到嘅豬骨煲材料十足，有好多豬骨， 仲有好多配料如紅蘿蔔、粟米～ 湯頭飲落有香濃嘅胡椒香，微辣惹味！😌 頂級安格斯牛頸脊（小）（$208） 細份兩個人食就啱啱好！ 牛肉油花均勻，肉香細嫩，又不失嚼勁， 唔需要點醬汁，已經好正！😋 四寶餃（$68） 有鮮蝦雲吞、鳳城水餃、爺孫餃、韮菜餃， 餃子自家製，皮薄餡靚，價錢便宜，性價比高！ 其中最鐘意韮菜餃， 豬肉同韮菜比例剛好，鹹香惹味～ 唐生菜（$28） 份量合理，新鮮爽脆。

係朋友介紹之下， 知道九龍城有家專賣蛋撻、酥皮糕點、牛角包🥐嘅餅店， 咁啱同男朋友係附近食飯， 就打包個返屋企食。😏 除左蛋撻， 其他口味嘅酥點，有鹹有甜，好吸引喎！ 不過定價比一般餅店較高。 我地買左鮮奶撻($12)， 返到屋企用光波爐整返熱，熱辣辣好正！ 好似新鮮出爐咁！😂 奶味都幾重，又香又滑，入口即溶～ 蛋撻酥皮好鬆化！ 唔會因為外賣所以腍左，好！👍🏻 而且有半個手掌咁大， 咁價格上都合理嘅，係值得一試嘅！

同男朋友慶祝周年紀念日，
梗係要食佢最鐘意嘅日本菜啦！😏
知道尖沙咀開左間新嘅日本料理餐廳—「岸久市場」，
就帶佢黎試下啦！☺️

蟹籽山青蘋果沙律（$68）
嘩～係一座蟹籽山呀！
配上爽甜清新嘅青蘋果絲、沙律菜和芒果粒，幾開胃～

刺身盛合4點（$178）
有三文魚、油甘魚、帶子和牡丹蝦，
兩個人食就剛剛好～
刺身都幾新鮮，
三文魚肥美，魚油脂香，
帶子嚼勁十足，
牡丹蝦好大隻，肉質爽彈！

漁師特上丼飯　（$218）
丼飯堆成一座「山」，相機食先就最啱啦！😎
魚蓉用新鮮魚生手打製成，入口幼滑鮮味，
仲有原板金黃色嘅韓國海膽，
就咁食得，
將紫菜自製成手卷都得，
最後製作成茶漬飯又得，得左！😋

火焰漁師野菜鍋　（$138）
湯底用新鮮嘅大蜆和魚頭滾成，
大蜆肥美，魚頭肉鮮甜嫩滑，
之後仲可以加湯打邊爐，
有自家製魚滑、青蔥腐皮卷、金菇、冬菇、雞髀菇、本菇、京蔥等十多種配料，
好抵食呀！😌

每星期回沙田娘家都要諗食咩。爸爸就話有間德國菜唔錯，大份又啖啖肉，好岩佢心水。 位於新城市廣場地下，菜式選擇都算多，淨係揀腸仔都頭痕！ 前菜叫左個白酒煮青口 份量都算大，有二十隻左右。每隻都充滿白汁。白酒煮的白汁味道濃郁，減輕左青口的腥味。 香煎紐倫堡腸配酸椰菜及薯蓉 咁多選擇中我揀呢款係因為佢有薯蓉。之前黎過覺得呢度嘅薯蓉好好食，又香又滑;所以配焗薯的我都不考慮😂 根據之前食過的腸仔，各種都好食而且各有特色,腸衣又脆唔會咬唔開。 德國豬手之前食過幾次，老豆話今次試下其他。 於是揀左德國黑麥啤燒乳豬配椰菜甘筍絲沙律及紅酒燴洋蔥。 乳豬燒得好靚，色澤金黃均勻。 皮脆卜卜好似食薯片咁，皮同肉中間夾住油脂，咬落滿口油香，肉又嫩，不愧係bb豬。 食一件乳豬又食一啖沙律可以中和油膩感，好味又減低罪惡感。 服務方面都不錯，店員主動提供籃子放私人物品於櫈底。每道菜之間又主動更換碟👍🏻

最近去愉景新城時發現pokka cafe轉左餐牌，餐廳內人人都食鐵板，非常吸引，即刻同肥仔入去試下！ 牛扒分左不同重量，適合不同食量的客人，又唔怕浪費👍🏻 我地點左300g美國肉眼扒，另外加$29就可配3款食物或飲品。 肉眼扒在熱辣辣鐵板上送到，店員簡單講解進食方法，然後我地就忙住去切同淋上醬汁。 牛扒肉質軟淋，唯一不足就係鐵板有點過熱，所以即使order medium切開時已變成medium well。吃了1/3在鐵板上的肉已經全熟，有點可惜。 冰滴咖啡 鐵板櫻花蝦元貝炒飯配日式燒肉汁 大量蔬菜圍住，淋上醬汁後立即拌勻配類及飯，香味撲鼻。 沾滿燒肉汁的飯，加上大量櫻花蝦和元貝，每一啖都充滿鮮味，然後又可吃點蔬菜中和醬汁的膩，不錯。 鐵板豚肉炒烏冬配咖喱汁 日式烏冬配上大量蔬菜，每條烏冬都沾上咖喱汁，非常惹味。 由於餐廳現在只提供鐵板菜式，整個餐廳都充滿鐵板的ja ja聲，冬天吃起來感覺溫暖。

以前食he she eat一定要出九龍或過銅鑼灣。 早排見到荃灣綠楊坊開左間he she eat, Dinner combo非常吸引，即刻叫肥仔放工同我去食。 唔知係咪新開業promote, like & share Facebook page仲有免費黑松露薯條，當然唔蝕底啦！ 薯條熱辣辣，沾上黑松露醬完全食到停唔到口。 另外加多個水牛城雞翼作小食。 每隻雞翼都舖滿hot sauce, 小小辣幾惹味。 晚餐餐牌上最吸睛一定係原板海膽意粉配溫泉蛋. 意粉上布滿芝士和小量菠菜，一邊拌勻芝士，溫泉蛋和意粉時香味四溢，入口質感creamy, 每條意粉都沾滿芝士和忌廉。 把海膽放在意粉上再入口，感覺又完全不同了。冷熱同時入口，海膽味沒有被芝士蓋過，反而鮮味有點減膩。 黑松露燒春雞意大利飯 燒春雞皮脆肉嫩，肉好多，食左一半已有點飽的感覺。 意大利飯加入黑松露和大量雜菌，味道濃郁，好味。 到he she eat當然不可錯過甜品！ 綠茶控的我每次必點綠茶心太軟。 綠茶心太軟熱辣辣送到。一切開綠茶漿隨即流出，蛋糕配上綠茶漿味道濃郁又不會過苦。再加綠茶雪糕，超正。唔洗5分鐘我已經消滅了。 肥仔點了佢最喜歡的厚焗鬆餅配夏日鮮果及乳酪雪糕。 厚焗鬆餅表面小小脆，入面鬆軟，加上糖漿及鮮果入口，味道清新。一邊咀嚼時更有淡淡蛋味，不錯！