嚟呢度食嘢, 梗係要食呢度嘅招牌菜海南雞飯啦! 個賣相真係唔錯, D雞肉好嫰滑, 已經去骨, 啖啖肉, 好有雞味, 個sauce都唔錯, 酸酸甜甜, 好開胃, 而個飯都幾香, 不過唔夠熱, 熱D仲正.

另外仲叫咗碟泰式豬手飯, 豬水係用原隻豬手起骨, 又係啖啖肉, D皮都好爽口, 一D都唔油, 好入味, 仲有D咸酸菜喺底, 撈飯好好食.

我好鍾意去舊式茶餐廳食嘢, 原因係茶記叫嘢食比較flexible, 而且更有人情味, 加上我又鍾意舊時D事物, 故可以藉此緬懷一番; 最緊要當然係可以享受到一杯既香又濃且滑嘅奶茶啦!

係Openrice得知荃灣有一間好出名嘅茶餐廳, 故此今日借故唔同同事食lunch, 決定自己出去搵食.

網友介紹呢間茶記叫『嘉樂冰廳』, 喺荃灣新村街, 距離我office都幾遠, 行咗成15分鐘先到, exactly係新樓盤『荃新之城』後面, 都幾隔涉, 好容易會miss, 一去到個條街, 見到有個舖位門口好多人, 就知道冇搵錯地方喇.

由於係一個人既關係, 唔洗等就可以即時入座, 太好喇!

由於喺Openrice已經睇咗其他網友嘅推介, so可以唔洗睇menu好快咁落單, 就係一份特餐.

基本上個特餐係包一份奄列連餐包, 一個湯粉同埋一杯嘢飲. 喺呢度食嘢就最好o架啦, 成個餐D嘢食都可以轉, 例如奄列轉做三文治, 肉絲湯意轉其他任何種類嘅湯粉.

我一早諗好叫咖哩牛腩通粉走湯, 係港式咖哩, 有兩舊薯仔, 炆得好入味, 而D牛腩都係炆得好淋, 而D咖哩唔算好辣, 都幾香, 走湯可以食到原汁原味, 唔怕D湯沖淡咗D咖哩, 好似撈麵咁食真係好食好多.

跟住就到主角出場啦! 呢次真係我所食過最巨型嘅火腿奄列, 嘩! 真係好鬼死大份, 好似人哋order一碟小菜嘅份量咁; 因係即叫即做嘅關係, 故等得耐咗小小, 不過等一陣都係值得嘅, 上枱時熱辣辣, D蛋煎得啱啱好, 唔會全熟, 好嫩滑, 中間有蛋汁, 好香蛋味, 入面仲有好多火腿絲, 真係好足料, 其他餐廳個D真係冇得比, 食完真係好滿足.

最後當然唔可以少得一杯熱奶茶啦! 呢度D奶茶茶味夠濃, 既香且滑, 唔會『如果太多紅茶味, D奶味就冇訂企, 等到D奶味多番嚟, 紅茶味又唔爭氣.』奶同茶既比例配合得啱啱好, 真係『啱味, 啱晒我!』

* 呢間茶記既營業時間比較特別, 係朝十晚七, 同埋預咗一定要等位, 仲有D枱凳都好細張, 會坐得好迫, 仲一定要搭台, so想嚟食嘢一定要有齊以上嘅心理準備.

我哋2pair人, 4個人叫咗3樣嘢.

先嚟炸洋蔥絲, 唔係洋蔥圈喎, 真係king size, 好鬼死大碟, 成座山咁, 真係好壯觀呀, 食落真係好脆, D洋蔥仲好甜, 不過真係太多啦, 好漏, 4個人都食唔晒.

主菜叫咗份肉眼扒, 雖然成兩佰幾蚊一碟, 但係又真係好鬼大塊, order六成熟, 真係啱啱好, 唔會過熟, 牛扒食落嫩滑冇渣, 充滿肉汁, 肉味濃郁, 口感一流.

最後食咗碟千層麵, 好濃蕃茄味, 好多肉醬, 同麵層層相間, 真係好好食.

呢間D食物雖然比較貴, 但係份量亦相對比較大份, 故同一大班friend一齊食就最啱, 一班人share其實唔係好貴o架咋.

嚟D度食一定係食蕃茄湯底, 湯入面有好多蕃茄原粒, 蕃茄味好濃, 真係好吸引, 好正.

一定要飲晒D湯唔好晒, 因係冇添加, 好有益O架, 真係有HEART之作.

另外檸蜜脆脆都好好食, 個包焗得好香脆, 又可口, 檸檬加上蜜糖真係絕配, 又係獨家出品之作.

不過始終係大牌檔, 夏天食時就比較辛苦, 一定會食到大汗浹細汗.

嚟到呢度, 一定要order炒蛋多士

多士是厚多士, 很鬆化, 成吋半厚, 很有口感

主角炒蛋, 真係好滑, 唔會炒得過火, 真係好鬼鍾意食佢d 蛋, 應該加o左花奶炒, 真係又滑又大份, 抵讚.

食完佢D炒蛋簡直令人充滿力量, I'm loving it.

好耐冇同肥妹飲茶啦, 於是就去間未試過嘅試吓.

呢間酒樓有2層, 唔洗等位, 太好了.

呢度D裝修唔錯, 幾GRAND, 唔同屋村酒樓嗰D feel, 係劃點心紙叫嘢食嘅.

我同肥妹叫咗好多款點心, 有兩款好正嘅, 真係要推介比大家.

1) 蘿蔔絲酥餅- 即叫即炸, D皮好鬆化, 入面D蘿蔔絲好甜, 熱辣辣, 真係好好食, 同打正旗號賣上海點心嘅王家沙有得比.

2) 奶黃流沙煎堆- 又係即叫即炸, 唔油, 咬一啖, D流沙就係咁"BID"出嚟, 有咸蛋黃香, 真係好好食.

食點心最緊要熱辣辣, 由於係即叫即制嘅關係, 每一樣order嘅點心都係熱辣辣, 實在太好了.

約咗肥妹喺元朗等, 早到咗, 見有時間, 又不自覺走咗入去勝利牛丸.

真係好耐都冇嚟勝利食嘢啦, 呢間嘢依舊人山人海, 拿拿淋見有位就坐, 食完快D走, 費事要肥妹等.

嘩, 又加咗$2, 我人工個%加幅都冇加咁多呀, 真係...

見唔係好肚餓, 就唔食粉, order咗碗淨丸腩食根走湯加腩汁唔該.

有4粒牛丸, 食過嘅人都知呢度D牛丸係比較細粒嘅, 一啖一粒真係爽, 每次食都係咁彈牙, 加少少辣油仲正.

仲有好多腩肉同筋, D筋腩真係好入味, D牛筋好淋, 好有牛肉嘅香味, 同埋好有豐富嘅膠質, D汁好濃但又隱約有少少甜味, 很有水準哩!

泰風情
此店位於元朗錦上路, 周圍的環境甚具東南亞風情, 而餐廳擁有過萬呎的花園, 以泰國度假式酒店設計為籃本, 刻意營造了優閒寫意的resort風情, 讓客人置身於渡假氣氛的環境中.

泰好味
這裡的食物是沒有使用味精的, 取而代之是用由泰國入口的天然香料, 以迎合食得健康之道.

泰型格
而餐廳亦設有酒吧區, 有調酒師即場調製雞尾酒, 此情此景, 更覺型格, 更可以吸引時下的年青一族, 打破傳統的飲食框框, 注入新的飲食元素.

享受泰式風情, 置身渡假之中, 暫時忘卻煩憂, 是與愛侶同往的好地方.

要選其中一樣能代表香港的飲品, 一定小不了絲襪奶茶的份兒.

美都的奶茶, 茶味香濃, 奶又幼滑, 入口幼滑如絲而有細密的口感, 有"掛杯"的奶茶才算是"正"品.

大家要記住, 要飲一杯真正有水準的奶茶一定要到舊式茶餐廳, 絕對非一般新式快餐店可比.

* 美都仍是原用厚厚的有耳茶杯, 這才能保持茶的溫度, "黑白淡奶"的茶杯真是很美, 真想據為己有呀, hehe!

食雲南菜, 首先梗係要整番支雲南啤先啦!!

呢個係羊乳餅, 即係羊奶芝士, 長長方方的, 煎得乾身, 上面灑有花椒粉, 吃落有點點羊臊香味, 佐酒一流!!

呢個係臭豆腐, 又唔係好臭o者, 又係送酒佳品!!

呢個係蒜泥白肉, 蒜蓉味濃, 薄薄的半肥廋豬肉, 加上蒜泥及淡醬油, 味道也不錯!!

呢味是烤羊乳扇, 羊乳烤得薄薄的, 既乾身又香口, 亦是送酒一流的小食吃.

最後一樣要介紹o既係燈影牛肉, 炸成牛肉乾的樣子, 口感是脆脆的, 辣味及鹹香味濃.

呢度D野食幾有特式o架, 有時間去試下啦!!