7月13號一班老友難得幾個月聚埋一齊，梗係最好要揾個可以坐得耐又唔洗比人趕嘅餐廳食飯啦！大頭小厨，日間係茶餐廳，夜晚可以包場叫師傅幫你寫菜單，梗要試試！ 味味餸都正、好味、好夠鑊氣 - 1⃣油鹽水煮大蜆烏冬 2⃣脆炸豬手 3⃣豉油王大蝦 4⃣蒜蓉粉絲蒸元貝 5⃣豉椒炒蟶子 6⃣腰果椒鹽豬扒 7⃣金銀蛋上湯浸時疏 8⃣椒鹽瀨尿蝦 9⃣菠蘿蜜桃生炒骨 🔟九味豆腐 1⃣1⃣咸蛋王炸雞鎚（我最愛食呢個） 1⃣2⃣豉油王炒麵 老闆為咗朋友喜愛的日本啤酒，更係西貢獨家先買入呢款啤酒🍻，服務周到！

星期天同家人近近哋唻元朗食日本嘢。呢間餐廳細細哋，坐得幾舒服，環境都唔可以，地點就係元朗西鐵站附近。我點咗個五目丼，因為有我至愛嘅拖羅家人就個個都點究極丼，有12款魚生刺身，哈哈個個都貪心得很！分享小食有芝士年糕同吉列蠔，重有可愛服務生介費嘅池魚刺身，樣樣食材都好新鮮，而且非常足料，大滿足！

頌富二期開返，梗係開心多咗咁多餐廳，有得揀，幾好呀！今晚就同老公試呢間韓國餐廳。食物味道唔錯，服務亦達標，飲品半價，價錢算幾平添，都滿足！下次可以叫朋友一齊食，試多幾款。

老公話朋友介紹嘅一間小餐廳，今晚係15年結婚周年紀念就去試。點咗半打生蠔$198，水牛芝士焗菇，鵝肝燒雞，西班牙豬同心太軟，然後自己帶支紅酒去。生蠔好有驚喜，肥美有我喜愛嘅海水味，咸度適中，但其他食物就一般，埋單九百無加一，價錢算合理。會有下次，想試下其他嘢。如果餐廳能再細心為客人嘅特別日子做啲功夫會更好，例如可以在心太軟為客人寫祝福語！

有個外國朋友唻香港，想帶佢食啲得意嘅中國嘢，最好就係飲茶，有代表性又可以慢慢坐傾下計。香港友人介紹呢間得意主題餐廳，book好枱，一行5人唻到中環呢間點心代表。

來到時是早上11點，時間尙早唔算多人，但被安排坐卡位加一張櫈，卡位有啲窄，因為我老公大人算高大，對腳坐得有啲辛苦。 服務人員唔夠細心，大把吉枱都唔比另一張枱我哋！

各人點咗嘢飲，爸爸啤酒同桃味啤酒頂部的泡沫其實係沙冰，同我哋係日日麒麟啤酒廠飲嘅一樣，好味！ 另有桃味特飲ok，但朱古力特飲則較甜。另點咗好幾款點心，得意之餘，都幾好玩同好笑。 另叫咗雞亦、叫咗菠蘿炒飯同肉絲炒麵，味道尚可。 總括而言，食物水準ok，但外國朋友覺得好玩，有别於一般中國飲茶。

新舖舖面增大咗好多，適合一大班朋友一齊食，我哋幾個朋友係一月之星，包場價錢好公道。老闆好nice，每樣食物都非常好味，可食出老闆一份細心！服務亦好好！最愛燒羊架同燒大鱔！

去完大棠行完幾個鐘山，搭小巴返到元朗，經元朗區食友介紹去呢間Café，重點係要食egg benedict因為老公好鐘意食。本來想點佢個 all day breakfast因為乜都有晒而且個樣好似好正，但可惜本人唔食牛而佢個餐三種腸都有牛，所以只好點 twin egg benedict, 然後再同老公 share 流心芝士西多士。食物非常好味，再加上職員介紹蕃茄熱情果飲品，完美的一餐！如果可以多啲非牛嘅腸供唔食牛嘅朋友選就更好嘞！