有三個時段收費（任食兩小時） 星期五六日公眾假期及前夕每位加HK$10（另加一服務費） 7:30前離座 - 成人HK$198, 小童HK$118 海鮮+和牛定食啤洒任飲： - 成人HK$238, 小童HK$138 9:30前入座 - 成人HK$228, 小童HK$128 海鮮+和牛定食啤洒任飲： - 成人HK$288, 小童HK$158 9:30後入座 - 成人HK$198, 小童HK$118 海鮮+和牛定食啤洒任飲： - 成人HK$258, 小童HK$148 一入座，枱面已準備好各款調味料，職員再介紹有兩款煲可選擇（麻辣雞煲或雙冬羊腩煲），我選擇左雞煲，重可以無限添加， 食晒雞煲之後就可以選擇火鍋湯底，有10款湯底（鴛鴦湯底+$48） *四川麻辣 *花雕醉雞 *沙嗲 *椰子滑雞 *皮蛋芫荽 *新鮮豬筒骨 *鯊魚骨猴頭菇 *胡椒豬肚 *蕃茄薯仔豬軟骨 *川芎天麻魚頭 另外有飲品櫃可以自取飲品， 自助軟雪糕機（朱古力雲呢拿） 點菜紙上火鍋配料有80幾款， 全部都係任飲任食 麻辣雞煲：雞夠滑夠麻香 個胡椒豬肚湯底一放底已經聞到超香胡椒味，好足料完全唔需要點醬汁，已經夠哂味 食物上菜快，個人認為必點手切肥牛，滑牛肉同麻辣鴨血，樣樣都好好味，又抵食

一喜·燒肉有四款放題可選擇 公眾假期及前夕每位加HK$20（長者8折） 愉放題日本黑豚 - 90分鐘收費- 成人HK$198, 小童HK$108 - 120分鐘 收費- 成人HK$238, 小童HK$148 悅放題美國和牛 - 90分鐘收費- 成人HK$268, 小童HK$138 - 120分鐘收費- 成人HK$298, 小童HK$168 樂放題美國SRF安格斯和牛 - 90分鐘收費- 成人HK$338, 小童HK$178 - 120分鐘收費- 成人HK$388, 小童HK$208 喜放題日本和牛 - 90分鐘收費- 成人HK$538, 小童HK$268 - 120分鐘收費- 成人HK$598, 小童HK$268 我選擇左悅放題美國和牛90分鐘，唔洗等位，一入座，職員就俾左一小碟肉，真係好窩心，可以一邊燒一邊手機落單，落完單我就去自助吧，有秋葵，翠玉瓜，獅子狗，魚糕片，茄子，咖喱魚蛋，關東煮，有各種調味料 另外凍櫃裡有幾款前菜，泡菜，麻醬豆腐，蒜味螺肉，中華沙律，沙律菜，生菜。 飲品種類好多，有甜品同埋雪糕雪條全部都係任飲任食 美國特選和牛牛肩脊肉，油脂分布均勻，燒到燶燶地好香口！ 牛仔骨肉汁好juicy，肉質都軟嫩 牛胸脯佈滿網狀油花，入口即溶 牛板腱位於牛嘅肩胛部位，肉質較結實，牛肉味香濃 溫泉蛋撈埋紫菜飯 麻香味一流

天氣好凍呀，氣溫只有5度，荃灣睇完戲，已經好夜啦，凍冰冰好想食熱辣辣既串燒，所以選擇左呢間係聯仁街既串燒店，營業時間開到凌晨12點，岩哂我呢個夜鬼 店鋪掛滿日本風裝飾，手機自助下單方便，菜單選擇種類多，有前菜，串燒，唐楊，飯類，烏冬，價錢相宜 每張枱上都擺放幾款調味料，原本想每款都試下，但我最後冇用到，因為全部串燒都已經好夠味，唔需要再另外加調味落去 明太子卡邦尼煙肉烏冬$50 煙肉的煙燻味同濃濃既卡邦尼加明太子完美融合，係我極力推薦必點菜 鹽燒牛骨髓$28 牛骨髓好creamy, 牛味十足 芝士流心蛋大啡菇 $34 大啡菇好厚身，上面一層燒芝士加洋蔥，一切開蛋漿就流晒出黎，賣相好吸引 炸魷魚鬚$46 魷魚鬚面有海苔碎好夾，可以選擇醬汁（明太子醬，沙律醬，茄汁） 燒雞腎$18 爽口，燒得剛剛好 燒豬大腸 $28 豬大腸燒得好脆，唔油膩 雪梨牛肉卷$38 肉味香濃，配雪梨好清甜 燒花枝丸$14 甜甜地既蜜糖bbq味道 汁燒牛舌尖$38 肉質彈牙，口感一流 焗蝦$48 開邊蝦，每啖都好香濃蒜蓉味 夜燒店唔止性價比高，我覺得係荃灣宵夜必食串燒店

位於尖沙咀K11附近既黑門水產，店內嘅佈置充滿日式嘅風格，牆上貼有日本海鮮同食材嘅海報，有一種身處日本嘅感覺。唔單止環境氣氛一流，呢度嘅食物都同樣出色 海膽蟹味噌甲羅燒 $88 極力推介黑門水產既甲羅燒，甲羅燒有蟹膏，海膽，蟹籽，蟹肉，鵪鶉蛋配梳打餅，蟹膏同海膽混埋一齊食好鮮味 黑門帆立貝伴魚籽醬 $196 正方形紫菜上面有灸燒帆立貝，紫蘇葉 再鋪左海膽，三文魚籽，魚籽醬，口感一流 北海道本釣池魚 $208 原條池魚三食，魚肉分開兩部份，一部份切成厚切，配特調酸汁，另一部份切成條狀，包紫菜食，剩底既魚頭魚骨魚尾加$60，可以飲埋豆腐魚頭湯，奶白色既魚湯好鮮甜 蟹膏軍艦$98 濃濃既蟹膏配青瓜蟹籽 大阪木津海鮮丼 $248 丼飯底調左味，唔係白飯咁普通，海鮮種類多，一次過可以食到唔同種類既魚生 串燒雞腎$38 爽脆雞腎燒到好香口

今日原本諗住去屯門虹橋夜市買外賣番屋企食，點知係景峰輕鐵站落車發現對面多寶大廈新開左一間壽司刺身外賣店，就一於試下，鋪名叫叄壽司凍肉專門店。 入到鋪裡面仲有凍肉同埋日韓零食代購，外賣食物種類多，有秘制醬料雞煲，雙冬支竹羊腩煲，拉麵，壽司，刺身，炸物。 今次叫左 腐皮芝士玉子壽司（2件） $40 腐皮粟米沙律壽司（2件） $24 腐皮帶子裙邊壽司（2件） $24 牛油果三文魚卷（6件）$42 鯛魚（6片）北寄貝（4片）刺身 豬骨湯叉燒糖心蛋烏冬$67 等外賣時重比韓國水蜜桃乾$109吸引住，要帶埋佢番屋企 整體每樣食物都好足料，味道好食，價錢吾貴，我已訂左盆菜$2288 （15人份量）加$80運費送屯門區，黎緊既家庭聚會唔洗煮餐飽，重要送到黎屋企，真係太好啦

我最鍾意食Jollibee 既炸雞，炸到脆皮，雞嫩又多汁，唔會太厚粉，又有雞上脾同雞鎚，啖啖肉，價錢吾貴，其他分店大多數店員英文下單，旺角呢間最好係店員識講廣東話下單 辣炸雞9件 $140 忌廉粟米雞粒飯+汽水 $34 蘑菇湯 $10

深水埗搵食 今次去左一間日式一人石燒店，會提供即棄圍裙，有免費沙律吧，任添白飯，任飲熱湯和蕃茄湯，有各種醬汁， 餐牌上有6款牛扒可選擇 （封門柳，牛柳，三拍子牛扒，西冷，三角肥牛扒和亂切Mix牛扒）

終於吾洗北上，留係香港都可以食到太二酸菜魚，位於K11購物藝術館2樓，酸菜俾起魚更加好味，連個白飯都粒粒分明，有自助吧任飲花茶，我發覺食左太二之後，吾會想再試其他店既酸菜魚

放假既屯門牛真係想留係屯門吾出去，但又好想食放題，就上openrice 搵食，係屯門市中心，交通方便，我選擇左下午去，超快入座，吾洗排隊可以直接食，食物選擇種類多，食物上枱速度快，刺身新鮮，係屯門牛不外出之選

位於中環既香港蘇折滬同鄉會一直都係會員制，只限會員入座用膳，有二層，設有獨立房間適合生日飯，朋友聚餐，家庭聚會，優質上海菜，服務質素又好，由前菜到主食到甜品都冇令我失望，係一個聚餐嘅好地方