呢間餐廳係聲稱可以睇到日落嘅餐廳 位於旺角 十分之方便 所以就搵日上去試一試 行上去環境都唔錯，只不過遲咗少少睇到日落景 ，淨係睇到夜景，喺旺角真係好少有呢啲地方。 上到嚟佢話有優惠買一個主菜送一個主菜，送嗰個已價錢較低為準 叫咗呢個肉眼扒都真係幾失望，要5成有七成， 重點係我覺得啲肉質唔靚，所以唔好食 蘆筍太老 有渣 呢個餐包反而我喜出望外，配上佢哋嘅香草牛油，真係好開胃！ 可能係牛油出色令到個包出色！想encore ! 龍蝦湯配炸雲吞，組合新穎，而且個湯都夠濃郁，唔會水溜溜，價錢亦都唔係好貴，所以下次都可以再encore！ 我係薯條大王，食過好多薯條，但係呢一個 我就唔覺得特別好，下次可以用呢個價錢食其他嘢！

繼之前食過好難食嘅土耳其菜 今次又去返信得過餐廳食 都係係女人街入面 一星期內第二次光顧 呢個係最愛嘅牛肉薄餅 好香牛油味 啲包又好有彈性 好咬口！ 係窗口見到一碌碌嘅肉 然後切落嚟嘅雞肉 味道好好 加上啲土耳其🇹🇷醬汁 沙律都好新鮮！ 之前想試好耐 但上次食咁啱冇得賣 今次再試 原來感覺好一般 自己屋企煮嘅都差唔多 下次呢個可以唔洗食 老闆娘話我哋可以試下 但一啖 我就打曬冷震 感覺好怪 可能真係食唔慣 佢哋話土耳其人係食咸嘅 😵😵😵 但老闆係土耳其人 老闆娘係香港人 所以方便溝通落單 服務又好 啲漿料唔會稀冧冧 總體都唔錯😊

平時間唔中都會同一班朋友仔過去觀塘工業區太爺雞食飯 雖然店面唔係冠冕堂皇 但係啲嘢食有質素 又唔貴 所以成日都會過嚟食 當然大家最鍾意食就係太爺雞啦 雞肉够滑夠味10分惹味 有啲人以為似係豉油雞其實就唔係 係用特製嘅植物去整汁 最高峰時期試過一個人食一隻 嗰晚五個人所以嗌咗五個餸 黑椒牛仔骨成日都食但係同埋茄子一齊炒就真係未試過 茄子十分之入味好食！ 送返100分！😍 通菜買得好好 一啲都唔老 亦都唔會唔夠味！ 次次嚟都會食！ 身邊幾位朋友都好鍾意食呢度菜 因為真係唔係好多地方有得食 加上係功夫餸 有得食都未必啱食 佢整到好鬆又唔油膩 呢個都係平時我哋成日叫但唔係周圍都整得好食嘅菜式 重點係佢個醬汁 加埋彈口嘅鯪魚球 真係好似食彈彈牛丸咁 值得推介！ 最後我最鍾意嘅就係佢哋嘅例湯 真係一啲味精都冇 次次都足料到 飲完一盅有一盅！ 但係成日都唔記得影相

話說我成日都係周圍走食晚餐
繼上一次話土耳其菜好好食之後
今晚都想食土耳其菜
所以就去咗女人街入面零一間土耳其餐廳
點知惡夢就開始啦


其實點解過嚟呢一間係因為我朋友話呢間野好好食 佢之前食過 點知去到之後成間舖滿左四成 但係廚師同侍應係同一個人
埋單又係佢 等落單都等左成15分鐘
但係我哋見到另外兩個土耳其人仲係出面吹水喎 見到有客入嚟唔執嘢唔落單
真係完全唔優做咁嘅樣
我兩個已經燥晒底

之後唯一嗰個侍應 好唔情願咁樣過咗嚟落單以後又入咗廚房 咁當然我哋都等左好耐先有我哋嗌嘅嘢食
呢個辣雞肉飯 就係我朋友話好食嗰個

點知佢一食就話 頂點解冇味道嘅 然後不停落鹽 呢個飯價值90大元


呢個牛肉kebab. 一樣都係乾爭爭冇味嘅
又價值78大元


然後最期待嘅薄餅 唔香 冇牛肉味 太硬 通常一次食嗰間完全係兩樣野

我哋兩個好失望咁食晒啲嘢打算埋單走 然後先至發覺有個貌似廚師嘅人返咗嚟 原來頭先食嗰三樣嘢 都係一個侍應O靚仔自己整出嚟 唔怪得咁好味啦
我會覺得廚師都唔喺鋪頭咁不如暫時關咗個鋪頭
好過叫晒啲客人去食你一啲唔正宗又唔好味嘅菜式

總括來講 唔會有下一次！
最恐怖嘅事係見到佢將人哋食完嗰張枱面紙 上面嘅垃圾執走之後 繼續再用返果張紙
檯面都唔使抺 你