荃灣西開咗間DONKI, 得閒都會去買嘢行街，行到攰攰地，就梗係要去搵嘢食啦。附近如心廣場有好多食肆，今日就揀咗呢一間台式餐廳。餐廳裝修簡約，店員都好有禮貌，款式都好多選擇，總有一款啱食。 紅燒燉牛腩 呢一個紅燒燉牛腩賣相唔錯，而且又開胃前菜，有一碗飯，加少少錢仲有一杯台式飲品。首先試吓個牛腩先，個牛腩瞓得好林，味道亦都好入味，牛肉味好香，仲有啲配料，白蘿蔔都好入味，用啲牛腩汁送飯，一流。 香芋紫米奶茶 香芋配紫米，呢個配搭好新鮮，但又出奇地夾，賣相都好靚，紫米好有咬口，香芋味好香，而且唔會太甜，正。 台灣香腸 一向都非常鍾意食台灣香腸，貪佢皮薄餡靚，肉味好香，而且有少少甜味，非常鍾意。 總體呢一間台式餐廳好有驚喜，雖然裝修簡約，但食物質素好好，服務亦都好好，讚！

呢度食物種類真係好多，睇Menu都用咗5分鐘。除左普通常餐之外，仲有酸辣粉、鐵板餐、撈丁等等，下午茶餐仲好抵食添！ 店員俾個餐牌我地既時候 就俾封面上既炒蛋吸引左，所以我就叫左個all day breakfast，估吾到份all day breakfast禁大份，好足料，而當中沙津係另上既，目的令沙律既醬唔會同茄汁豆撈埋一齊，呢個令我覺得比較貼心。 晚餐時間用$68包沙律餐湯同嘢飲呀，粟米什果沙律係有心機之作！生果都好多架，絕對唔係得薯仔。 冰室吃傳統英式早餐，舊式茶記沙律味道，好懷舊！用料豐富包括德國腸同埋煙三文魚，餐廳以厚牛油多士代替英式鬆餅，加上薯餅，為英式早餐增添幾分港式茶記味！成份好大份，兩個人share都絕對無問題。 加上杯紅豆冰，紅豆非常之多，用奶既比例剛剛好，紅豆又唔會好甜，係幾好飲。

今日同個朋友，去咗新泰餐廳食晚飯。我哋六點左右去到，發覺原來個場好大，好多卡位，同埋啲裝修擺設都好靚，空間感十足啊。 先講下個串燒，我覺得喺呢度嘅必食推介，首先講串燒大蝦，足足有手掌咁大，食落肉質彈牙，明顯係新鮮貨料，高質。 扇貝在家不容易處理，梗係外出點黎試試！ 扇貝肉質軟滑，帶海鮮甜味，在燒烤過程中充滿肉汁，加上蒜蓉燒，喜歡的朋友不可錯過！ 馬拉盞通菜 佢本身炒到好有鑊氣，馬拉盞唔會好辣，但夠惹味，啲菜都入味，送飯仲一流！ 主菜：越式燒春雞香茅黃飯，厚隻燒春雞上碟，十分吸睛！火喉十足，外皮香脆。 雞肉入味，雞油在燒烤過程中滲進黃飯中，十分滋味。 黃飯味道豐富除了帶有香茅，還有少許薑的香氣，味道濃旭。在旁的洋蔥沙律帶來清新的口感和衝擊，十分配合。

到朋友家小聚, 晚上到附近屋村商場覓食, 在連鎖食肆林立的商場中竟然有一家日本餐廳, 門面看起來很不錯。 被安排到裡面的卡位, 自成一角很舒適。由於時間尚早，只是晚上六時，店內都未滿座, 很快已經被安排了位置。 大家已經急不及待，所以主要點了串燒和壽司。 串燒菠蘿 $19 串燒日本新銀杏 $38 串燒走地雞胸三角軟骨 $27 鹽燒厚切牛舌心 $49 串燒性價比很高, 雞三角軟骨很香脆, 因為用左走地雞既關係，痴住少少肥膏黎燒簡直無得頂。牛舌心爽爽的容易咬開，唔同普通牛舌，口感零舍唔同之外，仲充滿汁液添。 燒菠蘿燒得微焦, 吃起來很香口。至於燒日本新銀杏就充滿新鮮感，除左翡翠綠既顏色之外，食落清淡，唔會有一般銀杏既苦味，另外桌上有七味粉和檸檬汁可以調味。 至於壽司方面，尤其火炙壽司確係幾有水準，三文魚醬油漬壽司，乾身脆脆的，配上三文魚經過醬油漬，味道豐富，鹽燒左口魚背壽司，經火炙後充滿魚油，簡單鹽燒就能帶出鮮味，每人吃四件都不覺得膩。 三重芝士煙肉焗白蘑菇，芝士控真的不可錯過，焗過的白蘑菇裡面充滿蘑菇汁，有醬爆感覺，食既時候要小心辣咀。 想不到屋村商場都會有高質素的日式餐廳, 真的是很有驚喜的一餐呢。

最近hit爆嘅Medium Rare Steak，意思係三成熟，依度嘅牛扒都係以三成熟作為烹調標準，務求煮出最佳嘅口感同口味。 餐廳一共提供3款牛嘅部位 – 肉眼、牛柳、西冷牛扒。客人可以因應喜好同食量黎揀選要幾多g嘅牛扒。 肉眼$0.29/g 牛柳$0.33/g 西冷牛柳$0.49/g Sauce方面有蔥油、洋蔥油同埋蒜油3款選擇。 仲可以加錢配白飯、沙律、味噌湯、飲品，而加$25可以係4樣之中揀3樣。 顧客首先要排隊點餐，方可入內就座。點完餐後店員會即切即磅，有機會會少咗或者多咗重量，會按番重量黎計個價錢。 今次我揀咗西冷牛扒，配蒜油，再配沙律、味噌湯同汽水。之後俾個牌你，等佢響就可以拎餐喇。 牛扒以鐵板形式上，本身係3成熟，外面煎香，鎖住肉汁，經過鐵板嘅熱力，牛扒會慢愯變成5成熟，肉香四溢，肉質嫩滑，軟熟得黎又有口感，味道無經醃過，所以個牛肉真係原汁原味，充滿肉汁。唔夠味隔離仲有一小碗柚子汁，將味道升華之餘仲可以解膩。餐枱旁邊仲有黑椒同玫瑰鹽俾客人調味。如果唔想牛扒過熟，建議盡快享用~

有位朋友好耐無見，佢係英國summer break返黎，咁就不如順便食餐晚飯啦。當然，就番朋友就揀返佢區內既餐廳啦。 餐廳位處何文田廣場之內，非常易搵，裝修簡約，樓底高，配以柔和燈光，感覺一樣蠻舒服。 餐廳設置大大個酒櫃，擺放了大量紅白酒，又架起不少枱燈，一派chill既氣氛。 店家主張意式創意飲食文化，大大個開放式廚房，廚窗仲有部分製成品作參考，同埋擺放左甜品，相信店主對自己既食物係充滿信心。 餐廳基本上喺採半自助形式，自己搵位，晌櫃枱落咗單，再由店員將食物送上，故無需俾10%服務費。至於菜式包括沙律、全日早餐、主食、薄餅、單點小食、飲品及甜品。店主喜歡主動講解menu，介紹今日新鮮材料，仲有wine pairing，朋友都話確實幾有外國餐廳感覺。 咸陽朝露 6‘’ Salted Egg-yolk Black Truffle Pizza $78 咸陽原意喺指咸蛋黃，用黎配黑松露黎整既pizza真係第一次食。Mozzarella Cheese 加上黑松露獨有既香味就知落得無手緊，每口都好有雙重香味，而且仲混有咸蛋黃碎，口感微爽，食得出喺新鮮既，味道同以上兩位主角出奇地襯。此外，餅底本身係自製零舍脆口，上面灑咗啲紅石榴、Baby spinach 增加多一啲口感同味道，令整體味道更加豐富。 虎頭蝦蜆龍蝦湯意粉 $135 呢一道意粉賣相吸引睇嚟都好足料，意粉面鋪滿虎蝦同蜆，醬汁夠多又香濃亦打得香滑，唔會越食越「乾爭爭」，整體味道唔錯每啖都充滿龍蝦味既精華。意粉同樣係廚師自製，食落有咬口感，唔會好淋身，份量亦唔少，隻碟中間位確喺頗深。 至於廚師悉心推介既Sauvignon Blanc用黎配呢道菜既海鮮，效果能夠將海鮮既after taste加強，不過前提係海鮮本身係夠新鮮既。 朋友都認同呢度既菜式材料係帶有mix & match既味道，而效果好比其他集團式西餐廳更用心更好，呢間小店確有獨特既生存之道。

荔枝角工廠林立，有好多其貌不揚的好食餐廳藏於工廠區內，piazza piazza 必定係其中一間優質餐廳，因為聽朋友講呢間餐廳好出名，所以去試一試。 餐廳店面不算好大，但環境舒適，而且背景音樂悠和，店員都很有禮貌，整體感覺很好 大蜆手打意粉(青檸味粗意大利麵） 呢間餐廳毎日廚師都會精心泡製手打意大利麵，今日既是日手打意粉就係檸味粗意大利麵，配上大蜆非常適合，青檸味更能突顯蜆既鮮味，而且第一次食粗意大利麵，很有咬口，質感非常好，好好食 原隻燒春雞 燒春雞燒得好香，擺碟亦都係經過精心設計，所以賣相好靚，雞肉好嫩滑，雞皮好香脆，而且保存到好多雞汁，又帶點香草味，好開胃，味道亦都非常之夾。呢一個春雞非常之好食，燒雞做得好出色，一定要點。 Tiramisu 甜品既質素都好好，tiramisu帶陣陣芝士同咖啡味，入口好滑，成為呢餐一個美好的總結 總括而言，喺荔枝角搵到一間唔錯既西餐，實在難得，而且價格合理，性價比極高！

完成了一個大project 約埋朋友食返餐好既。咪以為黃大仙區冇好野食 呢間和氣食堂食過幾次 價錢平民 食物質素唔錯！ *香芒燻鴨胸沙律（黑醋汁） 芒果香甜 沙律菜幾新鮮 鴨胸厚切 啖啖肉～ *清酒煮蜆 好抵食。雖然唔係大蜆 但是勝在份量多 幾鮮甜。配料有雜菌、娃娃菜。白酒湯底鮮甜！ *金蒜燒日本茄子 惹味！茄子好甜 軟熟。好入味 燒的時間適中 又香口。 *白咖哩烏冬 好特別～ 先講炸雞有水準 外脆內軟夠juicy。咖哩微辣 烏冬夠彈牙 最特別是配上凍忌廉泡泡 撈埋一齊食 都幾得意～ *千迴火烏 記得食：）燒雞翼 我鐘意食。即叫即燒 熱辣辣！外面好脆 唔會食落油膩 又唔會過熟。入味得黎帶點辛辣！ *鯛魚湯泡飯 必食！鯛魚湯底好正好清甜。帶子 大蝦大大舊 配上櫻花蝦 菠菜 芝麻等 健康而又好味之選：） 每次食呢間都唔會令人失望 推介！記得留肚食甜品～

聽朋友介紹呢到日本野其品質及性價比之高屬區內數一數二，今天終於有機會黎試下。 絹豆腐櫻花蝦溫泉玉子野菜沙律，豆腐用上了絹豆腐，絹豆腐含水量高，質地柔軟；沙律的醬汁是帶有點點甜味的麻醬，沙律菜新鮮，當中有我喜歡的牛油菜，櫻花蝦的鹹香味加上面頭恰到好處的流心蛋，好味。 火炙左口魚背壽司(鹽燒)，很喜歡左口魚被火炙過後油脂爆發的美味，油脂跟壽司飯的醋味是很要好的朋友，加上火炙後的焦香，是我必點的項目，沒有之一。 日式餃子拉麵黑蒜湯，餃子經過香煎後的油香惹人唾涎，黑蒜湯味道濃厚，跟専心只做拉麵的拉麵店不遑多讓。 串燒厚切牛脷心，此道圃上桌便聞到陣陣牛香，牛脷心口感爽脆中帶點煙靭，牛味香濃，只放少許海鹽及黑胡椒調味便已經相當好吃。 牛油果軟殼蟹手卷，軟殼蟹上到枱都仲係熱辣辣脆卜卜，加埋牛油果豐腴嘅口感，真係一啲都唔會覺得油膩。

今日突然好想吃燒肉，於是馬上約了朋友去荃灣的牛太吃燒肉。 這裡的座位很舒適👍🏼 座位夠寬敞，4人坐位都唔會覺得迫夾。而這裡裝修新淨光猛之餘，亦富有時代感，置身其中嘗燒肉確係舒服。 點餐後很快便送上了，店員細心為我們講解簡單的吃法，態度良好☺️ 我地選擇了100分鐘 $288放題餐包飲品，食物的種類很多，有73種任君選擇。只需用平板電腦落單就可以，超級方便。 特選牛胸腹肉，同埋特選牛霜降迷你扒是我必點的燒肉，兩種選擇均試晒鹽燒同燒汁味道，喜歡濃味的就試燒汁，喜歡簡單的就試鹽燒就無錯了。而且非常肥美、多汁！相當高質，大滿足呢。 除左燒牛肉，仲有試薄切牛舌同埋蔥盛牛舌，燒2-3分鐘就剛剛好了，口感爽滑，而且十分香口。 值得一提是我最愛的是用生菜將油脂滿滿的燒肉包住吃，當燒到兩面都金黃微焦，連生菜包著吃下去肥而不膩，十分甘香。生菜也是無限量供應的。 除了肉，也點了金菇及洋蔥。金菇及洋蔥還是一如既往的甜，超級好吃😋 仲有海鮮類，點了帶子和蠔，用埋牛油一齊燒，食落滑上更滑，味道清甜，係燒肉外另一好選擇。 除了肉類高質，店子連飯也有誠意👍🏼 香蔥溫泉蛋飯配黑松露醬油也點了一個來share，不知為何，雖然只有簡單的配料，蔥和溫泉蛋，飯及醬汁，但是超級好味，令人欲罷不能。 最後點埋燒菠蘿及香蕉也是同樣有質素，香蕉會另外提供朱古力醬黎燒，令人開展第二個胃。 店員最後送上名牌雪糕，為今晚完美作結。 總結而言，這家日式燒肉店非常高質，上菜速度快，服務良好。