今日男友即興想食放題,諗住有時間就過去樂天大喜屋撞下彩~過到去個店員話今晚Full bookingL諗住走個陣店員冇啦啦話有位啦喎,好似好亂咁.
入到去個場好大,但人手好足夠,而且好好禮貌~ D野食好多選擇~仲上得好快!
刺身拼盤擺得幾靚,每一塊仲切得好厚好足料!食落口好新鮮~出奇地仲有平時放題好少出現的赤蝦,所以即刻叫左黎食~好大隻好甜!
壽司唔係叫左好多種,只係叫左花之戀,芒果壽司同蟹棒壽司~呢度飯GE份量好少,唔會要食好多飯食飽你~花之戀同蟹棒壽司一般啦~冇咩驚喜~但芒果壽司酸酸甜甜, 幾好食喎~
食放題唔可以唔叫GE當然有男友最愛的海膽手卷,而呢度GE海膽手卷亦都受盡好評,不過我唔多鍾意食海膽,所以只係男友食,佢話D海膽非常新鮮, 份量細細件咁,可以食多幾件!
焗田螺D薯容幾濃味, 田螺唔腥仲好鮮味~
串燒試左佢地GE翠肉瓜同鹽燒雞翼, 燒得岩岩好, 唔會有Lon味~翠肉瓜好鮮味,不過男友唔鍾意食翠肉瓜,唯有我自己獨佔啦鹽燒雞翼好重鹽味,如果怕太咸可以加上附碟的檸檬汁, 中和番個咸味
天婦羅叫左蝦,南瓜同番薯, 個炸粉唔會好厚,唔會食到成口粉~南瓜超級甜~好好食呀!而番薯唔係一般切件的黃番薯而係小小的紫薯~味道比黃番薯更甜,而且一口的大小都方便進食~
因為見到都幾多好評,所以我地都叫左黑松露帆立貝小酥盒,但味道我覺得一般
燒菠蘿都唔錯,燒得幾好食.個菠蘿好Juicy,值得一試~
飲品好多選擇~唔錯~
甜品方面有好多種韓國雪條任拎~仲有H牌雪糕,不過得雲呢拿味~
總括黎講,呢度都唔差,但一定要訂位囉,walk in多數冇位~

買左10:25飛同男友睇戲,見仲有成個鐘,我地又唔多肚餓,經過呢度就諗住食件cake坐陣啦~
因為個陣時候都唔早,所以cake的選擇真係唔多~我地簡左Strawberry Light Cheese同Yuzu Cheesecake,店員問我地有冇the one戲飛,原來有9折~正!
不得不讚的係店員好nice好有耐性~
Yuzu Cheesecake有淡淡的柚子味,食落唔會太甜
Strawberry Light Cheese我同男友都勁讚!個草莓醬實在太好食啦~加埋軟棉棉的芝士餅底, 食多幾件都得~!
總括黎講.呢度坐得幾舒服,服務同食物都唔錯,下次經過會再黎~

潮館
本身好鍾意打冷, 仲因為9點後6折的關係好鍾意去潮館打冷, 但奈何身邊朋友都唔愛食咸, 所以一直都冇人陪我食
咁岩同男朋友係APM買左飛睇戲,見仲有時間,又好耐冇去, 咁就去潮館打冷啦
過到去唔洗等位都有位,可能已經過左最多人入的時間啦~
D位都叫闊落,服務就OK啦~
青魚
本來想叫大眼雞或者烏頭,但個店員話2樣都賣曬
得番一條青魚, 唯有要啦~鬼叫我地鍾意食魚咩
入口D肉唔散, 唔會好腥~ 加埋我最喜愛的豆醬, 真係好正!
霸王花湯
見到個Menu有D湯做緊特價~好似做緊10幾蚊~所以叫左一個同男朋友share
10幾蚊心諗都係比D味精湯我架啦,點知飲落口,又唔係喎!
味精的味道可以話幾乎冇, 霸王花味都幾清甜~
但加雞腳我覺得有D奇怪
南瓜烙
之前都係食羅白烙,今次試下食南瓜烙先
食落都唔差喎, 個人覺得2種都好食
南瓜烙甜D, 羅白烙就爽D, 睇你個人喜好啦
不過2個人食真係有D大份, 如果3-4個人食就岩岩好啦~
蠔餅
都幾足料幾多蠔~但食落口有D太油, 如果可以再少D油就完美啦~
 
 
埋單300幾,都唔叫貴.但個人覺得比起以前差左,希望可以改善

好耐冇去Munch食嘢啦！今晚約咗朋友食飯又忽然想起呢間餐廳，又俾我book到位喎！😁
我book咗個window seat，環境唔錯又可以慢慢傾下計。
朋友呢期海鮮敏感，不能食我最愛嘅蟹餅啦！😓
我想飲紅酒，就叫侍應介紹咗支法國嘅。飲落又唔錯，易入口又不太苦。
我自己點咗蠔湯，個湯好有濃郁蠔鮮味仲有粒粒蠔肉，跟埋塊薄脆一齊食一流。😀

我朋友就喜歡鵝肝，不過都幾貴，但見佢表面有D burn 又夠脆，裏面又熱又軟心都抵嘅。👍🏻

主菜就係巴馬火腿雞扒同依比利豬背扒

雞扒好juicy！亦有Parma Ham 嘅咸香，襯埋個薯蓉亦唔錯。
豬背扒就比較特別，因為係5成熟。😱我都係第一次食半生嘅豬肉！但確實非常嫰滑亦好有肉味。值得推介。
朋友對呢間餐廳十分滿意，佢話價錢合理。呢餐佢請架😆下餐再到就我請啦！😃

今日同朋友食完飯諗住食糖水, 見到其他甜品店都排曬長龍, 見到明師博唔洗排隊, 加上之前食過荃灣分店都唔差, 所以就入去試下啦!
 
 
西瓜盅
手掌大小的西瓜盅, 內裹有新鮮生果, 上面有一球朱古力雪糕, 而且把西瓜盅挖出來的果肉打成西瓜汁配上, 生果的份量還算豐富, 但其實呢個組合唔係太夾~
生果冇咩特別,整個西瓜盅雖然好食,但冇驚喜。
 
白酒果凍
淡淡酒味的果凍,旁邊配有新鮮水果,食落口酒味唔會好重,好易入口,都唔錯!
 
總括黎講,質素一般般.價錢都唔算平,咁的價錢咁的質素可以有更好的選擇,同荃灣分店差太遠,應該冇下次了

有日收工想食個TEA,諗起附近有間環境唔錯的CAFÉ,所以去試下~
個度的格局好特別,充滿了特色的小物~而且唔會太多人,店員都唔會因坐得耐而黑面,可以好好過一個寧靜的下午~
All day breakfast
睇餐牌時已經比佢吸引左,所以叫左黎食~
黎到賣相唔錯,不過真係D野食太多油,感覺好油膩~
仲有茄汁豆變壞左,所以有D減分~
個牛角包有D乾.唔太好食
 
野菌玉子煙肉卷
因為見到有好多人推介所以試下,一吉落去蛋汁就流出黎,將煙肉同野菌點上蛋汁食,個口感好奇妙,都幾好食,但都係覺得太多油
 
雜莓窩夫
Raspberry與Blueberry配上雪糕再淋上朱古力醬~
Raspberry與Blueberry個味好夾, berry的味道平衡左朱古力醬的甜味,令整個窩夫唔會有過甜的通病.個感覺唔錯,亦係我唯一覺得好食的
 
 
總括黎講,呢度係一個放鬆心情的好地方,但如果食物質素提高就更好。

 

有日收工想食個TEA,諗起附近有間環境唔錯的CAFÉ,所以去試下~
個度的格局好特別,充滿了特色的小物~而且唔會太多人,店員都唔會因坐得耐而黑面,可以好好過一個寧靜的下午~
All day breakfast
睇餐牌時已經比佢吸引左,所以叫左黎食~
黎到賣相唔錯,不過真係D野食太多油,感覺好油膩~
仲有茄汁豆變壞左,所以有D減分~
個牛角包有D乾.唔太好食

晚飯過後經過呢間新開的甜品店, 作為觀塘甜品達人的我, 點可以唔入去試呢!
入到去已經比舒服的環境同漂亮的店員吸引.
我地叫左韓式蜜瓜冰同朱古力魔球
韓式蜜瓜冰
店員一捧過黎已經嚇親,份量真係好大!最上係雲呢拿雪糕,中間係一個個圓圓的蜜瓜球,而最底係刨冰底,入口唔會好甜,個味幾清,都幾好味! 但建議2個人食會食得冇咁辛苦!
朱古力魔球
好耐之前上網見到呢款甜品已經好想試下,估唔到呢度有得食!
外層係一個有紫色閃粉的朱古力球, 入面係雪糕同吉士醬,外圍仲有D生果同餅乾碎!
可能我影相有D耐,倒上朱古力醬後外層有少少唔溶!
食落完全冇想像中咁漏同甜,因為佢地用的係dark chocolate!
朱古力味好濃,好好食!
總括黎講,呢間甜品店雖然價錢唔係叫經濟,但質素唔差,遲D一定再去!

今日放工突然想食Pizza,所以去左試California~
我地點左Pizza,忌廉芝士意大利雲吞,牛油果沙律同唔記得咩名卷
個意大利雲吞忌廉同芝士味好濃厚,咸咸地咁,好好食!!可能係我本身都鍾意食忌廉同芝士的關係,
不過我覺得如果份量多D就好
牛油果沙律普普通通,D沙律菜都幾新鮮,牛油果唔會太生.但冇咩驚喜
個卷我覺得有D辣, 就算唔點醬都好辣
至於個Pizza 幾好食.批底夠乾身,番茄同芝士味好重
應該會再去