今日放假約左朋友行山，行山前去左元朗市區搵食，見到開左好多吸引既cafe，最終我地揀左依間餐廳，因為比餐廳既裝修吸引住，除左用湖水綠色作為主要顏色，仲有白色既圓形拱門，忍唔住拉開度門入內試試。我地叫左兩款午餐，餐飲都揀左蘋果汁。而是日既餐湯係南瓜忌廉汁，賣相吸引之餘，仲有濃濃既南瓜香味。 1. 黑松露炒蛋配牛角包 牛角包又熱又鬆軟，都有小小脆口既。至於蛋又大份又滑，仲有黑松露既香味配合。 2. 雜菌扁意粉配芝士忌廉汁 意粉既軟硬適中，加埋拉到絲既芝士忌廉汁，賣相吸引。

之前係元朗經過依間餐廳個陣已經好想試，可惜個日已經食左其他野食唔落。今次就專登約左朋友黎愉景新城食番依間餐廳，我地早上11點40分到，餐廳有大部分既位置已經有客人坐低，估計係區內都幾受歡迎。我地叫左兩個午餐，最後仲食埋甜品，個肚好滿足。 1. 鮮蟹肉扁意粉配蟹膏，蝦膏及忌廉汁 飲品加左錢叫左熱既蜜桃紅茶，餐廳仲提供左個壺，個杯可以倒滿3次。至於意粉真係好味，每條意粉都有蟹膏蝦膏既味道。 2. 煙肉，白菌及車打芝士通粉 加配餐湯及牛角包 餐湯係蘑菇湯。至於通粉有濃厚既芝士味，質感比較淋。 3. 自家製意大利芝士蛋糕 Tiramisu份量好大，味道唔會太甜。

上個月同朋友踩單車由大圍踩入大埔，然後就係大埔超級城休息下兼食個下午茶。我地四個人分別叫左四個唔同既野食，不過餐飲都係配凍既檸檬蜜糖。 1. 綠茶窩夫 窩夫又熱又脆，配上綠茶雪糕及紅豆蓉，味道不錯。 2. 焦糖香蕉窩夫 窩夫既質素真係唔錯，依個就配上香蕉及雲呢拿雪糕。 3. Oreo麻糬流心吐司 有少少竹炭味既吐司賣相非常吸引，仲見到吐司上有麻糬、oreo及雪糕作為配合。切出黎既時候有朱古力醬流出，非常特別。 4. 黑松露軟殼蟹意大利粉 軟殼蟹並沒有想像中咁熱咁脆，不過配上熱呼呼既黑松露意粉，味道都算okay。

之前有同朋友食過旺角既桔硬店，而家知道佢係牛頭角商廈地區開左姊妹店，當然要去朝聖，於是平日既2點左右就帶左媽媽過黎試試。我地兩個人各自叫左杯熱飲及主食，覺得十分滿足。另外。餐廳仲有出售麵包及餅乾類既食物，大家都可以選擇買番去做下午茶或宵夜。 1. 台北燉牛肉意粉 牛肉上有唔少芝士粉調味，加埋肉碎同麻香既汁配意粉，十分惹味。好彩個汁既麻既味道較突出，唔會太辣。覺得依個味道幾特別，好少有機會食咁既味道既意粉。 2. 炸魚薯條 芝士粉下既魚柳同薯條都香脆可口，另外配有一個酸辣既醬料。份量頗大，我地都食剩少少薯條。 3. Hot Latte 4. Hot Earl Grey Tea

Megabox既餐廳選擇有好多，今日就同朋友黎到依個商場食午餐。好得意既係送餐服務由列車運送，令到我地時常望住條路軌，睇下d食物幾時送達。落餐既時候係用平板電腦下單，減少食客及侍應既接觸，非常適用於疫情時期。 1. 火炙刺身丼定食 刺身有三文魚及左口魚，份量適中。 2. 日式叉燒烏冬 叉燒大大件，可惜烏冬既份量較少。 3. 溫泉蛋黑豚腩肉定食 一刺身溫泉蛋就有好多蛋汁流出，而黑豚腩肉又肥美又好味。 4. 滑蛋鰻魚定食 滑蛋比起鰻魚既份量多，都正常既，不過覺得鰻魚凍左小小。

燒肉一向係我既最愛，而韓燒更係我既首選！見到德福廣場有新開既燒肉店，所以就同媽媽係平日黎試試。餐廳都幾大，提供唔少既座位，不過冷氣比較大。除左小菜可以添加之外，韓燒既爐邊分別有芝士粟米同泡菜滑蛋，都係可以無限添加。我地都加左兩次，不過有d比較年輕既男侍應就成日唔理我地既要求，所以我地需要叫幾次先加到。我地叫左兩款食物，價錢係二百蚊樓下，午市係無加一！ 1. 澎湃章魚海鮮拉麵 見到個麵個陣仲以為係烏冬，同想像中偏黃色既麵唔同，係偏白色既。好彩味道都唔錯，又有湯既味道，仲有好多海鮮配菜。 2. Set A 雜錦燒肉餐，有食堂黑毛豬五花肉、護心肉、食堂梨汁雞肉 重點當然係食燒肉，不過唔想太熱氣，所以只係叫左一個套餐。雞肉同豬肉都好好味，特別係豬，醃左既汁係哂塊肉度，味道濃厚。

鐘意睇韓劇同綜藝既我成日都好想食韓國菜，今晚係megabox行ikea既時候，就search到依間餐廳。然後睇完傢俬就上左6樓試點。餐廳非常大，座位都坐得幾舒服。我地叫左3種食物及一杯飲品，都只係200幾蚊，餐廳仲接受支付寶付款！ 1. 辣炒年糕配特選紫菜卷 叫左小辣，所以甜醬既味道比起辣味更重。年糕既份量及軟硬度適中，菜式上仲有5件飯卷。 2. 泡菜豬肉石頭飯 石頭鍋飯能夠保存飯菜既熱度。除左辣味外，食到小小飯焦。非常之辣，飯量亦非常大份。 3. 炸雞 炸雞又脆又嫩，雞塊唔會太大舊。 4.水蜜桃檸檬冰茶

今日中午同兩位朋友黎到九龍灣，想食西餐既我地不經不覺就黎到依間餐廳。依間餐廳有提供 lunch set ，我地分別叫左三款不同既主食，再加配凍既果茶。 1. 烤美國春雞半隻，香草燒薯，檸檬迷迭香汁 春雞大大隻，又有嫩肉又有脆皮，口感不錯。 2. 烤蘑菇忌廉汁闊條麵，香草燒雞胸，燒野菌 忌廉汁唔會太膩，闊條麵軟硬適中，有小小野菌點綴，仲有雞肉配送。 3. 松子香草汁長通粉 非常適合食素既人士，除左松子仲有沙律菜，香草汁既長通粉口感煙韌，不過食完依個長通粉既我唔係幾夠飽。

早前係openrice預訂左依間餐廳，所以星期六係附近既商場行完街就黎試下晚餐。可能時間太早既關係，即係晚上6點左右，未係太肚餓既情況下，我地兩個人分別只叫左一個主食，大約300幾蚊。 1. 鮮蟹肉闊條麵 闊條麵真係又闊又厚，加埋蟹肉汁味道不錯。 2. 特級盛典漢堡配黑松露薯條 漢堡飽配上肉汁鮮美既漢堡扒，肉扒唔會太硬或太淋。薯條係粗身個款，又熱又脆，仲有配埋黑松露醬。 期間見到隔離枱叫左其他小食同飲品，賣相都幾吸引，下次有機會再黎試下。

琴晚突然間想食日本野，咁岩經過利東街，所以就揀左依間日本拉麵店試下。每個晚餐都會附送小食、汽水或野菜沙律。我地兩個人叫左兩個晚餐，一共250蚊。 1. 櫻花蝦龍蝦湯拉麵 龍蝦湯既味道尚可，不過覺得湯既分量可以再多小小。麵條比較幼身，質感都唔會太淋。拉麵內仲有溫泉蛋、叉燒及櫻花蝦作為配菜，十分豐富。 2. 辛辣豚骨拉麵 拉麵裏面都有溫泉蛋及叉燒，辣度都適中。 3. 日式炸豆腐 豆腐香脆，仲有小小甜甜地既汁，味道唔錯。 4. 香煎豚肉餃子 餃子裏面有粟米粒，感覺怪怪地，都係中意食番d普通既餃子。 5. 汽水或野菜沙律