打電話book枱接線生好好禮貌，唔會講收線，亦好樂意回答問題，並計劃生日驚喜。

Book咗七點半不過我哋七點鬆啲就到咗，馬上就有近窗大枱比我地。餐廳環境舒適唔太嘈又唔太靜，裝飾掛畫都頗有格調。另外洗手間都好乾淨。

我哋叫咗個二人套餐，包括兩個餐湯、沙律、Baby back ribs & chips、pasta、兩杯餐飲。再加nachos同 snacks platter、rib eye with Mac & cheese，最後再叫一份甜品。二人套餐只有兩碗餐湯，侍應見我哋有五個人，就俾咗三隻碗我哋，好細心。沙律比較有味。小食拼盤有薯皮、雞肉薄餅同雞翼。Nachos都幾好食。兩份mains。豬肋骨唔錯，不過可以更入味。薯條唔錯。
肉眼扒我哋order左medium rare，但感覺比medium rare生，肉汁唔係好出但都算OK。最後order甜品，餐廳都好醒目咁樣記得我先前落訂時嘅request。Apple crumble幾好食，心太軟唔夠流心，不過都okay，美祿朱古力批幾有趣，New York cheese cake唔錯。最緊要壽星開心，都幾好食。

整體來講餐廳都唔錯，食物可以進步，不過最欣賞都係侍應們細心、有禮貌、服務周到。