平常甚少在觀塘區食飯，但素來聽聞於觀塘區上班的朋友食飯多選擇，今日剛好過來觀塘區工作，經過東商場，發現入面很多不同的食肆，其中經過一間裝潢充滿日式復古味道的拉麵店，決定午餐好好獎勵自己。 我們選擇了單邊的座位，甫坐下侍應即遞來餐牌及點單的膠牌，十分欣賞這個下單的安排，相比起用紙張下單，這種下單方式既清晰亦環保。 餐廳共有七款拉麵選擇，我選了極上濃蝦湯叉燒拉麵，朋友則選了明太子豚骨清湯叉燒拉麵，另外我們亦加配了飲品及小食。 蝦湯拉麵時常都是我的首選，這一間的拉麵標榜無味精，果然蝦湯很濃郁，入口帶有蝦的清甜，而且湯夠味得來不會很濁，過往有食過一種很濃郁但很涸喉的蝦湯拉麵，這一碗絕對沒有這一問題。 很慶幸我加配了粟米，蝦湯加上粟米是我的最愛，再配上軟硬及粗幼適中的拉麵，很快便把整碗拉麵消滅了。 而我朋友的拉麵配有明太子十分特別，我喝了一口豚骨清湯加一些明太子，明太子味道帶有輕微的辣口感，十分惹味。 同樣地，我們一致認為這裡的拉麵真的沒有味精。 雖然我們加配了汽水及凍玄米茶，但到麵吃完我們還剩下大半飲品，證明湯底既濃但不會每人感到口渴。 至於小食方面，我們點了餃子及炸蠔，十分香口惹味，拉麵配炸物簡直完美。

聽朋友介紹話食過呢間放題唔錯，野食即整夠熱夠新鮮，就黎試下佢啦！ 為左避開人潮同用早鳥優惠價，五點零六點就黎到，人唔係好多，但到7點左右就好多人，差不多坐滿！ 食物種類都好多，幾吸引！ 本身唔係特別鐘意食魚生，所以都唔係嗌左好多。但佢個油甘魚同池魚等都好鮮甜，加上厚切好有口感！好味喎！ 壽司都好好多款，件件細細件，唔會食飯食到飽晒！👍🏻👍🏻 黑松露鰻魚一定要食，好香黑松露味，加上沾滿鰻魚汁既鰻魚食，好夾好好食！ 鐘意食鰻魚既朋友一定唔可以放過！成舊鰻魚燒，好厚切，啖啖肉！燒到外脆肉軟，應該用左啲白酒去燒，加上有少少焦香，超好味！ 甲羅燒 好濃既蟹膏味，有少少蟹肉係入面，夾係塊餅去食好高享受！ 除左雪糕櫃外，仲有幾款甜品可以嗌，呢個流心牛角包好食！脆脆既牛角包入面係滑流既流心奶黃！超級好食！ 飲品都好多選擇！ 有凍有熱！岩晒不同人既選擇！ 最欣賞係呢個抹茶紅豆！紅豆好棉，抹茶又夠濃，仲可以任飲，正！ 超級滿足既一餐！ 呢度既食物同其他放題食物種類有少少唔同，唔會甘悶！全五⭐️⭐️⭐️⭐️⭐️！推薦！

牛之鍋，可以話係我近期食過最好食嘅一間打邊爐餐廳，估唔到而家仲有餐廳可以做到咁低價，咁高質素。 我哋一打開個電話諗住落單，估唔到佢有咁多嘢食，佢嘅數量係比一般嘅餐廳多一倍以上。而家好多打邊爐嘅餐廳偷工減料，夜晚食飯只係得幾樣嘢可以叫，而且價錢一啲都唔平。而且可以食夠兩個鐘，慢慢食，消化完再食。 食物嘅質素亦都非常之高，佢有好多種唔同嘅海鮮可以俾我叫，嚟到之後，你可以見到有部份嘅蝦仲識得郁，啲貝類海產都係非常之大隻，而且仲可以任叫任食，墨魚滑入面真係有大大粒墨魚。 之後我哋叫咗唔同款式嘅牛肉，而家好多餐廳都係將啲說到硬晒嘅牛肉直接放上枱，賣相都已經唔好睇，但係呢度嘅牛肉，全部都紅卜卜，好飽滿，睇落係非常之新鮮，食落去都好多肉汁。 除咗打邊爐嘅配料之外，亦都有好多熟食，各種唔同嘅小食都應有盡有，一定會有啱你食嘅。有時帶埋老人家嚟食，佢哋唔食生冷嘢，都有好多熟食可以即刻食，唔使佢哋等肚餓。 甜品方面都係，款式實在太多啦，根本冇可能食晒咁多款。我哋最後揀咗同榴槤有關嘅甜品食，例如有個榴槤雪糕，佢真係有大大嘅榴槤肉喺入邊。仲有個榴槤pancake，一切開入邊，忌廉同埋榴槤肉嘅比例係一比一，你可以想像下，佢哋真係蝕本。仲有得任叫任食，真係好抵。所以大家一定要試吓。

回家途中經過見到幾吸引就試下啦！ 款式都多，有壽司、刺身、丼飯同定食等。 燒牛肉定食 有沙律、螺肉、飯同主菜。 燒牛肉係肥牛，但唔算好肥，用洋蔥去炒，有牛味，甜甜地，份量好夠！ 豬軟骨定食 豬軟骨好淋，好入味，又唔會太咸，舊舊都好大舊，好夠食！好味！ 簡左幾款壽司，料同飯都多，望落去都好大舊。材料好新鮮，無腥味，食落好鮮甜！ 帶子好厚身，食落啖啖肉！ 尤其是呢個赤身蝦，好大只！好鮮甜爽口！食完仲想食🤣 雖然我只係叫左一盒壽司，但店舖都絕唔馬虎，俾左一大塊冰塊保持溫度，抵讚！ 一定有下次既外賣店！

我同朋友都好鍾意食海鮮餐，所以搵下有咩性格比高既海鮮餐廳，係網上見到人推介呢間，話老闆係做海鮮批發，會自己搵一啲時令獨特既海鮮，每日空運到港，聽見都覺得吸引！最重要係價錢唔係好貴，每人四百幾，食完你會覺得超抵！！ 首先上一盤六款既海鮮，有日本大元貝、韓國釜山珍珠蠔、日本野生大赤蝦、台灣九孔鮑魚、大西洋野生青口同螺。 全程有職員蒸俾你，完全唔洗擔心蒸過龍，浪費左啲海鮮，全部時間配合得好好，剛剛熟就食！ 赤蝦好大只，肉質爽口，鮮甜！蝦頭有勁多膏，好甜美！ 鮑魚一啲都唔韌，好彈牙爽口。 只蠔好好好肥美，咬落去爛漿甘，好juicy !!!好滑，淡淡既海水味，好清甜！ 中意食蠔既一定唔可以放過！ 第二盤上既又係超吸引！！全部都係獨特既海鮮，出面未必食到！ 澳洲青年龍蝦、左邊係菲律賓奄仔蟹、右邊係太平洋饅頭蟹。 唔好睇佢細細只，但其實呢只饅頭蟹係較大既size, 入面好多膏！好多肉！ 職員話呢種蟹唔係時時有，係呢期佢地求偶期，出水面先捉到！真係時令蟹！ 啲膏多到呢！ 膏好清甜，蟹肉勁嫩滑！ 呢個奄仔蟹係老闆親自去簡，唔靚唔要架！ 膏更吸引！望見到知好味！ 呢個相對饅頭蟹更多肉，肉都係好嫩滑！ 兩款蟹都超好食，果然係蟹仙！ 龍蝦肉好彈牙爽口！啖啖肉！ 最後食埋埋個粥底，都咪話唔飽，但個粥有晒啲精華，唔係唔食嘛？😆😆 好清甜既粥底，好重蟹既味道，好好食！ 估唔到，最後用現金或轉數快俾錢仲會送甜品:雪燕椰汁露，唔會太甜，雖然好飽，但因為好吸引，都食晒，好味！！ 圓滿既一餐！ 絕對會再去既餐廳，海鮮性格比好高！可以用抵食去形容！正！

今日出街做野，完左就買外賣返公司食，行過見到有吞拿魚專門店，就俾佢吸引左！ 午餐有約十個丼飯選擇，仲有啲手捲，壽司等。 最後叫左三色藍鯨吞拿魚丼 餐包丼飯，湯同沙律 吞拿魚頭面豉湯，超濃味，有好多既材料，幾舊吞拿魚頭肉，成個湯好香，好好飲！ 三色丼好吸引中意食吞拿魚魚生既我！！ 有赤身、中拖同大拖，各兩件。每件都厚切。 食落好鮮甜，無筋，啖啖肉，一啲都唔腥。 仲有其他丼飯選擇，但主要只藍鯨吞拿魚為主，中意食吞拿魚既值得一試！

搬左入元朗都一段日子，發掘緊呢區有咩好食，見谷友係谷度介紹過呢間餐廳就黎試下 客家風味酸蘿蔔 醃得好入味！又唔係太酸，有啲甜甜地既醬油味，好爽口！好食又開胃！ 叫左壺蘋果茶，淡淡既蘋果味，消濟一流！ 白灼薑蔥珍珠蠔 無沙，雖然細細粒，但脹卜卜，點少少豉油食，唔錯！ 東江鹽焗雞 呢度係半只，但好大只，份量好多，好肉又唔肥膩。平時好驚鹽焗雞好咸，呢個味道剛好，唔好太咸，有雞味。 皮薄，皮下無物脂肪肥膏，雞肉好嫩滑！😋😋 魚湯海味粉絲雜菜煲 個魚湯好好味！好清甜！ 有蝦乾、魷魚同瑤柱等。雜菜吸晒湯既精華，正！ 重慶酸菜魚 做特價，$98，有一大條黃立倉！ 魚肉新魚，嫩滑，個湯酸辣酸辣，好惹味！ 豬潤帶子粥(心肝寶貝粥) 粥底好綿！大大塊既厚切豬潤同帶子，食落好爽口！個豬潤無得輸，無腥味，又有口感！正！ 樣樣都岩食，食到好飽！會想再去既飯堂！

同朋友慶祝生，千挑萬選簡左呢間餐廳。 雜誌介紹呢間係以海膽為主題的食店，包括海膽刺身、唐揚免治雞肉海膽流心蛋、立鱗燒配海膽汁、海膽茶碗蒸等，就連海膽雪糕都有，超特別！ 而海膽係由日本直送，所以吸引左黎試下！ 餐廳位於Zine! 10樓，新開無耐，有戶外地用餐地區，環境舒服！ 竹炭麵包配海膽醬⭐️⭐️⭐️⭐️ 麵包微暖，外脆內軟，好香口。 海膽醬超濃郁，好似食緊啖啖既海膽甘，又creamy ! 正！ 磯煮花螺⭐️⭐️⭐️⭐️⭐️ 一定要點埋啲汁食，甜甜地，入晒味，花螺好肉，無沙又爽口！加埋少少蔥花既香味，無得彈！ 刺身盛盒，五款⭐️⭐️⭐️⭐️⭐️ 賣相一流，呢個又係必食！ 有三文魚腩、油甘魚、吞拿魚、螺同牡丹蝦 兩個字:鮮。甜。 刺身件件厚切，好肥美！油甘魚爽口鮮甜，三文魚腩可以用肥甘味美、肉嫩油豐黎形容，好好食！ 牡丹蝦好大只！肉質好爽口，鮮甜，係我食過最大只既牡丹蝦！ 腹脅牛肉⭐️⭐️⭐️⭐️⭐️ 生熟度剛剛好，剛熟到粉紅色的肉。 有少少油脂分佈，咬落好juicy ，好嫩滑，又有牛味！左上方既配菜都好好食，由幾款唔同既菜夾住整成，好特別！ 月見免治雞肉棒⭐️⭐️⭐️⭐️ 剛剛燒起，好香口，仲熱辣辣，點埋個雞醬油食好夾！ 豚肉紫蘇卷⭐️⭐️⭐️⭐️ 平時好少食紫蘇，但呢個組合出奇地夾！ 豚肉燒到好脆口，有鹽燒咸香味，夾埋紫蘇葉既香味食好特別！幾好食喎！ 生日飯又點可以無甜品？ 柚子味雪芭⭐️⭐️⭐️⭐️ 有粒粒既果肉，好濃既柚子味，yummy!! 芝士蛋糕⭐️⭐️⭐️⭐️⭐️ 好濃好creamy 既芝士味，好食！ 好滿足既晚餐！職員推介依家仲做緊清酒買一送一，但我地唔飲酒，所以無嗌，大家可以一試！ 推介！

今晚有事情辦夜左，好肚餓，成八點先食野，食放題就最岩啦！🤣yoho食放題既唔多，食燒肉既更少，什至無？🤔 佢有幾款放題俾你簡，之前食過樂天和牛，今日就試佢個薩摩和牛先！ 仲會免費送牛舞拼盤同任食涮涮鍋！ 涮涮鍋我地簡左牛骨湯底，個湯超濃！湯內既牛肉好淋！好味！一啲都唔輸泄燒肉！ 其中一啲火鍋既食材 牛舞拼盤，有牛有豬有雞。 牛好juicy !!無醃過，食落好新鮮，好有牛味！👍🏻👍🏻 主角！薩摩牛！ 睇個樣都知正！未食已經流晒口水🤤🤤🤤 之前東張都有介紹鹿兒島名物「薩摩和牛」，原來薩摩牛出產自鹿兒島，當地牛隻以熊本米為飼料，飲用的水更來自櫻島火山的火山泉水，礦物質尤其豐富，造就了薩摩牛的完美肉質。 而進口香港的薩摩牛，均指定由連續五年獲南九洲共勵會優秀賞的薩摩牛飼養員大村稔飼養。 可見相當矜貴 薩摩牛相對其他和牛，其肉色較紅、油分更高，脂肪溶點只有28度，而人體口腔是34度，故能做到入口即溶的效果。超juicy ，超好味！食完真係無得返轉頭！ 而另一個值得推介既係甲羅燒 簡左薩摩牛餐既可以任食！😎😎其他餐要$98兩個，依家幾大都食多幾個！ 蟹膏蟹肉超多！好濃既蟹味，食落有海鮮既清甜味！一流！ 任食既種類好多，不能盡錄 呢個係樂天和牛，仲有其他海鮮、豬、雞、炸物、刺身等！超豐富！ 推薦大家要食呢個薩摩和牛放題！你就會明我講物野！

勁耐無食過放題啦，燒肉放題更耐無食過 利舞臺呢間坐得好舒服，光線又充足，好乾淨！ 最重要係呢牛好靚，上碟又快又準確！ 我地叫左樂天澳洲和牛餐，可以簡既食物種類都好多！有雞、牛、豬、海鮮、魚生、蔬菜同炸物等。喜歡既仲可以打埋邊爐🤣🤣 而肉類分無醃同有醃，醃左既多數係韓辣醬或燒汁。因為肉類好新鮮，所以我地多數嗌無醃既，原汁原味！ 每枱會送一個牛舞拼盤！最好食係左上既和牛，雪花分佈平均而juicy ！入口即融，好好味！！可惜只有兩片🙈🙈 燒得好靚，唔洗點醬汁都已經好好食！！ 望見都流口水🤤🤤 雖然係醃左，但唔會好濃，唔會蓋過啲肉味。 每次份量唔會好多，可以試多幾款 啲肉有少少雪花，食落唔會好韌，好有牛味同多肉汁！ 仲有海鮮都係任嗌，生蠔好大只，甜美！ 虎蝦大大只，肉質都好爽口！ 魚生新鮮，但唔係叫左好多，因要留肚食燒肉 炸物即叫即炸，熱辣辣，有我最中意食既榴連炸彈 燒蔬菜或打邊爐，自己去雪櫃夾，都幾多款簡！😎😎 好豐富既燒肉餐！好好食同好滿足，會再去！