2024.1.30 Tue😋 今晚去咗間好正扒房餐廳。好多男人3，5成群放工來happy。 餐廳最特別係，想食牛扒，係要自己去門口凍肉櫃揀，好多款，不同國家，部位都有，揀完，之後返埋位，waiter會過來問你要煮幾成熟。 🌟今次揀咗澳洲肉眼牛扒，肉質腍，牛味中上濃。廚師手勢好，煎得剛好，好香。配埋特製蘑菇醬，更野味。仲有好多特製醬揀(+$15) 🌟炸薯條$78，炸大啡菇配黑松露$78，出色！ 🌟冬季松露闊蛋麵$238，都唔錯，闊麵口感煙韌，有咬口。 🍷7pm前，酒類仲有buy1get1free

2023.12.22 Fri 經過銅鑼灣來試下新開burger店😊唔。。第一次食，確實係有驚喜。 🌟招牌炒滑蛋三文治$69，蛋確實炒得好香好滑，加咗少少香草，有夠鹹味，好正。麵包好鬆軟，夠熱夠大個 🌟芝士漢堡三文治$83，嘩好驚喜係入面塊醃青瓜竟然係甜😮(唔似平時一般店好鬼酸，酸都食唔落)，甜甜地令我更加想食，正。咁牛肉同包都係好食，而且仲有夾住煎得好靚嘅流心蛋，小心食果時流到成手都係😆 🌟招牌蛋薯蓉加法包$58，流心蛋做得好好，超流心，薯蓉香滑，成件事夾岩係出色味道。呢個醬搽落麵包食又得，齋食佢都得。

2023.12.17 係沙田新城市商場搵好嘢食😋呢間西餐食物唔錯，食味配搭都有些特別。 💕💗pancake做得超好食！😋係超好食！值得一試。但今次好難忘，係我地一家從來未食過咁鬼酸芒果🥭酸到眼都開唔到，臉形嚴重扭曲果隻😅根本未熟！！同店員講，佢好似唔多信我地咁，又話我地都係同一批貨來咁咁咁(同一批貨，唔代表個個芒果都靚嘅！)，不過佢都有俾返少少草莓藍莓補償下。 ((水果味$108，芒果味期間限定$145。美中不足最衰芒果咁酸！其實一睇咁淺黃都知酸啦！不過估唔到酸到癲覆想像😆) #不過我都係會再來食㗎因為其他食物都好好味 職員都ok服務 呢個入面雞肉味道都點不喜歡 呢個好食 pancake超好食

今日好開心去間新餐廳食嘢。重點係，樣樣都超水準👍🏻！！！連爸爸都讚☺️ 真係忙到好耐無寫食評。。。我就一路食，一路同家人講食評🤣 🌷日式紅酒燉牛面肉蛋包飯$145💕 (嘩！真心好耐無食過好食嘅蛋包飯！自問要求高！而呢個蛋包飯，真心高質。蛋好滑，好完整，食落滑口有蛋香。炒飯，唔知係唔係有酒味，竟然係好食！紅酒汁，真係食到有紅酒味！好味！牛面肉都腍。整體好高分) 🌷日式炸豬排飯$138 (豬排炸得幾好，好脆，無油膩感！肉唔會死實實。南蠻塔塔醬，好香洋蔥蛋白味，我嫌俾得太少🤣) 🌷海鮮意粉$92 (食到有龍蝦汁，海鮮都新鮮，意粉軟硬適中，好味） 🥃草莓沙冰(叫正餐後+$28) 🥃抹茶麻糬沙冰(叫正餐後+$28)💕 嘩👍🏻抹茶超好飲！唔會太甜又唔苦又唔澀！真係好正。連麻糬都係超好食，100分！Q硬度100分！ 點解得1粒咁少㗎！！！ 🍰伯爵茶戚風蛋糕(+$32） 好香伯爵茶味。蛋糕有濕潤度，唔會乾口。唔錯。 🥔連小食：薯仔沙律都好好食。 🌸餐廳滿滿打卡位，食物高質，環境又靚🌸 岩哂一家大小，朋友聚會☺️

2022.6.13 Mon Lunch 😋呢餐lunch，由前菜，主菜，甜品，都好好味，真係好難得，性價比算ok。 🥰有我非常鍾意芝士波波，好新鮮，好creamy，好香芝士味，係香港食到呢個質素，真係好難得，超滿足💗💗💗肉丸大粒，肉醬汁都好正。 🤩主菜係手制意粉，食得出係手工制，彈牙啲，有口感啲。🦐要讚大蝦墨汁意粉，嘩！難得意粉上嘅大蝦係咁香蝦味，又彈牙又大隻，🈵️💯真係100分。意粉蕃茄汁帶微辣，好味 😍甜品: tiramisu 好香咖啡味，cream又滑又香，加上少少酒味濕潤蛋糕，食多多都唔膩，又係非常高分，令人難以忘懷！

2021.12.18 Sat 🥳Disney Hotel Lunch Buffet 🥳提早來食🎄聖誕buffet🎄 第2次來，基本上食物種類同上次7月31日的一樣，係甜品多咗好多聖誕造型，係吸睛😊 。 😋性價比高的一餐，食物質素高，而且餐廳裝修真係好靚 🐭🐕今日有聖誕米奇&高飛影相😊 食物方面: 😍上次有和牛涮涮鍋，和牛真係好正，但今次得特上牛肉，味道當然無上次咁好食，食過上次無得同今次比。 🥩無牛扒，豬扒。有火雞，有牛肉串燒(唔錯) 🦞有龍蝦伊麵，龍蝦肉好食 其他冷盤，熱盤選擇。。。。 🍨🍧🍰🎂甜品類: 好多迪士尼裝飾甜品，而且好多款都好食，唔係得個樣，唔錯👍 但雪糕都係得一款，海鹽雪糕，略鹹。款太少了。 (2:30-4:30pm $438/ppl)

🥳迪士尼酒店華特餐廳Hightea + 慶祝生日🥳 用餐時間 3:30pm 下午茶時段 。 非常滿意的一餐，十分驚喜Hightea 每樣食物都好食😋係每樣都好食(4.8/5)，非常高質！大讚 (但hightea 食物會轉變，唔擔保下次一樣咁好食㗎😆)。 🎂仲有慶祝生日，訂咗迪士尼鮮雜果忌廉蛋糕！大佬，好食過出面連鎖蛋糕店太多了！🤩雜果的確非常非常新鮮，而且連內餡都係用新鮮水果整，非常難得，而且重點係整個蛋糕用非常少cream！(相比起連鎖蛋糕店用cream比例愈來愈多，差不多6/4比例，愈來愈唔好食！)😊迪士尼蛋糕確實高質，大讚！ 🎄仲有餐廳，同酒店已經有聖誕佈置，好靚 ＜Hightea＞ ◇鹹食: 🌿魚子醬蟹肉撻(滿滿蟹肉，好香，食落滿足感爆)， 🌿焗香草牛油田螺撻(好似平時食薯蓉焗田螺咁，好味道)， 🌿M6和牛串(燒得好香，肉味夠，好味)， 🌿紅菜頭三文魚筒(有驚喜，好食) ◇甜食: 🌿米奇鬆餅好好食🥰！！！！！ 🌿卡通曲奇餅，好脆，好食，有塊仲係花生醬味，特別！ 🌿最頂層3款甜點都好好食，紅莓朱古力蛋糕，好正 ◇飲品: 🍹柚魅泡泡，有無酒精選擇，易入口，好味 。 Hightea $548/2ppl Cake $350/1磅

Lunch 真係好多人，但餐廳大，1pm等約20分鐘入到。食物真係好正，價錢合理。 😋餐湯(蘑菇忌廉湯，超濃郁好味，粒粒蘑菇又有口感)，沙律(橙好甜，沙律菜又新鮮，汁好fresh)，主菜(3款都咁正: 紅酒燴牛尾，蘑菇雞肉芝士pizza，蘑菇雞胸野菌忌廉手製闊條麵)都好味，難怪成日都咁多人。😊😊 🍹仲有杯熱情果冷茶都好正，跟餐，又大杯。 Lunch set $112 +10% 🎂呢度仲有好多蛋糕，賣相超吸引！

2021.7.31 Sat 🌟🥳Disney Hotel Lunch Buffet 🥳🌟 性價比好高的一餐，食物質素高，而且餐廳裝修真係好靚💛🌸🌹🌷🌿🍁🌻🥰唯一不足係地方太大，拎完食物行好遠先返到位，而且得2小時進食(連埋等位入，同卡通人物影相，真正食嘢時間少過1.5hr)。 🌟收費: $438 +10%， 金卡會員，單數月份有75折優惠。(請提早預約) 🐭🐰今日好彩呀，有米奇米妮影相😊每枱只可排隊影一次。餐廳裝修真係好靚，四處都係影相位。 食物方面: 😍有和牛涮涮鍋，和牛真係好正，可以不停叫佢即煮 🥩無牛扒，但有豬扒(好腍，好食)，羊扒(老公話好羶)，有牛肉串燒(唔錯) 🦞有龍蝦伊麵，龍蝦肉好食，彈牙的 其他冷盤，熱盤都多選擇。。。。 🍨🍧🍰🎂甜品類: 好多迪士尼裝飾甜品，而且好多款都好食，唔係得個樣，唔錯👍 但雪糕得一款，海鹽雪糕，略鹹。款太少了。

2021.7.17 Sat Lunch 經過幾次都好多人排隊，今次終於食到啦！order 2人餐 $198 🥢蚵仔酥有驚喜，好好食，大大粒蠔仔加薯粉炸成😋 🍚滷肉飯都好食，就算食哂成碗都不腻，滷得好，不會感肥膩。 🍜2人餐嘅麵大大碗，配料有7款，都好食，但湯很少 🍨最後試埋甜品，燈籠芋見你$48，我覺得偏甜咗少少，配料有芋泥，紅豆泥，芋圓，冰，仙草等，整體不過不失。 😊店員有善，如果下次唔洗排咁耐，都會想試埋其他滷水料。